Jeje Ko Rekwojarjar
Katak im Bujen Ko 121


Jekjōn 121

Jar im kanaan ko jeje jān Josep Smith Rikanaan ilo juon lōta n̄an Kabun̄ eo ke ekar juon rikalbuuj ilo kalbuuj eo ilo Liberty, Missouri, raan eo 20 M̧aaj 1839. Rikanaan eo im elōn̄ m̧ōttan rekar pād ilo kalbuuj ium̧win allōn̄ ko. Peba in kajjitōk im bar akweļap ko kar jei n̄an opija ro reutiej im jikin ekajet rekar aolep likjab n̄an kōjo̧o̧r er.

1–6, Rikanaan eo ej akweļap n̄an Irooj kōn en̄taan eo an Ro Rekwōjarjar; 7–10, Irooj ej ekkōnono aenōm̧m̧an n̄an e; 11–17, Lia ej aolep ro rej lelōn̄tak kūr ko reriab in bōd ņae armej ro an Irooj; 18–25, Er eban wōr aer jim̧we n̄an priesthood eo im renaaj jako; 26–32, Revelesōn ko reaiboojoj kar kallim̧uri n̄an ro ren kijenmej ilo peran; 33–40, Etke elōn̄ kūri er im jet wōt kāālete er; 41–46, Aikujin kōjerbale priesthood eo ilo jim̧we wōt.

1 O Anij, kwo pād ia? Im ia eo em̧ nuknuk eo ej kalbubu ajikin tilekek eo Am?

2 aEwi toun naaj an Peim tōt wōt, im M̧ājam̧, aaet māj ko Mejam̧ rerreo, lo jān lan̄ ko ejjeļo̧k jem̧ļo̧kier bōd ko ņae armej ro Am̧ im ko ņae ro karejeram̧, im an ikkūr ko aer deili Lo̧jiln̄ūm̧?

3 Aaet, O Irooj, aewi toun naaj aer en̄taan kōn bōd kein im kebiōp kein rerupe kakien, m̧okta jān an Būruōm̧ naaj meoeo kake er, im aolepān Am̧ em̧m̧akūt kōn tūriam̧o kake kōn er?

4 O Irooj Anij aEkajoor Bōtata, rikōm̧anm̧an in lan̄, laļ, lo̧jet ko, im in aolep men ko kobbaer, im eo ej kajebwābweik im peek devil eo, im mo̧jen eo emarok im enijōk an Sheol—erļo̧keļo̧k Peim; Mejam̧ en kabejļo̧k; em̧ nuknuk eo Am̧ en wanlōn̄ļo̧k; bjikin tilekek eo Am̧ en jab ņojakļo̧k wōt; Lo̧jiln̄ūm̧ en ron̄jake; Buruōm̧ en meoeo, im aolepān Am̧ en em̧m̧akūt kōn tūriam̧o kake n̄an kōm.

5 Am̧ inepata en urur ņae rikōjdat ro am; im, ilo illu eo an Būruōm̧, kōn jāje eo Am̧ aidenoņeik kōm jān bōd kein ņae kōm.

6 Keememej ro rekwōjarjar ren̄taan Am̧, O am Anij; im ro karejeram̧ renaaj m̧ōņōņō ilo Etam̧ indeeo.

7 Nejū m̧aan, aenōm̧m̧an en n̄an am; mennin ajum̧ae kein am im en̄taan kein am renaaj n̄an jidik wōt iien;

8 Innām, eļan̄n̄e kwo naaj akijejetoiki em̧m̧an, Anij enaaj kotak eok ijo eutiej; kwo naaj anjo̧ ioon aolep rijum̧ae ro am.

9 Ro ajeram̧ rej jutak ippam̧, im renaaj nebar eok bar juon alen kōn bōro ko remāāņāņ im pā ko relem̧ōņōņō.

10 Kwe kwo jan̄in āinwōt aJob; ro jeram̧ rej jab akwāālel ņae eok, im jab ņa ruōm̧ kōn bōd, āinwōt rekar kōm̧m̧an n̄an Job.

11 Im ro rej ņa ruōm̧ kōn bōd, kōjatdikdik eo aer enaaj m̧adeon̄eon̄, im kōtmāne ko aer renaaj ōnļo̧k āinwōt am̧ōļawi in bon̄ ej ōnļo̧k im̧aan koonaļ ko rebwil n̄e ej taktok;

12 Im barāinwōt bwe Anij Eaar door Pein im sil eo An n̄an ukōti aiien ko im tōre ko, im n̄an kapiloik ļōmņak ko aer, bwe ren maron̄ jab meļeļe jerbal ko An rekabwilōn̄lōn̄; bwe En maron̄ idajon̄jon̄e er barāinwōt im bōk er ilo jerbal in m̧oņ eo aer make;

13 Barāinwōt kōnke burueer raankeke, im men ko me rem̧ōņōņō in bōktok ioon ro jet, im iakwe n̄an kaen̄taan ro jet, en maron̄ itok aioer make n̄an lukkuun eddo in tata;

14 Bwe ren maron̄ rup burueer barāinwōt, im kōjatdikdik ko aer ren maron̄ m̧wijkōk;

15 Im ej jab lōn̄ iiō jān iien in, er im ro ineer naaj pookļo̧k er jān ium̧win lan̄, Anij ej ba, bwe ejjeļo̧k juon iaer ej pād n̄an jutak iturin wōrwōr eo.

16 Lia ej aolep ro renaaj kotak jim̧win neer ņae ro Iaar akapit er, Irooj ej ba, im lam̧ōj rekar bjero̧wiwi ak rekar jab jero̧wiwi Im̧aō, Irooj ej ba, ak rekar kōm̧m̧ane men eo me ekkar ilo Meja, im men eo me Iaar jiron̄ er.

17 A ro rej lam̧ōj bōd rej kōm̧m̧ane kōnke er rej rikarejeran jero̧wiwi, im er make rej ro anejin kipiliia.

18 Im ro rej kanejnej riab ņae ro karejera, bwe ren maron̄ bōkļo̧k er ilo ineen kōm̧akoko im mej—

19 Wo n̄an er; kōnke rekar aļōkatipi ro reddik Aō naaj kanooj m̧wijitļo̧k er jān bkain̄i ko an m̧weo Im̧ō.

20 aIep eo aer ejjāmin obrak, m̧ōko im̧weer im im̧ōn mennin mour ko aer renaaj jeepepļo̧k, im er make naaj matōrtōre er jān ro rekar m̧oņe er.

21 Er eban wōr aer jim̧we n̄an apriesthood eo, im jab ro ineer tok ālikier jān epepen n̄an epepen.

22 En kar aem̧m̧anļo̧k n̄an er n̄e juon dekā irir eaar lokjak ikōnwaer, im rej maļon̄ ilo m̧wilaļ ko in lo̧meto.

23 Wo n̄an aolep ro rej kabwilōn̄lōn̄e armej ro Aō, im lukwarkware, im urore, im kam̧ool ņae er, Irooj in Inelep eo ej ba; juon aepepen in jedpānit viper ko eban jo̧o̧r jān ko̧kkure an hell.

24 Lo, Meja rej aloe im jeļā aolep jerbal ko aer, im Iaar jabwiki juon bekajet einnitōt ilo tōre eo an, n̄an er aolep;

25 Bwe ewōr juon aiien jitōn̄e n̄an armej otemjej, ekkar n̄an naaj wāween bjerbal ko an.

26 Anij enaaj lewōj n̄an eok ajeļāļo̧kjeņ jān bJetōb Kwōjarjar eo An, aaet, jān mennin cletok eo jab maron̄ kōmmeļeļeiki an Jetōb Kwōjarjar, eo jan̄in kar kwaļo̧k e jān jinoin kar laļ m̧ae kiiō;

27 Eo ro jemād rekar kōttare kōn eļap kōtmāne bwe en kwaļo̧ke ilo iien ko āliktata, eo ļōmņak ko aer eaar m̧alōkļo̧k jān enjeļ raņ, āinwōt kar jabwiki n̄an tarlep in aiboojoj eo aer;

28 Juon iien ej itok eo ilo e aejjeļo̧k naaj dāpiji, eļan̄n̄e ewōr juon wōt Anij ak elōn̄ banij raņ, renaaj alikkar.

29 Aolep tūroon ko im mo̧jen ko, tōln̄an ko im kajoor ko, naaj akwaļo̧ki im likūti ioon aolep ro rekar kijenmej ilo peran kōn gospel eo an Jisōs Kraist.

30 Im barāinwōt, eļan̄n̄e ewōr atōrerein ko likūti n̄an lan̄ ko ak n̄an meto ko, ak n̄an āne em̧ōrā, ak n̄an al, allōn̄, ak iju ko—

31 Aolep iien erro̧o̧lo̧l ko aer, aolep raan ko karōke, allōn̄ ko, im iiō ko, im aolep raan ko in raan ko aer, allōn̄ ko, im iiō ko, im aolep aiboojoj ko aer, kakien ko, im iien ko kajejjeti, naaj kwaļo̧ki ilo raan ko in atarlep in tōrean iien bōk eddo ko—

32 Ekkar n̄an men eo kar kōmālimi ilubwiljin aKo̧o̧njeļ eo an bAnij Ejjeļo̧k Jem̧ļo̧kin an aolep anij ro jet m̧okta jān an kar laļ, bwe en jabwiki n̄an dedeļo̧k eo im n̄an jem̧ļo̧kin, n̄e armej otemjej renaaj deļo̧n̄ļo̧k ilo cim̧aan Mejān indeeo im ilo dkakkije eo An.

33 Ewi toun an maron̄ dān ko rej ibebtok ettoon wōt? Ta kajoor eo enaaj dāpij lan̄ ko? Ejja āinwōt an pen an armej erļo̧ke pein jidikdik n̄an kabbōjrake Missouri reba ilo kooj eo an em̧ōj karōke, ak n̄an ukōte lōn̄ļo̧k, āinwōt n̄an kapan̄ Eo Ekajoor Bōtata jān lutōklaļtak ajeļāļo̧kjeņ jān lan̄ ioon bōran Ro Rekwōjarjar ilo Raan Ko Āliktata.

34 Lo, elōn̄ ro akūri er, a jet wōt bkāālete er. Im etke kar jab kāālete er?

35 Kōnke burueer rej kanooj likūti ioon men ko an alaļ in, im jibadek butiej ko an armej raņ, bwe rej jab meļeļe katak in wōt—

36 Bwe ajim̧we ko an priesthood rej ekkejelļo̧k im jamin jekadļo̧k jān bkajoor ko an lan̄, im bwe kajoor ko an lan̄ jab maron̄ kajeikiki ak kōm̧akūtkūti ak ioon wōt pedped ko an cwānōk.

37 Bwe ren maron̄ likūti iood, e m̧ool; a n̄e jej kate kōj n̄an akalbubu bjero̧wiwi ko ad, ak n̄an kabun̄-būruōn cjuwa eo ad, kōttōpar ko ad rewaan, ak n̄an kōjerbal ankoņak ak bōkjab ak kipel ioon jetōb ko an ro nejin armej raņ, ilo jabdewōt jekjek in jab wānōk, lo, lan̄ ko make rej djenļo̧k; Jetōb eo an Irooj ej būrom̧ōj; im n̄e ej jenļo̧k, Amen n̄an priesthood eo ak maron̄ eo an ļeo.

38 Lo, m̧okta jān an kile, ļeo em̧ōj kōmake ian, n̄an abwijļo̧ki men ko rekkan̄, n̄an bmatōrtōre ro rekwōjarjar, im n̄an tariņaeik Anij.

39 Jekar ekkatak jān imminene kabbūrom̧ōjm̧ōj bwe ej apaotokin im jekjek in enan̄in aolep armej raņ, ilo iien eo wōt rej bōk jidik maron̄, āinwōt aer bōklōkōt, renaaj kanooj m̧ōkaj im jino n̄an kōjerbal bōkjab ej jab wānōk.

40 Āindein elōn̄ kūri er, a jet wōt kāālete er.

41 Ejjeļo̧k kajoor ak jelōt emaron̄ ak aikuj in dāpiji jān wōt priesthood eo, en jān wōt ajeļā ņae, jān bmeanwōd, jān meoeo im ettā bōro, im jān iakwe jab ankilaan riab;

42 Jān jouj, im lukkuun jeļāļo̧kjeņ, eo enaaj kanooj kōļapļo̧k jetōb eo ilo ejjeļo̧k am̧oņ, im ilo ejjeļo̧k betao

43 aKauwe ilo iien ko rejim̧we ilo jejjet, n̄e kōm̧akūt ioon jān Jetōb Kwōjarjar; innām kwaļo̧k ālikin wōt ļapļo̧k in biakwe n̄an eo im kwaar kauweiki, n̄e eab watōke eok juon an rikōjdat;

44 Bwe en maron̄ jeļā bwe am m̧ool ej kajoorļo̧k jān tomede ko an mej.

45 Aolepān am̧ en barāinwōt obrak kōn iakwe-em̧ool n̄an armej otemjeļo̧k, im n̄an nukwin eo an tōmak, im aerreo en kainōknōk bļōmņak ko am ilo ejjeļo̧k m̧wijkōk; innām am peran enaaj kanooj kajoor ilo im̧aan mejān Anij; im katak in priesthood eo enaaj wōt-dikdiki am āinwōt cm̧ōļawi jān lan̄.

46 aJetōb Kwōjarjar enaaj m̧ōttam iien otemjeļo̧k, im jokoņam̧ juon jokoņan wānōk im m̧ool ej jab ukoktak; im bmo̧jen eo am enaaj juon mo̧jen ejjeļo̧k jem̧ļo̧kin, im kōn ejjeļo̧k wāween kipel ko enaaj to̧o̧rwaj n̄an eok indeeo im indeeo.