Tusitusiga Paia
Mataupu Faavae ma Feagaiga 122


Vaega 122

O le afioga a le Alii ia Iosefa Samita le Perofeta, a’o avea ma pagota i le falepuipui i Lipereti, Misuri. O le vaega lenei o se fuaitau mai se tusi aloaia i le Ekalesia na tusia i le aso 20 o Mati, 1839 (tagai i le ulutala o le vaega 121).

1–4, O le a fesilisili tuluiga o le lalolagi i le igoa o Iosefa Samita; 5–7, O ona tiga ma mafatiaga uma o le a maua ai e ia le poto masani ma avea mo ona lelei; 8–9, O le Atalii o le Tagata na afio ifo o ia i lalo o nei mea uma.

1 O le a fesilisili tuluiga o le lalolagi i lou aigoa, ma o le a fai oe ma tauemuga a tagata valelea, ma o le a tete’e malosi seoli e faasaga ia te oe;

2 A’o e loto mamā ma e atamamai, ma e malualii, ma e amiomama, o le a saili afautuaga, ma le pule, ma faamanuiaga mai lalo o lou lima e lē aunoa.

3 Ma o le a lē liliu lava faasaga mai ia te oe lou nuu i le molimau a tagata faalata.

4 Ma e ui lava o a latou uunaiga o le a lafo atu ai oe i faalavelave, ma i pa ma puipui, o le a faamamaluina oe; ma ua nao mo sina ataimi itiiti, ona sili atu ai lea o le matautia o lou leo i totonu o ou fili nai lo le eleona fe’ai, ona o lou amiotonu; ma o le a tu i tafatafa o oe lou Atua e faavavau ma faavavau lava.

5 Afai e valaauina oe e te ala atu i puapuaga; afai e faalavelavea oe i totonu o uso pepelo; afai e faalavelavea oe i totonu o faomea; afai e faalavelavea oe i le laueleele po o le sami;

6 Afai e tuua’ia oe i ituaiga o tuua’iga pepelo uma; afai e pa’u’ū mai ou fili i luga o oe; afai latou te vavae ese oe mai le mafutaga ma lou tamā ma lou tinā ma uso ma tuafafine; ma afai e toso ese oe e ou fili i le pelu faalālā mai le loto o lau avā, ma lau fanau, ma lou atalii matua, e ui ina na o le ono tausaga, o le a piimau i ou ofu, ma fai mai, Lo’u tamā e, lo’u tamā e, aisea e lē mafai ai ona e nofo ma i matou? E, lo’u tamā e, o le a le mea o le a fai e tagata ia te oe? ma afai o le a tulei ese o ia mai ia te oe i le pelu i le taimi lena, ma toso atu oe i le falepuipui, ma taulamalama ou fili ia te oe e pei o aluko mo le toto o le tamai mamoe;

7 Ma afai e lafo oe i totonu o le lua, po o lima o e fasioti tagata, ma tuu mai le faaiuga o le oti i ou luga; afai e lafo oe i le aloloto; afai e taupulepule galulolo o le sami e faasaga mai ia te oe; afai e avea matagi malolosi ma ou fili; afai e faapotopoto e le lagi le pogisa, ma aufaatasi elemene uma e pupuni le ala; ma i luga o mea uma, afai e tatala faamaga lautele mai e auvae lava o eseoli le gutu ia te oe, ia e iloa, lo’u atalii e, o nei mea uma e te maua ai le ipoto masani, ma o le a avea mo ou lelei.

8 Na aafio ifo le eAtalii o le Tagata i lalo o i latou uma. Ua sili atu ea oe ia te ia?

9 O lea, piimau i lou ala, ma o le a atumau le perisitua ia te oe; ona ua faatulagaina o latou etuaoi, e le mafai ona latou sopo’ia. Ua iloa ou iaso, ma o ou tausaga o le a lē faitauina itiiti mai; o lea, oaua le mata’u i mea e mafai ona fai e tagata, aua o le a faatasi le Atua ma oe e faavavau faavavau lava.