Katak Im Bujen Ko

Jekjōn 122

Naan eo an Irooj n̄an Josep Smith Rikanaan eo, ke juon rikalbuuj ilo kalbuuj eo ilo Liberty, Missouri. Jekjōn in ej juon m̧ōttan bōke jān lōta n̄an Kabun̄ in raan in jeje eo an ej Maaj 20, 1839 (lale jōbbōran jekjōn 121).

1–4, Jem̧ļo̧k ko in laļ renaaj kajjitōk kōn etan Josep Smith; 5–7, Aolep uwōta ko im en̄taan ko an renaaj leļo̧k n̄an e imminene im renaaj n̄an em̧m̧anļo̧k eo an; 8–9, Eo Nejin Armej eaar wanlaļļo̧k ium̧wier aolep.

1 Jem̧ļo̧k ko in laļ renaaj kajjitōk kōn aetam̧, im ro rebwebwe renaaj bōk eok ilo kajjirere, im hell enaaj bwiltōn̄tōn̄ ilo illu ņae eok;

2 Ijoke ro rerreo ilo bōro, im ro remālōtlōt, im ro rirajimjim, im ro rewānōk, renaaj kappukot akapilōk, im maron̄, im kōjeraam̧m̧an iien otemjej jān ium̧win peim.

3 Im armej ro am rej jamin oktak ņae eok jān naan in kam̧ool an rikinaakļo̧k.

4 Im men̄e aer bun̄bun̄ enaaj joļo̧k eok ilo apan̄, im ilo kājōjō im kein-m̧ōko, kwo naaj pād ilo utiej; im n̄an ajidik wōt tōrean im ainikiōm enaaj ļapļo̧k an kanooj kaammijak ilubwiljin rikōjdat ro am jān bļaioon elāj, kōnke wānōk eo am; im am Anij enaaj jutak iturum̧ indeeo im indeeo.

5 Eļan̄n̄e kar kūr eok n̄an deblo̧ke en̄taan; eļan̄n̄e kwe kwōj pād ilo kauwōtata ko ilubwiljin ro jeiūm̧ im jatūm reriab; eļan̄n̄e kwe kwōj pād ilo kauwōtata ko ilubwiljin ro rikwowadon̄; eļan̄n̄e kwe kwōj pād ilo kauwōtata ko ilo āne ak ilo lo̧jet;

6 Eļan̄n̄e kwe kar ņa ruōm̧ kōn wāween riab otemjeļo̧k; eļan̄n̄e rikōjdat ro am renaaj wōtlo̧k ioom; eļan̄n̄e rej kekōlļo̧k eok jān jukjukin pād eo an jemam̧ im jinōm̧ im em̧m̧aan im kōrā ro jeiūm̧ im jatūm; im eļan̄n̄e kōn jāje em̧ōj nōōre rikōjdat ro am rej kekōlļo̧k eok n̄an ubōn kōrā eo pāleem̧, im jān ro ineem, im ļeo erūtto nejūm̧, mekarta n̄e jiljino wōt iiō dettan, naaj eddāp wōt n̄an nuknuk ko am, im naaj ba, Jema, jema, etke kwōj jab maron̄ pād ippām? O, jema, ta ļōm̧arein rej itōn kōm̧m̧ane n̄an eok? innām eļan̄n̄e naaj kōjipeļļo̧k eok kōn jāje eo, im iberļo̧k eok n̄an kalbuuj, im rikōjdat ro am rej kōppao ipeļaakūm āinwōt akidu oļip ko n̄an bōtōktōkin lamb eo;

7 Im eļan̄n̄e renaaj joļo̧k eok ilo ron̄ eo, ak ilo pein riuror ro, im jem̧ļo̧k in mej ej likūt ioom; eļan̄n̄e renaaj joļo̧k eok ilo am̧wilaļ eo; eļan̄n̄e ņo n̄irn̄ir ko rej pepe ņae eok; eļan̄n̄e kōto kajoor ko rej erom am rikōjdat; eļan̄n̄e lan̄ ko rej nijōkļo̧k, im aolep lan̄ im kobban rej koba n̄an pinej iaļ eo; im ilōn̄in aolep, eļan̄n̄e atlaļ im atlōn̄ ko in bhell rej kanooj eļļan̄ ilokam̧, kwōn jeļā, nejū m̧aan, bwe aolep men kein otemjeļo̧k renaaj lewōj n̄an eok cimminene, im naaj n̄an em̧m̧anļo̧k eo am.

8 Eo aNejin Armej eaar bwanlaļļo̧k ium̧wier aolep. Kwe kwo ļapļo̧k jān E ke?

9 Kōn menin, pād wōt ilo iaļ eo am, im priesthood eo enaaj apād wōt ippam̧; bwe bjem̧ļo̧k ko aer em̧ōj karōki, rej jamin eļļā. cRaan ko am em̧ōj jeļā kaki, im iiō ko am rej jamin iietļo̧k; kōn menin, djab mijak ta armej emaron̄ kōm̧m̧an, bwe Anij enaaj pād ippam̧ indeeo im indeeo.