Vaega 122

O le afioga a le Alii ia Iosefa Samita le Perofeta, aʼo avea o ia ma pagota i le falepuipui i Lipereti, Misuri, Mati 1839 (History of the Church, 3:300–301).

1–4, O le a fesilisili tuluiga o le lalolagi i le igoa o Iosefa Samita; 5–7, O ona faalavelave ma mafatiaga uma o le a maua ai e ia le poto masani ma avea mo ona lelei; 8–9, O le Atalii o le Tagata na afio ifo o ia i lalo o nei mea uma.

 O Le a fesilisili tuluiga o le lalolagi i lou aigoa, ma o le a fai oe ma tauemuga a tagata valelea, ma o le a ʼatigu seoli e faasaga ia te oe;

 Aʼo e loto mamā ma e atamamai, ma e agamalu, ma e amiomama, o le a saili afautuaga, ma le pule, ma faamanuiaga mai lou lima e lē aunoa.

 Ma o le a lē liliu lava faasaga mai ia te oe lou nuu i le molimau a tagata faalata.

 Ma e ui lava o a latou uunaiga o le a lafo atu ai oe i faalavelave, ma i pa ma puipui, o le a faamamaluina oe; ma ua nao mo sina aminute itiiti, ona sili atu ai lea o le matautia o lou leo i totonu o ou fili nai lo le eleona feʼai, ona o lou amiotonu; ma o le a tu i tafatafa o oe lou Atua e faavavau ma faavavau lava.

 Afai e valaauina oe e te ala atu i puapuaga; afai e faalavelavea oe i totonu o uso pepelo; afai e faalavelavea oe i totonu o faomea; afai e faalavelavea oe i le laueleele po o le sami;

 Afai e tuuaʼia oe i ituaiga o tuuaʼiga pepelo uma; afai e pauu mai ou fili i luga o oe; afai latou te vavae ese oe mai le mafutaga ma lou tamā ma lou tinā ma uso ma tuafafine; ma afai e toso ese oe e ou fili i le pelu faalālā mai le loto o lau avā, ma lau fanau, ma lou atalii matua, e ui ina nao le ono tausaga, o le a piimau i ou ofu, ma fai mai, Loʼu tamā e, loʼu tamā e, aisea e lē mafai ai ona e nofo ma i matou? E, loʼu tamā e, o le a le mea o le a fai e tagata ia te oe? ma afai o le a tulei ese o ia mai ia te oe i le pelu i le taimi lena, ma toso atu oe i le falepuipui, ma taulamalama ou fili ia te oe e pei o aluko mo le toto o le tamai mamoe;

 Ma afai e lafo oe i totonu o le lua, po o lima o e fasioti tagata, ma tuu mai le faaiuga o le oti i ou luga; afai e lafo oe i le aloloto; afai e taupulepule galulolo o le sami e faasaga mai ia te oe; afai e avea matagi malolosi ma ou fili; afai e faapotopoto e le lagi le pogisa, ma aufaatasi elemene uma e pupuni le ala; ma i luga o mea uma, afai e tatala faamaga lautele mai e auvae lava o eseoli le gutu ia te oe, ia e iloa, loʼu atalii e, o nei mea uma e te maua ai le ipoto masani, ma o le a avea mo ou lelei.

 Na aafio ifo le eAtalii o le Tagata i lalo o i latou uma. Ua sili atu ea oe ia te ia?

 O lea, piimau i lou ala, ma o le a atumau le perisitua ia te oe; ona ua efaatapulaaina o latou tuaoi, e le mafai ona latou sopo mai. Ua iloa ou iaso, ma o ou tausaga o le a lē faitauina itiiti mai; o lea, aua le omataʼu i mea e mafai ona fai e tagata, aua o le a faatasi le Atua ma oe e faavavau ma faavavau lava.