1 Im bar juon alen, kōmij jakem̧aanwaj n̄an ami watōke ekkar eo an aolep ro rekwōjarjar aini juon jeļā kōn aolep m̧ool ko, im en̄taan ko im ko̧kkure ko likūt ioer jān armej in Bukwōn in;

2 Im barāinwōt kōn aolep m̧weiuk ko im jon̄an jorrāān ko rekar bōki, jim̧or ilo etaer im jorrāān ko n̄an ānbwinnier, barāinwōt n̄an m̧weiuk ko retōt;

3 Im barāinwōt āt ko etan aolep armej ro ekar wōr peier ilo kebiōp ko aer, toun wōt aer maron̄ bōk er im lo er.

4 Im bōlen juon komiti maron̄ in jitōn̄e n̄an pukoti men kein, im n̄an bōki ennaan ko im peba in kam̧ool ko; im barāinwōt n̄an aini ennaan ko jei ko im reko̧kkure im reriab im rej eppepe wōt;

5 Im aolep ko ilo magazine ko, im ilo encyclopedia ko, im aolep bwebwenato ko reko̧kkure im reriab ko im em̧ōj likūti ilo bok, im ko rej jeje, im jān wōn, im jakem̧aantak koba in men kein im nanatata in aer jelōt doon im jipel eo elāj im euror eo kar kōm̧m̧ane n̄an armej rein—

6 Bwe jen maron̄ jab wōt kabun̄bun̄ļo̧k n̄an aolepān laļ, ak jakim̧aanļo̧k n̄an bar ko an kien ilo aolepān mōraer emarok im āinwōt hell, āinwōt juon kakkōt āliktata eo jiron̄ kōj jān Jemād Ilan̄, m̧okta jān ad maron̄ ilo likiion im dipiio akweļap kōn kallim̧ur eo me enaaj kūrtok E n̄an jikin ^atilekek eo An; im barāinwōt bwe aolep laļ in en maron̄ jab wōt an jekpen m̧okta jān An jilkinļo̧k kajoor in Pein ekajoor Bōtata.

7 Ej juon jerbal eaorōk jem̧uri ippān Anij kake, ippān enjeļ raņ, ro im ippāer naaj bōktok kōj n̄an jutak, im barāinwōt ippān kōj make, ippān kōrā ro pāleed im ro nejid, ro kar kōm̧m̧an bwe ren bun̄badik kōn inepata, būrom̧ōj, im jeļāņae, ium̧win pein ko̧kkure tata in uror, kairoojoj, im kebiōp, rieļo̧k im rōjan̄ļo̧k im kotakļo̧k jān jelōt an jetōb eo me eaar kanooj kajoor kapenļo̧k tōmak ko an ro jemāer, ro rekar jolōte riab ko, ioon būruōn ro nejier, im kar kobrak laļ kōn pok, im ekar eddek kajoorļo̧k im kajoorļo̧k, im ej kiiō lukkuun unjān aolep ijurwewe, im aolepān ^alaļ ej n̄irļo̧k ium̧win eddo in an nana.

8 Ej juon ^aine aen, ej juon korak ekajoor; rej lukkuun koran pā ko, im tomede ko, im jakōļ ko, im lokjak ko an hell.

9 Kōn menin ej juon jerbal jem̧uri kake, jaab ippān wōt kōrā ro pāleed im ro nejid make, ak ippān kōrā ro ejako pāleer im ro ejako jemāer, ro ļōm̧aro pāleer im ro jemāer kar ^aurore er ium̧win pā aen ko an;

10 Eo jerbal ko renijōk im marok an rebwe n̄an kōm̧m̧an bwe hell make en m̧akūtkūt, im n̄an jutak laļboņ im u, im pā ko pein lukkuun devil n̄an wūdiddid im kā.

11 Im barāinwōt ej juon jerbal eaorōk jem̧uri kake ippān aolep epepen eo ej jerkaktok, im ippān aolep ro rerreo ilo burueer—

12 Bwe ej wōr wōt elōn̄ ioon laļ ilubwiljin aolep kabun̄ ko, jar ko, im tōmak ko, ro rej ^apilo jān m̧oņ ko rettino an armej raņ, ro rej kōppao im kōttar n̄an m̧oņe, im ro dāpiji er jān m̧ool eo kōnke rej ^bjab jeļā ia eo ren pukote ie—

13 Kōn menin, bwe jen maron̄ joļo̧k im kōmaatļo̧k mour ko ad ilo bōktok n̄an meram aolep mennin ^aņojak ko an marok, jon̄an ad jeļā kaki; im rej lukkuun alikkar jān lan̄—

14 Men kein reaikuj in tōprak kōn eļap laļn̄ijn̄ij.

15 En ejjeļo̧k armej ej watōki āinwōt men ko reddik; bwe eļap me ej pād n̄an ilju im jekļaj, ekkejelļo̧k n̄an ro rekwōjarjar, ko ej pedped ioon men kein.

16 Kom̧ jeļā, m̧aan ro jeiū im jatū, bwe juon wa eļap ej kanooj ^ajeraam̧m̧an jān juon jila ekanooj dik ilo iien an lan̄ bun̄, jān wōt kajebwābweiki ippān kōto eo im ņo ko.

17 Kōn menin, ro jeiū im jatū rejitōnbōro, jen kōm̧m̧ani aolep men kein ilo ^am̧ōņōņō ko im rej pād ilo ad kajoor; innām jen jutak pen, kōn jeļā ekanooj dim, n̄an lo ^blo̧mo̧o̧r an Anij, im n̄an an kwaļo̧k Pein.