ພາກທີ 124
ການເປີດເຜີຍທີ່ມອບໃຫ້ແກ່ໂຈເຊັບ ສະມິດ ຜູ້ເປັນສາດສະດາ, ທີ່ເມືອງນາວູ, ລັດອິລິນອຍ, ວັນທີ 19 ເດືອນມັງກອນ, 1841. ເພາະວ່າມີການຂົ່ມເຫັງ ແລະ ການເຮັດຜິດກົດໝາຍເພີ່ມທະວີຫລາຍຂຶ້ນຕ້ານເຂົາເຈົ້າໂດຍເຈົ້າໜ້າທີ່ລັດຖະບານ, ໄພ່ພົນຂອງພຣະເຈົ້າຈຶ່ງໄດ້ຖືກບັງຄັບໃຫ້ໜີຈາກລັດມີເຊີຣີ. ຄຳສັ່ງໃຫ້ກຳຈັດທີ່ອະນຸມັດໂດຍ ລຽວເບີນ ດັບເບິນຢູ ບອກສ໌, ເຈົ້າລັດມີເຊີຣີ, ລົງວັນທີ 27 ເດືອນຕຸລາ, 1838, ເຮັດໃຫ້ເຂົາເຈົ້າບໍ່ມີທາງເລືອກ. ໃນປີ 1841, ເມື່ອການເປີດເຜີຍນີ້ໄດ້ຖືກມອບໃຫ້, ເມືອງນາວູ, ຊຶ່ງຕັ້ງຢູ່ໃນສະຖານທີ່ຊຶ່ງແຕ່ກ່ອນຄືໝູ່ບ້ານຄອມເມີສ, ລັດອິລິນອຍ, ໄດ້ຖືກສ້າງຂຶ້ນໂດຍໄພ່ພົນຂອງພຣະເຈົ້າ, ແລະ ຢູ່ທີ່ນີ້ສູນກາງໃຫຍ່ຂອງສາດສະໜາຈັກໄດ້ຖືກສະຖາປະນາຂຶ້ນ.
1–14, ໂຈເຊັບ ສະມິດ ຖືກບັນຊາໃຫ້ຂຽນການປະກາດທີ່ເປັນທາງການເລື່ອງຂອງພຣະກິດຕິຄຸນເຖິງປະທານາທິບໍດີຂອງສະຫະລັດ, ເຈົ້າລັດ, ແລະ ຜູ້ປົກຄອງຂອງທຸກປະຊາຊາດ; 15–21, ໄຮຣຳ ສະມິດ, ເດວິດ ດັບເບິນຢູ ແພດເຕັນ, ໂຈເຊັບ ສະມິດ, ຜູ້ພໍ່, ແລະ ຜູ້ອື່ນໆໃນບັນດາຄົນເປັນ ແລະ ຄົນຕາຍ ໄດ້ຮັບພອນສຳລັບຄວາມຊື່ສັດ ແລະ ຄຸນນະທຳຂອງເຂົາເຈົ້າ; 22–28, ໄພ່ພົນຂອງພຣະເຈົ້າໄດ້ຖືກບັນຊາໃຫ້ສ້າງບ້ານເພື່ອຕ້ອນຮັບຄົນຕ່າງດ້າວ ແລະ ພຣະວິຫານໃນເມືອງນາວູ; 29–36, ການບັບຕິສະມາແທນຄົນຕາຍຕ້ອງຖືກກະທຳຢູ່ໃນພຣະວິຫານ; 37–44, ຜູ້ຄົນຂອງພຣະຜູ້ເປັນເຈົ້າຈະສ້າງພຣະວິຫານສະເໝີ ເພື່ອປະຕິບັດພິທີການສັກສິດ; 45–55, ໄພ່ພົນຂອງພຣະເຈົ້າໄດ້ຖືກຍົກເວັ້ນຈາກການສ້າງພຣະວິຫານໃນເຂດແຈ໊ກສັນເນື່ອງດ້ວຍການກົດຂີ່ຂອງສັດຕູຂອງເຂົາເຈົ້າ; 56–83, ມີຄຳແນະນຳໃຫ້ໄວ້ກ່ຽວກັບການສ້າງບ້ານຢູ່ເມືອງນາວູ; 84–96, ໄຮຣຳ ສະມິດ ຖືກເອີ້ນໃຫ້ເປັນປິຕຸ, ເພື່ອຮັບຂໍກະແຈ, ແລະ ຂຶ້ນແທນອໍລີເວີ ຄາວເດີຣີ; 97–122, ວິວລຽມ ລໍ ແລະ ຄົນອື່ນໆຖືກແນະນຳໃນວຽກງານຂອງເຂົາເຈົ້າ; 123–145, ເຈົ້າໜ້າທີ່ຊັ້ນຜູ້ໃຫຍ່ ແລະ ໃນທ້ອງຖິ່ນໄດ້ຖືກລະບຸຊື່, ພ້ອມກັບໜ້າທີ່ ແລະ ກຸ່ມທີ່ເຂົາເຈົ້າກ່ຽວຂ້ອງດ້ວຍ.
1 ຕາມຄວາມຈິງແລ້ວ, ພຣະຜູ້ເປັນເຈົ້າໄດ້ກ່າວດັ່ງນີ້ກັບເຈົ້າ, ຜູ້ຮັບໃຊ້ຂອງເຮົາ ໂຈເຊັບ ສະມິດ, ເຮົາພໍໃຈຫລາຍກັບເຄື່ອງຖວາຍ ແລະ ການຍອມຮັບຂອງເຈົ້າ, ຊຶ່ງເຈົ້າໄດ້ເຮັດມາ; ເພາະເພື່ອຈຸດເປົ້າໝາຍນີ້ທີ່ເຮົາໄດ້ຍົກເຈົ້າຂຶ້ນ, ເພື່ອວ່າເຮົາຈະໄດ້ສະແດງຄວາມສະຫລຽວສະຫລາດຂອງເຮົາອອກມາທາງສິ່ງທີ່ ກອ່ອນແອຂອງແຜ່ນດິນໂລກ.
2 ຄຳອະທິຖານຂອງເຈົ້າເປັນທີ່ຍອມຮັບຕໍ່ເຮົາ; ແລະ ໃນການຕອບຄຳອະທິຖານເຫລົ່ານັ້ນ ເຮົາກ່າວກັບເຈົ້າວ່າ ບັດນີ້ ເຈົ້າໄດ້ຖືກເອີ້ນທັນທີໃຫ້ຂຽນການປະກາດເຖິງພຣະກິດຕິຄຸນຂອງເຮົາດ້ວຍຄວາມໜັກແໜ້ນ, ແລະ ກ່ຽວກັບ ກສະເຕກນີ້ ຊຶ່ງເຮົາໄດ້ຕັ້ງໃຫ້ເປັນຫີນເສົາເອກຂອງຊີໂອນ, ຊຶ່ງຈະຖືກຂັດເງົາດ້ວຍຄວາມປານີດ ຊຶ່ງຈະເປັນໄປຕາມແບບຢ່າງທີ່ເໝືອນວັງ.
3 ການປະກາດນີ້ຈະຖືກກະທຳໄປເຖິງບັນດາ ກກະສັດທັງປວງຂອງໂລກ, ເຖິງສີ່ສ່ວນຂອງແຜ່ນດິນໂລກ, ເຖິງຜູ້ໄດ້ຖືກເລືອກເປັນປະທານາທິບໍດີທີ່ມີກຽດ, ແລະ ເຈົ້າລັດຕ່າງໆຜູ້ສູງສົ່ງຂອງປະຊາຊາດ ຊຶ່ງເຈົ້າອາໄສຢູ່, ແລະ ເຖິງປະຊາຊາດທັງປວງຂອງແຜ່ນດິນໂລກທີ່ກະຈັດກະຈາຍກັນຢູ່ທົ່ວໄປ.
4 ໃຫ້ຂຽນມັນໄວ້ໃນວິນຍານແຫ່ງ ກຄວາມອ່ອນໂຍນ ແລະ ໂດຍອຳນາດຂອງພຣະວິນຍານບໍລິສຸດ, ຊຶ່ງ ຈະຢູ່ໃນເຈົ້າໃນເວລາທີ່ຂຽນການປະກາດອັນດຽວກັນນັ້ນ;
5 ເພາະເຈົ້າຈະໄດ້ຮັບໂດຍພຣະວິນຍານບໍລິສຸດໃຫ້ຮູ້ຈັກຄວາມປະສົງຂອງເຮົາກ່ຽວກັບກະສັດ ແລະ ເຈົ້າໜ້າທີ່ເຫລົ່ານັ້ນ, ແມ່ນແຕ່ສິ່ງທີ່ຈະບັງເກີດຂຶ້ນກັບພວກເຂົາໃນເວລາທີ່ຈະມາເຖິງ.
6 ເພາະ, ຈົ່ງເບິ່ງ, ເຮົາກຳລັງຈະເອີ້ນພວກເຂົາໃຫ້ເອົາໃຈໃສ່ຕໍ່ຄວາມສະຫວ່າງ ແລະ ລັດສະໝີພາບຂອງຊີໂອນ, ເພາະວ່າເວລາທີ່ໄດ້ກຳນົດໄວ້ມາເຖິງແລ້ວທີ່ຈະໂປດປານນາງ.
7 ສະນັ້ນ, ເຈົ້າຈົ່ງເອີ້ນຫາພວກເຂົາດ້ວຍການເອີ້ນປະກາດອັນດັງ, ແລະ ດ້ວຍປະຈັກພະຍານຂອງເຈົ້າ, ໂດຍບໍ່ຢ້ານກົວພວກເຂົາເລີຍ, ເພາະວ່າພວກເຂົາເປັນເໝືອນດັ່ງ ກຫຍ້າ, ແລະ ລັດສະໝີພາບທັງປວງຂອງພວກເຂົາເປັນເໝືອນດັ່ງດອກໄມ້ ຊຶ່ງບໍ່ດົນກໍຈະລ້ວງຫລົ່ນ, ເພື່ອວ່າພວກເຂົາຈະຕົກຢູ່ໃນສະພາບທີ່ບໍ່ມີຂໍ້ແກ້ຕົວ—
8 ແລະ ເພື່ອວ່າເຮົາຈະໄດ້ມາຢ້ຽມຢາມພວກເຂົາໃນວັນແຫ່ງການມາຢ້ຽມຢາມ, ເມື່ອເຮົາຈະເປີດເຜີຍໜ້າຂອງເຮົາຈາກການປົກປິດ, ເພື່ອກຳນົດສ່ວນຂອງຜູ້ກົດຂີ່ໃນບັນດາຄົນໜ້າຊື່ໃຈຄົດ, ບ່ອນທີ່ມີ ກການຂົບແຂ້ວຄ້ຽວຟັນ, ຖ້າພວກເຂົາປະຕິເສດຜູ້ຮັບໃຊ້ຂອງເຮົາ ແລະ ປະຈັກພະຍານຂອງເຮົາ ຊຶ່ງເຮົາໄດ້ເປີດເຜີຍແກ່ພວກເຂົາ.
9 ແລະ ອີກເທື່ອໜຶ່ງ, ເຮົາຈະມາຢ້ຽມຢາມ ແລະ ເຮັດໃຫ້ໃຈຂອງພວກເຂົາອ່ອນລົງ, ຫລາຍຄົນພວກເຂົາເພື່ອຄວາມດີຂອງພວກເຈົ້າ, ເພື່ອວ່າພວກເຈົ້າຈະພົບພຣະຄຸນໃນສາຍຕາຂອງພວກເຂົາ, ເພື່ອວ່າພວກເຂົາຈະມາສູ່ ກຄວາມສະຫວ່າງແຫ່ງຄວາມຈິງ, ແລະ ຄົນຕ່າງຊາດມາສູ່ຄວາມສູງສົ່ງ ຫລື ການຍົກຂຶ້ນຂອງຊີໂອນ.
10 ເພາະວ່າວັນແຫ່ງການມາຢ້ຽມຢາມຂອງເຮົາຈະມາເຖິງຢ່າງໄວ, ໃນ ກຊົ່ວໂມງທີ່ພວກເຈົ້າບໍ່ຄາດຄິດ; ແລະ ບ່ອນໃດຈະເປັນສະຖານທີ່ປອດໄພຂອງຜູ້ຄົນຂອງເຮົາ, ແລະ ເປັນທີ່ພັກສຳລັບຄົນທີ່ຍັງເຫລືອຢູ່ໃນບັນດາພວກເຂົາ?
11 ຕື່ນເຖີດ, ໂອ້ ບັນດາກະສັດຂອງແຜ່ນດິນໂລກ! ຈົ່ງມາ, ໂອ້, ຈົ່ງມາ, ດ້ວຍຄຳຂອງພວກເຈົ້າ ແລະ ດ້ວຍເງິນຂອງພວກເຈົ້າ, ເພື່ອຊ່ວຍເຫລືອຜູ້ຄົນຂອງເຮົາ, ສູ່ບ້ານຂອງທິດາຂອງຊີໂອນ.
12 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບເຈົ້າວ່າ ໃຫ້ຜູ້ຮັບໃຊ້ຂອງເຮົາ ຣໍເບີດ ບີ ທອມສັນ ຊ່ວຍເຫລືອເຈົ້າໃນການຂຽນການປະກາດນີ້, ເພາະເຮົາພໍໃຈຫລາຍກັບລາວ, ແລະ ທີ່ລາວຈະຢູ່ກັບເຈົ້າ;
13 ສະນັ້ນ, ຈົ່ງໃຫ້ລາວເຊື່ອຟັງຄຳແນະນຳຂອງເຈົ້າ, ແລະ ເຮົາຈະໃຫ້ພອນແກ່ລາວດ້ວຍພອນຢ່າງຫລວງຫລາຍ; ໃຫ້ລາວຊື່ສັດ ແລະ ຈິງຈັງໃນທຸກສິ່ງທັງປວງນັບແຕ່ນີ້ເປັນຕົ້ນໄປ, ແລະ ລາວຈະຍິ່ງໃຫຍ່ໃນສາຍຕາຂອງເຮົາ;
14 ແຕ່ໃຫ້ລາວຈື່ຈຳໄວ້ວ່າ ກການພິທັກຮັກສາຂອງລາວຈະຖືກຮຽກຮ້ອງຈາກມືຂອງລາວ.
15 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບເຈົ້າວ່າ ຜູ້ຮັບໃຊ້ຂອງເຮົາ ກໄຮຣຳ ສະມິດ ເປັນສຸກແລ້ວ; ເພາະເຮົາ, ພຣະຜູ້ເປັນເຈົ້າ, ຮັກລາວ ເພາະ ຂຄວາມຊື່ສັດຂອງໃຈລາວ, ແລະ ເພາະວ່າລາວຮັກສິ່ງທີ່ຖືກຕ້ອງຕໍ່ໜ້າເຮົາ, ພຣະຜູ້ເປັນເຈົ້າໄດ້ກ່າວ.
16 ອີກເທື່ອໜຶ່ງ, ໃຫ້ຜູ້ຮັບໃຊ້ຂອງເຮົາ ຈອນ ຊີ ເບັນເນັດ ຊ່ວຍເຫລືອເຈົ້າໃນວຽກງານຂອງເຈົ້າ ໃນການສົ່ງຄຳຂອງເຮົາໄປເຖິງບັນດາກະສັດ ແລະ ຜູ້ຄົນຂອງແຜ່ນດິນໂລກ, ແລະ ຢືນຄຽງຂ້າງເຈົ້າ, ແມ່ນແຕ່ເຈົ້າຜູ້ຮັບໃຊ້ຂອງເຮົາ ໂຈເຊັບ ສະມິດ, ໃນຊົ່ວໂມງແຫ່ງຄວາມທຸກຍາກລຳບາກ; ແລະ ລາງວັນຂອງລາວຈະບໍ່ສູນເສຍໄປໃສ ຖ້າຫາກລາວຮັບເອົາ ກຄຳແນະນຳ.
17 ແລະ ເປັນເພາະຄວາມຮັກຂອງລາວ, ລາວຈະຍິ່ງໃຫຍ່, ເພາະວ່າລາວຈະເປັນຂອງເຮົາ ຖ້າຫາກລາວເຮັດສິ່ງນີ້, ພຣະຜູ້ເປັນເຈົ້າໄດ້ກ່າວ. ເຮົາໄດ້ເຫັນວຽກງານທີ່ລາວເຮັດມາແລ້ວ, ຊຶ່ງເຮົາຍອມຮັບຖ້າຫາກລາວເຮັດຕໍ່ໄປ, ແລະ ຈະສວມມົງກຸດໃຫ້ລາວ ພ້ອມດ້ວຍພອນ ແລະ ລັດສະໝີພາບອັນຍິ່ງໃຫຍ່.
18 ແລະ ອີກເທື່ອໜຶ່ງ, ເຮົາກ່າວກັບເຈົ້າວ່າ ມັນເປັນຄວາມປະສົງຂອງເຮົາທີ່ຜູ້ຮັບໃຊ້ຂອງເຮົາ ໄລມັນ ໄວ້ ຈະສັ່ງສອນຕໍ່ໄປເພື່ອຊີໂອນ, ໃນວິນຍານແຫ່ງຄວາມອ່ອນໂຍນ, ໂດຍຍອມຮັບເຮົາຢູ່ຕໍ່ໜ້າໂລກ; ແລະ ເຮົາຈະຄ້ຳຈູນລາວດັ່ງເທິງປີກ ກນົກອິນຊີ; ແລະ ລາວຈະກໍ່ໃຫ້ເກີດລັດສະໝີພາບ ແລະ ກຽດຕິຍົດໃຫ້ແກ່ຕົນເອງ ແລະ ໃຫ້ແກ່ນາມຂອງເຮົາ.
19 ເພື່ອວ່າເມື່ອລາວບັນລຸວຽກງານຂອງລາວ ເຮົາຈະຮັບລາວກັບຕົວເຮົາ, ເໝືອນດັ່ງທີ່ເຮົາໄດ້ເຮັດກັບຜູ້ຮັບໃຊ້ຂອງເຮົາ ກເດວິດ ແພດເຕັນ, ຜູ້ທີ່ຢູ່ກັບເຮົາໃນເວລານີ້, ແລະ ຜູ້ຮັບໃຊ້ຂອງເຮົາ ຂເອດເວີດ ພາດທຣິດ ນຳອີກ, ແລະ ຜູ້ຮັບໃຊ້ອາວຸໂສຂອງເຮົາ ຄໂຈເຊັບ ສະມິດ, ຜູ້ພໍ່, ນຳອີກ, ຜູ້ທີ່ນັ່ງ ງກັບອັບຣາຮາມທາງຂວາມືຂອງລາວ, ແລະ ລາວເປັນສຸກແລ້ວ ແລະ ບໍລິສຸດ, ເພາະວ່າລາວເປັນຂອງເຮົາ.
20 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບເຈົ້າ, ຜູ້ຮັບໃຊ້ຂອງເຮົາ ຈອດ ມຽວເລີ ປາດສະຈາກ ກອຸບາຍ; ລາວເປັນຄົນທີ່ໄວ້ວາງໃຈໄດ້ ເພາະຄວາມຊື່ສັດຂອງໃຈລາວ; ແລະ ເພາະຄວາມຮັກຊຶ່ງລາວມີຕໍ່ປະຈັກພະຍານຂອງເຮົາ, ເຮົາ, ພຣະຜູ້ເປັນເຈົ້າ, ຮັກລາວ.
21 ສະນັ້ນ ເຮົາກ່າວກັບເຈົ້າວ່າ ເຮົາຜະນຶກໜ້າທີ່ຂອງ ກຝ່າຍອະທິການໄວ້ເທິງຫົວຂອງລາວ, ເໝືອນກັນກັບຜູ້ຮັບໃຊ້ຂອງເຮົາ ເອດເວີດ ພາດທຣິດ, ເພື່ອວ່າລາວຈະໄດ້ຮັບຂອງອຸທິດສຳລັບຄົວເຮືອນຂອງເຮົາ, ເພື່ອວ່າລາວຈະໄດ້ມອບພອນໄວ້ເທິງຫົວຂອງຄົນຍາກຈົນຂອງຜູ້ຄົນຂອງເຮົາ, ພຣະຜູ້ເປັນເຈົ້າໄດ້ກ່າວ. ຢ່າໃຫ້ມະນຸດຄົນໃດໝິ່ນປະໝາດຜູ້ຮັບໃຊ້ຂອງເຮົາ ຈອດ, ເພາະວ່າລາວຈະໃຫ້ກຽດເຮົາ.
22 ໃຫ້ຜູ້ຮັບໃຊ້ຂອງເຮົາ ຈອດ, ແລະ ຜູ້ຮັບໃຊ້ຂອງເຮົາ ໄລມັນ, ແລະ ຜູ້ຮັບໃຊ້ຂອງເຮົາ ຈອນ ສະໄນເດີ, ແລະ ຄົນອື່ນໆ ສ້າງ ກບ້ານແດ່ນາມຂອງເຮົາ, ໃນຮູບແບບທີ່ຜູ້ຮັບໃຊ້ຂອງເຮົາ ໂຈເຊັບ ຈະສະແດງແກ່ພວກເຂົາ, ໃນສະຖານທີ່ທີ່ລາວຈະສະແດງແກ່ພວກເຂົາຄືກັນ.
23 ແລະ ມັນຈະເປັນບ້ານພັກ, ບ້ານທີ່ຄົນຕ່າງດ້າວທີ່ມາຈາກແດນໄກຈະພັກພາອາໄສ; ສະນັ້ນ ໃຫ້ມັນເປັນບ້ານທີ່ດີ, ຄູ່ຄວນກັບການຍອມຮັບທັງປວງ, ເພື່ອວ່າ ກຄົນເດີນທາງທີ່ເມື່ອຍອ່ອນຈະມີເຫື່ອແຮງຂຶ້ນ ແລະ ຄວາມປອດໄພໃນຂະນະທີ່ພວກເຂົາໄຕ່ຕອງພຣະຄຳຂອງພຣະຜູ້ເປັນເຈົ້າ; ແລະ ຂຫີນເສົາເອກທີ່ເຮົາໄດ້ກຳນົດໄວ້ໃຫ້ຊີໂອນ.
24 ບ້ານນີ້ຈະເປັນບ້ານພັກທີ່ສຸກສະບາຍຖ້າຫາກມັນຖືກສ້າງຂຶ້ນແດ່ນາມຂອງເຮົາ, ແລະ ຖ້າຫາກຜູ້ປົກຄອງ ຊຶ່ງຈະກຳນົດໄວ້ກັບມັນຈະບໍ່ປ່ອຍໃຫ້ມົນທິນໃດໆມາສູ່ບ້ານຫລັງນີ້. ມັນຈະເປັນສະຖານທີ່ສັກສິດ, ຖ້າບໍ່ດັ່ງນັ້ນ ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າຈະບໍ່ປະທັບຢູ່ໃນນັ້ນ.
25 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບເຈົ້າວ່າ ໃຫ້ໄພ່ພົນຂອງເຮົາທັງໝົດມາຈາກແດນໄກ.
26 ແລະ ໃຫ້ສົ່ງຜູ້ສົ່ງສານໄປຢ່າງວ່ອງໄວ, ແທ້ຈິງແລ້ວ, ຜູ້ສົ່ງສານທີ່ໄດ້ເລືອກໄວ້ແລ້ວ, ແລະ ໃຫ້ກ່າວກັບພວກເຂົາວ່າ: ມາເຖີດ, ພ້ອມກັບຄຳທັງໝົດຂອງພວກເຈົ້າ, ແລະ ເງິນຂອງພວກເຈົ້າ, ແລະ ເພັດນິນຈິນດາຂອງພວກເຈົ້າ, ແລະ ວັດຖຸບູຮານທັງໝົດຂອງພວກເຈົ້າ; ແລະ ພ້ອມກັບທຸກຄົນທີ່ຮູ້ເລື່ອງວັດຖຸບູຮານ ທີ່ປະສົງຈະມາ, ຍ່ອມມາໄດ້, ແລະ ນຳຕົ້ນບອກ, ແລະ ຕົ້ນເຟີ, ແລະ ຕົ້ນແປກ, ພ້ອມກັບຕົ້ນໄມ້ທີ່ມີຄ່າທຸກຕົ້ນຂອງແຜ່ນດິນໂລກ;
27 ແລະ ພ້ອມກັບເຫລັກ, ພ້ອມກັບທອງແດງ, ແລະ ພ້ອມກັບທອງເຫລືອງ, ແລະ ພ້ອມກັບສັງກະສີ, ແລະ ພ້ອມກັບຂອງມີຄ່າຂອງເຈົ້າທັງໝົດໃນແຜ່ນດິນໂລກ; ແລະ ສ້າງ ກບ້ານແດ່ນາມຂອງເຮົາ, ເພື່ອພຣະຜູ້ສູງສຸດຈະໄດ້ ຂປະທັບຢູ່ໃນນັ້ນ.
28 ເພາະຈະບໍ່ມີສະຖານທີ່ໃດຢູ່ເທິງແຜ່ນດິນໂລກທີ່ພຣະອົງຈະສະເດັດມາ ແລະ ກຟື້ນຟູອີກເທື່ອໜຶ່ງສິ່ງຊຶ່ງໄດ້ສູນເສຍໄປແລ້ວສຳລັບພວກເຈົ້າ, ຫລື ຊຶ່ງພຣະອົງໄດ້ເອົາອອກໄປແລ້ວ, ແມ່ນແຕ່ຄວາມສົມບູນຂອງຖານະປະໂລຫິດ.
29 ເພາະອ່າງ ກບັບຕິສະມາບໍ່ໄດ້ມີຢູ່ເທິງແຜ່ນດິນໂລກ, ເພື່ອວ່າພວກເຂົາ, ໄພ່ພົນຂອງເຮົາ, ຈະໄດ້ຮັບ ຂບັບຕິສະມາແທນຄົນທີ່ໄດ້ລ່ວງລັບໄປແລ້ວ—
30 ເພາະວ່າພິທີການນີ້ເປັນຂອງບ້ານຂອງເຮົາ, ແລະ ຈະບໍ່ເປັນທີ່ຍອມຮັບຕໍ່ເຮົາ, ຍົກເວັ້ນແຕ່ໃນວັນເວລາແຫ່ງຄວາມຍາກຈົນ, ຊຶ່ງໃນເວລານັ້ນ ພວກເຈົ້າບໍ່ສາມາດສ້າງບ້ານໃຫ້ແກ່ເຮົາ.
31 ແຕ່ເຮົາບັນຊາພວກເຈົ້າ, ພວກເຈົ້າໄພ່ພົນທັງປວງຂອງເຮົາ, ຈົ່ງ ກສ້າງບ້ານໃຫ້ແກ່ເຮົາ; ແລະ ເຮົາໄດ້ໃຫ້ເວລາພຽງພໍແກ່ພວກເຈົ້າທີ່ຈະສ້າງບ້ານໃຫ້ແກ່ເຮົາ; ແລະ ລະຫວ່າງເວລານີ້ ການບັບຕິສະມາຂອງພວກເຈົ້າຈະເປັນທີ່ຍອມຮັບຕໍ່ເຮົາ.
32 ແຕ່ຈົ່ງເບິ່ງ, ເມື່ອເວລາທີ່ໄດ້ກຳນົດໄວ້ສິ້ນສຸດລົງ ການບັບຕິສະມາແທນຄົນຕາຍຂອງພວກເຈົ້າຈະບໍ່ເປັນທີ່ຍອມຮັບຕໍ່ເຮົາ; ແລະ ຖ້າຫາກພວກເຈົ້າບໍ່ເຮັດສິ່ງເຫລົ່ານີ້ກ່ອນເວລາທີ່ໄດ້ກຳນົດໄວ້ສິ້ນສຸດລົງ, ແລ້ວພວກເຈົ້າຈະຖືກປະຕິເສດໃນຖານະທີ່ເປັນສາດສະໜາຈັກ, ພ້ອມກັບຄົນຕາຍຂອງພວກເຈົ້າ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ.
33 ເພາະຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຫລັງຈາກທີ່ພວກເຈົ້າມີເວລາພຽງພໍທີ່ຈະສ້າງບ້ານໃຫ້ແກ່ເຮົາ, ຊຶ່ງພິທີການແຫ່ງການບັບຕິສະມາແທນຄົນຕາຍເປັນຂອງບ້ານແຫ່ງນີ້, ແລະ ພິທີການດຽວກັນນີ້ໄດ້ຖືກແຕ່ງຕັ້ງໄວ້ແຕ່ກ່ອນການວາງຮາກຖານຂອງໂລກ, ການບັບຕິສະມາຂອງພວກເຈົ້າແທນຄົນຕາຍຂອງພວກເຈົ້າຈະບໍ່ເປັນທີ່ຍອມຮັບຕໍ່ເຮົາ;
34 ເພາະໃນນັ້ນມີ ກຂໍກະແຈຂອງຖານະປະໂລຫິດສັກສິດຖືກແຕ່ງຕັ້ງໄວ້, ເພື່ອວ່າພວກເຈົ້າຈະໄດ້ຮັບກຽດຕິຍົດ ແລະ ລັດສະໝີພາບ.
35 ແລະ ຫລັງຈາກເວລານີ້, ບັບຕິສະມາຂອງພວກເຈົ້າແທນຄົນຕາຍ, ໂດຍຄົນທີ່ກະຈັດກະຈາຍກັນຢູ່ທົ່ວໄປ, ຈະບໍ່ເປັນທີ່ຍອມຮັບຕໍ່ເຮົາ, ພຣະຜູ້ເປັນເຈົ້າໄດ້ກ່າວ.
36 ເພາະວ່າມີການແຕ່ງຕັ້ງໄວ້ວ່າໃນຊີໂອນ, ແລະ ໃນສະເຕກຂອງນາງ, ແລະ ໃນເຢຣູຊາເລັມ, ສະຖານທີ່ເຫລົ່ານັ້ນ ຊຶ່ງເຮົາກຳນົດໃຫ້ເປັນ ກທີ່ພັກ, ຈະເປັນສະຖານທີ່ເພື່ອການບັບຕິສະມາຂອງພວກເຈົ້າ ແທນຄົນຕາຍຂອງພວກເຈົ້າ.
37 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ກການຊຳລະລ້າງຂອງພວກເຈົ້າຈະເປັນທີ່ຍອມຮັບຕໍ່ເຮົາໄດ້ແນວໃດ, ຍົກເວັ້ນແຕ່ພວກເຈົ້າຈະປະຕິບັດມັນຢູ່ໃນບ້ານທີ່ພວກເຈົ້າສ້າງແດ່ນາມຂອງເຮົາ?
38 ເພາະ, ດ້ວຍເຫດນີ້ ເຮົາຈຶ່ງໄດ້ບັນຊາໂມເຊໃຫ້ສ້າງ ກສະຖານທີ່ນະມັດສະການ, ເພື່ອວ່າພວກເຂົາຈະໄດ້ແບກມັນໄປກັບພວກເຂົາໃນຖິ່ນແຫ້ງແລ້ງກັນດານ, ແລະ ໃຫ້ສ້າງ ຂບ້ານໃນແຜ່ນດິນແຫ່ງຄຳສັນຍາ, ເພື່ອວ່າຈະໄດ້ເປີດເຜີຍພິທີການເຫລົ່ານັ້ນ ຊຶ່ງໄດ້ເຊື່ອງຊ້ອນໄວ້ຕັ້ງແຕ່ກ່ອນໂລກມີມາ.
39 ສະນັ້ນ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ກການເຈີມຂອງພວກເຈົ້າ, ແລະ ການຊຳລະລ້າງຂອງພວກເຈົ້າ, ແລະ ຂການບັບຕິສະມາຂອງພວກເຈົ້າແທນຄົນຕາຍ, ແລະ ຄການຊຸມນຸມທີ່ສັກສິດຂອງພວກເຈົ້າ, ແລະ ພິທີການຂອງພວກເຈົ້າສຳລັບ ງການຖວາຍເຄື່ອງບູຊາໂດຍພວກລູກຊາຍຂອງເລວີ, ແລະ ການເປີດເຜີຍຂອງພວກເຈົ້າໃນ ຈສະຖານທີ່ ທີ່ສັກສິດທີ່ສຸດ ຊຶ່ງໃນນັ້ນພວກເຈົ້າໄດ້ຮັບຄຳສົນທະນາ, ແລະ ຂໍ້ກຳນົດ ແລະ ການພິພາກສາຂອງພວກເຈົ້າ, ສຳລັບການເລີ່ມຕົ້ນຂອງການເປີດເຜີຍ ແລະ ຮາກຖານຂອງຊີໂອນ, ແລະ ສຳລັບລັດສະໝີພາບ, ກຽດຕິຍົດ, ແລະ ຂອງປະທານສັກສິດຂອງພົນລະເມືອງທັງໝົດຂອງນາງ, ຖືກແຕ່ງຕັ້ງໂດຍພິທີການໃນບ້ານອັນສັກສິດຂອງເຮົາ, ຊຶ່ງຜູ້ຄົນຂອງເຮົາໄດ້ຖືກບັນຊາຢູ່ສະເໝີໃຫ້ສ້າງແດ່ນາມອັນສັກສິດຂອງເຮົາ.
40 ແລະ ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ໃຫ້ບ້ານນີ້ຖືກສ້າງຂຶ້ນແດ່ນາມຂອງເຮົາ, ເພື່ອວ່າເຮົາຈະໄດ້ເປີດເຜີຍພິທີການຂອງເຮົາໃນນັ້ນໃຫ້ແກ່ຜູ້ຄົນຂອງເຮົາ;
41 ເພາະເຮົາເຫັນວ່າສົມຄວນທີ່ຈະ ກເປີດເຜີຍຕໍ່ສາດສະໜາຈັກຂອງເຮົາ ເຖິງສິ່ງທີ່ຖືກ ຂເຊື່ອງຊ້ອນໄວ້ນັບແຕ່ກ່ອນການວາງຮາກຖານຂອງໂລກ, ສິ່ງທີ່ກ່ຽວກັບຍຸກສະໄໝຂອງ ຄຄວາມສົມບູນແຫ່ງເວລາ.
42 ແລະ ກເຮົາຈະສະແດງໃຫ້ຜູ້ຮັບໃຊ້ຂອງເຮົາ ໂຈເຊັບ ເຫັນທຸກສິ່ງທັງປວງກ່ຽວກັບບ້ານຫລັງນີ້, ແລະ ຖານະປະໂລຫິດໃນນັ້ນ, ແລະ ສະຖານທີ່ ທີ່ມັນຈະຖືກສ້າງຂຶ້ນ.
43 ແລະ ພວກເຈົ້າຈະສ້າງມັນໃນສະຖານທີ່ຊຶ່ງພວກເຈົ້າໄດ້ຄິດໄຕ່ຕອງທີ່ຈະສ້າງມັນ, ເພາະວ່ານັ້ນເປັນບ່ອນທີ່ເຮົາໄດ້ເລືອກໄວ້ໃຫ້ພວກເຈົ້າເພື່ອສ້າງມັນ.
44 ຖ້າພວກເຈົ້າທຳງານດ້ວຍສຸດກຳລັງຂອງພວກເຈົ້າ, ເຮົາຈະອຸທິດຖວາຍບ່ອນນັ້ນ ເພື່ອວ່າມັນຈະຖືກເຮັດໃຫ້ ກສັກສິດ.
45 ແລະ ຖ້າຫາກຜູ້ຄົນຂອງເຮົາຈະເຊື່ອຟັງສຽງຂອງເຮົາ, ແລະ ສຽງຂອງ ກຜູ້ຮັບໃຊ້ຂອງເຮົາ ຜູ້ຊຶ່ງເຮົາໄດ້ກຳນົດໄວ້ໃຫ້ນຳພາຜູ້ຄົນຂອງເຮົາ, ຈົ່ງເບິ່ງ, ຕາມຄວາມຈິງແລ້ວ, ເຮົາກ່າວກັບພວກເຈົ້າວ່າ ພວກເຂົາຈະບໍ່ຖືກຍ້າຍອອກຈາກສະຖານທີ່ຂອງພວກເຂົາ.
46 ແຕ່ຖ້າຫາກພວກເຂົາບໍ່ເຊື່ອຟັງສຽງຂອງເຮົາ, ຫລື ສຽງຂອງຜູ້ຊາຍເຫລົ່ານີ້ ຜູ້ຊຶ່ງເຮົາໄດ້ກຳນົດໄວ້, ແລ້ວພວກເຂົາຈະບໍ່ໄດ້ຮັບພອນ, ເພາະວ່າພວກເຂົາໄດ້ເຮັດໃຫ້ພື້ນທີ່ສັກສິດມີມົນທິນ, ແລະ ພິທີການທີ່ສັກສິດຂອງເຮົາ, ແລະ ກົດ, ແລະ ຖ້ອຍຄຳທີ່ສັກສິດຂອງເຮົາ ຊຶ່ງເຮົາໄດ້ມອບໃຫ້ແກ່ພວກເຈົ້າ.
47 ແລະ ເຫດການຈະບັງເກີດຂຶ້ນຄື ຖ້າຫາກພວກເຈົ້າສ້າງບ້ານແດ່ນາມຂອງເຮົາ, ແລະ ບໍ່ເຮັດສິ່ງທີ່ເຮົາກ່າວ, ເຮົາຈະບໍ່ປະຕິບັດຕາມ ກຄຳສາບານ ຊຶ່ງເຮົາໄດ້ເຮັດກັບພວກເຈົ້າ, ທັງບໍ່ເຮັດໃຫ້ຄຳສັນຍາທີ່ພວກເຈົ້າຫວັງຈາກມືຂອງເຮົາສຳເລັດຜົນ, ພຣະຜູ້ເປັນເຈົ້າໄດ້ກ່າວ.
48 ເພາະ ກແທນທີ່ຈະໄດ້ຮັບພອນ, ພວກເຈົ້າ, ໂດຍວຽກງານຂອງພວກເຈົ້າເອງ, ຈະນຳການສາບແຊ່ງ, ພຣະພິໂລດ, ຄວາມເຄືອງແຄ້ນ, ແລະ ການພິພາກສາ ມາໃສ່ຫົວຂອງພວກເຈົ້າເອງ, ໂດຍຄວາມໂງ່ຈ້າຂອງພວກເຈົ້າ, ແລະ ໂດຍຄວາມໜ້າກຽດຊັງທັງປວງຂອງພວກເຈົ້າ, ຊຶ່ງພວກເຈົ້າປະຕິບັດຢູ່ຕໍ່ໜ້າເຮົາ, ພຣະຜູ້ເປັນເຈົ້າໄດ້ກ່າວ.
49 ຕາມຈິງ, ຕາມຈິງແລ້ວ, ເຮົາກ່າວກັບພວກເຈົ້າ, ວ່າເມື່ອເຮົາມອບບັນຍັດໃຫ້ແກ່ບຸດຄົນໃດຂອງມະນຸດເພື່ອໃຫ້ເຮັດວຽກງານແດ່ນາມຂອງເຮົາ, ແລະ ບຸດເຫລົ່ານັ້ນຂອງມະນຸດເຮັດດ້ວຍສຸດກຳລັງຂອງພວກເຂົາ ແລະ ດ້ວຍທຸກສິ່ງທີ່ພວກເຂົາມີ ເພື່ອເຮັດວຽກງານນັ້ນ, ແລະ ບໍ່ລົດລະ ກຄວາມພາກພຽນຂອງພວກເຂົາ, ແລະ ສັດຕູຂອງພວກເຂົາມາໂຈມຕີພວກເຂົາ ແລະ ຂັດຂວາງພວກເຂົາຈາກການເຮັດວຽກງານນັ້ນ, ຈົ່ງເບິ່ງ, ເຮົາເຫັນສົມຄວນທີ່ຈະບໍ່ ຂຮຽກຮ້ອງວຽກງານນັ້ນອີກຕໍ່ໄປຈາກມືຂອງບຸດເຫລົ່ານັ້ນຂອງມະນຸດ, ແຕ່ຈະຍອມຮັບເຄື່ອງຖວາຍຂອງພວກເຂົາ.
50 ແລະ ຄວາມຊົ່ວຮ້າຍ ແລະ ການລ່ວງລະເມີດກົດ ແລະ ບັນຍັດທີ່ສັກສິດຂອງເຮົາ, ເຮົາຈະມາ ກຢ້ຽມຢາມເທິງຫົວຂອງຜູ້ຄົນເຫລົ່ານັ້ນທີ່ຂັດຂວາງວຽກງານຂອງເຮົາ, ຈົນເຖິງຄົນ ຂລຸ້ນທີສາມ ແລະ ທີສີ່, ຕາບໃດທີ່ພວກເຂົາ ຄບໍ່ກັບໃຈ, ແລະ ກຽດຊັງເຮົາ, ອົງພຣະຜູ້ເປັນເຈົ້າໄດ້ກ່າວ.
51 ສະນັ້ນ, ເພາະດ້ວຍເຫດນີ້, ເຮົາຈຶ່ງຍອມຮັບເຄື່ອງຖວາຍຂອງຄົນເຫລົ່ານັ້ນ ຜູ້ເຮົາໄດ້ບັນຊາໃຫ້ສ້າງເມືອງ ແລະ ກບ້ານແດ່ນາມຂອງເຮົາ, ໃນ ຂເຂດແຈ໊ກສັນ, ລັດມີເຊີຣີ, ແລະ ຖືກຂັດຂວາງໂດຍສັດຕູຂອງພວກເຂົາ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ.
52 ແລະ ເຮົາຈະຕອບ ກການພິພາກສາ, ພຣະພິໂລດ, ແລະ ຄວາມເຄືອງແຄ້ນ, ການຄວນຄາງ, ແລະ ຄວາມເຈັບປວດ, ແລະ ການຂົບແຂ້ວຄ້ຽວຟັນຢູ່ເທິງຫົວຂອງພວກເຂົາ, ຈົນເຖິງຄົນລຸ້ນທີສາມ ແລະ ທີສີ່, ຕາບໃດທີ່ພວກເຂົາບໍ່ກັບໃຈ, ແລະ ກຽດຊັງເຮົາ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ.
53 ແລະ ການນີ້ ເຮົາເຮັດໄປເພື່ອເປັນຕົວຢ່າງໃຫ້ແກ່ພວກເຈົ້າ, ເພື່ອການປອບໃຈຂອງພວກເຈົ້າກ່ຽວກັບທຸກຄົນຜູ້ໄດ້ຖືກບັນຊາໃຫ້ເຮັດວຽກງານ ແລະ ຖືກຂັດຂວາງໂດຍມືຂອງສັດຕູຂອງພວກເຂົາ, ແລະ ໂດຍການກົດຂີ່, ພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າໄດ້ກ່າວ.
54 ເພາະເຮົາຄືພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າ, ແລະ ຈະຊ່ວຍເຫລືອອ້າຍເອື້ອຍນ້ອງທຸກຄົນຂອງພວກເຈົ້າຜູ້ທີ່ມີໃຈ ກບໍລິສຸດ, ແລະ ໄດ້ຖືກ ຂຂ້າໃນແຜ່ນດິນລັດມີເຊີຣີ, ພຣະຜູ້ເປັນເຈົ້າໄດ້ກ່າວ.
55 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ເຮົາບັນຊາພວກເຈົ້າອີກໃຫ້ສ້າງ ກບ້ານແດ່ນາມຂອງເຮົາ, ແມ່ນແຕ່ໃນບ່ອນນີ້, ເພື່ອວ່າພວກເຈົ້າຈະໄດ້ ຂພິສູດຕົນເອງຕໍ່ເຮົາ ວ່າພວກເຈົ້າຊື່ສັດໃນທຸກສິ່ງທັງປວງອັນໃດກໍຕາມທີ່ເຮົາບັນຊາພວກເຈົ້າ, ເພື່ອວ່າເຮົາຈະໄດ້ໃຫ້ພອນແກ່ພວກເຈົ້າ, ແລະ ສວມມົງກຸດພວກເຈົ້າດ້ວຍກຽດຕິຍົດ, ຄວາມເປັນອະມະຕະ, ແລະ ຊີວິດນິລັນດອນ.
56 ແລະ ບັດນີ້ເຮົາກ່າວກັບພວກເຈົ້າ, ກ່ຽວກັບ ກບ້ານພັກ ຊຶ່ງເຮົາໄດ້ບັນຊາພວກເຈົ້າໃຫ້ສ້າງເພື່ອໃຫ້ຄົນຕ່າງດ້າວໄດ້ພັກເຊົາ, ໃຫ້ສ້າງມັນແດ່ນາມຂອງເຮົາ, ແລະ ໃຫ້ນາມຂອງເຮົາຢູ່ເທິງນັ້ນ, ແລະ ໃຫ້ຜູ້ຮັບໃຊ້ຂອງເຮົາ ໂຈເຊັບ ແລະ ຄົວເຮືອນຂອງລາວມີທີ່ຢູ່ໃນນັ້ນ, ຈາກລຸ້ນສູ່ລຸ້ນ.
57 ເພາະເຮົາໄດ້ມອບການເຈີມນີ້ໄວ້ເທິງຫົວຂອງລາວ, ວ່າພອນຂອງລາວຈະຖືກໃຫ້ໄວ້ເທິງຫົວຂອງລູກຫລານຂອງລາວຫລັງຈາກລາວ.
58 ແລະ ເຮົາໄດ້ກ່າວກັບ ກອັບຣາຮາມກ່ຽວກັບຕະກຸນຂອງແຜ່ນດິນໂລກສັນໃດ, ເຮົາກໍກ່າວກັບຜູ້ຮັບໃຊ້ຂອງເຮົາ ໂຈເຊັບ ສັນນັ້ນວ່າ: ຜ່ານເຈົ້າ ແລະ ຜ່ານ ຂລູກຫລານຂອງເຈົ້າ ຕະກຸນຂອງແຜ່ນດິນໂລກຈະໄດ້ຮັບພອນ.
59 ສະນັ້ນ, ໃຫ້ຜູ້ຮັບໃຊ້ຂອງເຮົາ ໂຈເຊັບ ແລະ ລູກຫລານຂອງລາວຫລັງຈາກລາວມີບ່ອນຢູ່ໃນບ້ານນັ້ນ, ຈາກລຸ້ນສູ່ລຸ້ນ, ຕະຫລອດການ ແລະ ຕະຫລອດໄປ, ພຣະຜູ້ເປັນເຈົ້າໄດ້ກ່າວ.
60 ແລະ ໃຫ້ຊື່ຂອງບ້ານນັ້ນຖືກເອີ້ນວ່າ ບ້ານນາວູ; ແລະ ໃຫ້ມັນເປັນບ່ອນພັກພາອາໄສທີ່ເບີກບານໃຈສຳລັບມະນຸດ, ແລະ ເປັນສະຖານທີ່ພັກຜ່ອນສຳລັບຄົນເດີນທາງທີ່ອິດເມື່ອຍ, ເພື່ອວ່າເຂົາຈະໄຕ່ຕອງເຖິງລັດສະໝີພາບຂອງຊີໂອນ, ແລະ ລັດສະໝີພາບຂອງທີ່ນີ້, ຫີນເສົາເອກຂອງມັນ;
61 ເພື່ອວ່າເຂົາຈະໄດ້ຮັບຄຳແນະນຳຈາກຄົນເຫລົ່ານັ້ນຜູ້ທີ່ເຮົາໄດ້ຕັ້ງໄວ້ເປັນດັ່ງ ກພືດພັນທີ່ມີຊື່ສຽງ, ແລະ ເປັນດັ່ງ ຂຄົນຍາມຢູ່ເທິງກຳແພງຂອງນາງ.
62 ຈົ່ງເບິ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ໃຫ້ຜູ້ຮັບໃຊ້ຂອງເຮົາ ຈອດ ມຽວເລີ, ແລະ ຜູ້ຮັບໃຊ້ຂອງເຮົາ ໄລມັນ ໄວ້, ແລະ ຜູ້ຮັບໃຊ້ຂອງເຮົາ ຈອນ ສະໄນເດີ, ແລະ ຜູ້ຮັບໃຊ້ຂອງເຮົາ ພີເຕີ ຮໍສ໌, ວາງລະບຽບຂອງພວກເຂົາເອງ, ແລະ ກຳນົດຄົນໜຶ່ງໃນພວກເຂົາໃຫ້ເປັນປະທານດູແລກຸ່ມຂອງພວກເຂົາເພື່ອຈຸດປະສົງໃນການສ້າງບ້ານນັ້ນ.
63 ແລະ ພວກເຂົາຈະຕ້ອງຕັ້ງກົດຂຶ້ນ, ຊຶ່ງໂດຍການນີ້ ພວກເຂົາຈະໄດ້ຮັບຫຸ້ນເພື່ອການສ້າງບ້ານນັ້ນ.
64 ແລະ ພວກເຂົາຈະບໍ່ໄດ້ຮັບໜ້ອຍກວ່າຫ້າສິບໂດລາສຳລັບຫຸ້ນໜຶ່ງໃນບ້ານນັ້ນ, ແລະ ພວກເຂົາຈະໄດ້ຮັບອະນຸຍາດໃຫ້ຮັບເອົາໜຶ່ງໝື່ນຫ້າພັນໂດລາຈາກຄົນໃດຄົນໜຶ່ງເປັນຄ່າຫຸ້ນໃນບ້ານນັ້ນ.
65 ແຕ່ພວກເຂົາຈະບໍ່ໄດ້ຮັບອະນຸຍາດໃຫ້ຮັບເອົາຫລາຍກວ່າໜຶ່ງໝື່ນຫ້າພັນໂດລາຈາກຄົນໃດຄົນໜຶ່ງເປັນຄ່າຫຸ້ນ.
66 ແລະ ພວກເຂົາຈະບໍ່ໄດ້ຮັບອະນຸຍາດໃຫ້ຮັບເອົາໜ້ອຍກວ່າຫ້າສິບໂດລາຈາກຄົນໃດຄົນໜຶ່ງເປັນຄ່າຫຸ້ນໃນບ້ານນັ້ນ.
67 ແລະ ພວກເຂົາຈະບໍ່ໄດ້ຮັບອະນຸຍາດໃຫ້ຮັບເອົາຄົນໃດຄົນໜຶ່ງ, ເປັນຜູ້ຖືຫຸ້ນໃນບ້ານນີ້, ຍົກເວັ້ນແຕ່ຄົນດຽວກັນນັ້ນຈະຈ່າຍຄ່າຫຸ້ນໄວ້ໃນມືຂອງພວກເຂົາໃນເວລາທີ່ເຂົາຮັບເອົາຫຸ້ນ;
68 ແລະ ຕາມສັດສ່ວນຂອງຈຳນວນເງິນຄ່າຫຸ້ນທີ່ເຂົາຈ່າຍໄວ້ໃນມືຂອງພວກເຂົາ, ເຂົາຈະໄດ້ຮັບຫຸ້ນໃນບ້ານນັ້ນ; ແຕ່ຖ້າຫາກເຂົາບໍ່ຈ່າຍໄວ້ໃນມືຂອງພວກເຂົາ, ແລ້ວເຂົາຈະບໍ່ໄດ້ຮັບຫຸ້ນໃດໆໃນບ້ານນັ້ນ.
69 ແລະ ຖ້າຫາກຄົນໃດກໍຕາມທີ່ໄດ້ຈ່າຍຄ່າຫຸ້ນໄວ້ໃນມືຂອງພວກເຂົາ ມັນຈະເປັນຄ່າຫຸ້ນໃນບ້ານນັ້ນ, ສຳລັບຕົວເຂົາ, ແລະ ສຳລັບລູກຫລານລຸ້ນຫລັງຈາກເຂົາ, ຈາກລຸ້ນສູ່ລຸ້ນ, ຕາບໃດທີ່ເຂົາ ແລະ ທາຍາດຂອງເຂົາຈະຖືຫຸ້ນນັ້ນຢູ່, ແລະ ບໍ່ຂາຍ ຫລື ນຳຫຸ້ນໄປຈາກມືຂອງພວກເຂົາໂດຍຄວາມເຕັມໃຈ ແລະ ການກະທຳຂອງພວກເຂົາເອງ, ຖ້າຫາກພວກເຈົ້າຈະເຮັດຕາມຄວາມປະສົງຂອງເຮົາ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ.
70 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຖ້າຫາກຜູ້ຮັບໃຊ້ຂອງເຮົາ ຈອດ ມຽວເລີ, ແລະ ຜູ້ຮັບໃຊ້ຂອງເຮົາ ໄລມັນ ໄວ້, ແລະ ຜູ້ຮັບໃຊ້ຂອງເຮົາ ຈອນ ສະໄນເດີ, ແລະ ຜູ້ຮັບໃຊ້ຂອງເຮົາ ພີເຕີ ຮໍສ໌, ໄດ້ຮັບຫຸ້ນໃດໄວ້ໃນມືຂອງພວກເຂົາ, ເປັນເງິນ, ຫລື ເປັນຊັບສິນ ຊຶ່ງໃນນັ້ນ ພວກເຂົາໄດ້ຮັບຕາມມູນຄ່າແທ້ຂອງເງິນ, ພວກເຂົາຈະບໍ່ນຳສ່ວນໃດສ່ວນໜຶ່ງຂອງຄ່າຫຸ້ນນັ້ນໄປເພື່ອເຮັດຈຸດປະສົງອື່ນໃດ, ຍົກເວັ້ນແຕ່ໃນບ້ານນັ້ນ.
71 ແລະ ຖ້າຫາກພວກເຂົານຳເອົາສ່ວນໃດສ່ວນໜຶ່ງຂອງຫຸ້ນນັ້ນໄປບ່ອນອື່ນ, ຍົກເວັ້ນແຕ່ໃນບ້ານນັ້ນ, ໂດຍປາດສະຈາກການຍິນຍອມຂອງຜູ້ຖືຫຸ້ນ, ແລະ ບໍ່ຈ່າຍຄືນໃຫ້ສີ່ເທົ່າສຳລັບຫຸ້ນທີ່ພວກເຂົາໄດ້ເອົາໄປບ່ອນອື່ນ, ຍົກເວັ້ນແຕ່ໃນບ້ານນັ້ນ, ແລ້ວພວກເຂົາຈະຖືກສາບແຊ່ງ, ແລະ ຈະຖືກຍ້າຍອອກຈາກຕຳແໜ່ງຂອງພວກເຂົາ, ອົງພຣະຜູ້ເປັນເຈົ້າໄດ້ກ່າວ; ເພາະເຮົາ, ພຣະຜູ້ເປັນເຈົ້າ, ຄືພຣະເຈົ້າ, ແລະ ຈະຖືກ ກເຍາະເຍີ້ຍບໍ່ໄດ້ໃນເລື່ອງໃດກໍຕາມໃນເລື່ອງເຫລົ່ານີ້.
72 ຕາມຄວາມຈິງແລ້ວ ເຮົາກ່າວກັບພວກເຈົ້າ, ໃຫ້ຜູ້ຮັບໃຊ້ຂອງເຮົາ ໂຈເຊັບ ຈ່າຍຄ່າຫຸ້ນໄວ້ໃນມືຂອງພວກເຂົາເພື່ອການສ້າງບ້ານນັ້ນ, ຕາມທີ່ລາວເຫັນວ່າດີ; ແຕ່ຜູ້ຮັບໃຊ້ຂອງເຮົາ ໂຈເຊັບ ບໍ່ສາມາດຈ່າຍຄ່າຫຸ້ນເກີນກວ່າໜຶ່ງໝື່ນຫ້າພັນໂດລາໃນບ້ານນັ້ນ, ຫລື ໜ້ອຍກວ່າຫ້າສິບໂດລາກໍບໍ່ໄດ້; ທັງຄົນອື່ນໃດກໍເຮັດບໍ່ໄດ້, ພຣະຜູ້ເປັນເຈົ້າໄດ້ກ່າວ.
73 ແລະ ມີຄົນອື່ນໆນຳອີກຜູ້ທີ່ຢາກຮູ້ຄວາມປະສົງຂອງເຮົາກ່ຽວກັບພວກເຂົາ, ເພາະວ່າພວກເຂົາໄດ້ຂໍສິ່ງນີ້ຈາກມືເຮົາ.
74 ສະນັ້ນ, ເຮົາກ່າວກັບພວກເຈົ້າກ່ຽວກັບຜູ້ຮັບໃຊ້ຂອງເຮົາ ວິນສັນ ໄນ້, ຖ້າຫາກລາວຈະເຮັດຕາມຄວາມປະສົງຂອງເຮົາ, ກໍໃຫ້ລາວຊື້ຫຸ້ນໃນບ້ານນັ້ນສຳລັບຕົວລາວເອງ, ແລະ ສຳລັບລູກຫລານຂອງລາວຫລັງຈາກລາວ, ຈາກລຸ້ນສູ່ລຸ້ນ.
75 ແລະ ໃຫ້ລາວເປັ່ງສຽງຂອງລາວໃຫ້ດົນນານ ແລະ ດັງ, ໃນທ່າມກາງຜູ້ຄົນ, ເພື່ອ ກອ້ອນວອນສິດທິຂອງຄົນຍາກຈົນ ແລະ ຄົນຂັດສົນ; ແລະ ບໍ່ໃຫ້ລາວລົ້ມເຫລວ, ທັງບໍ່ໃຫ້ລາວທໍ້ຖອຍໃຈ; ແລະ ເຮົາຈະ ຂຍອມຮັບເອົາເຄື່ອງຖວາຍຂອງລາວ, ເພາະມັນຈະບໍ່ເກີດຂຶ້ນກັບເຮົາເໝືອນດັ່ງເຄື່ອງຖວາຍຂອງກາອິນ, ເພາະລາວຈະເປັນຂອງເຮົາ, ພຣະຜູ້ເປັນເຈົ້າໄດ້ກ່າວ.
76 ໃຫ້ຄອບຄົວຂອງລາວປິຕິຍິນດີ ແລະ ຫັນໃຈຂອງພວກເຂົາໄປຈາກຄວາມທຸກຍາກລຳບາກ; ເພາະເຮົາໄດ້ເລືອກລາວ ແລະ ໄດ້ເຈີມລາວ, ແລະ ລາວຈະໄດ້ຮັບກຽດໃນທ່າມກາງຄົວເຮືອນຂອງລາວ, ເພາະເຮົາຈະໃຫ້ອະໄພບາບທັງໝົດຂອງລາວ, ພຣະຜູ້ເປັນເຈົ້າໄດ້ກ່າວ. ອາແມນ.
77 ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ໃຫ້ຜູ້ຮັບໃຊ້ຂອງເຮົາ ໄຮຣຳ ຊື້ຫຸ້ນໃນບ້ານນັ້ນ ຕາມທີ່ລາວເຫັນວ່າດີ, ສຳລັບຕົວລາວເອງ ແລະ ລູກຫລານຂອງລາວຫລັງຈາກລາວ, ຈາກລຸ້ນສູ່ລຸ້ນ.
78 ໃຫ້ຜູ້ຮັບໃຊ້ຂອງເຮົາ ໄອເຊັກ ກາແລນ ຊື້ຫຸ້ນໃນບ້ານນັ້ນ; ເພາະເຮົາ, ພຣະຜູ້ເປັນເຈົ້າ, ຮັກລາວເພາະວຽກງານທີ່ລາວໄດ້ເຮັດ, ແລະ ຈະໃຫ້ອະໄພບາບທັງໝົດຂອງລາວ; ສະນັ້ນ, ໃຫ້ລາວຖືກຈື່ຈຳວ່າມີລາຍໄດ້ໃນບ້ານນັ້ນຈາກລຸ້ນສູ່ລຸ້ນ.
79 ໃຫ້ ຜູ້ຮັບໃຊ້ຂອງເຮົາ ໄອເຊັກ ກາແລນ ຖືກກຳນົດໄວ້ໃນບັນດາພວກເຈົ້າ, ແລະ ຖືກແຕ່ງຕັ້ງໂດຍຜູ້ຮັບໃຊ້ຂອງເຮົາ ວິວລຽມ ມາກສ໌, ແລະ ໄດ້ຮັບພອນຈາກລາວ, ເພື່ອຈະໄປກັບຜູ້ຮັບໃຊ້ຂອງເຮົາ ໄຮຣຳ ເພື່ອບັນລຸວຽກງານທີ່ຜູ້ຮັບໃຊ້ຂອງເຮົາ ໂຈເຊັບ ຈະຊີ້ໃຫ້ພວກເຂົາເຫັນ, ແລະ ພວກເຂົາຈະໄດ້ຮັບພອນຢ່າງຫລວງຫລາຍ.
80 ໃຫ້ຜູ້ຮັບໃຊ້ຂອງເຮົາ ວິວລຽມ ມາກສ໌ ຈ່າຍຄ່າຫຸ້ນໄວ້ໃນບ້ານນັ້ນ, ຕາມທີ່ລາວເຫັນວ່າດີ, ສຳລັບຕົວລາວເອງ ແລະ ລູກຫລານຂອງລາວ, ຈາກລຸ້ນສູ່ລຸ້ນ.
81 ໃຫ້ຜູ້ຮັບໃຊ້ຂອງເຮົາ ເຮັນຣີ ຈີ ເຊີວູດ ຈ່າຍຄ່າຫຸ້ນໄວ້ໃນບ້ານນັ້ນ, ຕາມທີ່ລາວເຫັນວ່າດີ, ສຳລັບຕົວລາວເອງ ແລະ ລູກຫລານຂອງລາວຫລັງຈາກລາວ, ຈາກລຸ້ນສູ່ລຸ້ນ
82 ໃຫ້ຜູ້ຮັບໃຊ້ຂອງເຮົາ ວິວລຽມ ລໍ ຈ່າຍຄ່າຫຸ້ນໄວ້ໃນບ້ານນັ້ນ, ສຳລັບຕົວລາວເອງ ແລະ ລູກຫລານຂອງລາວຫລັງຈາກລາວ, ຈາກລຸ້ນສູ່ລຸ້ນ.
83 ຖ້າຫາກລາວຈະເຮັດຕາມຄວາມປະສົງຂອງເຮົາ ກໍຢ່າໃຫ້ລາວພາຄອບຄົວຂອງລາວໄປຍັງຜືນແຜ່ນດິນທາງຕາເວັນອອກ, ແມ່ນແຕ່ໄປຫາເມືອງເຄີດແລນ; ເຖິງຢ່າງໃດກໍຕາມ, ເຮົາ, ພຣະຜູ້ເປັນເຈົ້າ, ຈະສ້າງສາເມືອງເຄີດແລນຂຶ້ນ, ແຕ່ເຮົາ, ພຣະຜູ້ເປັນເຈົ້າ, ໄດ້ຕຽມໄມ້ແສ້ໄວ້ຂ້ຽນຕີຜູ້ອາໄສຢູ່ໃນນັ້ນ.
84 ແລະ ກັບຜູ້ຮັບໃຊ້ຂອງເຮົາ ແອວມອນ ແບບບິດ, ມີຫລາຍເລື່ອງທີ່ເຮົາບໍ່ພໍໃຈ; ຈົ່ງເບິ່ງ, ລາວໄດ້ສະແຫວງຫາທີ່ຈະສະຖາປະນາຄຳແນະນຳຂອງລາວເອງຂຶ້ນແທນຄຳແນະນຳທີ່ເຮົາໄດ້ແຕ່ງຕັ້ງໄວ້, ແມ່ນແຕ່ຄຳແນະນຳຂອງຝ່າຍປະທານສູງສຸດຂອງສາດສະໜາຈັກຂອງເຮົາ; ແລະ ລາວໄດ້ຕັ້ງງົວ ກຄຳຂຶ້ນເພື່ອໃຫ້ຜູ້ຄົນຂອງເຮົານະມັດສະການ.
85 ຢ່າໃຫ້ຄົນໃດ ກໄປຈາກສະຖານທີ່ນີ້ ຜູ້ທີ່ໄດ້ມາຫາສະຖານທີ່ນີ້ທີ່ພະຍາຍາມຮັກສາບັນຍັດຂອງເຮົາ.
86 ຖ້າຫາກພວກເຂົາມີຊີວິດຢູ່ທີ່ນີ້ ກໍໃຫ້ພວກເຂົາມີຊີວິດຢູ່ເພື່ອເຮົາ; ແລະ ຖ້າຫາກພວກເຂົາຕາຍ ກໍໃຫ້ພວກເຂົາຕາຍເພື່ອເຮົາ; ເພາະວ່າພວກເຂົາຈະໄດ້ ກພັກຜ່ອນຈາກວຽກງານທັງໝົດຂອງພວກເຂົາຢູ່ທີ່ນີ້, ແລະ ຈະທຳງານຂອງພວກເຂົາຕໍ່ໄປ.
87 ສະນັ້ນ, ໃຫ້ຜູ້ຮັບໃຊ້ຂອງເຮົາ ວິວລຽມ ໄວ້ວາງໃຈໃນເຮົາ, ແລະ ເຊົາຢ້ານກົວກ່ຽວກັບຄອບຄົວຂອງລາວ, ເພາະຄວາມເຈັບປ່ວຍຢູ່ໃນແຜ່ນດິນ. ຖ້າຫາກພວກເຈົ້າ ກຮັກເຮົາ, ຈົ່ງຮັກສາບັນຍັດຂອງເຮົາ; ແລະ ຄວາມເຈັບປ່ວຍຢູ່ໃນແຜ່ນດິນຈະ ຂນຳລັດສະໝີພາບມາສູ່ພວກເຈົ້າ.
88 ໃຫ້ຜູ້ຮັບໃຊ້ຂອງເຮົາ ວິວລຽມ ໄປ ແລະ ປະກາດພຣະກິດຕິຄຸນອັນເປັນນິດຂອງເຮົາ ດ້ວຍສຽງອັນດັງ, ແລະ ດ້ວຍຄວາມຊື່ນຊົມອັນຍິ່ງໃຫຍ່, ດັ່ງທີ່ ກພຣະວິນຍານຂອງເຮົາຈະດົນໃຈລາວ, ແກ່ຜູ້ອາໄສຂອງເມືອງວໍຊໍ, ແລະ ແກ່ຜູ້ອາໄສຂອງເມືອງຄາດເທດນຳອີກ, ແລະ ແກ່ຜູ້ອາໄສຂອງເມືອງເບີລິງຕັນ, ແລະ ແກ່ຜູ້ອາໄສຂອງເມືອງແມອດີເຊິນ, ແລະ ຄອຍຖ້າຄຳແນະນຳເພີ່ມເຕີມດ້ວຍຄວາມອົດທົນ ແລະ ຢ່າງພາກພຽນຢູ່ກອງປະຊຸມໃຫຍ່ສາມັນຂອງເຮົາ, ພຣະຜູ້ເປັນເຈົ້າໄດ້ກ່າວ.
89 ຖ້າຫາກລາວຈະເຮັດຕາມຄວາມປະສົງຂອງເຮົາ ກໍໃຫ້ລາວເຊື່ອຟັງຄຳແນະນຳຂອງຜູ້ຮັບໃຊ້ຂອງເຮົາ ໂຈເຊັບ ນັບແຕ່ນີ້ເປັນຕົ້ນໄປ, ແລະ ດ້ວຍກຳລັງ ແລະ ຄວາມສາມາດຂອງລາວໃຫ້ລາວສະໜັບສະໜູນ ກສິດທິຂອງຄົນຍາກຈົນ, ແລະ ພິມ ຂຄຳແປໃໝ່ຂອງຄຳອັນສັກສິດຂອງເຮົາໃຫ້ແກ່ຜູ້ອາໄສຂອງແຜ່ນດິນໂລກ.
90 ແລະ ຖ້າຫາກລາວຈະເຮັດການນີ້ ເຮົາຈະ ກອວຍພອນລາວດ້ວຍພອນຢ່າງຫລວງຫລາຍ, ເພື່ອວ່າລາວຈະບໍ່ຖືກປະຖິ້ມ, ຫລື ພົບເຫັນລູກຫລານຂອງລາວອອກໄປ ຂຂໍອາຫານ.
91 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ໃຫ້ຜູ້ຮັບໃຊ້ຂອງເຮົາ ວິວລຽມ ຖືກກຳນົດ, ແຕ່ງຕັ້ງ, ແລະ ເຈີມ, ໃຫ້ເປັນທີ່ປຶກສາໃຫ້ແກ່ຜູ້ຮັບໃຊ້ຂອງເຮົາໂຈເຊັບ, ແທນຜູ້ຮັບໃຊ້ຂອງເຮົາ ໄຮຣຳ, ເພື່ອວ່າຜູ້ຮັບໃຊ້ຂອງເຮົາ ໄຮຣຳ ຈະໄດ້ຮັບຕຳແໜ່ງຖານະປະໂລຫິດ ແລະ ກປິຕຸ, ຊຶ່ງໄດ້ຖືກກຳນົດໃຫ້ລາວໂດຍພໍ່ຂອງລາວ, ໂດຍພອນ ແລະ ໂດຍສິດນຳອີກ;
92 ເພື່ອວ່ານັບແຕ່ນີ້ເປັນຕົ້ນໄປ ລາວຈະຖືຂໍກະແຈຂອງ ກປິຕຸພອນໄວ້ເທິງຫົວຂອງຜູ້ຄົນທັງໝົດຂອງເຮົາ,
93 ເພື່ອວ່າຜູ້ໃດກໍຕາມທີ່ລາວໃຫ້ພອນຈະໄດ້ຮັບພອນ, ແລະ ຜູ້ໃດກໍຕາມທີ່ລາວ ກສາບແຊ່ງຈະຖືກສາບແຊ່ງ; ເພື່ອວ່າສິ່ງໃດກໍຕາມທີ່ລາວຈະ ຂຜູກມັດເທິງແຜ່ນດິນໂລກ ສິ່ງນັ້ນຈະຖືກຜູກມັດໃນສະຫວັນ; ແລະ ສິ່ງໃດກໍຕາມທີ່ລາວຈະແກ້ໃຫ້ຫລຸດເທິງແຜ່ນດິນໂລກ ສິ່ງນັ້ນຈະຖືກແກ້ໃຫ້ຫລຸດໃນສະຫວັນ.
94 ແລະ ຈາກເວລານີ້ເປັນຕົ້ນໄປ ເຮົາຈະກຳນົດກັບລາວວ່າ ລາວຈະເປັນສາດສະດາ, ແລະ ກຜູ້ພະຍາກອນ, ແລະ ຜູ້ເປີດເຜີຍແກ່ສາດສະໜາຈັກຂອງເຮົາ, ເຊັນດຽວກັບຜູ້ຮັບໃຊ້ຂອງເຮົາ ໂຈເຊັບ;
95 ເພື່ອວ່າລາວຈະໄດ້ກະທຳໃນຄວາມສອດຄ່ອງກັບຜູ້ຮັບໃຊ້ຂອງເຮົາ ໂຈເຊັບ ນຳອີກ; ແລະ ວ່າລາວຈະຮັບເອົາຄຳແນະນຳຈາກຜູ້ຮັບໃຊ້ຂອງເຮົາ ໂຈເຊັບ, ຜູ້ຈະສະແດງ ກຂໍກະແຈແກ່ລາວ ຊຶ່ງໂດຍສິ່ງນີ້ ລາວຈະຂໍ ແລະ ໄດ້ຮັບ, ແລະ ຖືກສວມມົງກຸດດ້ວຍພອນ, ແລະ ລັດສະໝີພາບ, ແລະ ກຽດຕິຍົດ, ແລະ ຖານະປະໂລຫິດ, ແລະ ຂອງປະທານຂອງຖານະປະໂລຫິດອັນດຽວກັນນັ້ນ, ຊຶ່ງຄັ້ງໜຶ່ງເຄີຍໄດ້ມອບໃຫ້ລາວທີ່ເຄີຍເປັນຜູ້ຮັບໃຊ້ຂອງເຮົາ ຂອໍລີເວີ ຄາວເດີຣີ;
96 ເພື່ອວ່າຜູ້ຮັບໃຊ້ຂອງເຮົາ ໄຮຣຳ ຈະໄດ້ກ່າວເປັນພະຍານເຖິງສິ່ງທີ່ເຮົາຈະສະແດງແກ່ລາວ, ເພື່ອວ່າຊື່ຂອງລາວຈະມີຢູ່ໃນຄວາມຊົງຈຳຢ່າງມີກຽດຈາກລຸ້ນສູ່ລຸ້ນ, ຕະຫລອດການ ແລະ ຕະຫລອດໄປ.
97 ໃຫ້ຜູ້ຮັບໃຊ້ຂອງເຮົາ ວິວລຽມ ລໍ ໄດ້ຮັບຂໍກະແຈນຳອີກ ຊຶ່ງໂດຍສິ່ງນີ້ ລາວຈະຂໍ ແລະ ໄດ້ຮັບພອນ; ໃຫ້ລາວ ກຖ່ອມຕົວຢູ່ຕໍ່ໜ້າເຮົາ, ແລະ ປາດສະຈາກ ຂອຸບາຍ, ແລະ ລາວຈະໄດ້ຮັບຈາກພຣະວິນຍານຂອງເຮົາ, ແມ່ນແຕ່ ຄພຣະຜູ້ປອບໂຍນ, ຊຶ່ງຈະສະແດງຄວາມຈິງຂອງທຸກເລື່ອງໃຫ້ປະຈັກແກ່ລາວ, ແລະ ຈະມອບໃຫ້ລາວ, ໃນຊົ່ວໂມງນັ້ນ, ສິ່ງທີ່ລາວຈະກ່າວ.
98 ແລະ ກເຄື່ອງໝາຍເຫລົ່ານີ້ຈະຕິດຕາມລາວ—ລາວຈະ ຂປິ່ນປົວຄົນເຈັບປ່ວຍ, ລາວຈະຂັບໄລ່ຜີຮ້າຍອອກໄປ, ແລະ ຈະໄດ້ຮັບການປົດປ່ອຍຈາກຄົນທີ່ຈະວາງຢາພິດຮ້າຍເຖິງຕາຍແກ່ລາວ;
99 ແລະ ລາວຈະຖືກນຳໄປຕາມທາງທີ່ງູ ກພິດບໍ່ສາມາດຕອດສົ້ນໜ່ອງຂອງລາວ, ແລະ ລາວຈະທະຍານຂຶ້ນສູງໃນມະໂນພາບແຫ່ງ ຂຄວາມນຶກຄິດຂອງລາວເໝືອນຢູ່ເທິງປີກຂອງນົກອິນຊີ.
100 ແລະ ຖ້າຫາກເຮົາຈະໃຫ້ລາວເຮັດໃຫ້ຄົນຕາຍເປັນຄືນມາ, ກໍຢ່າໃຫ້ລາວຢັບຢັ້ງສຽງຂອງລາວໄວ້.
101 ສະນັ້ນ, ໃຫ້ຜູ້ຮັບໃຊ້ຂອງເຮົາ ວິວລຽມ ເປັ່ງສຽງດັງ ແລະ ຢ່າຢັບຢັ້ງ, ດ້ວຍຄວາມຊື່ນຊົມ ແລະ ຄວາມປິຕິຍິນດີ, ແລະ ດ້ວຍໂຮຊັນນາແດ່ພຣະອົງຜູ້ປະທັບຢູ່ເທິງພຣະບັນລັງຕະຫລອດການ ແລະ ຕະຫລອດໄປ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ.
102 ຈົ່ງເບິ່ງ, ເຮົາກ່າວກັບພວກເຈົ້າວ່າ ເຮົາມີພາລະກິດເກັບໄວ້ໃຫ້ຜູ້ຮັບໃຊ້ຂອງເຮົາ ວິວລຽມ, ແລະ ຜູ້ຮັບໃຊ້ຂອງເຮົາ ໄຮຣຳ, ແລະ ສຳລັບພວກເຂົາເທົ່ານັ້ນ; ແລະ ໃຫ້ຜູ້ຮັບໃຊ້ຂອງເຮົາ ໂຈເຊັບ ຢູ່ບ້ານຕໍ່ໄປ, ເພາະຕ້ອງການລາວ. ສ່ວນທີ່ເຫລືອຢູ່ເຮົາຈະສະແດງໃຫ້ພວກເຈົ້າຮູ້ໃນພາຍຫລັງ. ແມ່ນເປັນດັ່ງນັ້ນ. ອາແມນ.
103 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຖ້າຫາກຜູ້ຮັບໃຊ້ຂອງເຮົາ ກຊິດນີ ຈະຮັບໃຊ້ເຮົາ ແລະ ເປັນທີ່ປຶກສາໃຫ້ຜູ້ຮັບໃຊ້ຂອງເຮົາ ໂຈເຊັບ, ກໍໃຫ້ລາວລຸກຂຶ້ນ ແລະ ອອກມາຢືນຢູ່ໃນໜ້າທີ່ຂອງການເອີ້ນຂອງລາວ, ແລະ ຖ່ອມຕົວຢູ່ຕໍ່ໜ້າເຮົາ.
104 ແລະ ຖ້າຫາກລາວຈະຖວາຍເຄື່ອງຖວາຍອັນເປັນທີ່ຍອມຮັບແກ່ເຮົາ, ແລະ ການຍອມຮັບ, ແລະ ຍັງຢູ່ກັບຜູ້ຄົນຂອງເຮົາ, ຈົ່ງເບິ່ງ, ເຮົາ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າ, ຈະປິ່ນປົວລາວ ເພື່ອວ່າລາວຈະໄດ້ຫາຍດີ; ແລະ ລາວຈະເປັ່ງສຽງຂອງລາວອີກຢູ່ເທິງພູ, ແລະ ເປັນ ກຜູ້ປະກາດແທນຢູ່ຕໍ່ໜ້າເຮົາ.
105 ໃຫ້ລາວມາ ແລະ ຕັ້ງຖິ່ນຖານຄອບຄົວຂອງລາວຢູ່ໃນຄຸ້ມທີ່ຜູ້ຮັບໃຊ້ຂອງເຮົາ ໂຈເຊັບ ອາໄສຢູ່.
106 ແລະ ໃນການເດີນທາງທັງໝົດຂອງລາວ, ໃຫ້ລາວເປັ່ງສຽງຂອງລາວດັ່ງກັບສຽງແກ, ແລະ ເຕືອນ ຜູ້ອາໄສຂອງແຜ່ນດິນໂລກໃຫ້ຫລົບໜີຈາກພຣະພິໂລດທີ່ຈະມາເຖິງ.
107 ໃຫ້ລາວຊ່ວຍຜູ້ຮັບໃຊ້ຂອງເຮົາ ໂຈເຊັບ, ແລະ ໃຫ້ຜູ້ຮັບໃຊ້ຂອງເຮົາ ວິວລຽມ ລໍ ຊ່ວຍຜູ້ຮັບໃຊ້ຂອງເຮົາ ໂຈເຊັບ ນຳອີກ, ໃນການອອກ ກການປະກາດທີ່ໜັກແໜ້ນເຖິງບັນດາກະສັດຂອງແຜ່ນດິນໂລກ, ແມ່ນແຕ່ເໝືອນດັ່ງທີ່ເຮົາໄດ້ກ່າວກັບພວກເຈົ້າມາກ່ອນແລ້ວ.
108 ຖ້າຫາກຜູ້ຮັບໃຊ້ຂອງເຮົາ ຊິດນີ ຈະເຮັດຕາມຄວາມປະສົງຂອງເຮົາ, ກໍຢ່າໃຫ້ລາວພາຄອບຄົວຂອງລາວອອກໄປຫາແຜ່ນດິນທາງ ກຕາເວັນອອກ, ແຕ່ໃຫ້ລາວປ່ຽນບ່ອນຢູ່ອາໄສຂອງພວກເຂົາ, ແມ່ນແຕ່ດັ່ງທີ່ເຮົາໄດ້ກ່າວ.
109 ຈົ່ງເບິ່ງ, ມັນບໍ່ແມ່ນຄວາມປະສົງຂອງເຮົາທີ່ລາວຈະສະແຫວງຫາສະຖານທີ່ປອດໄພ ແລະ ທີ່ພັກພາຢູ່ນອກເມືອງທີ່ເຮົາໄດ້ກຳນົດໄວ້ໃຫ້ພວກເຈົ້າ, ແມ່ນແຕ່ເມືອງ ກນາວູ.
110 ຕາມຄວາມຈິງແລ້ວ ເຮົາກ່າວກັບພວກເຈົ້າ, ແມ່ນແຕ່ບັດນີ້, ຖ້າຫາກລາວຈະເຊື່ອຟັງສຽງຂອງເຮົາ, ມັນກໍຈະດີກັບລາວ. ແມ່ນເປັນດັ່ງນັ້ນ. ອາແມນ.
111 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ໃຫ້ຜູ້ຮັບໃຊ້ຂອງເຮົາ ເອມມັດ ເດວີ ຈ່າຍຄ່າຫຸ້ນໄວ້ໃນມືຂອງຜູ້ທີ່ເຮົາໄດ້ກຳນົດໄວ້ເພື່ອສ້າງບ້ານພັກ, ແມ່ນແຕ່ບ້ານນາວູ.
112 ການນີ້ໃຫ້ລາວເຮັດ ຖ້າຫາກລາວຢາກຈະມີຜົນປະໂຫຍດ; ແລະ ໃຫ້ລາວເຊື່ອຟັງຄຳແນະນຳຂອງຜູ້ຮັບໃຊ້ຂອງເຮົາ ໂຈເຊັບ, ແລະ ທຳງານດ້ວຍມືຂອງລາວເອງ ເພື່ອວ່າລາວຈະໄດ້ຮັບຄວາມໄວ້ວາງໃຈຈາກມະນຸດ.
113 ແລະ ເມື່ອລາວໄດ້ພິສູດຕົນເອງວ່າ ຊື່ສັດໃນທຸກສິ່ງທີ່ຈະຝາກຝັງໄວ້ໃນການດູແລຂອງລາວ, ແທ້ຈິງແລ້ວ, ແມ່ນແຕ່ບໍ່ເທົ່າໃດສິ່ງ, ລາວຈະຖືກເຮັດໃຫ້ເປັນ ກຜູ້ປົກຄອງຫລາຍສິ່ງ;
114 ສະນັ້ນ ໃຫ້ລາວ ກຖ່ອມຕົວ ເພື່ອວ່າລາວຈະຖືກຍົກຂຶ້ນໃຫ້ສູງສົ່ງ. ແມ່ນເປັນດັ່ງນັ້ນ. ອາແມນ.
115 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຖ້າຫາກຜູ້ຮັບໃຊ້ຂອງເຮົາ ຣໍເບີດ ດີ ຟໍສະເຕີ ຈະເຊື່ອຟັງສຽງຂອງເຮົາ, ໃຫ້ລາວສ້າງບ້ານຫລັງໜຶ່ງໃຫ້ຜູ້ຮັບໃຊ້ຂອງເຮົາ ໂຈເຊັບ, ຕາມສັນຍາທີ່ລາວໄດ້ເຮັດໄວ້ກັບລາວ, ດັ່ງທີ່ປະຕູຈະເປີດໃຫ້ແກ່ລາວເປັນບາງຄັ້ງ.
116 ແລະ ໃຫ້ລາວກັບໃຈຈາກຄວາມໂງ່ຈ້າທັງໝົດຂອງລາວ, ແລະ ຫຸ້ມຫໍ່ຕົວລາວດ້ວຍ ກຄວາມໃຈບຸນ; ແລະ ເຊົາເຮັດຄວາມຊົ່ວຮ້າຍ, ແລະ ປະຖິ້ມຄຳເວົ້າຮຸນແຮງທັງໝົດຂອງລາວ;
117 ແລະ ຈ່າຍຄ່າຫຸ້ນຄືກັນໄວ້ໃນມືຂອງກຸ່ມຄະນະກຳມະການຂອງບ້ານນາວູ, ສຳລັບຕົວລາວເອງ ແລະ ສຳລັບລູກຫລານຂອງລາວຫລັງຈາກລາວ, ຈາກລຸ້ນສູ່ລຸ້ນ;
118 ແລະ ເຊື່ອຟັງຄຳແນະນຳຂອງຜູ້ຮັບໃຊ້ຂອງເຮົາ ໂຈເຊັບ, ແລະ ໄຮຣຳ, ແລະ ວິວລຽມ ລໍ, ແລະ ເຈົ້າໜ້າທີ່ຊຶ່ງເຮົາໄດ້ເອີ້ນໃຫ້ວາງຮາກຖານຂອງຊີໂອນ; ແລະ ມັນຈະດີກັບລາວຕະຫລອດການ ແລະ ຕະຫລອດໄປ. ແມ່ນເປັນດັ່ງນັ້ນ. ອາແມນ.
119 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ຢ່າໃຫ້ຄົນໃດຈ່າຍຄ່າຫຸ້ນໃຫ້ກຸ່ມຄະນະກຳມະການຂອງບ້ານນາວູ ຍົກເວັ້ນແຕ່ເຂົາຈະເປັນຜູ້ທີ່ເຊື່ອໃນພຣະຄຳພີມໍມອນ, ແລະ ການເປີດເຜີຍທີ່ເຮົາໄດ້ມອບໃຫ້ແກ່ພວກເຈົ້າ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ;
120 ເພາະສິ່ງໃດທີ່ ກຫລາຍກວ່າ ຫລື ໜ້ອຍກວ່ານີ້ມາຈາກຄວາມຊົ່ວ, ແລະ ຈະສະຖິດຢູ່ກັບການສາບແຊ່ງ ແລະ ບໍ່ແມ່ນພອນ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ. ແມ່ນເປັນດັ່ງນັ້ນ. ອາແມນ.
121 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ໃຫ້ກຸ່ມຄະນະກຳມະການຂອງບ້ານນາວູໄດ້ຮັບຄ່າຈ້າງຊົດເຊີຍທີ່ທ່ຽງທຳສຳລັບວຽກງານຂອງພວກເຂົາ ຊຶ່ງພວກເຂົາໄດ້ເຮັດໃນການສ້າງບ້ານນາວູ; ແລະ ໃຫ້ຄ່າຈ້າງຂອງພວກເຂົາເປັນໄປດັ່ງທີ່ຈະຕົກລົງກັນໃນບັນດາພວກເຂົາເອງ, ກ່ຽວກັບລາຄາຂອງມັນ.
122 ແລະ ໃຫ້ທຸກຄົນທີ່ຈ່າຍຄ່າຫຸ້ນຮັບຜິດຊອບສ່ວນທີ່ເປັນຄ່າຈ້າງຂອງພວກເຂົາ, ຖ້າຫາກຈຳເປັນ, ເພື່ອການຄ້ຳຈູນພວກເຂົາ, ພຣະຜູ້ເປັນເຈົ້າໄດ້ກ່າວ; ຖ້າບໍ່ດັ່ງນັ້ນ, ວຽກງານຂອງພວກເຂົາຈະຖືເປັນຫຸ້ນໃຫ້ພວກເຂົາໃນບ້ານຫລັງນັ້ນ. ແມ່ນເປັນດັ່ງນັ້ນ. ອາແມນ.
123 ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ບັດນີ້ ເຮົາມອບ ກເຈົ້າໜ້າທີ່ຊຶ່ງເປັນຂອງຖານະປະໂລຫິດຂອງເຮົາໃຫ້ແກ່ພວກເຈົ້າ, ເພື່ອວ່າພວກເຈົ້າຈະຖື ຂຂໍກະແຈນັ້ນ, ແມ່ນແຕ່ຖານະປະໂລຫິດ ຊຶ່ງເປັນໄປຕາມລະບຽບຂອງ ຄເມນຄີເສເດັກ, ຊຶ່ງເປັນໄປຕາມລະບຽບຂອງພຣະບຸດອົງດຽວທີ່ຖືກຳເນີດຂອງເຮົາ.
124 ທຳອິດ, ເຮົາມອບ ໄຮຣຳ ສະມິດ ໃຫ້ແກ່ພວກເຈົ້າເພື່ອເປັນ ກປິຕຸແກ່ພວກເຈົ້າ, ທີ່ຈະຖືພອນ ຂການຜະນຶກຂອງສາດສະໜາຈັກຂອງເຮົາ, ແມ່ນແຕ່ພຣະວິນຍານສັກສິດແຫ່ງ ຄຄຳສັນຍາ, ຊຶ່ງໂດຍການນີ້ພວກເຈົ້າຈະຖືກ ງຜະນຶກໄວ້ສຳລັບວັນແຫ່ງການໄຖ່, ເພື່ອວ່າພວກເຈົ້າຈະບໍ່ຕົກເຖິງແມ່ນໃນ ຈຊົ່ວໂມງແຫ່ງການລໍ້ລວງທີ່ຈະເກີດກັບພວກເຈົ້າ.
125 ເຮົາມອບຜູ້ຮັບໃຊ້ຂອງເຮົາ ໂຈເຊັບ ໃຫ້ແກ່ພວກເຈົ້າ ທີ່ຈະເປັນແອວເດີຄວບຄຸມສາດສະໜາຈັກທັງໝົດຂອງເຮົາ, ເພື່ອເປັນຜູ້ແປ, ຜູ້ເປີດເຜີຍ, ກຜູ້ພະຍາກອນ, ແລະ ສາດສະດາ.
126 ເຮົາມອບຜູ້ຮັບໃຊ້ຂອງເຮົາ ຊິດນີ ຣິກດອນ ແລະ ຜູ້ຮັບໃຊ້ຂອງເຮົາ ວິວລຽມ ລໍ ໃຫ້ເປັນທີ່ປຶກສາຂອງລາວ, ເພື່ອວ່າຄົນເຫລົ່ານີ້ຈະໄດ້ປະກອບກຸ່ມ ແລະ ຝ່າຍປະທານສູງສຸດ, ເພື່ອຮັບເອົາ ກການເປີດເຜີຍແທນທັງສາດສະໜາຈັກ.
127 ເຮົາມອບຜູ້ຮັບໃຊ້ຂອງເຮົາ ກບຣິກຳ ຢັງ ໃຫ້ພວກເຈົ້າ ເພື່ອເປັນປະທານສະພາອັກຄະສາວົກສິບສອງທີ່ເຄື່ອນທີ່;
128 ຊຶ່ງ ກອັກຄະສາວົກສິບສອງຖືຂໍກະແຈທີ່ຈະເປີດສິດອຳນາດຂອງອານາຈັກຂອງເຮົາເທິງສີ່ທິດຂອງແຜ່ນດິນໂລກ, ແລະ ຕໍ່ຈາກນັ້ນ ທີ່ຈະ ຂສົ່ງຄຳສອນຂອງເຮົາໄປເຖິງມະນຸດສະໂລກທັງໝົດ.
129 ຄົນເຫລົ່ານັ້ນຄື ຮີເບີ ຊີ ຄິມໂບ, ພາລີ ພີ ພະແຣັດ, ອໍສັນ ພະແຣັດ, ອໍສັນ ຮາຍດ໌, ວິວລຽມ ສະມິດ, ຈອນ ເທເລີ, ຈອນ ອີ ເພຈ໌, ວິວເຝີດ ວູດຣັບ, ວິວເລີດ ຣິເຈີສ໌, ຈອດ ເອ ສະມິດ;
130 ເຮົາໄດ້ ກຮັບ ຂເດວິດ ແພດເຕັນ ໄວ້ກັບຕົວເຮົາເອງ; ຈົ່ງເບິ່ງ, ບໍ່ມີຄົນໃດເອົາຖານະປະໂລຫິດຂອງລາວໄປຈາກລາວ; ແຕ່, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ອີກຄົນໜຶ່ງຈະຖືກກຳນົດສູ່ການເອີ້ນຢ່າງດຽວກັນນີ້.
131 ແລະ ອີກເທື່ອໜຶ່ງ, ເຮົາກ່າວກັບພວກເຈົ້າວ່າ ເຮົາມອບ ກສະພາສູງໃຫ້ແກ່ພວກເຈົ້າ, ເພື່ອເປັນຫີນເສົາເອກຂອງຊີໂອນ—
132 ນັ້ນຄື, ແຊມໂຍ ເບັ້ນ, ເຮັນຣີ ຈີ ເຊີວູດ, ຈອດ ດັບເບິນຢູ ແຮຣິສ, ຊາລີ ຊີ ຣິຈ໌, ທອມມັສ ໂກຣເວີ, ນິວເອັນ ໄນ້, ເດວິດ ດອດ, ດັນບາ ວິວສັນ—ຊີມໍ ບຣັນສັນ ເຮົາໄດ້ຮັບໄວ້ກັບຕົວເຮົາ; ບໍ່ມີຄົນໃດເອົາຖານະປະໂລຫິດຂອງລາວໄປ, ແຕ່ອີກຄົນໜຶ່ງຈະຖືກກຳນົດສູ່ຖານະປະໂລຫິດນີ້ແທນລາວ; ແລະ ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ໃຫ້ຜູ້ຮັບໃຊ້ຂອງເຮົາ ອາໂຣນ ຈອນສັນ ຖືກແຕ່ງຕັ້ງ ສູ່ການເອີ້ນນີ້ແທນລາວ—ເດວິດ ຟູເມີ, ອາຟີອັສ ຄັດເລີ, ວິວລຽມ ຮັນຕິງຕັນ.
133 ແລະ ອີກເທື່ອໜຶ່ງ, ເຮົາມອບ ດອນ ຊີ ສະມິດ ໃຫ້ພວກເຈົ້າເພື່ອເປັນປະທານດູແລກຸ່ມຂອງມະຫາປະໂລຫິດ;
134 ຊຶ່ງເປັນພິທີການໄດ້ຖືກຕັ້ງຂຶ້ນເພື່ອຈຸດປະສົງຂອງການເບິ່ງຄວາມເໝາະສົມຂອງຄົນເຫລົ່ານັ້ນຜູ້ຈະຖືກກຳນົດໃຫ້ເປັນປະທານປະຈຳ ຫລື ເປັນຜູ້ຮັບໃຊ້ດູແລ ກສະເຕກຕ່າງໆທີ່ກະຈາຍກັນໄປທົ່ວ;
135 ແລະ ພວກເຂົາອາດຈະເດີນທາງນຳອີກກໍໄດ້ຖ້າຫາກພວກເຂົາເລືອກ, ແຕ່ຈະໄດ້ຮັບແຕ່ງຕັ້ງເປັນປະທານປະຈຳຫລາຍກວ່າ; ນີ້ເປັນໜ້າທີ່ຂອງການເອີ້ນຂອງພວກເຂົາ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ.
136 ເຮົາມອບ ອາມາສາ ໄລມັນ ແລະ ໂນອາ ແພ໊ກກາດ ໃຫ້ແກ່ລາວເພື່ອເປັນທີ່ປຶກສາ, ເພື່ອວ່າພວກເຂົາຈະຄວບຄຸມກຸ່ມຂອງມະຫາປະໂລຫິດຂອງສາດສະໜາຈັກຂອງເຮົາ, ພຣະຜູ້ເປັນເຈົ້າໄດ້ກ່າວ.
137 ແລະ ອີກເທື່ອໜຶ່ງ, ເຮົາກ່າວກັບພວກເຈົ້າວ່າ, ເຮົາມອບ ຈອນ ເອ ຮິກສ໌, ແຊມໂຍ ວິວລຽມສ໌, ແລະ ເຈຊີ ເບກເກີ, ຊຶ່ງເປັນຖານະປະໂລຫິດທີ່ຄວບຄຸມກຸ່ມຂອງ ກແອວເດີ, ຊຶ່ງກຸ່ມໄດ້ຖືກຕັ້ງ ສຳລັບຜູ້ປະຕິບັດສາດສະໜາກິດປະຈຳ; ເຖິງຢ່າງໃດກໍຕາມ ພວກເຂົາອາດຈະເດີນທາງກໍໄດ້, ແຕ່ພວກເຂົາໄດ້ຖືກແຕ່ງຕັ້ງໃຫ້ເປັນຜູ້ປະຕິບັດສາດສະໜາກິດປະຈຳຢູ່ກັບສາດສະໜາຈັກຂອງເຮົາ, ພຣະຜູ້ເປັນເຈົ້າໄດ້ກ່າວ.
138 ແລະ ອີກເທື່ອໜຶ່ງ, ເຮົາມອບ ໂຈເຊັບ ຢັງ, ໂຈໄຊຢາ ບັດເຕີຟຽວ, ແດນໂຍ ມາຍເອີ, ເຮັນຣີ ເຮີຣີແມນ, ຊີຣາ ໂພຊິເຟີ, ລີວາຍ ແຮນຄ໊ອກ, ເຈມສ໌ ຟໍສະເຕີ, ເພື່ອເປັນປະທານຄວບຄຸມກຸ່ມຂອງ ກສາວົກເຈັດສິບ;
139 ຊຶ່ງເປັນກຸ່ມທີ່ຖືກຕັ້ງຂຶ້ນເພື່ອກຸ່ມແອວເດີທີ່ເຄື່ອນທີ່ ເພື່ອເປັນພະຍານເຖິງນາມຂອງເຮົາໃນທົ່ວໂລກ, ບ່ອນໃດກໍຕາມທີ່ສະພາສູງເຄື່ອນທີ່, ອັກຄະສາວົກຂອງເຮົາ, ຈະສົ່ງພວກເຂົາໄປເພື່ອຕຽມທາງໄວ້ກ່ອນເຮົາ.
140 ຄວາມແຕກຕ່າງລະຫວ່າງກຸ່ມໂຄຣຳນີ້ ແລະ ກຸ່ມຂອງແອວເດີຄື ກຸ່ມໜຶ່ງຕ້ອງເດີນທາງຕະຫລອດໄປ, ແລະ ອີກກຸ່ມໜຶ່ງຕ້ອງຄວບຄຸມໜ່ວຍຕ່າງໆຂອງສາດສະໜາຈັກເປັນບາງຄັ້ງ; ກຸ່ມໜຶ່ງມີໜ້າທີ່ຮັບຜິດຊອບໃນການເປັນປະທານເປັນບາງຄັ້ງ, ແລະ ອີກກຸ່ມໜຶ່ງບໍ່ມີໜ້າທີ່ຮັບຜິດຊອບໃນການເປັນປະທານ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ.
141 ແລະ ອີກເທື່ອໜຶ່ງ, ເຮົາກ່າວກັບພວກເຈົ້າວ່າ ເຮົາມອບ ວິນສັນ ໄນ້, ແຊມໂຍ ເອັຈ ສະມິດ, ແລະ ຊັດຣາກ ຣາວດີ ໃຫ້ແກ່ພວກເຈົ້າ, ຖ້າຫາກລາວຈະຮັບເອົາມັນ, ເພື່ອຄວບຄຸມ ກຝ່າຍອະທິການ; ຄວາມຮູ້ເລື່ອງຝ່າຍອະທິການທີ່ກ່າວນີ້ໄດ້ຖືກມອບໃຫ້ແກ່ພວກເຈົ້າຢູ່ໃນໜັງສື ຂຄຳສອນ ແລະ ພັນທະສັນຍາ.
142 ແລະ ອີກເທື່ອໜຶ່ງ, ເຮົາກ່າວກັບພວກເຈົ້າວ່າ ແຊມໂຍ ໂຣຟ໌ ແລະ ທີ່ປຶກສາຂອງລາວສຳລັບປະໂລຫິດ, ແລະ ປະທານຂອງຄູສອນ ແລະ ທີ່ປຶກສາຂອງລາວ, ແລະ ປະທານຂອງມັກຄະນາຍົກ ແລະ ທີ່ປຶກສາຂອງລາວນຳອີກ, ແລະ ປະທານສະເຕກ ແລະ ທີ່ປຶກສາຂອງລາວນຳອີກ.
143 ຕຳແໜ່ງທີ່ເຮົາໄດ້ມອບໃຫ້ແກ່ພວກເຈົ້າຢູ່ຂ້າງເທິງ, ແລະ ຂໍກະແຈໃນນັ້ນ, ເພື່ອເປັນການຊ່ວຍເຫລືອ ແລະ ການປົກຄອງ, ເພື່ອວຽກງານຂອງການປະຕິບັດສາດສະໜາກິດ ແລະ ການເຮັດໃຫ້ໄພ່ພົນຂອງເຮົາ ກດີພ້ອມ.
144 ແລະ ເຮົາຈະມອບບັນຍັດຂໍ້ໜຶ່ງໃຫ້ແກ່ພວກເຈົ້າ, ວ່າພວກເຈົ້າຄວນບັນຈຸຕຳແໜ່ງເຫລົ່ານີ້ທັງໝົດ ແລະ ກເຫັນຊອບກັບຊື່ເຫລົ່ານີ້ຊຶ່ງເຮົາໄດ້ກ່າວເຖິງ, ຫລື ບໍ່ດັ່ງນັ້ນ ກໍບໍ່ໃຫ້ເຫັນຊອບກັບຊື່ເຫລົ່ານີ້ຢູ່ທີ່ ກອງປະຊຸມໃຫຍ່ສາມັນຂອງເຮົາ;
145 ແລະ ວ່າພວກເຈົ້າຈະຕຽມຫ້ອງສຳລັບຕຳແໜ່ງທັງໝົດນີ້ໃນບ້ານຂອງເຮົາ ເມື່ອພວກເຈົ້າສ້າງມັນແດ່ນາມຂອງເຮົາ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ. ແມ່ນເປັນດັ່ງນັ້ນ. ອາແມນ.