Vaega 124

Faaaliga na tuuina mai ia Iosefa Samita le Perofeta, i Navu, Ilinoi, 19 Ianuari 1841 (History of the Church, 4:276–286). Ona o le faateteleina o sauaga ma aiaiga lē tusa ai ma le tulafono na faia e taitai o le malo e faasaga ia te i latou, o lea na faamalosia ai le Au Paia e o ese mai Misuri. O le faatonuga faaumatia na tuuina mai e Lilburn W. Boggs, le kovana o Misuri, i le aso 27 Oketopa 1838, na tuua ai i latou e aunoa ma se isi filifiliga (History of the Church, 3:175). I le 1841, i le taimi na tuu mai ai lenei faaaliga, o le aai o Navu, sa tu i le mea sa i ai muamua le nuu o Komese, Ilinoi, sa ati aʼe e le Au Paia, ma o iina na faatu ai le ofisa faauluulu o le Ekalesia.

1–14, Ua poloaiina Iosefa Samita e fai atu se folafolaga mamalu o le talalelei i le peresitene o le Iunaite Setete, i kovana, ma taitai o atunuu uma; 15–21, O Ailama Samita, Tavita W. Patten, Iosefa Samita, Matua, ma isi i totonu o e o ola ma e ua maliliu ua faamanuiaina ona o lo latou faamaoni ma le amiomamā; 22–28, Na poloaiina le Au Paia e fausia se faletalimalo ma se malumalu i Navu; 29–36, O papatisoga mo e ua maliliu ia faia i malumalu; 37–44, E fausia e le nuu o le Alii malumalu i taimi uma mo le faia o sauniga paia; 45–55, Ua tatalaina le Au Paia mai le fausiaina o le malumalu i le Itumalo o Siakisone ona o sauaga a o latou fili; 56–83, Ua tuuina mai faatonuga mo le fausiaina o le Maota i Navu 84–96, Ua valaaulia Ailama Samita e avea o se peteriaka, e maua ki, ma tu i le tulaga o Oliva Kaotui; 97–122, Ua fautuaina Viliamu La ma isi ia latou galuega; 123–145, Ua taʼu mai mautofi aoao ma mautofi i alaalafaga, faatasi ma o latou tiute ma korama e auai.

 E Moni, ua faapea ona fetalai mai o le Alii ia te oe, laʼu auauna o Iosefa Samita, ua Ou fiafia lava i lau taulaga ma au tautinoga, ua e faia; ona o le faamoemoe lea na Ou faatu mai ai oe, ina ia Ou faailoa atu loʼu poto e ala i mea avaivai o le lalolagi.

 Ua talia au tatalo i oʼu luma; ma i le tali atu i au tatalo Ou te fai atu ai ia te oe, ua valaaulia vave nei oe e faia se folafolaga mamalu o laʼu talalelei, ma o le asiteki lenei ua Ou faatuina e avea ma maatulimanu o Siona, lea o le a faaiila i teuga matagofie e tusa ma foliga o se maota o se tupu.

 Ia fai atu lenei folafolaga i atupu uma o le lalolagi, i ona tulimanu e fa, i le peresitene mamalu filifilia, ma kovana faitōfā o le atunuu ua e nofo ai, ma i atunuu uma ua salalau le lalolagi.

 Ia tusia i le agaga o le aagamalu ma i le mana o le Agaga Paia, lea o le a ia te oe i le taimi e tusia ai lea lava folafolaga;

 Aua o le a tuu atu ia te oe e le Agaga Paia ia e iloa loʼu loto e uiga i tupu ma pule na, e oo lava i mea o le a pauu mai ia te i latou i se taimi o le a oo mai.

 Aua, faauta, ua lata ona Ou valaau atu ia i latou ia uaʼi mai i le malamalama ma le mamalu o Siona, aua ua oo mai le taimi atofaina e faapitoa ai Siona.

 O lea, ia e valaau atu ai, ia te i latou i le folafolaga leotele, faatasi ma lau molimau, ma ia lē mataʼu ia i latou, ona ua pei i latou o le avao, ma o lo latou mamalu atoa ua faapei o lona fuga ua lata ona paʼū, ma ina ia tuua ai foi i latou e aunoa ma se ʼalofaga—

 Ma ia mafai ona Ou asiasi atu ia te i latou i le aso o le asiasiga, pe a Ou afe le ufi o oʼu mata, e tofi atu le vaega a le faasauā faatasi ma e pepelo, i le mea e i ai le alilivau o nifo, pe afai latou te teena aʼu auauna ma laʼu molimau ua Ou faaali atu ia te i latou.

 O lenei foi, o le a Ou asiasi atu ma faamalulu o latou loto, le toatele lea o i latou, mo lo outou lelei, ina ia outou maua le alofa tunoa i o latou mata, ina ia mafai ona latou o mai i le amalamalama o le upumoni, ma Nuuese i le faaeaga po o le siiga i luga o Siona.

 10 Ona ua vave ona oo mai o le aso o laʼu asiasiga, i se aitula tou te lē mafaufau i ai; ma o fea o le a i ai le saogalemu o loʼu nuu, ma le sulufaiga mo i latou o e o le a tuua?

 11 Ala mai ia, E, tupu e o le lalolagi! Ia outou o mai ia, E, ia outou o mai ia, ma a outou auro ma a outou ario, e fesoasoani i loʼu nuu, i le fale o afafine o Siona.

 12 O lenei foi, e moni Ou te fai atu ia te oe, tuu atu i laʼu auauna o Robert B. Thompson e fesoasoani ia te oe e tusi lenei folafolaga, ona ua Ou fiafia lava ia te ia, ma e tatau ona faatasi o ia ma oe;

 13 O lea, ia tuu atu ia te ia ʼia faalogo i lau fautuaga, ma o le a Ou faamanuiaina o ia i faamanuiaga e tele; ia tuu atu ia te ia ʼia faamaoni ma tonu i mea uma mai le taimi nei i luma, ma o le a sili o ia i oʼu mata;

 14 Ae ia tuu atu ia te ia ʼia manatua e ia o le a Ou manaomia mai lona lima lana amea-tausi.

 15 O lenei foi, e moni Ou te fai atu ia te oe, amuia lava laʼu auauna o aAilama Samita; aua o Aʼu, o le Alii, ua alofa ia te ia ona o le efaamaoni o lona loto, ma ona e fiafia o ia i mea ua saʼo i oʼu luma, ua fetalai mai ai le Alii.

 16 O lenei foi, tuu atu i laʼu auauna o Ioane C. Bennett e fesoasoani ia te oe i lau galuega i le auina atu o laʼu upu i tupu ma tagata o le lalolagi, ma tu i tafatafa o oe, laʼu auauna lava lea o Iosefa Samita, i le itula o le puapuaga; ma o le a lē iʼuvale lona taui pe afai e talia e ia afautuaga.

 17 Ma o le a sili tele atu o ia ona o lona alofa, aua o le a avea o ia mo aʼu pe afai e faia e ia lenei mea, ua fetalai mai ai le Alii. Ua Ou vaai i le galuega na ia faia, lea Ou te talia pe afai e faaauau pea o ia, ma faapaleina o ia i faamanuiaga ma le mamalu tele.

 18 O lenei foi, Ou te fai atu ia te oe o loʼu loto, e tatau i laʼu auauna o Laimani Uaite ona faaauau pea ona talai atu mo Siona, i le agaga o le agamalu, ma taʼutaʼu atu aʼu i luma o le lalolagi; ma o le a Ou sapasapaia o ia i luga e pei o i luga o aapaau o aeto; ma o le a aumai e ia le mamalu ma le viiga ia te ia lava ma i loʼu igoa.

 19 Ina ia mafai ona Ou avea o ia mo aʼu lava pe a faaiʼuina e ia lana galuega, e pei ona Ou faia i laʼu auauna o aTavita Patten, lē ua faatasi nei ma aʼu, ma laʼu auauna foi o eEteuati Paterika, ma laʼu auauna matua foi o iIosefa Samita, Matua, lē ua nonofo ofaatasi ma Aperaamo i lona lima taumatau, ma ua faamanuiaina lava ma paia o ia, ona ua ā aʼu o ia.

 20 O lenei foi, e moni Ou te fai atu ia te oe, o laʼu auauna o Siaosi Mila, ua aunoa ma le afaaʼoleʼole; e mafai ona faalagolagoina o ia ona o le faamaoni o lona loto; ma ona o le alofa ua ia te ia i laʼu molimau, o Aʼu, o le Alii, ua alofa ia te ia.

 21 O lea Ou te fai atu ai ia te oe, Ou te faamauina i luga o lona ulu le tofi o se aepikopo, e pei o laʼu auauna o Eteuati Paterika, ina ia maua e ia faapaiaga o loʼu fale, ina ia mafai e ia ona tuu atu faamanuiaga i luga o ulu o e matitiva o loʼu nuu, ua fetalai mai ai le Alii. Ia lē tuu atu i se tagata ia inoino i laʼu auauna o Siaosi, ona o le a faamamaluina aʼu e ia.

 22 Ia tuu atu i laʼu auauna o Siaosi, ma laʼu auauna o Laimani, ma laʼu auauna o Ioane Snider, ma isi, e fausia se afale mo loʼu igoa, ia pei o le fale o le a faaali atu e laʼu auauna o Iosefa ia te i latou, i luga o le nofoaga o le a faaali atu foi e ia ia te i latou.

 23 Ma o le a avea lea fale o se fale e tali ai tagata, o se fale e mafai ona o mai i ai tagata ese mai mea mamao e nonofo ai; o lea ia avea ma se fale lelei, e agavaa mo le talia atoatoa, ina ia maua e le atagata malaga vaivai le maloloina ma le saogalemu aʼo manatunatu loloto o ia i le afioga a le Alii; ma o le emaatulimanu ua Ou tofia mo Siona.

 24 O lenei fale o le a avea ma nofoaga o le maloloina pe afai e fausia mo loʼu igoa, ma pe afai e lē tuua e le pule o le a tofia i ai se mea eleelea e oo mai i ona luga. O le a paia, po o o le a lē afio ai le Alii lo outou Atua.

 25 O lenei foi, e moni Ou te fai atu ia te outou, ia tuu atu i laʼu au paia uma e o mai mai mea mamao.

 26 Ma ia outou auina atu ni avefeau televavave, ioe, ni avefeau filifilia, ma fai atu ia te i latou: Ia outou o mai ia, ma a outou auro uma, ma a outou ario, ma a outou maa taua, ma a outou mea anamua uma, ma faatasi ma i latou uma o e ua i ai le malamalama e uiga i mea anamua, o e e fia o mai, ia o mai, ma aumai le laau-tasura, ma le laau-perosi, ma le laau-kitara, faatasi ma laau pele uma o le lalolagi;

 27 Ma faatasi ma le uamea, ma le kopa, ma le apamemea, ma le metala paʼepaʼe, faatasi ma a outou mea taua uma o le lalolagi; ma fausia se afale i loʼu igoa, mo le Silisili Ese e eafio ai.

 28 Aua ua leai se mea e maua i luga o le lalolagi e mafai e ia ona afio mai i ai ma atoefuatai mai mea na leiloa mai ia te outou, po o mea na aveese e ia, o le atoatoaga lava o le perisitua.

 29 Aua ua lē o i ai se faatanoa afaipapatisoga i luga o le lalolagi, e mafai ai e i latou, o laʼu au paia, ona epapatiso mo i latou o e ua maliliu—

 30 Aua o lenei sauniga e ā loʼu fale, ma e lē mafai ona Ou taliaina, tau lava i aso o lo outou mativa, ia e lē mafai ai ona outou fausia o se fale mo aʼu.

 31 Ae ʼOu te poloai atu ia te outou, outou uma o laʼu au paia, ia afausia se fale mo aʼu; ma ʼOu te tuu atu ia te outou se taimi ua lava e fausia ai se fale mo aʼu; ma o le taimi lea o le a talia ai a outou papatisoga ia te aʼu.

 32 Ae faauta, i le faaiuga o lenei taimi tuupoina o le a lē talia ia te aʼu a outou papatisoga mo o outou tagata maliliu; ma afai tou te lē faia nei mea i le faaiuga o le taimi tuupoina, o le a teena outou o se ekalesia, faatasi ma o outou tagata maliliu, ua fetalai mai ai le Alii lo outou Atua.

 33 Aua e moni ʼOu te fai atu ia te outou, a uma ona outou maua se taimi ua lava e fausia ai se fale mo aʼu, o ona totonu e i ai le sauniga o le papatisoga mo e ua maliliu, ma o mo lea lava na faatu ai mai luma atu o le faavaega o le lalolagi, o le a lē mafai ona talia ia te aʼu a outou papatisoga mo o outou tagata maliliu;

 34 Aua o totonu o inā e faauu atu ai aki o le perisitua paia, ina ia outou maua le viiga ma le mamalu.

 35 Ma a mavae lenei taimi, o a outou papatisoga mo e ua maliliu, e faia e i latou o e ua salalau lautele, e lē talia ia te aʼu, ua fetalai mai ai le Alii.

 36 Aua ua faauuina o Siona, ma i ona siteki, ma i Ierusalema, nofoaga na ua ʼOu tofia mo asulufaiga, o nofoaga na ia avea mo a outou papatisoga mo o outou tagata maliliu.

 37 O lenei foi, e moni ʼOu te fai atu ia te outou, pe faapefea ona talia ia te aʼu a outou amulumuluga, vagana ai ua outou faia i latou i totonu o se fale ua outou fausia mo loʼu igoa?

 38 Aua, o le pogai lea na ʼOu poloaiina ai Mose e tatau ia te ia ona fausia se afale fetafai, e tatau ona latou tauave faatasi ma i latou i le vao, ma ia fausia se efale i le laueleele o le folafolaga, ina ia mafai ona faaali mai sauniga na na natia mai le taimi ae lei i ai le lalolagi.

 39 O lea, e moni ʼOu te fai atu ia te outou, o a outou afaauuga, ma a outou mulumuluga, ma a outou epapatisoga mo e ua maliliu, ma a outou ialofi sa, ma a outou faamanatuga mo a outou otaulaga e faia e atalii o Levi, ma mo a outou faaaliga i o outou nofoaga sili ona upaia ia tou te maua ai i totonu talatalaga, ma a outou tulafono ma faamasinoga, mo le amataga o faaaliga ma le faavaega o Siona, ma mo le mamalu, viiga, ma le faaeega o ona tagata uma, ua faauuina i sauniga o loʼu fale paia, lea ua poloaiina loʼu nuu i taimi uma ia fausia mo loʼu igoa paia.

 40 Ma e moni ʼOu te fai atu ia te outou, ia tuu atu ia fausia lenei fale mo loʼu igoa, ina ia mafai ona ʼOu faaali atu ai i totonu aʼu sauniga i loʼu nuu;

 41 Aua ua ʼOu manatu ua tatau ona afaaali atu i laʼu ekalesia mea sa taofi enatia mai luma atu o le faavaega o le lalolagi, o mea e faatatau i le tisipenisione o le iʼatoaga o taimi.

 42 Ma o le a aʼOu faaali atu i laʼu auauna o Iosefa mea uma e faatatau i lenei fale, ma lona perisitua, ma le nofoaga o le a fausia ai i luga.

 43 Ma ia outou fausia i luga o le nofoaga i le mea ua outou mafaufau e fausia ai, aua o le fasi fanua lena ua Ou filifilia mo outou e fausia ai.

 44 Afai tou te galulue ma lo outou malosi atoa, o le a Ou faapaiaina lena fasi eleele ina ia faia ia apaia.

 45 Ma afai e faalogo mai loʼu nuu i loʼu leo, ma le leo o aʼu aauauna o e ua Ou tofia e taitaia loʼu nuu, faauta, e moni Ou te fai atu ia te outou, o le a lē aveesea i latou i fafo mai lo latou nofoaga.

 46 Ae afai latou te lē faalogo mai i loʼu leo, po o le leo o nei alii o e ua Ou tofia, o le a lē faamanuiaina i latou, aua ua latou faaeleeleaina oʼu eleele paia, ma aʼu sauniga paia, ma tusi faavae, ma aʼu upu paia Ou te tuu atu ia te i latou.

 47 Ma o le a oo mai, afai tou te fausia se fale i loʼu igoa, ma lē faia mea Ou te fai atu ai, o le a Ou lē faia le atautoga ua Ou faia atu ia te outou, pe faataunuu folafolaga ua outou faamoemoe i ai mai loʼu lima, ua fetalai mai ai le Alii.

 48 Aua anai lo faamanuiaga, o outou, ia outou lava galuega, tou te aumaia fetuu, le toasa, le toatamai, ma faamasinoga i luga o o outou lava ulu, e ala i o outou sese, ma ala ia outou mea inosia uma, ua outou faia i oʼu luma, ua fetalai mai ai le Alii.

 49 E moni, e moni, Ou te fai atu ia te outou, a Ou tuuina atu se poloaiga i soo se tasi o atalii o tagata, e fai se galuega i loʼu igoa, ma o atu ia atalii o tagata ma lo latou malosi atoa ma mea uma ua ia te i latou e fai lena galuega, ma lē tuua lo latou afiliga, ae o mai o latou fili ia i latou ma taofi i latou mai le faia o lena galuega, faauta, ona tatau ai lea ia te aʼu ona lē toe emanaomia lena galuega mai i lima o ia atalii o tagata, ae talia a latou taulaga.

 50 Ma o le amioletonu ma le soliga o aʼu tulafono ma poloaiga paia o le a Ou aasiasi atu ai i luga o ulu o i latou o e e faalavelave i laʼu galuega, e oo atu i le etupulaga lona tolu ma le fa, i le umi latou te lē isalamo ai, ma inoino mai ai ia te aʼu, ua fetalai mai ai le Alii le Atua.

 51 O lea, o le pogai lenei ua Ou taliaina ai taulaga a i latou o e na Ou poloaiina e fausia se aai ma se afale i loʼu igoa, i le itumalo o eSiakisone, Misuri, ma sa taofia e o latou fili, ua fetalai mai ai le Alii lo outou Atua.

 52 Ma o le a Ou tali atu i le afaamasinoga, ita, ma le toasa, le tagiaue, faavauvau, ma le lilivau o nifo i luga o o latou ulu, e oo atu i le tupulaga lona tolu ma le fa, i le umi latou te lē salamo ai, ma inoino mai ia te aʼu, ua fetalai mai ai le Alii lo outou Atua.

 53 Ma Ou te faia lenei mea ma faataitaiga ia te outou, mo lo outou toafilemu e faatatau ia i latou uma o e na poloaiina e faia se galuega a ua taofia e lima o o latou fili, ma i sauaga, ua fetalai mai ai le Alii lo outou Atua.

 54 Aua o Aʼu o le Alii lo outou Atua, ma o le a Ou laveaiina i latou uma o o outou uso o e na loto amamā, ma sa efasiotia i le laueleele o Misuri, ua fetalai mai ai le Alii.

 55 O lenei foi, e moni Ou te fai atu ia te outou, Ou te toe poloai atu ia te outou ia fausia se afale i loʼu igoa, i le nofoaga lava lenei, ina ia outou efaamaonia mai outou lava ia te aʼu tou te faamaoni i mea uma Ou te poloaiina ai outou, ina ia Ou faamanuiaina outou, ma faapaleina outou i le mamalu, ola pea, ma le ola e faavavau.

 56 Ma o lenei Ou te fai atu ia te outou, e faatatau i loʼu afaletalimalo na Ou poloaiina outou ia fausia mo le taliga o tagata ese, ia tuu atu ia fausia mo loʼu igoa, ma ia tuu atu loʼu igoa e faaigoa ai, ma ia tuu atu i ai i totonu se mea e nonofo ai laʼu auauna o Iosefa ma lona aiga, mai lea tupulaga i lea tupulaga.

 57 Aua ua Ou tuuina lenei faauuga i luga o lona ulu, ina ia tuuina foi lona faamanuiaga i luga o ulu o ana fanau mulimuli mai pe a mavae atu o ia.

 58 Ma e pei ona Ou fai atu ia aAperaamo e faatatau i ituaiga o le lalolagi, e faapea foi ona Ou fai atu i laʼu auauna o Iosefa: O le a faamanuiaina ia te oe ma au efanau ituaiga o le lalolagi.

 59 O lea, ia tuu atu ai i laʼu auauna o Iosefa ma ana fanau e mulimuli mai pe a mavae atu o ia ia nonofo i lena fale, mai lea tupulaga i lea tupulaga, e faavavau ma faavavau lava, ua fetalai mai ai le Alii.

 60 Ma ia tuu atu le igoa o lena fale ia taʼua o le Maota i Navu; ma ia tuu atu ia avea ma malutaga matagofie mo tagata, ma se nofoaga mapu mo le tagata malaga ua vaivai, ina ia mafai e ia ona mafaufau ai i le mamalu o Siona, ma le mamalu o lenei aai, lona maatulimanu;

 61 Ina ia mafai ai foi e ia ona maua le fautuaga mai ia te i latou o e ua Ou faatutuina e avea e pei o ni alaau totō lauiloa, ma o ni eleoleo i luga o ona pa.

 62 Faauta, e moni Ou te fai atu ia te outou, ia tuu atu i laʼu auauna o Siaosi Mila, ma laʼu auauna o Laimani Uaite, ma laʼu auauna o Ioane Snider, ma laʼu auauna o Peter Haws, e faatulaga i latou lava, ma tofia se tasi o i latou e avea ma peresitene i luga o la latou korama mo le faamoemoe o le fausiaina o lena fale.

 63 Ma ia latou faia se tusifaavae, e mafai ai ona latou maua ni vaega faʼasoa mo le fausiaina o lena fale.

 64 Ma ia latou lē talia ina se mea maualalo ifo i lo le limasefulu tālā mo se vaega faʼasoa i lena fale, ma ia faatagaina i latou e talia le sefululima afe tālā mai i soo se tagata e toatasi mo vaega faʼasoa o lena fale.

 65 Ae ia lē faatagaina i latou e talia mai i soo se tagata e toatasi le sili atu i le sefululima afe tālā mo se vaega faʼasoa.

 66 Ma ia lē faatagaina i latou e talia mai i soo se tagata e toatasi le itiiti ifo mai i le limasefulu tālā mo se vaega faʼasoa i lena fale.

 67 Ma ia lē faatagaina i latou e talia soo se tagata e avea o se ua i ai vaega faʼasoa i lenei fale, vagana ua totogi mai e lea lava tagata lana vaega i o latou lima i le taimi e maua ai e ia lana faʼasoa;

 68 Ma o le a maua e ia le vaega faʼasoa i lena fale e tusa ma le aofai o vaega faʼasoa e totogi mai e ia i o latou lima; ae afai e leai se mea e totogi mai e ia i o latou lima o le a lē maua e ia ni vaega faʼasoa i lena fale.

 69 Ma ai se e totogi mai se vaega faʼasoa i o latou lima ia avea ma vaega faʼasoa i lena lava fale, mo ia lava, ma mo ana tupulaga mulimuli mai pe a mavae atu o ia, mai lea tupulaga i lea tupulaga, i le umi e umia ai e ia ma ona suli lena vaega faʼasoa, ma lē faatau atu ai pe tuu ese atu ai le vaega faʼasoa i fafo mai i o latou lima i la latou filifiliga saoloto ma mea e fai, pe afai tou te faia loʼu loto, ua fetalai mai ai le Alii lo outou Atua.

 70 O lenei foi, e moni Ou te fai atu ia te outou, afai e talia e laʼu auauna o Siaosi Mila, ma laʼu auauna o Laimani Uaite, ma laʼu auauna o Ioane Snider, ma laʼu auauna o Peter Haws, soo se vaega faʼasoa i o latou lima, i tupe, po o i meatotino latou te maua ai le aofai moni i tupe, ia latou lē tuu ese soo se vaega o lena faʼasoa mo soo se isi lava faamoemoe, tau lava mo lena fale.

 71 Ma afai latou te tuu ese soo se vaega o lena faʼasoa mo soo se isi lava mea, tau lava mo lena fale, e aunoa ma le ioe a le ʼau fai faʼasoa, ma latou lē toe totogi mai faasautuafā mo le vaega faʼasoa na latou tuu ese mo soo se isi mea, tau lava i lena fale, o le a fetuuina i latou, ma o le a aveesea i latou i fafo mai lo latou tulaga, ua fetalai mai ai le Alii le Atua; ona o Aʼu, le Alii, o le Atua, ma e lē mafai ona aulagia i soo se tasi o ia mea.

 72 E moni Ou te fai atu ia te outou, ia tuu atu i laʼu auauna o Iosefa e totogi atu vaega faʼasoa i o latou lima mo le fausiaina o lena fale, pe pei ona foliga lelei ia te ia; ae e lē mafai e laʼu auauna o Iosefa ona totogi e sili atu i le sefululima afe tālā o vaega faʼasoa i lena fale, pe i lalo o le limasefulu tālā; pe mafai foi e se isi lava tagata, ua fetalai mai ai le Alii.

 73 Ma o loo i ai foi isi o e ua fia iloa loʼu loto e faatatau ia te i latou, ona ua latou ole mai ai i oʼu lima.

 74 O lea, Ou te fai atu ai ia te outou e uiga i laʼu auauna o Vinson Knight, afai e fia faia e ia loʼu loto ia tuu atu ia te ia e fai siea i lena fale mo ia lava, ma mo ana fanau pe a mavae o ia, mai lea tupulaga i lea tupulaga.

 75 Ma ia tuu atu ia te ia e sii i luga lona leo ia umi ma leotele, i totonu o tagata, e aaioi le tagi a e matitiva ma lē tagolima; ma ia tuu atu ia te ia ia lē faavaivai, pe ia vaivai lona loto; ma o le a Ou etalia ana taulaga, ona o le a lē avea i latou ia te aʼu e pei o taulaga a Kaino, aua o le a avea o ia mo aʼu, ua fetalai mai ai le Alii.

 76 Ia tuu atu i lona aiga ia olioli ma liliu ese o latou loto mai puapuaga; ona ua Ou filifilia o ia ma faauuina o ia, ma o le a faamamaluina o ia i totonu o lona aiga, aua o le a Ou faamagaloina ana agasala uma, ua fetalai mai ai le Alii. Amene.

 77 E moni Ou te fai atu ia te outou, ia tuu atu i laʼu auauna o Ailama ia fai siea i lena fale e pei ona foliga lelei ia te ia, mo ia lava ma ana fanau pe a mavae atu o ia, mai lea tupulaga i lea tupulaga.

 78 Ia tuu atu i laʼu auauna o Isaako Kalani e fai siea i lena fale; aua o Aʼu, o le Alii, ua alofa ia te ia mo galuega na ia faia, ma o le a Ou faamagaloina ana agasala uma; o lea, ia tuu atu ia manatua o ia mo se sao i lena fale mai lea tupulaga i lea tupulaga.

 79 Ia tuu atu i laʼu auauna o Isaako Kalani ia tofia i totonu o outou, ma ia faauu e laʼu auauna o Viliamu Mareko, ma faamanuia e ia, e o ma laʼu auauna o Ailama e faataunuu le galuega o le a faasino atu e laʼu auauna o Iosefa ia te i laua, ma o le a faamanuiaina tele i laua.

 80 Ia tuu atu i laʼu auauna o Viliamu Mareko e totogi siea i lena fale, e pei ona foliga lelei ia te ia, mo ia lava ma ana fanau, mai lea tupulaga i lea tupulaga.

 81 Ia tuʼu atu i laʼu auauna o Enele G. Sherwood e totogi siea i lena fale, e pei ona foliga lelei ia te ia, mo ia lava ma lana fanau pe a mavae atu o ia, mai lea tupulaga i lea tupulaga.

 82 Ia tuu atu i laʼu auauna o Viliamu La e totogi siea i lena fale, mo ia lava ma lana fanau pe a mavae atu o ia, mai lea tupulaga i lea tupulaga.

 83 Afai e fia faia e ia loʼu loto ia lē tuu atu ia te ia e ave lona aiga i laueleele i sasaʼe, i Katelani lea; e ui i lea, o Aʼu, o le Alii, o le a Ou ati aʼe i luga Katelani, peitai, o Aʼu, o le Alii, ua saunia se sasa mo i latou o e o nonofo ai.

 84 Ma i laʼu auauna o Almon Babbit, e tele mea ua Ou lē fiafia ai i ai; faauta, ua saili o ia e faatu lana fautuaga nai lo le fautuaga ua Ou faauuina, le fautuaga lava lea a le Au Peresitene o laʼu Ekalesia; ma ua faatu e ia se atamai povi auro e tapuai i ai loʼu nuu.

 85 Ia lē tuua se tagata o lē ua sau iinei e saili e tausi i aʼu poloaiga, e aalu ese atu mai lenei nofoaga.

 86 Afai latou te ola iinei ia tuu atu ia te i latou ia ola ia te aʼu; ma afai e maliliu i latou ia tuu atu ia latou maliliu ia te aʼu; auā o le a latou amalolo mai ia latou galuega uma iinei, ma o le a faaauau pea a latou galuega.

 87 O lea, ia tuu atu i laʼu auauna o Viliamu ia tuu mai lona faalagolago ia te aʼu, ma tuu le fefe e faatatau i lona aiga, ona o le faamaʼi o le laueleele. Afai tou te aalolofa mai ia te aʼu, tausi i aʼu poloaiga; ma o le a eliua ai le faamaʼi o le laueleele mo lo outou mamalu.

 88 Ia tuʼu atu i laʼu auauna o Viliamu e alu ma folafola atu laʼu talalelei tumau-faavavau ma le leo tele, ma le olioli tele, e pei ona o le a musuia ai o ia e loʼu aAgaga, i e o nonofo i Uosā, ma e foi o nonofo i Karefasi, ma e foi o nonofo i Pelinitone, ma e foi o nonofo i Metisone, ma faatalitali ma le onosai ma le filiga mo ni isi faatonuga i laʼu konafesi aoao, ua fetalai mai ai le Alii.

 89 Afai e faia e ia loʼu loto ia tuu atu ia te ia ia amata atu nei ona faalogo i le fautuaga a laʼu auauna o Iosefa, ma lagolago ma ana mea i le atagi a e matitiva, ma faasalalau atu ele faaliliuga fou o laʼu upu paia i e o nonofo i le lalolagi.

 90 Afai e faia e ia lenei mea o le a Ou afaamanuiaina o ia i se faatelega o faamanuiaga, o le a lē tuulafoaiina ai o ia, pe maua ai ana fanau i le eʼaisi meaai.

 91 O lenei foi, e moni Ou te fai atu ia te outou, ia tuu atu i laʼu auauna o Viliamu ia tofia, faaee i ai le tofi, ma faauu e avea ma fesoasoani i laʼu auauna o Iosefa, i le tulaga o laʼu auauna o Ailama, ina ia mafai e laʼu auauna o Ailama ona ave o le tofi o le Perisitua ma le aPeteriaka, lea na tofia ia te ia e lona tamā, e ala i le faamanuiaga ma i le aiā tatau foi;

 92 Ina ia umia e ia mai le taimi nei ki o afaamanuiaga faapeteriaka i luga o ulu o loʼu nuu uma,

 93 Ina ia faamanuiaina soo se tasi e faamanuia e ia, ma fetuuina soo se tasi e afetuu e ia; ina ia efaamauina i le lagi soo se mea lava e faamauina e ia i luga o le lalolagi; ma o soo se mea lava e tatala e ia i luga o le lalolagi o le a tatalaina i le lagi.

 94 Ma ua Ou tofia o ia mai le taimi nei ia avea o ia o se perofeta, ma se atagatavāai, ma se talifaaaliga i laʼu ekalesia, faapea foi laʼu auauna o Iosefa;

 95 Ina ia galue gatasi foi o ia ma laʼu auauna o Iosefa; ma ina ia maua e ia fautuaga mai laʼu auauna o Iosefa, o lē o le a ia faaali atu ia te ia aki e mafai ona ole mai ai o ia ma maua ai, ma faapaleina ai i lea lava faamanuiaga, ma le mamalu, ma le viiga, ma le perisitua, ma meaalofa o le perisitua, ia sa tuu atu i se taimi i luga o ia o lē sa avea ma aʼu auauna o eOliva Kaotui;

 96 Ina ia mafai e laʼu auauna o Ailama ona molimau e uiga i mea o le a Ou faaali atu ia te ia, ina ia manatua lona igoa i le mamalu mai lea tupulaga i lea tupulaga, e faavavau ma faavavau lava.

 97 Ia tuu atu foi ia maua e laʼu auauna o Viliamu La ki e mafai ona ole mai ai o ia ma maua faamanuiaga; ia tuu atu ia te ia ia afaamaualalo i oʼu luma, ma ia aunoa ma se efaaʼoleʼole, ma o le a maua e ia loʼu Agaga, o le iFaamafanafana lava, lea o le a faaalia atu ia te ia le moni o mea uma, ma tuu atu ia te ia, i le taimi tonu lava, mea e fai atu ai o ia.

 98 Ma o afaailoga nei e mulimuli atu ia te ia—o le a efaamalolo e ia e mamaʼi, o le a tutuli i fafo e ia tiapolo, ma o le a laveaiina o ia mai ia i latou o e e tuu atu ia te ia mea oona e oti ai;

 99 Ma o le a taitaia o ia i ala e lē mafai ai e agata uogo ona utia lona mulivae, ma o le alu aʼe o ia i luga i manatunatuga o ona emafaufauga maualuluga e pei ua i luga o apaau o aeto.

 100 Ma afai Ou te loto e faatu mai e ia sē ua oti, ia tuu atu ia te ia ia lē taofia lona leo.

 101 O lea, ia tuu atu i laʼu auauna o Viliamu e alaga leotele atu ma ia lē taofia, i le olioli ma le fiafia, ma osana ia te ia o lē ua afio i luga o le nofoalii e faavavau ma faavavau lava, ua fetalai mai ai le Alii lo outou Atua.

 102 Faauta, Ou te fai atu ia te outou, ua ia te aʼu se misiona faapolopolo mo laʼu auauna o Viliamu, ma laʼu auauna o Ailama, ma mo nao laua lava; ma ia tuu atu i laʼu auauna o Iosefa e nofo pea i le aiga, ona ua manaomia o ia. O le vaega o totoe o le a Ou faaali atu ia te outou i se taimi o mulimuli mai. E faapea lava. Amene.

 103 O lenei foi, e moni Ou te fai atu ia te outou, afai e fia auauna mai laʼu auauna o aSini ia te aʼu ma avea ma fesoasoani i laʼu auauna o Iosefa, ia tuu atu ia te ia e tulai ma sau i luga ma tu i le tofi o lona valaauga, ma faamaulalo o ia lava i oʼu luma.

 104 Ma afai e osi mai e ia ia te aʼu se taulaga e talia, ma tautinoga, ma nonofo faatasi pea ma loʼu nuu, faauta, o Aʼu, o le Alii lo outou Atua, o le a Ou faamaloloina o ia o le a malolo ai o ia; ma o le a toe siʼi atu e ia lona leo i luga o mauga, ma avea o se afailauga i luma o oʼu mata.

 105 Ia tuu atu ia te ia e sau ma faatu lona aiga i le pitonuu lea ua alaala ai laʼu auauna o Iosefa.

 106 Ma i ana malaga uma, ia tuu atu ia te ia e sii i luga lona leo e pei o le leo o se pu, ma lapatai atu i tagata o le lalolagi ia sosola ese mai le toasa o le a oo mai.

 107 Ia tuu atu ia te ia e fesoasoani i laʼu auauna o Iosefa, ma ia tuu atu foi i laʼu auauna o Viliamu La e fesoasoani i laʼu auauna o Iosefa, i le faia o se afolafolaga mamalu i tupu o le lalolagi, e pei lava ona Ou fai atu ai muamua ia te outou.

 108 Afai e fia faia e laʼu auauna o Sini loʼu loto, ia lē tuu atu ia te ia e aveese atu lona aiga i laueleele i asasaʼe, ae tuu atu ia te ia e sui lo latou nofoaga, e pei lava ona Ou fai atu ai.

 109 Faauta, e lē o loʼu loto le saili e ia ia maua le saogalemu ma le malutaga i fafo atu o le aai lea ua Ou tofia atu ia te outou, o le aai lava lea o aNavu.

 110 E moni Ou te fai atu ia te outou, e oo i le taimi nei, afai e faalogo mai o ia i loʼu leo, o le a lelei o ia. E faapea lava. Amene.

 111 O lenei foi, e moni Ou te fai atu ia te outou, ia tuu atu i laʼu auauna o Amosa Davies e totogi siea atu i lima o e ua Ou tofia e fausia se fale e tali ai malo, o le Maota lava lea i Navu.

 112 Ia tuu atu ia te ia e fai lenei mea pe afai e fia fai sana siea; ma ia tuu atu ia te ia e faalogo i le fautuaga a laʼu auauna o Iosefa, ma galue i ona lava lima ina ia maua e ia le faatuatuaga o tagata.

 113 Ma a faamaonia e ia o ia lava i le faamaoni i mea uma o le a faatuatua atu i lana tausiga, ioe, o mea itiiti lava, o le a avea o ia ma apule i mea e tele;

 114 O lea ia tuu atu ai ia te ia ia afaamaualalo o ia lava ina ia mafai ona faaeaina o ia. E faapea lava. Amene.

 115 O lenei foi, e moni Ou te fai atu ia te outou, afai e fia usiusitai laʼu auauna o Robert D. Foster i loʼu leo, ia tuu atu ia te ia e fausia se fale mo laʼu auauna o Iosefa, e tusa ma le konekarate na faia e ia faatasi ma ia, pe a tatala atu ia te ia le faitotoa mai lea taimi i lea taimi.

 116 Ma ia tuu atu ia te ia ia salamo mai ona sese uma, ma faaofu o ia lava i le aalofa mama; ma tuu le faia o le mea leaga, ma ia faataatitia ese ana upu faatautala mamafa uma;

 117 Ma ia totogi siea atu foi i lima o le korama o le Maota i Navu, mo ia lava ma ana fanau pe a mavae atu o ia, mai lea tupulaga i lea tupulaga;

 118 Ma faalogo i le fautuaga a aʼu auauna o Iosefa, ma Ailama, ma Viliamu La, ma pule ua Ou valaauina e faataatia le faavae o Siona; ma o le a lelei ia te ia e faavavau ma faavavau lava. E faapea lava. Amene.

 119 O lenei foi, e moni Ou te fai atu ia te outou, ia lē tuuina atu i se tagata e totogi siea i le korama o le Maota i Navu vagana ai o ia o se ua talitonu i le Tusi a Mamona, ma faaaliga ua Ou tuu atu ia te outou, ua fetalai mai ai le Alii lo outou Atua;

 120 Ona o se mea e asili atu pe itiiti i lo lenei e sau mai le leaga, ma o le a o mai faatasi ma fetuu ae lē o faamanuiaga, ua fetalai mai ai le Alii lo outou Atua. E faapea lava. Amene.

 121 O lenei foi, e moni Ou te fai atu ia te outou, ia tuu atu i le korama o le Maota i Navu ia maua se totogi tatau ai mo a latou galuega uma ua latou faia i le fausiaina o le Maota i Navu; ma ia tuu atu ia faia o latou totogi e tusa ma le mea latou te malilie i ai i totonu o i latou lava, e tusa ma lona tau.

 122 Ma ia tuu atu i tagata taitoatasi o e e totogi siea e ave lana vaega o o latou totogi, pe afai e tatau ai, mo lo latou tausiga, ua fetalai mai ai le Alii; a lē o lea, ia faitauina a latou galuega mo a latou siea i lena fale. E faapea lava. Amene.

 123 E moni Ou te fai atu ia te outou, Ou te tuu atu nei ia te outou o e amautofi ua i ai i laʼu Perisitua, ina ia mafai ona outou umia ona eki, le Perisitua lava lea e tusa ma le faatulagaga a iMekisateko, lea ua tusa ma le faatulagaga a loʼu Atalii e Toatasi na Fanaua.

 124 Muamua, Ou te tuu atu ia te outou Ailama Samita e avea o se apeteriaka mo outou, e umia faamanuiaga efaamau o laʼu ekalesia, o le Agaga Paia lava o le ifolafolaga, lea e ofaamau ai outou mo le aso o le togiolaina, ina ia outou lē pauu e ui i le uitula o le faaosoosoga atonu e oo mai i o outou luga.

 125 Ou te tuu atu ia te outou laʼu auauna o Iosefa e avea ma se toeaina pulefaamalumalu i luga o laʼu ekalesia atoa, e avea o se faaliliu-upu, o se talifaaaliga, o se atagatavāai, ma se perofeta.

 126 Ou te tuu atu ia te ia mo ni fesoasoani laʼu auauna o Sini Rikitone ma laʼu auauna o Viliamu La, ina ia avea i latou nei o se korama ma Au Peresitene Sili, e talia afaaaliga mo le ekalesia atoa.

 127 Ou te tuu atu ia te outou laʼu auauna o aBrigham Young e avea o se peresitene i luga o le aufono femalagaaʼi o le Toasefululua;

 128 O le aToasefululua lea e umia ki e tatala ai le pule o loʼu malo i luga o tulimanu e fa o le lalolagi, ma a mavae lena e eauina atu ai laʼu upu i tagata taitoatasi.

 129 O i latou ia o Heber C. Kimball, Parley P. Pratt, Orson Pratt, Orson Hyde, Viliamu Samita, Ioane Taylor, Ioane E. Page, Wilford Woodruff, Willard Richards, Siaosi A. Samita;

 130 O aTavita Patten ua Ou eavea mo aʼu lava; faauta, o lona perisitua e leai se tagata e avea mai ia te ia; ae, e moni Ou te fai atu ia te outou, e mafai ona tofia se isi i lena lava valaauga.

 131 O lenei foi, Ou te fai atu ia te outou, Ou te tuu atu ia te outou se aaufono maualuga, mo le maatulimanu o Siona—

 132 O o latou igoa, o Samuel Bent, Enele G. Sherwood, Siaosi W. Harisi, Charles C. Rich, Thomas Grover, Newel Knight, Tavita Dort, Dunbar Wilson—o Seymour Brunson ua Ou avea mo aʼu lava; e leai se tagata e avea lona perisitua, ae e mafai ona tofia se isi i lea lava perisitua i lona tulaga; ma e moni Ou te fai atu ia te outou, ia tuu atu i laʼu auauna o Aaron Ioanesone ia faauu i lenei valaauga i lona tulaga—o Tavita Fullmer, Alpheus Cutler, Viliamu Huntington.

 133 O lenei foi, Ou te tuu ia te outou Don C. Samita e avea o se peresitene i luga o le korama a faitaulaga sili;

 134 O se sauniga lea ua faavaeina mo le faamoemoe o le faaagavaaina o i latou o e o le a tofia e avea ma peresitene nofomau po o ni auauna i luga o asiteki eseese ua salalau lautele;

 135 E mafai foi ona latou malaga atu pe a latou filifili i ai, ae ia faauuina mo peresitene nonofomau; o le tofi lea o lo latou valaauga, ua fetalai mai ai le Alii lo outou Atua.

 136 Ou te tuu atu ia te ia Amasa Laimani ma Noah Packard mo ni fesoasoani, ina ia latou pulefaamalumalu i luga o le korama a faitaulaga sili o laʼu ekalesia, ua fetalai mai ai le Alii.

 137 O lenei foi, Ou te fai atu ia te outou, Ou te tuu atu ia te outou o Ioane A. Hicks, Samuel Viliamu, ma Jesse Baker, o le perisitua lea e pulefaamalumalu i luga o le korama a atoeaina, o se korama lea ua faatuina mo faifeau nonofomau; e ui i lea e mafai ona latou malaga, peitai ua faauuina i latou e avea ma faifeau nonofomau i laʼu ekalesia, ua fetalai mai ai le Alii.

 138 O lenei foi, Ou te tuu atu ia te outou o Iosefa Young, Josiah Butterfield, Daniel Miles, Enele Herriman, Zera Pulsipher, Levi Hancock, James Foster, e pulefaamalumalu i luga o le korama a afitugafulu;

 139 O se korama lea ua faatuina mo toeaina femalagaai e molimau atu loʼu igoa i le lalolagi atoa, i soo se mea e auina atu i ai i latou e le aufono maualuga femalagaaʼi, o aʼu aposetolo ia, e saunia se ala i luma o oʼu mata.

 140 O le eseesega i le va o lenei korama ma le korama a toeaina o le tasi e femalagaaʼi e lē aunoa, aʼo le isi e pulefaamalumalu i luga o aulotu mai lea taimi i lea taimi; o le tasi ua i ai le tiutetauave o le pulefaamalumalu mai lea taimi i lea taimi, aʼo le isi ua leai se tiutetauave ua i ai e pulefaamalumalu ai, ua fetalai mai ai le Alii lo outou Atua.

 141 O lenei foi, Ou te fai atu ia te outou, Ou te tuu atu ia te outou Vinson Knight, Samuel H. Samita, ma Shadrach Roundy, pe afai e talia e ia, e pulefaamalumalu i luga o le aau epikopo; o se malamalama o lea au epikopo ua taʼua ua tuu atu ia te outou i le tusi o eMataupu Faavae ma Feagaiga.

 142 O lenei foi, Ou te fai atu ia te outou, o Samuel Rolfe ma ona fesoasoani mo ositaulaga, ma le peresitene o aoao ma ona fesoasoani, ma le peresitene foi o tiakono ma ona fesoasoani, ma le peresitene foi o le siteki ma ona fesoasoani.

 143 O tofiga o i luga aʼe ua Ou tuu ia te outou, ma o latou ki, mo fesoasoani ma mo pulega, mo le galuega a le auaunaga ma le afaaatoatoaina o laʼu au paia.

 144 Ma Ou te tuu atu ia te outou se poloaiga, ia outou faatumuina ia tofiga uma ma apasia igoa na ua Ou tau atu, pe a lē o lea ia lē pasia i latou i laʼu konafesi aoao;

 145 Ma e tatau ona outou saunia ni potu mo ia tofi i loʼu fale pe a outou fausiaina i loʼu igoa, ua fetalai mai ai le Alii lo outou Atua. E faapea lava. Amene.