Tusitusiga Paia
Mataupu Faavae ma Feagaiga 124


Vaega 124

Faaaliga na tuuina mai ia Iosefa Samita le Perofeta, i Navu, Ilinoi, i le aso 19 o Ianuari, 1841. Ona o le faateteleina o sauaga ma aiaiga lē tusa ai ma le tulafono na faia e taitai o le malo e faasaga ia te i latou, o lea na faamalosia ai le Au Paia e o ese mai Misuri. O le faatonuga faaumatia na tuuina mai e Lilburn W. Boggs, le kovana o Misuri, i le aso 27 o Oketopa, 1838, na tuua ai i latou e aunoa ma se isi filifiliga. I le 1841, i le taimi na tuu mai ai lenei faaaliga, o le aai o Navu, sa tu i le mea sa i ai muamua le nuu o Commerce, Ilinoi, sa ati a’e e le Au Paia, ma o iina na faatuina ai le ofisa tutotonu o le Ekalesia.

1–14, Ua poloaiina Iosefa Samita e fai atu se folafolaga aloaia o le talalelei i le peresitene o le Iunaite Setete, i kovana, ma taitai o atunuu uma; 15–21, O Ailama Samita, David W. Patten, Iosefa Samita Matua, ma isi i totonu o e o ola ma e ua maliliu ua faamanuiaina ona o lo latou faamaoni ma le amiomamā; 22–28, Na poloaiina le Au Paia e fausia se faletalimalo ma se malumalu i Navu; 29–36, O papatisoga mo e ua maliliu ia faia i malumalu; 37–44, E fausia e le nuu o le Alii malumalu i taimi uma mo le faia o sauniga paia; 45–55, Ua tatalaina le Au Paia mai le fausiaina o le malumalu i le Itumalo o Siakisone ona o sauaga a o latou fili; 56–83, Ua tuuina mai faatonuga mo le fausiaina o le Maota i Navu 84–96, Ua valaaulia Ailama Samita e avea o se peteriaka, e maua ki, ma tu i le tulaga o Oliva Kaotui; 97–122, Ua fautuaina William Law ma isi ia latou galuega; 123–145, Ua ta’u mai mautofi aoao ma mautofi i alaalafaga, faatasi ma o latou tiute ma korama e auai.

1 E moni, ua faapea ona fetalai mai o le Alii ia te oe, la’u auauna o Iosefa Samita, ua Ou fiafia lava i lau taulaga ma au tautinoga, ua e faia; ona o le faamoemoe lea na Ou faatuina mai ai oe, ina ia Ou faailoa atu lo’u poto e ala i mea avaivai o le lalolagi.

2 Ua talia au tatalo i o’u luma; ma i le tali atu i au tatalo Ou te fai atu ai ia te oe, ua valaaulia vave nei oe e faia se folafolaga aloaia o la’u talalelei, ma o le asiteki lenei ua Ou faatuina e avea ma maatulimanu o Siona, lea o le a faaiila i teuga matagofie e tusa ma foliga o se maota o se tupu.

3 Ia fai atu lenei folafolaga i atupu uma o le lalolagi, i ona tulimanu e fa, i le peresitene mamalu filifilia, ma kovana faitōfā o le atunuu ua e nofo ai, ma i atunuu uma ua salalau i le lalolagi.

4 Ia tusia i le agaga o le aagamalu ma i le mana o le Agaga Paia, lea o le a ia te oe i le taimi e tusia ai lea lava folafolaga;

5 Aua o le a tuuina atu ia te oe e le Agaga Paia ia e iloa lo’u loto e uiga i tupu ma pule na, e oo lava i mea o le a pa’u’ū ai i latou i se taimi o le a oo mai.

6 Aua, faauta, ua lata ona Ou valaau atu ia i latou ia ua’i mai i le malamalama ma le mamalu o Siona, aua ua oo mai le taimi atofaina e faapitoa ai Siona.

7 O lea, ia e valaau atu ai, ia te i latou i le folafolaga leotele, faatasi ma lau molimau, ma ia e lē mata’u ia i latou, ona ua pei i latou o le avao, ma o lo latou mamalu atoa ua faapei o lona fuga ua lata ona pa’ū, ma ina ia tuua ai foi i latou e aunoa ma se ’alofaga—

8 Ma ia mafai ona Ou asiasi atu ia te i latou i le aso o le asiasiga, pe a Ou afe le ufiufi o o’u mata, e tofi atu le vaega a le faasauā faatasi ma e pepelo, i le mea e i ai le alilivau o nifo, pe afai latou te teena a’u auauna ma la’u molimau ua Ou faaalia atu ia te i latou.

9 O lenei foi, o le a Ou asiasi atu ma faamalulu o latou loto, le toatele lea o i latou, mo lo outou lelei, ina ia outou maua le alofa tunoa i la latou vaai, ina ia mafai ona latou o mai i le amalamalama o le upumoni, ma Nuuese i le faaeaga po o le siitiaina a’e i luga o Siona.

10 Ona ua vave ona oo mai o le aso o la’u asiasiga, i se aitula tou te lē mafaufau i ai; ma o fea o le a i ai le saogalemu o lo’u nuu, ma le sulufaiga mo i latou o e o le a tuua?

11 Ala mai ia, E, tupu e o le lalolagi! Ia outou o mai ia, E, ia outou o mai ia, ma a outou auro ma a outou ario, e fesoasoani i lo’u nuu, i le fale o afafine o Siona.

12 O lenei foi, e moni Ou te fai atu ia te oe, tuu atu i la’u auauna o Robert B. Thompson e fesoasoani ia te oe e tusi lenei folafolaga, ona ua Ou fiafia lava ia te ia, ma e tatau ona faatasi o ia ma oe;

13 O lea, ia tuu atu ia te ia ’ia faalogo i lau fautuaga, ma o le a Ou faamanuiaina o ia i faamanuiaga e tele; ia tuu atu ia te ia ’ia faamaoni ma tonu i mea uma mai le taimi nei ma le agai i luma, ma o le a sili o ia i la’u vaai;

14 Ae ia tuu atu ia te ia ’ia manatua e ia o le a Ou manaomia mai lona lima lana amea-tausi.

15 O lenei foi, e moni Ou te fai atu ia te oe, amuia lava la’u auauna o aAilama Samita; aua o A’u, o le Alii, ua alofa ia te ia ona o le efaamaoni o lona loto, ma ona e fiafia o ia i mea ua sa’o i o’u luma, ua fetalai mai ai le Alii.

16 O lenei foi, tuu atu i la’u auauna o John C. Bennett e fesoasoani ia te oe i lau galuega i le auina atu o la’u upu i tupu ma tagata o le lalolagi, ma tulai i ou tafatafa, la’u auauna lava lea o Iosefa Samita, i le itula o le puapuaga; ma o le a lē i’uvale lona taui pe afai e talia e ia afautuaga.

17 Ma o le a sili tele atu o ia ona o lona alofa, aua o le a avea o ia mo’u pe afai e faia e ia lenei mea, ua fetalai mai ai le Alii. Ua Ou vaai i le galuega na ia faia, lea Ou te talia pe afai e faaauau pea o ia, ma faapaleina o ia i faamanuiaga ma le mamalu tele.

18 O lenei foi, Ou te fai atu ia te oe, o lo’u loto e tatau i la’u auauna o Lyman Wight ona faaauau pea ona talai atu mo Siona, i le agaga o le agamalu, ma ta’uta’u atu a’u i luma o le lalolagi; ma o le a Ou sapasapaia o ia i luga e pei o i luga o apaau o aaeto; ma o le a aumai e ia le mamalu ma le viiga ia te ia lava ma i lo’u igoa.

19 Ina ia mafai ona Ou avea o ia mo a’u lava pe a faai’uina e ia lana galuega, e pei ona Ou faia i la’u auauna o aDavid Patten, lē ua faatasi nei ma a’u, ma la’u auauna foi o eEdward Partridge, ma la’u auauna matua foi o iIosefa Samitale Matua, lē ua nonofo ofaatasi ma Aperaamo i lona lima taumatau, ma ua faamanuiaina lava ma paia o ia, ona ua ā a’u o ia.

20 O lenei foi, e moni Ou te fai atu ia te oe, o la’u auauna o George Miller, ua aunoa ma le afaa’ole’ole; e mafai ona faalagolagoina o ia ona o le faamaoni o lona loto; ma ona o le alofa ua ia te ia i la’u molimau, o A’u, o le Alii, ua alofa ia te ia.

21 O lea Ou te fai atu ai ia te oe, Ou te faamauina i luga o lona ulu le tofi o se aau epikopo, e pei o la’u auauna o Edward Partridge, ina ia maua e ia faapaiaga o lo’u fale, ina ia mafai e ia ona tuu atu faamanuiaga i luga o ulu o e matitiva o lo’u nuu, ua fetalai mai ai le Alii. Ia lē tuu atu i se tagata ia inoino i la’u auauna o George, ona o le a faamamaluina a’u e ia.

22 Ia tuu atu i la’u auauna o George, ma la’u auauna o Lyman, ma la’u auauna o John Snider, ma isi, e fausia se afale i lo’u igoa, ia pei o le fale o le a faaali atu e la’u auauna o Iosefa ia te i latou, i luga o le nofoaga o le a faaali atu foi e ia ia te i latou.

23 Ma o le a avea lea fale o se fale e tali ai tagata, o se fale e mafai ona o mai i ai tagata ese mai mea mamao e nonofo ai; o lea ia avea ma se fale lelei, e agavaa mo le talia atoatoa, ina ia maua e le atagata malaga vaivai le maloloina ma le saogalemu a’o manatunatu loloto o ia i le afioga a le Alii; ma o le emaatulimanu ua Ou tofia mo Siona.

24 O lenei fale o le a avea ma nofoaga o le maloloina pe afai e fausia i lo’u igoa, ma pe afai e lē tuua e le pule o le a tofia i ai se mea eleelea e oo mai i ona luga. O le a paia, po ua lē afio ai le Alii lo outou Atua.

25 O lenei foi, e moni Ou te fai atu ia te outou, ia tuu atu i la’u au paia uma e o mai i mea mamao.

26 Ma ia outou auina atu ni avefeau televavave, ioe, ni avefeau filifilia, ma fai atu ia te i latou: Ia outou o mai ia, ma a outou auro uma, ma a outou ario, ma a outou maa taua, ma a outou mea anamua uma, ma faatasi ma i latou uma o e ua i ai le malamalama e uiga i mea anamua, o e e fia o mai, ia o mai, ma aumai le laau tasura, ma le laau perosi, ma le laau kitara, faatasi ma laau taua uma o le lalolagi;

27 Ma faatasi ma le uamea, ma le kopa, ma le apamemea, ma le metala pa’epa’e, faatasi ma a outou mea taua uma o le lalolagi; ma fausia se afale i lo’u igoa, mo le Silisili Ese e eafio ai.

28 Aua ua leai se mea e maua i le lalolagi e mafai e ia ona afio mai i ai ma atoefuatai mai mea na leiloa mai ia te outou, po o mea na aveesea e ia, o le atoatoaga lava o le perisitua.

29 Aua ua lē o i ai se faatanoa afaipapatisoga i le lalolagi, e mafai ai e i latou, o la’u au paia, ona epapatisoina ai mo i latou o e ua maliliu—

30 Aua o lenei sauniga e ā lo’u fale, ma e lē mafai ona Ou taliaina, tau lava i aso o lo outou mativa, ia e lē mafai ai ona outou fausia o se fale mo a’u.

31 Ae ’Ou te poloai atu ia te outou, outou uma o la’u au paia, ia afausia se fale mo a’u; ma ’Ou te tuu atu ia te outou se taimi ua lava e fausia ai se fale mo a’u; ma o le taimi lea o le a talia ai a outou papatisoga ia te a’u.

32 Ae faauta, i le faaiuga o lenei taimi tuupoina o le a lē talia ia te a’u a outou papatisoga mo o outou tagata maliliu; ma afai tou te lē faia nei mea i le faaiuga o le taimi tuupoina, o le a teena outou o se ekalesia, faatasi ma o outou tagata maliliu, ua fetalai mai ai le Alii lo outou Atua.

33 Aua e moni ’Ou te fai atu ia te outou, a uma ona outou maua se taimi ua lava e fausia ai se fale mo a’u, o ona totonu e i ai le sauniga o le papatisoga mo e ua maliliu, ma o mea lava ia na faatuina a o le i faavaeina le lalolagi, o le a lē mafai ona talia ia te a’u a outou papatisoga mo o outou tagata maliliu;

34 Aua o totonu iinā e faauuina ai aki o le perisitua paia, ina ia outou maua le viiga ma le mamalu.

35 Ma a mavae lenei taimi, o a outou papatisoga mo e ua maliliu, e faia e i latou o e ua salalau lautele, e lē talia ia te a’u, ua fetalai mai ai le Alii.

36 Aua ua faauuina o Siona, ma i ona siteki, ma i Ierusalema, nofoaga na ua ’Ou tofia mo asulufaiga, o nofoaga na ia avea mo a outou papatisoga mo o outou tagata maliliu.

37 O lenei foi, e moni ’Ou te fai atu ia te outou, pe faapefea ona talia ia te a’u a outou amulumuluga, vagana ai ua outou faia i latou i totonu o se fale ua outou fausia mo lo’u igoa?

38 Aua, o le pogai lea na ’Ou poloaiina ai Mose e tatau ia te ia ona fausia se afale fetafai, e tatau ona latou tauave faatasi ma i latou i le vao, ma ia fausia se efale i le laueleele o le folafolaga, ina ia mafai ona faaali mai ai sauniga ia na natia mai le taimi ae lei i ai le lalolagi.

39 O lea, e moni ’Ou te fai atu ia te outou, o a outou afaauuga, ma a outou mulumuluga, ma a outou epapatisoga mo e ua maliliu, ma a outou ifaapotopotoga paia, ma a outou faamanatuga mo a outou otaulaga e faia e atalii o Levi, ma mo a outou faaaliga i o outou unofoaga sili ona paia ia tou te maua ai i totonu talatalaga, ma a outou tulafono ma faamasinoga, mo le amataga o faaaliga ma le faavaega o Siona, ma mo le mamalu, viiga, ma le faaeega o ona tagata uma, ua faauuina i sauniga o lo’u fale paia, lea ua poloaiina lo’u nuu i taimi uma ia fausia i lo’u igoa paia.

40 Ma e moni ’Ou te fai atu ia te outou, ia tuu atu ia fausia lenei fale mo lo’u igoa, ina ia mafai ona ’Ou faaali atu ai i totonu a’u sauniga i lo’u nuu;

41 Aua ua ’Ou manatu ua tatau ona afaaali atu i la’u ekalesia mea sa taofi enatia a o le i faavaeina le lalolagi, o mea e faatatau i le tisipenisione o le i’atoaga o taimi.

42 Ma o le a a’Ou faaali atu i la’u auauna o Iosefa mea uma e faatatau i lenei fale, ma lona perisitua, ma le nofoaga o le a fausia ai i luga.

43 Ma ia outou fausia i luga o le nofoaga i le mea ua outou mafaufau e fausia ai, aua o le fasi fanua lena ua Ou filifilia mo outou e fausia ai.

44 Afai tou te galulue ma lo outou malosi atoa, o le a Ou faapaiaina lena fasi eleele ina ia faia ia apaia.

45 Ma afai e faalogo mai lo’u nuu i lo’u leo, ma le leo o a’u aauauna o e ua Ou tofia e taitaia lo’u nuu, faauta, e moni Ou te fai atu ia te outou, o le a lē aveesea i latou mai lo latou nofoaga.

46 Ae afai latou te lē faalogo mai i lo’u leo, po o le leo o nei alii o e ua Ou tofia, o le a lē faamanuiaina i latou, aua ua latou faaeleeleaina o’u eleele paia, ma a’u sauniga paia, ma tusi faavae, ma a’u upu paia Ou te tuu atu ia te i latou.

47 Ma o le a oo mai, afai tou te fausia se fale i lo’u igoa, ma lē faia mea Ou te fai atu ai, o le a Ou lē faia le atautoga ua Ou faia atu ia te outou, pe faataunuu folafolaga ua outou faamoemoe i ai mai lo’u lima, ua fetalai mai ai le Alii.

48 Aua anai lo faamanuiaga, o outou, ia outou lava galuega, tou te aumaia fetuu, le toasa, le toatamai, ma faamasinoga i luga o o outou lava ulu, e ala i o outou sese, ma ala ia outou mea inosia uma, ua outou faia i o’u luma, ua fetalai mai ai le Alii.

49 E moni, e moni, Ou te fai atu ia te outou, a Ou tuuina atu se poloaiga i soo se tasi o atalii o tagata, e fai se galuega i lo’u igoa, ma o atu ia atalii o tagata ma lo latou malosi atoa ma mea uma ua ia te i latou e fai lena galuega, ma lē tuua lo latou afiliga, ae o mai o latou fili ia i latou ma taofi i latou mai le faia o lena galuega, faauta, ona tatau ai lea ia te a’u ona lē toe emanaomia lena galuega mai i lima o ia atalii o tagata, ae talia a latou taulaga.

50 Ma o le amioletonu ma le soliga o a’u tulafono ma poloaiga paia o le a Ou aasiasi atu ai i luga o ulu o i latou o e ua ponatia ai la’u galuega, e oo atu i le etupulaga lona tolu ma le fa, i le umi latou te ilē salamo ai, ma inoino mai ai ia te a’u, ua fetalai mai ai le Alii le Atua.

51 O lea, o le pogai lenei ua Ou taliaina ai taulaga a i latou o e na Ou poloaiina e fausia se aai ma se afale i lo’u igoa, i le eitumalo o Jackson, Misuri, ma sa taofia e o latou fili, ua fetalai mai ai le Alii lo outou Atua.

52 Ma o le a Ou tali atu i le afaamasinoga, ita, ma le toasa, le tagiaue, faavauvau, ma le lilivau o nifo i luga o o latou ulu, e oo atu i le tupulaga lona tolu ma le fa, i le umi latou te lē salamo ai, ma inoino mai ia te a’u, ua fetalai mai ai le Alii lo outou Atua.

53 Ma Ou te faia lenei mea ma faataitaiga ia te outou, mo lo outou toafilemu e faatatau ia i latou uma o e na poloaiina e faia se galuega a ua ponatia e lima o o latou fili, ma i sauaga, ua fetalai mai ai le Alii lo outou Atua.

54 Aua o A’u o le Alii lo outou Atua, ma o le a Ou laveaiina i latou uma o o outou uso o e na loto amamā, ma sa efasiotia i le laueleele o Misuri, ua fetalai mai ai le Alii.

55 O lenei foi, e moni Ou te fai atu ia te outou, Ou te toe poloai atu ia te outou ia fausia se afale i lo’u igoa, i le nofoaga lava lenei, ina ia outou efaamaonia mai outou lava ia te a’u tou te faamaoni i mea uma Ou te poloaiina ai outou, ina ia Ou faamanuiaina outou, ma faapaleina outou i le mamalu, ola pea, ma le ola e faavavau.

56 Ma o lenei Ou te fai atu ia te outou, e faatatau i lo’u afale talimalo na Ou poloaiina outou ia fausia mo le taliga o tagata ese, ia tuu atu ia fausia i lo’u igoa, ma ia tuu atu lo’u igoa e faaigoa ai, ma ia tuu atu i ai i totonu se mea e nonofo ai la’u auauna o Iosefa ma lona aiga, mai lea tupulaga i lea tupulaga.

57 Aua ua Ou tuuina lenei faauuga i luga o lona ulu, ina ia tuuina foi lona faamanuiaga i luga o ulu o ana fanau mulimuli mai pe a mavae atu o ia.

58 Ma e pei ona Ou fai atu ia aAperaamo e faatatau i ituaiga o le lalolagi, e faapea foi ona Ou fai atu i la’u auauna o Iosefa: O le a faamanuiaina ia te oe ma au efanau ituaiga o le lalolagi.

59 O lea, ia tuu atu ai i la’u auauna o Iosefa ma ana fanau e mulimuli mai pe a mavae atu o ia ia nonofo i lena fale, mai lea tupulaga i lea tupulaga, e faavavau ma faavavau lava, ua fetalai mai ai le Alii.

60 Ma ia tuu atu le igoa o lena fale ia ta’ua o le Maota i Navu; ma ia tuu atu ia avea ma malutaga matagofie mo tagata, ma se nofoaga mapu mo le tagata malaga ua vaivai, ina ia mafai e ia ona mafaufau ai i le mamalu o Siona, ma le mamalu o lenei aai, lona maatulimanu;

61 Ina ia mafai ai foi e ia ona maua le fautuaga mai ia te i latou o e ua Ou faatutuina e avea e pei o ni alaau totō lauiloa, ma o ni eleoleo i luga o ona pa.

62 Faauta, e moni Ou te fai atu ia te outou, ia tuu atu i la’u auauna o George Miller, ma la’u auauna o Lyman Wight, ma la’u auauna o John Snider, ma la’u auauna o Peter Haws, e faatulaga i latou lava, ma tofia se tasi o i latou e avea ma peresitene i luga o la latou korama mo le faamoemoe o le fausiaina o lena fale.

63 Ma ia latou faia se tulafono faavae, e mafai ai ona latou maua ni vaega fa’asoa mo le fausiaina o lena fale.

64 Ma ia latou lē taliaina se mea maualalo ifo i lo le limasefulu tālā mo se vaega fa’asoa i lena fale, ma ia faatagaina i latou e talia le sefululima afe tālā mai i soo se tagata e toatasi mo vaega fa’asoa o lena fale.

65 Ae ia lē faatagaina i latou e talia mai i soo se tagata e toatasi le sili atu i le sefululima afe tālā mo se vaega fa’asoa.

66 Ma ia lē faatagaina i latou e talia mai i soo se tagata e toatasi le itiiti ifo mai i le limasefulu tālā mo se vaega fa’asoa i lena fale.

67 Ma ia lē faatagaina i latou e talia soo se tagata e avea o se ua i ai vaega fa’asoa i lenei fale, vagana ua totogi mai e lea lava tagata lana vaega i o latou lima i le taimi e maua ai e ia lana fa’asoa;

68 Ma o le a maua e ia le vaega fa’asoa i lena fale e tusa ma le aofai o vaega fa’asoa e totogi mai e ia i o latou lima; ae afai e leai se mea e totogi mai e ia i o latou lima o le a lē maua e ia ni vaega fa’asoa i lena fale.

69 Ma ai se e totogi mai se vaega fa’asoa i o latou lima ia avea ma vaega fa’asoa i lena lava fale, mo ia lava, ma mo ana tupulaga mulimuli mai pe a mavae atu o ia, mai lea tupulaga i lea tupulaga, i le umi e umia ai e ia ma ona suli lena vaega fa’asoa, ma lē faatau atu ai pe tuu ese atu ai le vaega fa’asoa mai i o latou lima i la latou filifiliga saoloto ma mea e fai, pe afai tou te faia lo’u loto, ua fetalai mai ai le Alii lo outou Atua.

70 O lenei foi, e moni Ou te fai atu ia te outou, afai e talia e la’u auauna o George Miller, ma la’u auauna o Lyman Wight, ma la’u auauna o John Snider, ma la’u auauna o Peter Haws, soo se vaega fa’asoa i o latou lima, i tupe, po o i meatotino latou te maua ai le aofai moni i tupe, ia latou lē tuu ese soo se vaega o lena fa’asoa mo soo se isi lava faamoemoe, tau lava mo lena fale.

71 Ma afai latou te tuu ese soo se vaega o lena fa’asoa mo soo se isi lava mea, tau lava mo lena fale, e aunoa ma le ioe a le ’au fai fa’asoa, ma latou lē toe totogi mai faa-sautuafā mo le vaega fa’asoa na latou tuu ese mo soo se isi mea, tau lava i lena fale, o le a fetuuina i latou, ma o le a aveesea mai lo latou tulaga, ua fetalai mai ai le Alii le Atua; ona o A’u, le Alii, o le Atua, ma e lē mafai ona aulagia i soo se tasi o ia mea.

72 E moni Ou te fai atu ia te outou, ia tuu atu i la’u auauna o Iosefa e totogi atu vaega fa’asoa i o latou lima mo le fausiaina o lena fale, pe pei ona talafegai lelei ia te ia; ae e lē mafai e la’u auauna o Iosefa ona totogi e sili atu i le sefululima afe tālā o vaega fa’asoa i lena fale, pe i lalo o le limasefulu tālā; pe mafai foi e se isi lava tagata, ua fetalai mai ai le Alii.

73 Ma o loo i ai foi isi o e ua fia iloa lo’u loto e faatatau ia te i latou, ona ua latou ole mai ai i o’u lima.

74 O lea, Ou te fai atu ai ia te outou e uiga i la’u auauna o Vinson Knight, afai e fia faia e ia lo’u loto ia tuu atu ia te ia e fai saofaga i lena fale mo ia lava, ma mo ana fanau pe a mavae o ia, mai lea tupulaga i lea tupulaga.

75 Ma ia tuu atu ia te ia e siitia a’e i luga lona leo ia umi ma leotele, i totonu o tagata, e aaioi le tagi a e matitiva ma lē tagolima; ma ia tuu atu ia te ia ia lē faavaivai, pe ia vaivai lona loto; ma o le a Ou etalia ana taulaga, ona o le a lē avea i latou ia te a’u e pei o taulaga a Kaino, aua o le a avea o ia mo a’u, ua fetalai mai ai le Alii.

76 Ia tuu atu i lona aiga ia olioli ma liliu ese o latou loto mai puapuaga; ona ua Ou filifilia o ia ma faauuina o ia, ma o le a faamamaluina o ia i totonu o lona aiga, aua o le a Ou faamagaloina ana agasala uma, ua fetalai mai ai le Alii. Amene.

77 E moni Ou te fai atu ia te outou, ia tuu atu i la’u auauna o Ailama ia fai saofaga i lena fale i le mea e talafeagai lelei ia te ia, mo ia lava ma ana fanau pe a mavae atu o ia, mai lea tupulaga i lea tupulaga.

78 Ia tuu atu i la’u auauna o Isaac Galland e fai saofaga i lena fale; aua o A’u, o le Alii, ua alofa ia te ia mo galuega na ia faia, ma o le a Ou faamagaloina ana agasala uma; o lea, ia tuu atu ia manatua o ia mo se sao i lena fale mai lea tupulaga i lea tupulaga.

79 Ia tuu atu i la’u auauna o Isaac Galland ia tofia i totonu o outou, ma ia faauu e la’u auauna o William Marks, ma faamanuia e ia, e o ma la’u auauna o Ailama e faataunuu le galuega o le a faasino atu e la’u auauna o Iosefa ia te i laua, ma o le a faamanuiaina tele i laua.

80 Ia tuu atu i la’u auauna o William Marks e totogi se saofaga i lena fale, e pei ona talafegai lelei ia te ia, mo ia lava ma ana fanau, mai lea tupulaga i lea tupulaga.

81 Ia tu’u atu i la’u auauna o Enele G. Sherwood e totogi se saofaga i lena fale, e pei ona talafeagai lelei ia te ia, mo ia lava ma lana fanau pe a mavae atu o ia, mai lea tupulaga i lea tupulaga.

82 Ia tuu atu i la’u auauna o William Law e totogi se saofaga i lena fale, mo ia lava ma lana fanau pe a mavae atu o ia, mai lea tupulaga i lea tupulaga.

83 Afai e fia faia e ia lo’u loto ia lē tuu atu ia te ia e ave lona aiga i laueleele i sasa’e, i Katelani lea; ae ui i lea, o A’u, o le Alii, o le a Ou ati a’e i luga Katelani, peitai, o A’u, o le Alii, ua saunia se sasa mo i latou o e o nonofo ai.

84 Ma i la’u auauna o Almon Babbit, e tele mea ua Ou lē fiafia ai i ai; faauta, ua saili o ia e faia lana fautuaga nai lo le fautuaga ua Ou faauuina, le fautuaga lava lea a le Au Peresitene o la’u Ekalesia; ma ua faatuina e ia se tamai povi aauro e tapuai i ai lo’u nuu.

85 Ia lē tuua se tagata o lē ua sau iinei e saili e tausi i a’u poloaiga, e aalu ese atu mai lenei nofoaga.

86 Afai latou te ola iinei ia tuu atu ia te i latou ia ola ia te a’u; ma afai e maliliu i latou ia tuu atu ia latou maliliu ia te a’u; auā o le a latou amalolo mai ia latou galuega uma iinei, ma o le a faaauau pea a latou galuega.

87 O lea, ia tuu atu i la’u auauna o William ia tuu mai lona faatuatuaga ia te a’u, ma tuu le fefe e faatatau i lona aiga, ona o le faama’i o le laueleele. Afai tou te aalolofa mai ia te a’u, tausi i a’u poloaiga; ma o le a eliua ai le faama’i o le laueleele mo lo outou mamalu.

88 Ia tu’u atu i la’u auauna o William e alu ma folafola atu la’u talalelei tumau e faavavau ma le leo tele, ma le olioli tele, e pei ona o le a musuia ai o ia e lo’u aAgaga, i e o nonofo i Warsaw, ma e foi o nonofo i Karefasi, ma e foi o nonofo i Burlington, ma e foi o nonofo i Madison, ma faatalitali ma le onosai ma le filiga mo ni isi faatonuga i la’u konafesi aoao, ua fetalai mai ai le Alii.

89 Afai e faia e ia lo’u loto ia tuu atu ia te ia ia amata atu nei ona faalogo i le fautuaga a la’u auauna o Iosefa, ma lagolago ma ana mea i le atagi a e matitiva, ma faasalalau atu ele faaliliuga fou o la’u upu paia i e o nonofo i le lalolagi.

90 Afai e faia e ia lenei mea o le a Ou afaamanuiaina o ia i se faatelega o faamanuiaga, o le a lē tuulafoaiina ai o ia, pe maua ai ana fanau i le e’aisi meaai.

91 O lenei foi, e moni Ou te fai atu ia te outou, ia tuu atu i la’u auauna o William ia tofia, faaee i ai le tofi, ma faauu e avea ma fesoasoani i la’u auauna o Iosefa, i le tulaga o la’u auauna o Ailama, ina ia mafai e la’u auauna o Ailama ona ave o le tofi o le Perisitua ma le aPeteriaka, lea na tofia ia te ia e lona tamā, e ala i le faamanuiaga ma i le aiā tatau foi;

92 Ina ia umia e ia mai le taimi nei ki o faamanuiaga afaapeteriaka i luga o ulu o lo’u nuu uma,

93 Ina ia faamanuiaina soo se tasi e faamanuia e ia, ma fetuuina soo se tasi e afetuu e ia; ina ia faamauina i le lagi soo se mea lava e efaamauina e ia i le lalolagi; ma o soo se mea lava e tatala e ia i le lalolagi o le a tatalaina i le lagi.

94 Ma ua Ou tofia o ia mai le taimi nei ia avea o ia o se perofeta, ma se atagatavāai, ma se talifaaaliga i la’u ekalesia, faapea foi la’u auauna o Iosefa;

95 Ina ia galue gatasi foi o ia ma la’u auauna o Iosefa; ma ina ia maua e ia fautuaga mai la’u auauna o Iosefa, o lē o le a ia faaali atu ia te ia aki e mafai ona ole mai ai o ia ma maua ai, ma faapaleina ai i lea lava faamanuiaga, ma le mamalu, ma le viiga, ma le perisitua, ma meaalofa o le perisitua, ia sa tuu atu i se taimi i luga o ia o lē sa avea ma a’u auauna o eOliva Kaotui;

96 Ina ia mafai e la’u auauna o Ailama ona molimau e uiga i mea o le a Ou faaali atu ia te ia, ina ia manatua lona igoa i le mamalu mai lea tupulaga i lea tupulaga, e faavavau ma faavavau lava.

97 Ia tuu atu foi ia maua e la’u auauna o William Law ki e mafai ona ole mai ai o ia ma maua faamanuiaga; ia tuu atu ia te ia ia afaamaualalo i o’u luma, ma ia aunoa ma se efaa’ole’ole, ma o le a maua e ia lo’u Agaga, o le iFesoasoani lava, lea o le a faaalia atu ia te ia le moni o mea uma, ma tuu atu ia te ia, i le taimi tonu lava, mea e fai atu ai o ia.

98 Ma o afaailoga nei e mulimuli atu ia te ia—o le a efaamalolo e ia e mama’i, o le a tutuli i fafo e ia tiapolo, ma o le a laveaiina o ia mai ia i latou o e e tuu atu ia te ia mea oona e oti ai;

99 Ma o le a taitaia o ia i ala e lē mafai ai e gata auogo ona utia lona mulivae, ma o le a faatupuina ia te ia manatunatuga o ona emafaufauga e pei ua i luga o apaau o aeto.

100 Ma afai Ou te loto e faatu mai e ia sē ua oti, ia tuu atu ia te ia ia lē taofia lona leo.

101 O lea, ia tuu atu i la’u auauna o William e alaga leotele atu ma ia lē taofia, i le olioli ma le fiafia, ma osana ia te ia o lē ua afio i luga o le nofoalii e faavavau faavavau lava, ua fetalai mai ai le Alii lo outou Atua.

102 Faauta, Ou te fai atu ia te outou, ua ia te a’u se misiona o loo faapolopolo mo la’u auauna o William, ma la’u auauna o Ailama, ma mo na o laua lava; ma ia tuu atu i la’u auauna o Iosefa e nofo pea i le aiga, ona ua manaomia o ia. O le vaega o totoe o le a Ou faaali atu ia te outou i se taimi o mulimuli mai. E faapea lava. Amene.

103 O lenei foi, e moni Ou te fai atu ia te outou, afai e fia auauna mai la’u auauna o aSini ia te a’u ma avea ma fesoasoani i la’u auauna o Iosefa, ia tuu atu ia te ia e tulai ma sau i luga ma tu i le tofi o lona valaauga, ma faamaulalo o ia lava i o’u luma.

104 Ma afai e osi mai e ia ia te a’u se taulaga e talia, ma tautinoga, ma nonofo faatasi pea ma lo’u nuu, faauta, o A’u, o le Alii lo outou Atua, o le a Ou faamaloloina o ia o le a malolo ai o ia; ma o le a toe si’itia a’e e ia lona leo i luga o mauga, ma avea o se afailauga i luma o o’u mata.

105 Ia tuu atu ia te ia e sau ma faatuina lona aiga i le pitonuu lea ua alaala ai la’u auauna o Iosefa.

106 Ma i ana malaga uma, ia tuu atu ia te ia e siitia a’e i luga lona leo e pei o le leo o se pu, ma lapatai atu i tagata o le lalolagi ia sosola ese mai le toasa o le a oo mai.

107 Ia tuu atu ia te ia e fesoasoani i la’u auauna o Iosefa, ma ia tuu atu foi i la’u auauna o William Law e fesoasoani i la’u auauna o Iosefa, i le faia o se afolafolaga aloaia i tupu o le lalolagi, e pei lava ona Ou fai atu ai muamua ia te outou.

108 Afai e fia faia e la’u auauna o Sini lo’u loto, ia lē tuu atu ia te ia e aveese atu lona aiga i laueleele i asasa’e, ae tuu atu ia te ia e sui lo latou nofoaga, e pei lava ona Ou fai atu ai.

109 Faauta, e lē o lo’u loto le saili e ia ia maua le saogalemu ma le malutaga i fafo atu o le aai lea ua Ou tofia atu ia te outou, o le aai lava lea o aNavu.

110 E moni Ou te fai atu ia te outou, e oo i le taimi nei, afai e faalogo mai o ia i lo’u leo, o le a lelei o ia. E faapea lava. Amene.

111 O lenei foi, e moni Ou te fai atu ia te outou, ia tuu atu i la’u auauna o Amosa Davies e totogi se saofaga i lima o e ua Ou tofia e fausia se fale e tali ai malo, o le Maota lava lea i Navu.

112 Ia tuu atu ia te ia e fai lenei mea pe afai e manao iai; ma ia tuu atu ia te ia e faalogo i le fautuaga a la’u auauna o Iosefa, ma galue i ona lava lima ina ia maua e ia le faatuatuaga o tagata.

113 Ma a faamaonia e ia o ia lava i le faamaoni i mea uma o le a faatuatua atu i lana tausiga, ioe, o mea itiiti lava, o le a avea o ia ma apule i mea e tele;

114 O lea ia tuu atu ai ia te ia ia afaamaualalo o ia lava ina ia mafai ona faaeaina o ia. E faapea lava. Amene.

115 O lenei foi, e moni Ou te fai atu ia te outou, afai e fia usiusitai la’u auauna o Robert D. Foster i lo’u leo, ia tuu atu ia te ia e fausia se fale mo la’u auauna o Iosefa, e tusa ma le konekarate na faia e ia faatasi ma ia, pe a tatala atu ia te ia le faitotoa mai lea taimi i lea taimi.

116 Ma ia tuu atu ia te ia ia salamo mai ona sese uma, ma faaofu o ia lava i le aalofa mama; ma tuu le faia o le mea leaga, ma ia faataatitia ese ana upu faatautala mamafa uma;

117 Ma ia totogi siea atu foi i lima o le korama o le Maota i Navu, mo ia lava ma ana fanau pe a mavae atu o ia, mai lea tupulaga i lea tupulaga;

118 Ma faalogo i le fautuaga a a’u auauna o Iosefa, ma Ailama, ma William Law, ma pule ua Ou valaauina e faataatia le faavae o Siona; ma o le a lelei ia te ia e faavavau faavavau lava. E faapea lava. Amene.

119 O lenei foi, e moni Ou te fai atu ia te outou, ia lē tuuina atu i se tagata e totogi siea i le korama o le Maota i Navu vagana ai o ia o se ua talitonu i le Tusi a Mamona, ma faaaliga ua Ou tuu atu ia te outou, ua fetalai mai ai le Alii lo outou Atua;

120 Ona o se mea e afaapei o lenei e sau mai le leaga, ma o le a o mai faatasi ma fetuu ae lē o faamanuiaga, ua fetalai mai ai le Alii lo outou Atua. E faapea lava. Amene.

121 O lenei foi, e moni Ou te fai atu ia te outou, ia tuu atu i le korama o le Maota i Navu ia maua se totogi tatau ai mo a latou galuega uma ua latou faia i le fausiaina o le Maota i Navu; ma ia tuu atu ia faia o latou totogi e tusa ma le mea latou te malilie i ai i totonu o i latou lava, e tusa ma lona tau talafeagai.

122 Ma ia tuu atu i tagata taitoatasi o e e totogi saofaga e ave lana vaega o o latou totogi, pe afai e tatau ai, mo lo latou tausiga, ua fetalai mai ai le Alii; a lē o lea, ia faitauina a latou galuega mo a latou saofaga i lena fale. E faapea lava. Amene.

123 E moni Ou te fai atu ia te outou, Ou te tuu atu nei ia te outou o e amautofi ua i ai i la’u Perisitua, ina ia mafai ona outou umia ona eki, le Perisitua lava lea e tusa ma le faatulagaga a iMekisateko, lea ua tusa ma le faatulagaga a lo’u Atalii Pele e Toatasi.

124 Muamua, Ou te tuu atu ia te outou Ailama Samita e avea o se apeteriaka mo outou, e umia faamanuiaga efaamau o la’u ekalesia, o le Agaga Paia lava o le ifolafolaga, lea e ofaamau ai outou mo le aso o le togiolaina, ina ia outou lē pa’u’ū e ui i le uitula o le faaosoosoga atonu e oo mai i o outou luga.

125 Ou te tuu atu ia te outou la’u auauna o Iosefa e avea ma se toeaina pulefaamalumalu i luga o la’u ekalesia atoa, e avea o se faaliliu-upu, o se talifaaaliga, o se atagatavāai, ma se perofeta.

126 Ou te tuu atu ia te ia mo ni fesoasoani o la’u auauna o Sini Rikitone ma la’u auauna o William Law, ina ia avea i latou nei o se korama ma Au Peresitene Sili, e talia afaaaliga mo le ekalesia atoa.

127 Ou te tuu atu ia te outou la’u auauna o aBrigham Young e avea o se peresitene i luga o le aufono femalagaa’i o le Toasefululua;

128 O le aToasefululua lea e umia ki e tatala ai le pule o lo’u malo i luga o tulimanu e fa o le lalolagi, ma a mavae lena e eauina atu ai la’u upu i tagata taitoatasi.

129 O i latou ia o Heber C. Kimball, Parley P. Pratt, Orson Pratt, Orson Hyde, Viliamu Samita, Ioane Teila, John E. Page, Wilford Woodruff, Willard Richards, Siaosi A. Samita;

130 O aDavid Patten ua Ou eavea mo a’u lava; faauta, o lona perisitua e leai se tagata e avea mai ia te ia; ae, e moni Ou te fai atu ia te outou, e mafai ona tofia se isi i lena lava valaauga.

131 O lenei foi, Ou te fai atu ia te outou, Ou te tuu atu ia te outou se aaufono maualuga, mo le maatulimanu o Siona—

132 O o latou igoa, o Samuel Bent, Henry G. Sherwood, George W. Harris, Charles C. Rich, Thomas Grover, Newel Knight, David Dort, Dunbar Wilson—o Seymour Brunson ua Ou avea mo a’u lava; e leai se tagata e avea lona perisitua, ae e mafai ona tofia se isi i lea lava perisitua i lona tulaga; ma e moni Ou te fai atu ia te outou, ia tuu atu i la’u auauna o Aaron Ioanesone ia faauu i lenei valaauga i lona tulaga—o David Fullmer, Alpheus Cutler, William Huntington.

133 O lenei foi, Ou te tuu ia te outou Don C. Samita e avea o se peresitene i luga o le korama a faitaulaga sili;

134 O se sauniga lea ua faavaeina mo le faamoemoe o le faaagavaaina o i latou o e o le a tofia e avea ma peresitene nofomau po o ni auauna i luga o asiteki eseese ua salalau lautele;

135 E mafai foi ona latou malaga atu pe a latou filifili i ai, ae ia faauuina mo peresitene nonofomau; o le tofi lea o lo latou valaauga, ua fetalai mai ai le Alii lo outou Atua.

136 Ou te tuu atu ia te ia Amasa Lyman ma Noah Packard mo ni fesoasoani, ina ia latou pulefaamalumalu i luga o le korama a faitaulaga sili o la’u ekalesia, ua fetalai mai ai le Alii.

137 O lenei foi, Ou te fai atu ia te outou, Ou te tuu atu ia te outou o John A. Hicks, Samuel Williams, ma Jesse Baker, o le perisitua lea e pulefaamalumalu i luga o le korama a atoeaina, o se korama lea ua faatuina mo faifeau nonofomau; ae ui i lea e mafai ona latou malaga, peitai ua faauuina i latou e avea ma faifeau nonofomau i la’u ekalesia, ua fetalai mai ai le Alii.

138 O lenei foi, Ou te tuu atu ia te outou o Iosefa Young, Josiah Butterfield, Daniel Miles, Henry Herriman, Zera Pulsipher, Levi Hancock, James Foster, e pulefaamalumalu i luga o le korama a afitugafulu;

139 O se korama lea ua faatuina mo toeaina femalagaai e molimau atu lo’u igoa i le lalolagi atoa, i soo se mea e auina atu i ai i latou e le aufono maualuga femalagaa’i, o a’u aposetolo ia, e saunia se ala i luma o o’u mata.

140 O le eseesega i le va o lenei korama ma le korama a toeaina o le tasi e femalagaa’i e lē aunoa, a’o le isi e pulefaamalumalu i luga o aulotu mai lea taimi i lea taimi; o le tasi ua i ai le tiutetauave o le pulefaamalumalu mai lea taimi i lea taimi, a’o le isi ua leai se tiutetauave ua i ai e pulefaamalumalu ai, ua fetalai mai ai le Alii lo outou Atua.

141 O lenei foi, Ou te fai atu ia te outou, Ou te tuu atu ia te outou Vinson Knight, Samuel H. Samita, ma Shadrach Roundy, pe afai e talia e ia, e pulefaamalumalu i luga o le aau epikopo; o se malamalama o lea au epikopo ua ta’ua ua tuu atu ia te outou i le tusi o eMataupu Faavae ma Feagaiga.

142 O lenei foi, Ou te fai atu ia te outou, o Samuel Rolfe ma ona fesoasoani mo ositaulaga, ma le peresitene o aoao ma ona fesoasoani, ma le peresitene foi o tiakono ma ona fesoasoani, ma le peresitene foi o le siteki ma ona fesoasoani.

143 O tofiga o i luga a’e ua Ou tuu ia te outou, ma o latou ki, mo fesoasoani ma mo pulega, mo le galuega o le auaunaga ma le afaaatoatoaina o la’u au paia.

144 Ma Ou te tuu atu ia te outou se poloaiga, ia outou faatumuina ia tofiga uma ma apasia igoa na ua Ou tau atu, pe a lē o lea ia lē pasia i latou i la’u konafesi aoao;

145 Ma e tatau ona outou saunia ni potu mo ia tofi i lo’u fale pe a outou fausiaina i lo’u igoa, ua fetalai mai ai le Alii lo outou Atua. E faapea lava. Amene.