Dagiti Nasantuan a Kasuratan
Doktrina ken Katulagan 128


Benneg 128

Ti surat ni Joseph Smith a Propeta iti Ti Simbaan ni Jesucristo dagiti Santo iti Ud-udina nga Aldaw, a naglaon iti nayon a pangiwanwan iti panangbuniag iti minatay, napetsaan iti Nauvoo, Illinois, idi 6 ti Septiembre 1842 (History of the Church, 5:148–153).

1–5, Nasken a paneknekan dagiti parasurat iti purok ken iti sapasap ti kinapudno ti panangbuniag iti natay; 6–9, Nasiken dagiti sinurat ken naisurat iti daga ken iti langit; 10–14, Kaasping ti tanem ti puente a pagbuniagan; 15–17, Insubli ni Elias a propeta ti bileg a mainaig iti panangbuniag iti natay; 18–21, Naisubli amin dagiti tulbek, bileg, ken panangituray iti napalabas a pagturayan; 22–25, Naidir-i ti nagasat ken nagloriaan a damag para kadagiti sibibiag ken natay.

1 Kas inlanadko iti suratko kadakayo sakbay a pimmanawak iti lugarko, nga agtultuloy ti panagsuratko kadakayo tapno padamagankayo iti mainaig iti adu a topiko, ituloyko ita ti maipanggep iti apanangbuniag iti natay, ta dayta a topiko ti mangkumikom iti panunotko, ket ad-adda a sumekseksek iti riknak, manipud idi sapsapulendakon dagiti kabusorko.

2 Nagsuratak kadakayo ti sumagmamano a balikas a paltiing maipanggep iti parasurat. Adda bassit a kapanunotak a mainayonko a mainaig iti daytoy a banag, a paneknekak ita. A daytoy, naipakdaar iti immuna a suratko a nasken nga adda aparasurat, nga agbalin a saksi, ken kasta met a paneknekanna kadagiti lapayagna, a mabalin a makaaramid iti sinurat iti kinapudno iti imatang ti Apo.

3 Ita, mainaig iti daytoy a banag, narigat unay para iti maysa a parasurat a siiimatang iti amin a kanito, ken mangaramid iti amin a kasapulan. Tapno marisut daytoy a parikut, mabalin nga adda parasurat a mapusgan iti tunggal purok iti siudad, a maikari unay nga agisurat kadagiti umno a detalye ti naaramid; ket naannad koma a mangbinsabinsa iti panagalana iti amin a naaramid, a paneknekanna iti sinuratna a nakitana kadagiti matana, ken nangngegna kadagiti lapayagna, ket itdenna ti petsa, ken nagnagan, ken dadduma pay, ken ti pakasaritaan ti sibubukel nga aramid; nga inagananna met ti tallo a tao a makaimatang, no adda, a makapaneknek iti ania man a kanito a no maawagan nga agpaneknek iti dayta met laeng, tapno manipud iti ngiwat dagiti dua wenno tallo a asaksi mapaneknekan ti tunggal balikas.

4 Kalpasanna, adda koma sapasap a parasurat, a pakaipaimaan dagitoy sabsabali a kasuratan, a mangted kadagiti sertipiko a pinirmaanda, a mangipaneknek a pudno ti inaramidda a kasuratan. Kalpasanna itipon ti sapasap a parasurat ti simbaan iti sapasap a libro ti simbaan, a kakuyog dagiti sertipiko amin dagiti timmabuno a saksi, babaen ti bukodna a balikas a pudno unay a mamati a napudpudno dagiti balikas ken sinurat, babaen ti pannakaammona iti kangrunaan a galad ken pannakatuding ti simbaan kadagitoy a tao. Ket no naaramiden daytoy iti sapasap a libro ti simbaan, maysan a nasantuan ti sinurat, ket sungbatannanto ti ordinansa a kas iti nakitana kadagiti matana ken nangngeg kadagiti lapayagna, ken naisuratnan daytoy iti sapasap a libro ti simbaan.

5 Mabalin a mapanunotyo a naisalsalumina unay ti pannakaurnos dagitoy a banag; ngem palubosandak a mangibaga kadakayo ngem sungbat laeng daytoy iti pagayatan ti Dios, babaen ti itutunos iti ordinansa ken panagsagana nga inordenan ken insagana ti Apo sakbay ti pannakabukel ti lubong, para iti apannakaisalakan dagiti natay a pimmusay nga awanan iti bpannakaammo iti ebanghelio.

6 Ket inayonko, a pagayatak a laglagipenyo nga impamaysa ni Juan a Mammaltiing daytoy a topiko a mainaig iti natay, idi impakdaarna, kas makitayo a naisurat iti Apocalipsis 20:12Ket nakitak dagiti natay, babassit ken dadakkel, a nagtakder iti sango ti Dios; ket nabistrad dagiti pagbasaan; nabistrad met ti sabali pay a pagbasaan nga isu ti pagbasaan ti biag; ket dagiti natay naukomda babaen kadagiti bambanag a naisurat kadagiti pagbasaan a kas mayannurot, kadagiti aramidda.

7 Maduktalanyo iti daytoy nga adaw a sao a nalukatan dagiti libro; ken sabali pay a libro ti nalukatan, nga isu ti alibro ti biag; ngem naukom dagiti natay kadagiti banag a naisurat kadagiti libro, a maibatay kadagiti aramidda; iti kasta, mabalin a dagiti libro a nasao dagiti libro a naglaon iti kasuratan dagiti aramidda, ken mangitudo kadagiti bkasuratan a naitalimeng iti daga. Ket ti libro nga isu ti libro ti biag ti kasuratan a naitalimeng iti langit; ti pagbatayan a nalawag a kumanunong iti doktrina a naibilin kadakayo iti paltiing a linaon ti surat nga insuratko kadakayo sakbay a pinanawak ti lugarko—tapno amin nga isuratyo maisurat iti langit.

8 Ita, ti sasaaden daytoy nga ordinansa a nabukel iti abileg ti kinasaserdote, babaen ti paltiing ni Jesucristo, a nakaipaayan a no ania man ti bmapagkappeng iti daga agkappengdanto iti langit, ket ania man a warwaranyo iti daga mawarwaranto met iti langit. Wenno, iti sabali a pannao, nga alaen iti sabali a panirigan iti panangipatarus, ania man nga isuratyo iti daga maisuratto met iti langit, ken ania man a diyo isurat iti daga saanto met a maisurat iti langit; ta agtaudto kadagiti libro maukomto dagiti natay, a maibatay kadagiti aramidda, no inaramidda met la a mismo dagiti cordinansa iti bukodda a propria persona, wenno babaen dagiti mangibagi kadakuada, a maibatay iti ordinansa nga insagana ti Dios para iti dpannakaisalakanda manipud idi sakbay ti pannakabukel ti lubong, a maibatay kadagiti kasuratan nga intalimengda maipanggep iti minatayda.

9 Agparparang kadagiti dadduma a kasla nabatad unay a doktrina ti sasawentayo—ti bileg a mangisurat wenno mapagkappeng iti daga ken mapagkappeng iti langit. Nupay kasta, iti amin a tawen iti lubong, no kaano nga inted ti Apo ti adispensasion iti kinasaserdote iti asino man a tao babaen ti talaga a paltiing, wenno ania man a grupo ti tattao, kanayon a maited daytoy a bileg. Isu a, no ania man ti inaramid dagidiay a tao babaen ti bturay, iti nagan ti Apo, ket inaramidda a napudpudno ken sipupudno, ken nangaramid iti umno ken napudno a sinurat maipapan iti daytoy, agbalin a paglintegan iti daga ken iti langit, ket saan a mabalbaliwan, a maibatay iti paulog ti naindaklan a cJehova. Daytoy ti napudno a sao. Asino ti makangngeg iti daytoy?

10 Ket manen, para iti pagsurotan, iti Mateo 16:18, 19: Ket siak kunak met kenka, a sika, Pedroka, ket iti daytoy a bato bangonekto ti Iglesiak; ket dagiti ruangan ti Hades saandanto nga agballigi kenkuana. Itdekto kenka dagiti tulbek ti pagarian ti langit; ket ti ania man a galutamto ditoy daga magalutanto idiay langit; ket ania man a warwaram idiay daga mawarwaranto iti langit.

11 Ita ti naindaklan ken dakkel a palimed ti sangabukel a banag, ken ti summum bonum ti sangabukel a topiko a naidatag iti sangotayo, a naglaon iti pananggun-od kadagiti bileg ti Nasantuan a Kinasaserdote. Kadagiti pakaitedan dagitoy a atulbek saan a narigat ti manggun-od iti pannakaammo kadagiti pasamak a mainaig iti bpannakaisalakan dagiti annak ti tattao, nga agpadpada a para kadagiti natay ken dagiti sibibiag.

12 Adda ditoy ti agloria ken bdayaw, ken csaan nga ipapatay ken agnanayon a biag—Ti ordinansa ti panagbuniag babaen iti danum, a dmaipabatok sadiay tapno masungbatan ti pannakayarngi kadagiti natay, tapno ti maysa a pagbatayan mayalubog iti sabali; a maipabatok iti danum ken mailung-aw iti danum mayarngi iti panagungar dagiti natay iti ibabangonda kadagiti tanemda; isu a, narugian daytoy nga ordinansa a mangbukel iti pannakainaig ti ordinansa ti panagbuniag para kadagiti natay, a kaarngi dagiti natay.

13 Pagbanaganna, naaramid ti puente a apagbuniagan a bmayarngi iti tanem, ken naibilin a naisaad iti baba a paguummongan dagiti sibibiag, tapno maipakita kadagiti sibibiag ken kadagiti natay, ken tapno adda kaarngi ti amin a banag, ken tapno mayalubog iti tunggal maysa—tapno ti naindagaan sumarurong iti nailangitan, kas impakdaar ni Pablo, iti 1 Taga-Corinto 15:46, 47, ken 48;

14 Ngem saan nga immuna ti naespirituan, no di ket ti gagangay; ken kalpasanna naespirituan. Daydi immuna a tao nabukel iti daga, naindagaan; ngem daydi maikadua a tao ti Apo iti langit. No kasano idi daydi naindagaan, kasta met dagiti naindagaan; ket no kasano daydi nailangitan, kastada met dagiti nailangitan. Ket kas mayalubog dagiti kasuratan iti daga kadagiti minatayyo, a napaypayso a naaramid, kasta met dagiti kasuratan iti langit. Daytoy ngarud, ti amamaglantip ken mamagkappeng a bileg, ket iti ababa a pannao, dagiti btulbek iti pagarian, a mangbukel iti tulbek ti cpannakaammo.

15 Ket ita, ipatpategko unay a kakabsat a lallaki ken babbai, bay-anyo nga ipanamnamak kadakayo a pagbatayan dagitoy a mayalubog kadagiti natay ken dagiti sibibiag a saan a nalaklaka a palabsen lattan, a maipapan iti pannakaisalakantayo. Ta nasken ken kasapulan unay ti apannakaisalakanda iti pannakaisalakantayo, kas kinuna ni Pablo maipanggep kadagiti amma—ta kadakuada saanda a makapagbalin a bnaan-anay no awantayo—kasta met a saantayo a makapagbalin a naan-anay no awan dagiti minataytayo.

16 Ket ita, mainaig iti panangbuniag kadagiti natay, itedko kadakayo ti sabali pay nga adaw a sao manipud ken ni Pablo, ti 1 Taga-Corinto 15:29: Ita ania pay ti aramidento dagiti mabautisaran a maipaay kadagiti natay, no dagiti natay saanda nga agungar uray kaanoman? Apay ngarud agbautisarda a maipaay kadakuada?

17 Ket manen, mainaig iti daytoy nga adaw a sao ikkankayo iti inadaw manipud iti maysa kadagiti propeta, a naituon ti imatangna iti apannakaisubli ti kinasaserdote, dagiti gloria a maipalgakto kadagiti ud-udina nga aldaw, ken iti naisangayan a wagas agpaay daytoy kadayagan kadagiti amin a topiko iti agnanayon nga ebanghelio, a managan, ti panangbuniag kadagiti natay; ta kinuna ni Malakias, iti maudi a kapitulo, bersikulo 5 ken 6: Adtoy, ibaonko kadakayo ni bElias a mammadto iti sakbay ti yaay ti dakkel ken nakakikigtot nga aldaw ti Apo; ket isu isublinanto ti puso dagiti amma kadagiti annak, ken ti puso dagiti annak kadagiti ammada, di la ket ta siak umayak ket kabilek ti daga iti panangilunod.

18 aNalawlawag koma ti intedko a pannakaipatarus daytoy, ngem umdasen ti kinalawag daytoy a mainugot iti pakasapulanna. Umdas a maammuan, iti daytoy a banag, a masaplit ti daga iti lunod malaksid no adda bmamagtugmok a saanen nga agsina iti ania man kadagitoy iti nagbaetan dagiti amma ken dagiti annak, iti sumagmamano a topiko wenno sabali—ket adtoy ania dayta a topiko? Isu ti cpanangbuniag kadagiti natay. Ta datayo no awanda saantayo nga agbalin a naan-anay; wenno isuda no awantayo saanda nga agbalin a naan-anay. Wenno isuda man wenno datayo saantayo a makapagbalin a naan-anay no awan dagiti natay met iti ebanghelio; ta nasken iti yaadani ti ddispensasion ti pannakatungpal dagiti panawen, a dayta a dispensasion mangrugin nga umadani, tapno ti sibubukel ken naan-anay ken awan pagkuranganna a pagkaykaysaan, ken panagtutugmok dagiti dispensasion, ken dagiti tulbek, ken dagiti bileg, ken dagiti gloria agturay, ken maipalgak manipud kadagidi aldaw ni Adan agpapan iti agdama a panawen. Ken saan la a daytoy, ngem dagiti banag a saan pay a naipalgak manipud iti epannakabukel ti lubong, ngem nailemmeng manipud kadagiti masirib ken naannad, maipalgakto kadagiti fmaladaga ken agsussuso iti daytoy, ti dispensasion ti pannakatungpal dagiti panawen.

19 Ita, ania ti mangngegtayo iti ebanghelio nga inawattayo? Napnuan ragsak a timek! Timek ti panangngaasi manipud iti langit; ken timek ti akinapudno a timpuar iti daga; naimbag a damag para kadagiti natay; naragsak a timek para kadagiti sibibiag ken kadagiti natay; naimbag a bdamag ti naindaklan a rag-o. Anian a nagpintas kadagiti bantay dagiti cdapan dagiti nangyeg iti naimbag a damag iti naimbag a banag, ken agkuna iti Zion: Adtoy, agturayen ti Dios! Kas iti dlinnaaw iti Carmel, kastanto ti ibababa ti pannakaammo iti Dios kadakuada!

20 Ket manen, ania ti mangngegtayo? Naimbag a damag manipud iti aCumorah! Ni bMoroni, ti anghel manipud iti langit, a mangipakpakdaar iti pannakatungpal dagiti propeta—ti clibro a maipalgak. Ti timek ti Apo iti langalang ti dFayette, ili ti Seneca, a mangipakpakdaar kadagiti tallo a saksi a emangpaneknek iti naisurat a libro! Ti timek ni fMiguel iti ngarab ti Susquehanna, a nakadlaw iti sairo a nagparang a kas anghel ti glawag! Ti timek da hPedro, Santiago, ken Juan iti langalang a nagbaetan ti Harmony, ili ti Susquehanna, ken Colesville, ili ti Broome, iti karayan ti Susquehanna, a mangipakpakdaar iti bagbagida a kas agiggem kadagiti itulbek ti pagarian, ken ti dispensasion ti pannakatungpal dagiti panawen!

21 Ket manen, ti timek ti Dios iti siled ti lakay nga aAma Whitmer, iti Fayette, ili ti Seneca, ken kadagiti nadumaduma a panawen, ken kadagiti nadumaduma a luglugar iti amin a panagdaliasat ken panagsagaba daytoy Simbaan ni Jesucristo dagiti Santo iti Ud-udina nga Aldaw! Ken ti timek ni Miguel, ti arkanghel; ti timek ni bGabriel, ken ni cRafael, ken dagiti nadumaduma nga danghel, manipud ken ni Miguel wenno eAdan nga agpababa iti agdama a panawen, amin a mangipakdaar iti fdispensasionda, dagiti karbenganda, dagiti tulbekda, dagiti dayawda, ti tan-ok ken dayagda, ken ti bileg ti kinasaserdoteda; a mangted iti tunggal binatog, iti tunggal gannuroten; bassit ditoy, ken bassit idiay; ikkannatayo iti pangliwliwa babaen ti panangitungtungkuana iti dayta umay, a mangipatalged iti hnamnamatayo!

22 Kakabsat a lallaki, saantayo kadi nga agtuloy iti naindaklan a panggep? Agtuloykayo a saan nga agsanud. Pigsa ti pakinakem, kakabsat a lallaki; ket ala, ala gaw-aten ti balligi! Pagrag-uenyo ti puspusoyo, ket agragsakkayo iti aglaplapusanan. Buongenyo ti daga iti akankanta. Agsao koma dagiti natay iti kanta ti pagilian iti agnanayon a panagdayaw ken ni Ari bEmmanuel, a naordenan, sakbay a nabukel ti lubong, tapno maikkantayo iti gundaway a cmangsubbot kadakuada iti dnakaibaludanda; ta maruk-atanto dagiti balud.

23 Ipukkaw koma dagiti abantay ti rag-o, ket umkiskayo koma amin a tanap; ket aminkayo a baybay ken natikag a dagdaga ibagayo ti kinadatdatlag ti Agnanayon nga Ariyo! Ken dakayo a karayan, ken waig, ken sarraisi, agayuskayo a siraragsak. Dayawen koma amin dagiti kayo iti talon ti Apo; ket agsangitkayo koma a natangken a bbatbato iti nalaus a rag-o! Ket agkanta koma a sangsangkamaysa ti init, bulan, ken dagiti cbituen iti parbangon, ken agpukkaw koma amin dagiti lallaki nga annak ti Dios iti nalaus a rag-o! Ket ipakdaar koma ti agnanayon a panagparsua ti naganna iti agnanayon nga awan inggana! Ket kunak manen, anian a nagdaeg ti timek a mangngegtayo manipud iti langit, a mangipakpakdaar kadagiti lapayagtayo, iti gloria ken pannakaisalakan, ken dayaw, ken dsaan nga ipapatay, ken eagnanayon a biag; dagiti pagarian, kangrunaan a luglugar, ken bileg!

24 Adtoy, umadanin ti naindaklan nga aaldaw ti Apo; ket asino ti bmakaibtur iti aldaw a yaayna, ken asino ti makatakder inton agparang? Ta kasla iti apuy a cmanggugor, ken kasla iti sabon a naingel; ket agtugawto a kas iti dmanggugor ken mangpatarnaw iti pirak, ket patarnawennanto dagiti lallaki nga annak ni eLevi, ket aramidenna ida a kasla balitok ken pirak, tapno mangidatondanto iti Apo iti fdaton ti kinalinteg. Mangidatontayo, ngarud, kas simbaan ken tattao, ken kas Santo iti Ud-udina nga Aldaw, iti Apo iti daton ti kinalinteg; ket idatagtayo iti nasantuan a templona, no malpaston, ti libro a naglaon iti gsinurat a maipapan kadagiti minataytayo, a maikarinto iti amin a pannakaawat.

25 Kakabsat, adu a banag ti masaok kadakayo maipanggep iti topiko; ngem isardengko pay ita, ket inton sabalin a panawen nga ituloyko. Siak, pay laeng, ti napakumbaba a katulonganyo ken saan nga agbalbaliw a gayyem,

Joseph Smith.