Tusitusiga Paia
Mataupu Faavae ma Feagaiga 132


Vaega 132

Faaaliga na tuuina mai e ala mai ia Iosefa Samita le Perofeta, i Navu, Ilinoi, na tusifaamaumauina i le aso 12 o Iulai, 1843, e faatatau i le feagaiga fou ma tumau e faavavau, e aofia ai le faavavau o le feagaiga o le faaipoipoga ma le mataupu faavae o le faaipoipo i avā e tele. E ui ina sa tusifaamaumauina le faaaliga i le 1843, ua faailoa mai i faamaoniga faapea o nisi o mataupu faavae na aofia ai i lenei faaaliga sa iloa e le Perofeta mai lava i le amataga o le 1831. Tagai i le Folafolaga Aloaia 1.

1–6, E maua le faaeaga e ala i le feagaiga fou ma tumau e faavavau; 7–14, Ua tuu mai tuutuuga ma tulaga o lena feagaiga; 15–20, O le faaipoipoga faaselesitila ma le faaauauga o le iunite o le aiga e mafai ai e tagata ona avea ma atua; 21–25, O le ala vaapiapi ma lauitiiti e tau i ola e faavavau; 26–27, Ua tuu mai le tulafono e faatatau i le upuleaga e faasaga i le Agaga Paia; 28–39, O folafolaga o le faatelega e faavavau ma le faaeaga ua faia i perofeta ma le Au Paia i vaitausaga uma; 40–47, Ua tuu mai ia Iosefa Samita le mana e faamauina ma faailogaina ai i le lalolagi ma i le lagi; 48–50, Ua faamaufaailogaina e le Alii i luga o ia lona faaeaga; 51–57, Ua fautuaina Emma Samita ia faatuatua ma faamaoni; 58–66, Ua tuu mai tulafono e pulea ai le faaipoipo i avā e tele.

1 E moni, ua faapea ona fetalai mai o le Alii ia te oe la’u auauna, Iosefa, talu ai ona ua e ole mai i lo’u lima ia e iloa ma malamalama pe na faapefea ona ta’uamiotonuina e A’u, o le Alii, a’u auauna o Aperaamo, Isaako, ma Iakopo, e pei foi o a’u auauna o Mose, Tavita ma Solomona, e faatatau i le mataupu autu ma le mataupu faavae o lo latou faia o aavā ma palake e toatele—

2 Faauta, ma tagai, o A’u o le Alii lou Atua, ma o le a ou tali atu ia te oe e uiga i lenei mataupu.

3 O lea, ia asaunia lou loto e talia ma usiusitai i faatonuga o le a Ou tuu atu ia te oe; ona o i latou uma o e e faaali atu ia te i latou lenei tulafono e ao ina usiusitai i lea lava.

4 Aua faauta, Ou te faaali atu ia te outou se afeagaiga fou ma tumau e faavavau; afai tou te lē ola ai i lena feagaiga, ona etausalaina lea o outou; aua e leai se tasi e mafai ona iteena lenei feagaiga ma faatagaina e ulu mai i lo’u mamalu.

5 Aua o i latou uma o e e fia mauaina se afaamanuiaga i lo’u lima ia ola ai i le etulafono na tofia mo lena faamanuiaga, ma ona tulaga, e pei ona sa faatutuina mai a o le i faavaeina le lalolagi.

6 Ma e faatatau i le afeagaiga fou ma tumau e faavavau, sa faatuina mo le atoatoaga o lo’u emamalu; ma o ia o lē e mauaina lona atoatoaga e ao ma tatau ona ola ai i le tulafono, po o le a tausalaina o ia, ua fetalai mai ai le Alii le Atua.

7 Ma e moni Ou te fai atu ia te outou, o atuutuuga o lenei tulafono e faapea: O feagaiga, maliega, ioega, tautinoga, etautoga, folafolaga, tu, sootaga, mafutaga, po o faamoemoega uma, e lē faia ma osia ma ifaamauina i le oAgaga Paia o le folafolaga, e ia o lē ua faauuina, mo le taimi nei ma mo le faavavau atoa, ma lena foi ua sili ona paia, i le ufaaaliga ma le poloaiga e ala i lē ua ou faauuina, o lē ua Ou tofia i le lalolagi e umia lenei mana (ma ua Ou tofia i la’u auauna o Iosefa e umia lenei mana i aso e gata ai, ma e lē sili atu lava i le toatasi lē e i le lalolagi e faaee atu i ai lenei mana ma fki o le perisitua i le taimi e tasi), e leai se aoga, āuga, po o se malosi i le toetutu mai ma pe a mavae le toetutu mai le oti; ona o maliega uma e lē faia mo lenei faamoemoe e i ai se iuga pe a oti tagata.

8 Faauta, o lo’u fale o se fale o le maopoopo, ua fetalai mai ai le Alii le Atua, ae lē o se fale o le fenumia’i.

9 Ou te talia ea se ataulaga, ua fetalai mai ai le Alii, ua lē faia i lo’u igoa?

10 Pe Ou te talia mai i o outou lima se mea Ou te lei atofiaina?

11 Ma Ou te tofi atu ea ia te outou se mea, ua fetalai mai ai le Alii, vagana ai ua ala atu i se tulafono, e pei lava ona afaauu atu e A’u ma lo’u Tamā ia te outou, a’o lei i ai le lalolagi?

12 O A’u o le Alii lou Atua; ma Ou te tuu atu ia te outou le poloaiga lenei—e leai se tagata e asau i le Tamā vagana e ala atu ia te a’u po o i la’u upu, o la’u tulafono lea, ua fetalai mai ai le Alii.

13 Ma o mea uma o i le lalolagi, pe na faauuina e tagata, i nofoalii, po o itumalo, po o mana, po o mea ta’uta’ua, po o a lava na mea, ua lē ala atu ia te a’u po o i la’u upu, ua fetalai mai ai le Alii, o le a lafo i lalo, ma o le a alē tumau pe a mavae ona oti o tagata, pe i le toetutu mai po o le mavae o le toetutu mai, ua fetalai mai ai le Alii lou Atua.

14 Aua soo se mea e tumau e ala atu ia te a’u; ma o soo se mea e lē ala atu ia te a’u o le a luluina ma faaumatia.

15 O lea, afai e afaaipoipo e se tane se avā ia te ia i le lalolagi, ma lē faaipoipoina e ia o ia e a’u po o i la’u upu, ma osifeagaiga o ia ma ia a’o i ai pea o ia i le lalolagi ma ia foi faatasi ma ia, e lē aoga la laua feagaiga ma le faaipoipoga pe a oti i laua, ma pe a o ese i laua mai le lalolagi; o lea, e lē noatia i laua i se tulafono pe a o ese i laua mai le lalolagi.

16 O lea, pe a o ese i laua mai le lalolagi, e lē faaipoipo i laua pe tuuina atu i le afaaipoipoga; ae o ni eagelu tofia i le lagi, o agelu ia o ni auauna galulue, e auauna atu ia te i latou o e ua agavaa mo se fuataga mamao tele atu, ma silisli atu na’uā, ma faavavau, o le mamalu.

17 Ona o nei agelu sa lē ola i la’u tulafono; o lea, e lē mafai ai ona faateleina i latou, ae tumau eseese ma nonofo taitoatasi, e aunoa ma le faaeaga, i lo latou tulaga faaolaina, i le faavavau atoa; ma e mai le taimi lena ma le agai i luma, e lē o ni atua, ae o ni agelu a le Atua e faavavau ma faavavau lava.

18 O lenei foi, e moni Ou te fai atu ia te outou, afai e faaipoipo e se tane se avā, ma osia se feagaiga ma ia mo le taimi nei ma mo le faavavau, afai e lē faia lena feagaiga e a’u po o i la’u upu, o la’u tulafono lea, ma lē faamauina e le Agaga Paia o le folafolaga, e ala atu ia te ia o lē ua Ou faauuina ma tofia i lenei mana, e lē aoga pe taulia pe a o ese i laua mai le lalolagi, ona ua lē faatasia i laua e a’u, ua fetalai mai ai le Alii, pe i la’u upu; a o ese i laua mai le lalolagi e lē mafai ona talia iina, ona ua tofia agelu ma atua iina, o e e lē mafai ona laua pasia; o lea, e lē mafai ona laua maua lo’u mamalu; aua o lo’u fale o se fale o le maopoopo, ua fetalai mai ai le Alii le Atua.

19 O lenei foi, e moni Ou te fai atu ia te outou, afai e faaipoipo se tane i se avā i la’u upu, o la’u tulafono lea, ma i le afeagaiga fou ma le tumau e faavavau, ma ua efaamauina ia te i laua e le Agaga Paia o le ifolafolaga, e ia o lē ua faauuina, o lē ua Ou tofia i ai lenei mana ma oki o lenei perisitua; ma o le a fai atu ia te i laua—O le a oulua tutulai mai i le uluai toetutu; ma afai pe a mavae le uluai toetutu, i le toetutu mai e sosoo ai; ma o le a mautofi i unofoalii, malo, itumalo, ma mana, ma puleaga, o mea maualuluga uma ma loloto—ona tusia lea i le fTusi o le Ola a le Tamai Mamoe, e faapea o le a lē faia e ia se fasioti tagata e faamasaa ai le toto lē sala, ma afai e ola i laua i la’u feagaiga, ma lē faia se fasioti tagata e faamasaa ai le toto lē sala, o le a faia ia te i laua i mea uma i soo se mea e tuu atu e la’u auauna i luga o i laua, i le taimi nei, ma i le faavavau atoa; ma o le a taulia atoatoa pe a i ai i laua i fafo o le lalolagi; ma o le a laua pasi atu i agelu ma atua, o e ua faatutu iina, i lo laua gfaaeaga ma mamalu i mea uma, e pei ona faamauina i luga o o laua ulu, o le mamalu lea o le atoatoaga ma le faaauauina o fanau e faavavau ma faavavau lava.

20 Ona avea ai lea o i laua ma atua, aua ua leai so laua gataaga; o lea o le a i ai i laua mai le faavavau-tumau i le faavavau-tumau, ona ua i ai pea lava i laua; ona avea ai lea o i laua i luga o mea uma, aua ua pule i laua i mea uma. Ona avea ai lea o i laua ma aatua, aua ua ia i laua le emana uma, ma o agelu e i lalo o la laua puleaga.

21 E moni, e moni, Ou te fai atu ia te outou, vagana ua outou ola i la’u atulafono e lē mafai ona outou maua lenei mamalu.

22 Aua e avaapiapi le faitotoa, ma lauitiiti le eala e tau i le faaeaga ma le faaauauga o iola, ma e toaitiiti e e i ai e mauaina, ona ua outou lē talia a’u i le lalolagi pe tou te iloa a’u.

23 Ae afai tou te talia a’u i le lalolagi, ona outou iloa lea o a’u, ma maua lo outou faaeaga; ina ia outou i ai foi i le amea Ou te i ai.

24 O aola nei e faavavau—o le iloa lea o le Atua poto ma moni e toatasi, ma Iesu Keriso, o lē ena auina mai e ia. O A’u o ia. O lea, ia outou talia la’u tulafono.

25 E avatele le faitotoa, ma lautele le ala e tau i le eoti; ma e toatele o i ai e o atu iina, ona ua latou lē italia a’u, pe ua latou ola i la’u tulafono.

26 E moni, e moni, Ou te fai atu ia te outou, afai e faaipoipo e se tane se avā e tusa ma la’u upu, ma ua faamauina i laua e le aAgaga Paia o le folafolaga, e tusa ma la’u tofiga, ma faia e le tane po o le avā soo se agasala lava po o se solitulafono e faasaga i le feagaiga fou ma tumau e faavavau, ma ituaiga uma o upuleaga, ma afai la te lē efaia se fasioti tagata la te faamasaa ai le toto lē sala, o le a la tutulai mai lava i le uluai toetutu, ma ulu atu i lo laua faaeaga; ae o le a faaumatia i laua i la le tino, ma o le a ituu atu i laua i tu’iga a oSatani seia oo i le aso o le togiolaina, ua fetalai mai ai le Alii le Atua.

27 O le aupuleaga e faasaga i le Agaga Paia, lea e e faamagaloina i le lalolagi po o i fafo o le lalolagi, o lo outou faia lea o le fasioti tagata tou te faamasaa ai le toto lē sala, ma outou ioe ai i lo’u oti, ina ua uma ona outou talia o la’u feagaiga fou ma tumau e faavavau, ua fetalai mai ai le Alii le Atua; ma o ia o lē e lē ola i lenei tulafono e leai se ala e mafai ona ulu mai ai i lo’u mamalu, ae o le a itausalaina, ua fetalai mai ai le Alii.

28 O A’u o le Alii lou Atua, ma o le a Ou tuu atu ia te oe le tulafono o la’u Perisitua Paia, e pei ona faauuina e A’u ma lo’u Tamā a’o lei i ai le lalolagi.

29 Na maua e aAperaamo mea uma, soo se mea lava na maua e ia, e ala i le faaaliga ma le poloaiga, i la’u upu, ua fetalai mai ai le Alii, ma ua ulu atu i lona faaeaga ma ua nofo i luga o lona nofoalii.

30 Na maua e Aperaamo afolafolaga e faatatau i ana fanau, ma e faatatau i le fua o ona sulugatiti—o lē o ona esulugatiti ua e sau ai, o lona uiga, o la’u auauna o Iosefa—ia sa faamoemoe ia faaauau pea i le umi latou te i ai i le lalolagi; ma e faatatau ia Aperaamo ma ana fanau, o le a faaauau pea ia te i latou i fafo o le lalolagi; o le a faaauau pea i le lalolagi ma i fafo o le lalolagi ona lē mafaitaulia i latou e pei o ifetu; pe, afai tou te faitauina le oneone o i luga o le matafaga tou te lē mafai ona faitaulia i latou.

31 O lenei folafolaga ua a outou foi, aua o outou e tupuga mai ia aAperaamo, ma sa faia le folafolaga ia Aperaamo; ma o lenei tulafono ua i ai le faaauauga o galuega a lo’u Tamā, ia ua faamamaluina ai e ia o ia lava.

32 O lea, ia outou o atu, ma fai agaluega a Aperaamo; ia outou ulu mai i la’u tulafono ma o le a faaolaina ai outou.

33 Ae afai tou te lē ulu mai i la’u tulafono e lē mafai ona outou maua le folafolaga a lo’u Tamā, lea na faia e ia ia Aperaamo.

34 Sa apoloaiina Aperaamo e le Atua, ma sa tuu atu eAkara e iSara ia Aperaamo e avea ma ana avā. Ma aisea na fai ai e Sara lena mea? Aua o le tulafono lea; ma sa tutupu mai ia Akara tagata e toatele. O lea, o lenei mea, na faataunuu ai folafolaga, faatasi ma isi mea.

35 O lea, sa i ai ea Aperaamo i lalo o le ta’usalaga? E moni Ou te fai atu ia te outou, E leai; aua o A’u, o le Alii, na apoloaiina.

36 Sa apoloaiina Aperaamo e osi atu lona atalii o eIsaako; ae ui i lea, sa tusia: Aua e te ifasioti tagata. E ui i lea, sa lē musu Aperaamo, ma sa faitauina lea mea ia te ia mo le oamiotonu.

37 Sa maua e Aperaamo ni apalake, ma sa latou fanauina ia te ia ni fanau; ma sa faitauina lea mea ia te ia mo le amiotonu, ona sa tuu atu i latou ia te ia, ma sa ola o ia i la’u tulafono; e pei foi ona sa lei faia e Isaako ma eIakopo ni isi lava mea nai lo mea na poloaiina ai i laua; ma ona sa laua lē faia ni isi lava mea nai lo mea na poloaiina ai i laua, ua ulu atu i laua i a laua ifaaeaga, e tusa ma folafolaga, ma ua nonofo i luga o nofoalii, ma ua lē o ni agelu ae o ni atua.

38 Sa maua foi e aTavita eavā e toatele ma palake, ma a’u auauna foi o Solomona ma Mose, e pei foi o le toatele o isi o a’u auauna, mai le amataga o le foafoaga e oo mai i le taimi nei; ma e leai se mea sa latou agasala ai vagana ai i mea na sa latou lē maua mai ia te a’u.

39 O avā ma palake a Tavita sa atuu atu ia te ia e a’u, i le lima o Natano, la’u auauna, ma isi o perofeta o e na i ai eki o lenei mana; ma sa leai se tasi o ia mea na agasala ai o ia faasaga mai ia te a’u vagana i le tulaga e uiga ia iUria ma lana avā; ma, o lea ua pa’ū ai o ia mai lona faaeaga, ma maua lana vaega; ma o le a lē fai mona tofi i latou i fafo o le lalolagi, ona ua Ou otuuina atu i latou i se isi, ua fetalai mai ai le Alii.

40 O A’u o le Alii lou Atua, ma ua Ou tuu atu ia te oe, la’u auauna, Iosefa, se tofiga, ma atoefuatai mea uma. Ole mai i mea e te manao i ai, ma o le a tuu atu ia te oe e tusa ma la’u upu.

41 Ma ona ua e ole mai e uiga i le mulilua, e moni, e moni Ou te fai atu ia te oe, afai e talia e se tane se avā i le feagaiga fou ma tumau e faavavau, ma afai e faatasi le tamaitai ma se isi alii, ma Ou te lei tofiaina ia te ia e ala i le faauuga paia, ua faia e le tamaitai le mulilua ma o le a faaumatia.

42 Afai ua lē i ai le tamaitai i le feagaiga fou ma le tumau e faavavau, ma ua faatasi o ia ma se isi alii, ua afaia e le tamaitai le mulilua.

43 Ma afai e faatasi lana tane ma se isi fafine, ma ua i ai le tane i lalo o se afolafolaga, ua soli e le tane lana folafolaga ma ua faia e ia le mulilua.

44 Ma afai e lei faia e le tamaitai le mulilua, ae ua mamā ma e lei solia e ia lana folafolaga, ma ua iloa e ia lena mea, ma Ou faaali atu ia te oe, o la’u auauna o Iosefa, lena mea, ona i ai lea ia te oe le mana, e ala i le mana o la’u Perisitua Paia, e ave ai o ia ma tuu atu o ia i le tane e lei mulilua ae ua afaamaoni; ona o le a fai lea tane ma pule i mea e tele.

45 Aua ua Ou faaee i luga o oe aki ma le mana o le perisitua, lea ua Ou etoefuatai ai mea uma, ma faailoa atu ai ia te oe mea uma i le taimi e tatau ai.

46 Ma e moni, e moni, Ou te fai atu ia te oe, o soo se mea e te afaamaufaailogaina i le lalolagi o le a faamaufaailogaina i le lagi; ma o soo se mea e te faamauina i le lalolagi, i lo’u igoa ma i la’u upu, ua fetalai mai ai le Alii, o le a faamauina e faavavau i le lagi; ma o soo se agasala a soo se tasi e te efaamagaloina i le lalolagi o le a faamagaloina foi e faavavau i le lagi; ma o soo se agasala a soo se tasi e te taofia pea i le lalolagi o le a taofia pea foi i le lagi.

47 O lenei foi, e moni Ou te fai atu, o soo se tasi e te faamanuiaina o le a Ou faamanuiaina foi, ma o soo se tasi e te fetuuina o le a Ou afetuuina, ua fetalai mai ai le Alii; aua o A’u, o le Alii, o lou Atua.

48 O lenei foi, e moni Ou te fai atu ia te oe, la’u auauna Iosefa, soo se mea e te foai atu i le lalolagi, ma o soo se tasi e te foai atu i ai, soo se isi lava i luga o le lalolagi, e ala i la’u upu ma tusa ai ma la’u tulafono, o le a asia i faamanuiaga ae lē o fetuu, ma faatasi ma lo’u mana, ua fetalai mai ai le Alii, ma o le a aunoa ma le tausalaga i le lalolagi ma i le lagi.

49 Aua o A’u o le Alii lou Atua, ma o le a faatasi ma oe e oo lava i le agataaga o le lalolagi, ma i le faavavau atoa; aua e moni Ou te efaamauina i luga o oe lou ifaaeaga, ma saunia se nofoalii mo oe i le malo o lo’u Tama, faatasi ma Aperaamo lou otamā.

50 Faauta, ua Ou vaai i au ataulaga, ma o le a faamagaloina au agasala uma; ua Ou vaai i au taulaga i le usiusitai i mea na Ou ta’u atu ia te oe. O lea, inā alu ia, ma Ou te saunia se ala mo lou sao atu, e pei ona Ou etaliaina le taulaga a Aperaamo i lona atalii o Isaako.

51 E moni, Ou te fai atu ia te oe: Ou te tuu atu se poloaiga i la’u auauna tamaitai o Emma Samita, lau avā, o lē na Ou tuu atu ia te oe, ia taofi e ia o ia lava ma ia lē auai i le mea na Ou poloaiina oe e tuu atu ia te ia; aua sa Ou faia lena mea, ua fetalai mai ai le Alii, e tofotofo ai oulua uma, e pei ona sa Ou faia ia Aperaamo, ma ina ia mafai ona Ou tapaina ai se taulaga-mu mai o oulua lima i se feagaiga ma se taulaga-osi.

52 Ma ia tuu atu i la’u auauna tamaitai, o aEmma Samita, ia talia i latou uma o e ua tuu atu i la’u auauna o Iosefa, ma o e ua amiomamā ma mamā i o’u luma; ma o e ua lē mamā, ae ua fai mai ua mamā i latou, o le a faaumatia, ua fetalai mai ai le Alii le Atua.

53 Aua o A’u o le Alii lou Atua, ma ia outou usiusitai mai i lo’u leo; ma Ou te tuu atu i la’u auauna o Iosefa ia faia o ia ma pule i mea e tele; ona ua afaamaoni o ia i luga o mea itiiti; ma o le a Ou faamalosia o ia mai le taimi nei ma le agai i luma.

54 Ma Ou te poloai atu i la’u auauna tamaitai, o Emma Samita, ia nofo ma pipii atu i la’u auauna o Iosefa, ae lē i se isi lava. Ae afai e lē ola o ia i lenei poloaiga o le a faaumatiaina o ia, ua fetalai mai ai le Alii; aua o A’u o le Alii lou Atua, ma o le a faaumatiaina o ia pe afai e lē ola o ia i la’u tulafono.

55 Ae afai e lē ola o ia i lenei poloaiga, ona faia lea e la’u auauna o Iosefa o mea uma mo ia, e pei lava ona fai mai o ia; ma o le a Ou faamanuiaina o ia ma faateleina o ia ma tuu atu ia te ia ataisautua-selau i lenei lalolagi, o tamā ma tinā, o uso ma tuafafine, o fale ma laueleele, o avā ma fanau, ma palealii o eola e faavavau i lalolagi e faavavau.

56 O lenei foi, e moni Ou te fai atu, ia tuu atu i la’u auauna-tamaitai ia afaamagalo atu i la’u auauna o Iosefa i ana solitulafono; ona faamagaloina ai lea o ia i ana solitulafono, ia sa solitulafono ai o ia faasaga mai ia te a’u; ma o A’u o le Alii lou Atua, o le a faamanuiaina o ia, ma faateleina o ia, ma faia ia olioli lona loto.

57 O lenei foi, Ou te fai atu, ia lē tuu atu i la’u auauna o Iosefa e tuu ese atu ana meatotino mai ona lima, ne’i sau se fili ma faaumatia o ia; aua ua asaili Satani e faaumatia; aua o A’u o le Alii lou Atua, ma o ia o la’u auauna; ma faauta, ma taga’i, ua Ou faatasi ma ia, e pei ona sa Ou i ai ia Aperaamo, lou tamā, e oo lava i lona efaaeaga ma lona mamalu.

58 O lenei, e faatatau i le tulafono o le aperisitua, e tele mea e faatatau i ai.

59 E moni, afai e valaaulia se tagata e lo’u Tamā, e pei o aArona, i lo’u lava leo, ma ala i le leo o ia o lē na auina mai a’u, ma ua Ou faaeeina o ia i eki o le mana o lenei perisitua, afai e fai e ia se mea i lo’u igoa, ma e tusa ai ma la’u tulafono ma i la’u upu, ma o le a lē faia e ia se agasala, o le a Ou ta’uamiotonuina o ia.

60 O lea, ia lē tuu atu i se tasi, e faitio i la’u auauna o Iosefa; aua o le a Ou tauamiotonuina o ia; ona o le a faia e ia le taulaga ua Ou tapaina mai i ona lima mo ana solitulafono, ua fetalai mai ai le Alii lo outou Atua.

61 O lenei foi, e faatatau i le tulafono o le perisitua—afai e faaipoipo e soo se alii se ataupou, ma ua manao e faaipoipo i se eisi foi, ma tuu mai e lē na muamua lana faatagaga, ma afai e faaipoipo le alii i le avā lona lua, ma o i laua uma o ni taupou, ma e lei folafola atu i se isi lava alii, ona tauamiotonuina lea o lea alii; e lē mafai ona mulilua lenei alii ona ua tuuina atu i laua ia te ia; ona e lē mafai ona mulilua o ia ma lē ua ā ia ae lē a se isi lava.

62 Ma afai e tuu atu ia te ia ni taupou e toasefulu i lenei tulafono, e lē mafai ona mulilua ai o ia, ona ua ā ia i latou, ma ua tuuina atu i latou ia te ia; o lea ua tauamiotonuina ai o ia.

63 Ae afai e faatasi se tasi po o se isi o taupou e toasefulu ma se isi alii ina ua uma ona faaipoipoina o ia, ua faia e lea taupou le mulilua, ma o le a faaumatia o ia; ona ua tuu atu i latou ia te ia e afaateleina ma faatumuina le lalolagi, e tusa ma la’u poloaiga, ma faataunuu le folafolaga na tuuina mai e lo’u Tamā a o le i faavaeina le lalolagi, ma mo lo latou faaeaga i lalolagi e faavavau, ina ia latou fanauina agaga o tagata; ona o totonu o lenei mea e faaauau ai pea le egaluega a lo’u Tamā, ina ia faamamaluina o ia.

64 O lenei foi, e moni, e moni, Ou te fai atu ia te outou, afai e i ai se avā i se alii, o lē ua umia ki o lenei mana, ma aoao atu e ia i lana avā le tulafono o la’u perisitua, e faatatau i ia mea, ia talitonu le avā ma auauna ia te ia, po o le a faaumatia o ia, ua fetalai mai ai le Alii lo outou Atua; ona o le a Ou faaumatia o ia; aua o le a Ou faalauteleina lo’u igoa i luga o i latou uma o e talia ma ola i la’u tulafono.

65 O lea, o le a tusa ai ma le tulafono ia te a’u, pe afai e lē talia e le fafine lenei tulafono, le mauaina e le tane o soo se mea o mea uma e tuu atu e A’u, o le Alii lona Atua, ia te ia, ona sa lē talitonu le fafine ma auauna atu i le tane e tusa ai ma la’u upu; ma ona avea ai lea o le fafine ma solitulafono; ma tatala ai le tane mai le tulafono a Sara, o lē sa auauna atu ia Aperaamo e tusa ai ma le tulafono i le taimi ina ua Ou poloaiina Aperaamo e ave Akara e fai ma ana avā.

66 Ma o lenei, e faatatau i lenei tulafono, e moni, e moni, Ou te fai atu ia te oe, o le a Ou faaali atu ni isi mea e tele ia te oe, i se taimi o mulimuli mai; o lea, ia lava ai lea mo le taimi nei. Faauta, o A’u o le Alefa ma le Omeka. Amene.