1 Ongora, O ngkami aomata n au ekaretia, e taku te Uea ae Atuami, ao kakauongo n ana taeka te Uea ibukimi—

2 Te Uea are e na karina n ^aroko n ana tembora; te Uea are e na ruo nako aon te aonaba ma te kamaraia ni ^bmotikitaeka; eng, i aoia botanaomata ni kabaneia ake a mwanuokina te Atua, ao i aoia ni kabane ake buakaka i buakomi.

3 Bwa e na ^akaota baina ae tabu i mataia botanaomata ni kabaneia, ao a na bane tabotabon aonaba n noora ana ^bkamaiu Atuaia.

4 Mangaia are, katauraoingkami, katauraoingkami, O au botanaomata; kaitiaki ngkami; ikoikotingkami, O ngkami aomata n au ekaretia, i aon aban Tion, ngkami ni kabane ake a tuai tuangaki bwa a na tiku.

5 Kam na kitana ^aBwaburon. Kam na ^bitiaki ngkami ake kam uouoti ana bwai ni mwakuri te Uea.

6 Tewea ami botaki n taromauri, ao kabatia te ^amarooro i marenami. Ao a riai aomata ni kabaneia ni wetea aran te Uea.

7 Eng, e kaoaua ae I a manga tuangkami, e a roko te tai are bwanaan te Uea e na nakoimi: Kam na kitana Bwaburon; ^aikoikotingkami mai buakoia botanaomata nako, man aang ake ^baua, mai tabon karawa are teuana nakon are teuana.

8 ^aKanakoia unimwaane n au ekaretia nakon aaba ake a raroanako; nakon ^baaba ake i marawa; kanakoia nakon aaba ake ianena; weteia botanaomata ni kabaneia, weteia moa ^cTientaire, ao i mwina ^dIutaia.

9 Ao nooria, ao taraia, a na takaruaea aio, ao bwanaan te Uea nakoia aomata ni kabaneia: Naako nakon aban Tion, bwa a aonga ni kabuburaaki tiaia au aomata, ao bwa aonga ana ^atiteiki ni kakorakoraaki, ao bwa e aonga ^bTion ni waaki nakon aaba ake i rarikina.

10 Eng, e riai n waaki nako takaruaia i buakoia aomata ni kabaneia: Uti ao teirake ao waaki nako ni butimwaea te ^aTia Mare te Mwaane; nooria ao taraia, e a roko te Tia Mare te Mwaane; nako butimwaia. Katauraoingkami ibukin ^bana bong ae kakannato te Uea.

11 Ngaia are, ^atarataraia bwa kam aki ^bata te bong ke te aoa.

12 Ngaia are, kariaia nake a mena ^ai buakoia Tientaire bwa a na birinako nako ^bTion.

13 Ao kariaia naake kaain te baronga ae ^aIuta bwa a na birinako nako ^bIerutarem, nakon ^cmaunga n ana ^dauti te Uea.

14 Kam na nako mai buakoia botanaomata, are mai Bwaburon, mai buakon te buakaka, are bon Bwaburon n te maiu n tamnei.

15 Ma e koaua, ae taku te Uea, tai ^aienikuri ni birinako, ma a riai n tauraoi bwaai ni kabane i mwaimi; ao ane e nako, e riai n ^baki tanrikaaki bwa e aonga n aki karina n roko i aona te kamaunaaki.

16 Ongora ao kakauongo; O ngkami kaain te aonaba. ^aOngora, ngkami unimwaane n au ekaretia ni kabane, ao kakauongo nakon bwaanan te Uea; bwa e weweteia aomata ni kabaneia, ao e tuangiia aomata ni kabaneia n taabo nako bwa a na ^braira nanoia.

17 Bwa nooria, te Uea ae te Atua e a tia ni ^akanakoa te anera are takarua ri nukan karawa ni kangai: Kam na katauraoa kawain te Uea, ao ^bkaeti kawaina, bwa e a kaan te aoa are na ^croko iai—

18 Ngkana e na tei te ^aTiibu te Teei i aon te ^bMaunga are Tion, ao raona ^ctebubua ao abwi ma aua tenga, aika koreaki aran Tamana i aon ramwaia.

19 Mangaia are, katauraoingkami ibukin ^arokon te ^bTia Iein; naako ngkami, naako ngkami bwa kam na butimwaia.

20 Bwa nooria, e na ^atei i aon te Maunga are Oriwete, ao i aon marawa ae korakora, are marawa ae nano, ao i aon aban marawa, ao i aon aban Tion.

21 Ao e na ^akaota bwanaana mai ^bTion, ao e na taetae mai Ierutarem, ao a na ongo bwanaana i buakoia aomata ni kabaneia;

22 Ao e na riki bwa te ^abwana ae ai aron rurungaan raan aika mwaiti, ao ai aron rebwen te ^bba ae korakora, are e na ^curui maunga, ao akea taian mwarua aika a na kuneaki.

23 E na tua nakon marawa ae nano, ao e na kaokaki rikaaki nakon aaba ake i meang, ao ^aatimwakoro a na riki bwa teuana te aba;

24 Ao aban ^aIerutarem ao aban Tion a na kaokaki nakon nneia, ao te aonaba e na okira arona ni boong ake i mwain ae e ^bbwenaua.

25 Ao te Uea, are te Tia Kamaiu, e na tei i buakoia ana aomata, ao e na ^atautaeka i aoia aomata ni kabane.

26 Ao naake a mena n aaba ake i ^ameang a na uringaki iroun te Uea, ao aia burabeti a na ongo bwanaana, ao a na aki manga tautau aroia; ao a na orei taian bwa; ao e na ran nako te aiti i matam.

27 Ao e na kateaki te ^akawai i nukan marawa ae nano.

28 Aia kairiribai a na riki bwa konaia.

29 Ao n rereua ake ^aakea kanoaia a na riki neei n ran ae maiu; ao aontano are e mautakataka e na aki manga bwatakataka.

30 Ao a na uoti kaubwaia nakoia natin ^aEberaim, au taan mwakuri.

31 Ao tian ^atabuki ake akea tokia ana ruru ngkana a roko.

32 Ao ikekei a na bobaraki ao a na baunaki ma te mimitong, i boni Tion, ni baia ana taan mwakuri te Uea, are natin Eberaim.

33 Ao a na kaonaki ma ^aanenen te kimwareirei ae akea tokina.

34 Nooria, bon aio ana kakabwaia te Atua ae akea tokina i aoia ana ^abaronga Iteraera, ao te kakabwaia ae korakora riki i aon atun ^bEberaim ma raona.

35 Ao naake n ana baronga naba ^aIuta, i mwin marakiia, a na kaitiakaki n ae ^btabu imatan te Uea, bwa a na maeka imatana n te ngaina ma te bong, n aki toki.

36 Ao ngkai, e koaua ae taku te Uea, bwa a aonga bwaai aikai n ataaki i buakomi, O kaain te aonaba, I a tia ni kanakoa au ^aanera ae kibakiba ri nukan karawa, are iai irouna te ^beuangkerio ae akea tokina, are e a tia ni kaoti nakoia tabeman ao e anga nakoia aomata, are e na kaoti nakoia aika mwaiti ake a maeka i aon te aonaba.

37 Ao te ^aeuangkerio aei e na ^btataekinaki nakon ^caaba nako, ao reeti, ao neewe, ao aomata.

38 Ao ana taan mwakuri te Atua a na waaki nako, ni kangai ma te bwana ae korakora: Maaka te Atua ao anganna te mimitong, bwa e a roko ana aoa ni motikitaeka;

39 Ao ^ataromauria teuare e karaoa karawa, ao aonaba, ao marawa, ao koburake n ran—

40 Wetea aran te Uea n te ngaina ma te bong, ni kangai: O bwa ko na ^abwenaua karawa, bwa ko na ruo, bwa a na bwaro rikaaki taian maunga imatam.

41 Ao e na kaekaaki i aon atuia; bwa rokon te Uea e na riki bwa ai aron te ai ae raanga are e ura, ao ai aron te ai are karika te ran bwa e na ^aburo.

42 O te Uea, ko na ruo bwa e na ataaki aram irouia am kairiribai, ao a na bane botanaomata n ruru i matam—

43 Ngkana ko karaoi bwaai aika kakamaku, bwai ake a aki kantaningaia;

44 Eng, ngkana ko ruo, ao maunga a bwaro rikaaki imatam, ko na ^akaitibo ma naake a kimwareirei ao a karaoi mwakuri aika raoiroi, ake a uringko n am waaki nako.

45 Bwa man moan rikin te aonaba aomata a tuai n ongo ke n teke iai taningaia, ke e a ti n nooria te mata, O te Atua, irarikim, ai korakorara bwaai aika ko tia ni ^akatauroi ibukin are e ^bkantaningaiko.

46 Ao e na taekinaki: ^aAntai aei are e ^bruo mai iroun te Atua i karawa ma kunikaina aika uraura; eng, man mwakoron aaba ake aki ataaki, e kunikaia ni kunikaina aika mimitong, ae mwananga ni korakorana ae rangi ni korakora?

47 Ao e na kangai Ngai teuare e taetae n te raoiroi, ae mwaaka ni kamaiu.

48 Ao te Uea e na ^auraura kunikaina, ao kunikaina ai aron te tia kamanti n te tabo ni kamanti kurebe.

49 Ao e na rangi ni korakora mimitongin rokona n te aro are ^ataai e na karaba matana ni maama, ao namwakaina e na taua otana, ao itoi a na tewenakoaki mani nneia.

50 Ao a na ongo bwanaana: I a tia n ^atoutoua te tabo ni kamanti wain n ti ngai, ao I tia ni karokoa te motikitaeka i aoia aomata ni kabaneia; ao bon akea raou.

51 Ao I a tia n toubekaia ni uniu, ao I bon toutouia n uniu, ao I tia ni ^akatimtimwa raraia i aon kunikaiu, ao ni kamemea kunikaiu ni kabane; bwa aio bon bongin te kabomwi are e mena i nanou.

52 Ao ngkai e a roko aia ririki ake a kamaiuaki ni kabooaki Irou; ao a na taekina ana tangira n akoi aia Uea, ao bwaai ni kabane ake E a tia ni katoka i aoia ni kaineti ma raoiroina, ao ni kaineti ma ana tangira n akoi, n aki tootoki.

53 N ^arawaawataia ni kabane e karawaawataaki. Ao te anera are mena i matana e kamaiuia; ao n ana ^btangira, ao n ana nanoanga, e ^ckabooia, ao e uotiia, ao e tabekiia ni boong nako ake ngkoa;

54 Eng, ao ^aEnoka naba, ao naake a raonna; burabeti ake mai mwaaina; ao ^bNoa naba, ao naake mai mwaina; ao ^cMote naba, ao naake mai mwaina;

55 Ao mai iroun Mote ni karokoa Eria, ao mai iroun Eria ni karokoa Ioane, ake bon raon Kristo ni ^amangautina, ao abotoro ake a tabu, ma Aberaam, Itaaka, ao Iakobwa, a na mena i matan te Tibu Te Teei.

56 Ao ^aruanimateia ^baomata aika itiaki a na ^ckaukaki; ao a na otinako ao n tei i ^dangaatain te Tiibu te Teei, ngkana e na tei i aon te ^eMaunga are Tion, ao i aon te kaawa ae tabu, ^fIerutarem ae Boou; ao a na anenea ^gkunan te ^hTiibu te Teei, n te ngaina ao n te bong n aki tootoki.

57 Ao ibukin te waaki aei, bwa aonga aomata n riki bwa taan katoong ^amimitong ake a na kaotaki, te Uea e tia ni kaota bwaninin ana ^beuangkerio, ana berita ae tabu ae akea tokina, ni kabwarai ni kamaatatai ao ni kabebetei—

58 Ni katauraoia ake a mamaara ibukin bwaai ake a na roko i aon te aonaba, ao ibukin ana mwakuri te Uea n te bong are nake a ^amamaara a na kamangaoia nake a wanawana, ao ^bare e uarereke e na riki bwa te botanaomata ae korakora, ao ^cuoman a na kabirinakoia aia bwi ni nga ma nga.

59 Ao man bwaai aika mamaara n te aonaba te Uea e na ^akamaenakoia botanaomata ni mwaakan Tamneina.

60 Ao ibukin te waki aei ae anga tuua aikai; a bon tuangaki bwa a na karabai man te aonaba n te bong are a kaotaki iai, ma ngkai a na ^akaotaki nakoia ^baomata ni kabaneia—

61 Ao aio e kaineti ma ana iango ao nanon te Uea, are e tautaeka i aoia aomata ni kabaneia.

62 Ao nakon are e ^araira nanona ao e ^bkaitiakia i matan te Uea e na anganaki te ^cmaiu ae akea tokina.

63 Ao i aoia naake ^aaki ongo ni bwanaan te Uea e na kakoroaki nanon are e koreaki iroun te Burabeti are Mote, are a na ^bkamaunaaki mai buakoia aomata.

64 Ao are e koreaki naba iroun te Burabeti ae ^aMaraki: Bwa, nooria, e na roko te ^bbong are e na ^cbue n ai aron te ai n umuum, ao ni kabane taan kainikatonga, eng, ao ni kabane ake a a karaoa ae buakaka, a na riki bwa maange; ao n rokon te bong arei a na kabuekaki, e taku aia Uea taanga ni buaka, are e na katukuia n akea wakaaia ke mwangaia.

65 Mangaia are, aio bon ana kaeka te Uea nakoia:

66 N te bong arei ngke I roko nakoia au botanaomata, akea temanna i buakomi ae ^abutimwaeai, ao kam kakionakoaki.

67 Ngke I manga wewete riki bon akea mai iroumi ae kaeka; ma e aki kakimototoaki ^abaiu teutana n te aro are I aki kona ni kabooia, ke ^bmwaakau ni kainaomataia.

68 Nooria, ni boakiia i ^akamwaua taari. I karaoi karaanga bwa rereua; a mwaung ikaia, ao a mate man te taka.

69 I rabuni taian karawa n te rotongitong, ao I karaoi rabunaia kunikai aika raerobwa.

70 Ao kam na anganaki ^aaei ni baiu—kam na wene ma te nanokaawaki.

71 Nooria, ao taraia, bon akea ae na kainaomataingkami; bwa kam aki ongeaba ni bwanau ngke I weteingkami mai karawa; kam aki kakoauaia au taan mwakuri, ao ngke a ^akanakoaki nakoimi kam aki butimwaiia.

72 Mangaia are, a ^akaina te kakoaua ao a kabaea te tua, ao kam kanakoaki nakon te rotongitong.

73 Aikai ake a a na nako nakon te roo are i ao, ike e mena iai te ^atang ma te tanginiwenei, ao te kangeenge wi.

74 Nooria te Uea ae Atuami e a tia n taekinna. Amen.