ພາກທີ 133
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງໄຮຣຳ, ລັດໂອໄຮໂອ, ວັນທີ 3 ເດືອນພະຈິກ, 1831. ໃນບົດຄຳນຳຕໍ່ການເປີດເຜີຍນີ້ ປະຫວັດຂອງໂຈເຊັບ ສະມິດ ກ່າວວ່າ, “ໃນເວລານີ້ມີຫລາຍເລື່ອງ ຊຶ່ງພວກແອວເດີປາດຖະໜາທີ່ຈະຮູ້ກ່ຽວກັບການສັ່ງສອນພຣະກິດຕິຄຸນແກ່ຜູ້ອາໄສຂອງແຜ່ນດິນໂລກ, ແລະ ກ່ຽວກັບການເຕົ້າໂຮມ; ແລະ ໃນການດຳລົງຊີວິດໂດຍຄວາມສະຫວ່າງທີ່ແທ້ຈິງ, ແລະ ໄດ້ຮັບການແນະນຳຈາກເບື້ອງບົນ, ໃນວັນທີ 3 ເດືອນພະຈິກ, 1831, ຂ້າພະເຈົ້າໄດ້ທູນຖາມພຣະຜູ້ເປັນເຈົ້າ ແລະ ໄດ້ຮັບການເປີດເຜີຍທີ່ສຳຄັນດັ່ງຕໍ່ໄປນີ້.” ໃນຕອນທຳອິດ ພາກນີ້ໄດ້ຖືກຕື່ມໃສ່ໃນພຣະຄຳພີ ຄຳສອນ ແລະ ພັນທະສັນຍາ ເປັນພາກຫ້ອຍທ້າຍ ແລະ ຕໍ່ມາໄດ້ຖືກຈັດໃຫ້ເປັນພາກໜຶ່ງໃນພຣະຄຳພີນີ້.
1–6, ໄພ່ພົນຂອງພຣະເຈົ້າໄດ້ຖືກບັນຊາໃຫ້ຕຽມພ້ອມສຳລັບການສະເດັດມາຄັ້ງທີສອງ; 7–16, ມະນຸດທຸກຄົນໄດ້ຖືກບັນຊາໃຫ້ໜີຈາກບາບີໂລນ, ມາສູ່ຊີໂອນ, ແລະ ຕຽມພ້ອມສຳລັບວັນອັນຍິ່ງໃຫຍ່ຂອງພຣະຜູ້ເປັນເຈົ້າ; 17–35, ພຣະອົງຈະປະທັບຢືນຢູ່ເທິງພູຊີໂອນ, ທະວີບທັງຫລາຍຈະກາຍເປັນຜືນແຜ່ນດິນດຽວ, ແລະ ບັນດາເຜົ່າທີ່ສູນຫາຍໄປຂອງອິດສະຣາເອນຈະກັບຄືນມາ; 36–40, ພຣະກິດຕິຄຸນໄດ້ຖືກຟື້ນຟູຄືນມາໃໝ່ຜ່ານໂຈເຊັບ ສະມິດ ເພື່ອຈະຖືກສັ່ງສອນໃນທົ່ວໂລກ; 41–51, ພຣະຜູ້ເປັນເຈົ້າຈະສະເດັດລົງມາໃນການແກ້ແຄ້ນຄົນຊົ່ວ; 52–56, ມັນຈະເປັນປີແຫ່ງການໄຖ່ຂອງພຣະອົງ; 57–74, ພຣະກິດຕິຄຸນຕ້ອງຖືກສົ່ງອອກໄປເພື່ອຊ່ວຍກູ້ໄພ່ພົນຂອງພຣະເຈົ້າ ແລະ ເພື່ອນຳຄວາມພິນາດມາສູ່ຄົນຊົ່ວ.
1 ຈົ່ງເຊື່ອຟັງ, ໂອ້ ພວກເຈົ້າຜູ້ຄົນແຫ່ງສາດສະໜາຈັກຂອງເຮົາ, ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວ, ແລະ ຟັງຄຳຂອງພຣະຜູ້ເປັນເຈົ້າກ່ຽວກັບພວກເຈົ້າ—
2 ພຣະຜູ້ເປັນເຈົ້າ ຜູ້ຈະ ກສະເດັດມາທີ່ພຣະວິຫານຂອງພຣະອົງໃນທັນທີ; ພຣະຜູ້ເປັນເຈົ້າ ຜູ້ຈະສະເດັດມາເທິງໂລກດ້ວຍ ຂການພິພາກສາດ້ວຍການສາບແຊ່ງ; ແທ້ຈິງແລ້ວ, ເທິງປະຊາຊາດທັງປວງທີ່ລືມພຣະເຈົ້າ, ແລະ ເທິງຄົນອະທຳທັງປວງໃນບັນດາພວກເຈົ້າ.
3 ເພາະພຣະອົງຈະ ກກາງແຂນອັນສັກສິດຂອງພຣະອົງໃນສາຍຕາຂອງປະຊາຊາດທັງປວງ, ແລະ ທົ່ວທີ່ສຸດຂອງແຜ່ນດິນໂລກຈະເຫັນ ຂການຊ່ວຍໃຫ້ລອດຂອງພຣະເຈົ້າຂອງພວກເຮົາ.
4 ດັ່ງນັ້ນ, ຈົ່ງຕຽມພ້ອມ, ຈົ່ງຕຽມພ້ອມ, ໂອ້ ຜູ້ຄົນຂອງເຮົາ; ຈົ່ງຊຳລະຕົນເອງໃຫ້ບໍລິສຸດ; ເຕົ້າໂຮມກັນ, ໂອ້ ພວກເຈົ້າຜູ້ຄົນແຫ່ງສາດສະໜາຈັກຂອງເຮົາ, ຢູ່ເທິງແຜ່ນດິນຊີໂອນ, ພວກເຈົ້າທຸກຄົນທີ່ບໍ່ໄດ້ຮັບບັນຊາໃຫ້ຢູ່ຕໍ່ໄປ.
5 ຈົ່ງອອກໄປຈາກ ກບາບີໂລນ. ພວກເຈົ້າທີ່ຖືພາຊະນະຂອງພຣະຜູ້ເປັນເຈົ້າຈົ່ງຮັກສາຕົວໃຫ້ ຂສະອາດ.
6 ຈົ່ງເອີ້ນໃຫ້ມີການຊຸມນຸມ, ແລະ ກກ່າວນຳກັນເລື້ອຍໆ. ແລະ ໃຫ້ທຸກໆຄົນເອີ້ນຫາພຣະນາມຂອງພຣະຜູ້ເປັນເຈົ້າ.
7 ແທ້ຈິງແລ້ວ, ຕາມຄວາມຈິງແລ້ວ ເຮົາກ່າວກັບພວກເຈົ້າອີກ, ເວລາໄດ້ມາເຖິງແລ້ວ ເມື່ອສຸລະສຽງຂອງພຣະຜູ້ເປັນເຈົ້າມາເຖິງພວກເຈົ້າ: ຈົ່ງອອກໄປຈາກບາບີໂລນ; ກເຕົ້າໂຮມກັນຈາກບັນດາປະຊາຊາດ, ຈາກ ຂສີ່ທິດ, ຈາກຂອບຟ້າສົ້ນໜຶ່ງເຖິງອີກສົ້ນໜຶ່ງ.
8 ຈົ່ງ ກສົ່ງພວກແອວເດີຂອງສາດສະໜາຈັກຂອງເຮົາໄປຍັງປະຊາຊາດທັງຫລາຍຊຶ່ງຢູ່ໃນແດນໄກ; ໄປຍັງ ຂໝູ່ເກາະໃນທະເລ; ຈົ່ງສົ່ງອອກໄປຍັງແຜ່ນດິນຕ່າງແດນ; ຈົ່ງເອີ້ນຫາປະຊາຊາດທັງປວງ, ທຳອິດຫາ ຄຄົນຕ່າງຊາດ, ແລະ ຈາກນັ້ນຫາ ງຊາວຢິວ.
9 ແລະ ຈົ່ງເບິ່ງ, ແລະ ເບິ່ງແມ, ນີ້ຈະເປັນການເອີ້ນຂອງພວກເຂົາ, ແລະ ສຸລະສຽງຂອງພຣະຜູ້ເປັນເຈົ້າເຖິງຜູ້ຄົນທັງປວງ: ຈົ່ງອອກໄປຍັງແຜ່ນດິນຊີໂອນ, ເພື່ອວ່າເຂດແດນຂອງຜູ້ຄົນຂອງເຮົາຈະຂະຫຍາຍອອກໄປ, ແລະ ເພື່ອວ່າ ກສະເຕກຂອງນາງຈະເຂັ້ມແຂງຂຶ້ນ, ແລະ ເພື່ອວ່າ ຂຊີໂອນຈະອອກໄປເຖິງພາກພື້ນຕ່າງໆທີ່ອ້ອມຮອບ.
10 ແທ້ຈິງແລ້ວ, ໃຫ້ສຽງຮ້ອງອອກໄປໃນບັນດາຜູ້ຄົນ: ຈົ່ງຕື່ນ ແລະ ລຸກຂຶ້ນ ແລະ ອອກໄປພົບເຈົ້າບ່າວ; ຈົ່ງເບິ່ງ ແລະ ເບິ່ງເຖີດ, ກເຈົ້າບ່າວພວມມາ; ຈົ່ງອອກໄປພົບພຣະອົງ. ຈົ່ງຕຽມຕົນເອງສຳລັບ ຂວັນອັນຍິ່ງໃຫຍ່ຂອງພຣະຜູ້ເປັນເຈົ້າ.
11 ສະນັ້ນ, ຈົ່ງ ກຄອຍເຝົ້າຢູ່, ເພາະພວກເຈົ້າບໍ່ ຂຮູ້ຈັກວ່າວັນໃດ ຫລື ຊົ່ວໂມງໃດ.
12 ສະນັ້ນ, ໃຫ້ພວກເຂົາຜູ້ຢູ່ ກໃນບັນດາຄົນຕ່າງຊາດຫລົບໜີໄປຍັງ ຂຊີໂອນ.
13 ແລະ ໃຫ້ພວກເຂົາຜູ້ເປັນຂອງ ກຢູດາຫລົບໜີໄປຍັງ ຂເຢຣູຊາເລັມ, ໄປຍັງ ຄພູຂອງ ງບ້ານຂອງພຣະຜູ້ເປັນເຈົ້າ.
14 ຈົ່ງອອກໄປຈາກບັນດາປະຊາຊາດ, ແມ່ນແຕ່ຈາກບາບີໂລນ, ຈາກບັນດາຄວາມຊົ່ວຮ້າຍ, ຊຶ່ງເປັນບາບີໂລນທາງວິນຍານ.
15 ແຕ່ຕາມຄວາມຈິງ, ພຣະຜູ້ເປັນເຈົ້າໄດ້ກ່າວດັ່ງນີ້, ຢ່າໃຫ້ການໜີໄປຂອງພວກເຈົ້າເປັນໄປແບບ ກຟ້າວຟັ່ງ, ແຕ່ໃຫ້ທຸກສິ່ງທັງປວງຖືກຈັດຕຽມໄວ້ກ່ອນໜ້າພວກເຈົ້າ; ແລະ ຄົນທີ່ອອກໄປ, ຂຢ່າໃຫ້ເຂົາຫລຽວຫລັງກັບຄືນມາເບິ່ງ ຖ້າບໍ່ດັ່ງນັ້ນຄວາມພິນາດຈະເກີດກັບເຂົາຢ່າງທັນທີ.
16 ຈົ່ງເຊື່ອຟັງ ແລະ ຟັງເຖີດ, ໂອ້ ເຈົ້າຜູ້ອາໄສຂອງແຜ່ນດິນໂລກ. ຈົ່ງ ກຟັງ, ພວກເຈົ້າແອວເດີຂອງສາດສະໜາຈັກຂອງເຮົາ, ແລະ ໄດ້ຍິນສຸລະສຽງຂອງພຣະຜູ້ເປັນເຈົ້າ; ເພາະວ່າພຣະອົງໄດ້ເອີ້ນຫາມະນຸດທັງປວງ, ແລະ ພຣະອົງໄດ້ບັນຊາມະນຸດທັງປວງໃນທຸກແຫ່ງຫົນໃຫ້ ຂກັບໃຈ.
17 ເພາະຈົ່ງເບິ່ງ, ອົງພຣະຜູ້ເປັນເຈົ້າໄດ້ ກສົ່ງທູດອອກໄປປ່າວຮ້ອງຜ່ານທ່າມກາງຟ້າສະຫວັນ, ກ່າວວ່າ: ຈົ່ງຕຽມທາງຂອງພຣະຜູ້ເປັນເຈົ້າ, ແລະ ເຮັດທາງຂອງພຣະອົງໃຫ້ ຂຊື່, ເພາະວ່າຊົ່ວໂມງຂອງ ຄການສະເດັດມາຂອງພຣະອົງໃກ້ຈະມາເຖິງແລ້ວ—
18 ເມື່ອ ກພຣະເມສານ້ອຍຈະປະທັບຢືນຢູ່ເທິງ ຂພູຊີໂອນ, ແລະ ຢູ່ກັບພຣະອົງຈະມີ ຄໜຶ່ງແສນສີ່ໝື່ນສີ່ພັນຄົນ, ໂດຍມີພຣະນາມຂອງພຣະບິດາຂອງພຣະອົງຂຽນໄວ້ຢູ່ເທິງໜ້າຜາກຂອງພວກເຂົາ.
19 ດັ່ງນັ້ນ, ຈົ່ງຕຽມພ້ອມສຳລັບ ກການສະເດັດມາຂອງ ຂເຈົ້າບ່າວ; ພວກເຈົ້າຈົ່ງໄປ, ພວກເຈົ້າຈົ່ງອອກໄປພົບພຣະອົງ.
20 ເພາະຈົ່ງເບິ່ງ, ພຣະອົງຈະປະທັບ ກຢືນຢູ່ເທິງພູໝາກກອກເທດ, ແລະ ເທິງມະຫາສະໝຸດອັນກວ້າງໃຫຍ່ໄພສານ, ແມ່ນແຕ່ເລິກອັນໃຫຍ່ຫລວງ, ແລະ ເທິງໝູ່ເກາະໃນທະເລ, ແລະ ເທິງແຜ່ນດິນຊີໂອນ.
21 ແລະ ພຣະອົງຈະ ກເປັ່ງສຸລະສຽງຂອງພຣະອົງຈາກ ຂຊີໂອນ, ແລະ ພຣະອົງຈະກ່າວຈາກເຢຣູຊາເລັມ, ແລະ ສຸລະສຽງຂອງພຣະອົງຈະໄດ້ຍິນໃນທ່າມກາງທຸກຜູ້ຄົນທັງປວງ;
22 ແລະ ສຽງນັ້ນຈະເປັນດັ່ງ ກສຽງຂອງແມ່ນ້ຳຫລວງຫລາຍ, ແລະ ຈະເປັນດັ່ງສຽງ ຂຟ້າຮ້ອງ, ຊຶ່ງຈະ ຄພັງພູລົງມາ, ແລະ ຮ່ອມພູຈະບໍ່ຖືກພົບເຫັນ.
23 ພຣະອົງຈະບັນຊາຄວາມເລິກອັນໃຫຍ່ຫລວງ, ແລະ ມັນຈະຖືກໄລ່ກັບໄປຍັງດິນແດນທາງເໜືອ, ແລະ ກໝູ່ເກາະຈະກາຍເປັນແຜ່ນດິນດຽວ;
24 ແລະ ແຜ່ນດິນ ກເຢຣູຊາເລັມ ແລະ ແຜ່ນດິນຊີໂອນ ຈະກັບຄືນສູ່ສະຖານທີ່ຂອງມັນເອງ, ແຜ່ນດິນໂລກຈະເປັນເໝືອນດັ່ງທີ່ມັນເຄີຍເປັນໃນວັນເວລາກ່ອນທີ່ມັນໄດ້ ຂແຍກອອກຈາກກັນ.
25 ແລະ ພຣະຜູ້ເປັນເຈົ້າ, ແມ່ນແຕ່ພຣະຜູ້ຊ່ວຍໃຫ້ລອດ, ຈະປະທັບຢືນຢູ່ໃນທ່າມກາງຜູ້ຄົນຂອງພຣະອົງ, ແລະ ຈະ ກປົກຄອງເໜືອເນື້ອໜັງທັງປວງ.
26 ແລະ ພວກເຂົາທີ່ຢູ່ໃນດິນແດນ ກທາງເໜືອຈະມາຢູ່ໃນຄວາມຊົງຈຳຕໍ່ພຣະພັກຂອງພຣະຜູ້ເປັນເຈົ້າ; ແລະ ສາດສະດາຂອງພວກເຂົາຈະໄດ້ຍິນສຸລະສຽງຂອງພຣະອົງ, ແລະ ຈະບໍ່ຢັບຢັ້ງຕົນເອງອີກຕໍ່ໄປ; ແລະ ພວກເຂົາຈະຕີກ້ອນຫີນ, ແລະ ນ້ຳກ້ອນຈະໄຫລລົງມາຢູ່ຕໍ່ໜ້າພວກເຂົາ.
27 ແລະ ກທາງຫລວງຈະຖືກສ້າງຂຶ້ນໃນທ່າມກາງຄວາມເລິກອັນໃຫຍ່ຫລວງ.
28 ສັດຕູຂອງພວກເຂົາຈະກາຍເປັນເຫຍື່ອໃຫ້ພວກເຂົາ,
29 ແລະ ໃນທະເລຊາຍທີ່ ກແຫ້ງແລ້ງ ຈະບັງເກີດບໍ່ນ້ຳທີ່ປະກອບດ້ວຍຊີວິດ; ແລະ ພື້ນດິນທີ່ແຫ້ງແລ້ງຈະບໍ່ເປັນແຜ່ນດິນທີ່ກະຫາຍນ້ຳອີກຕໍ່ໄປ.
30 ແລະ ພວກເຂົາຈະນຳຊັບສົມບັດອັນລ້ຳຄ່າຂອງພວກເຂົາມາໃຫ້ລູກຫລານຂອງ ກເອຟະຣາອີມ, ຜູ້ຮັບໃຊ້ຂອງເຮົາ.
31 ແລະ ເຂດແດນຂອງ ກເນີນພູອັນເປັນນິດຈະສັ່ນສະເທືອນຢູ່ຕໍ່ໜ້າພວກເຂົາ.
32 ແລະ ຢູ່ທີ່ນັ້ນພວກເຂົາຈະກົ້ມຂາບລົງ ແລະ ຖືກສວມມົງກຸດດ້ວຍລັດສະໝີພາບ, ແມ່ນແຕ່ໃນຊີໂອນ, ໂດຍມືຂອງຜູ້ຮັບໃຊ້ຂອງພຣະຜູ້ເປັນເຈົ້າ, ແມ່ນແຕ່ລູກຫລານຂອງເອຟະຣາອີມ.
33 ແລະ ພວກເຂົາຈະເຕັມໄປດ້ວຍ ກເພງແຫ່ງຄວາມສຸກອັນເປັນນິດ.
34 ຈົ່ງເບິ່ງ, ນີ້ແມ່ນພອນຂອງພຣະເຈົ້າຜູ້ເປັນນິດແກ່ ກບັນດາເຜົ່າຂອງອິດສະຣາເອນ, ແລະ ພອນທີ່ເລີດກວ່າໄວ້ເທິງຫົວຂອງ ຂເອຟະຣາອີມ ແລະ ເພື່ອນມິດສະຫາຍຂອງລາວ.
35 ແລະ ພວກເຂົາກໍເປັນຂອງເຜົ່າ ກຢູດາຄືກັນ, ຫລັງຈາກຄວາມເຈັບປວດຂອງພວກເຂົາ, ຈະໄດ້ຮັບການຊຳລະໃຫ້ ຂບໍລິສຸດຢູ່ຕໍ່ພຣະພັກຂອງພຣະຜູ້ເປັນເຈົ້າ, ເພື່ອອາໄສຢູ່ໃນທີ່ປະທັບຂອງພຣະອົງທຸກວັນ ແລະ ທຸກຄືນ, ຕະຫລອດການ ແລະ ຕະຫລອດໄປ.
36 ແລະ ບັດນີ້, ຕາມຄວາມຈິງແລ້ວ ພຣະຜູ້ເປັນເຈົ້າໄດ້ກ່າວວ່າ ສິ່ງເຫລົ່ານີ້ຈະໄດ້ເປັນທີ່ຮູ້ຈັກໃນບັນດາ ພວກເຈົ້າ, ໂອ້ ຜູ້ອາໄສຂອງແຜ່ນດິນໂລກ, ເຮົາໄດ້ສົ່ງ ກທູດຂອງເຮົາເຫາະຜ່ານທ່າມກາງຟ້າສະຫວັນ, ໂດຍມີ ຂພຣະກິດຕິຄຸນອັນເປັນນິດ, ຜູ້ໄດ້ປະກົດຕໍ່ບາງຄົນ ແລະ ໄດ້ມອບໝາຍມັນໃຫ້ແກ່ມະນຸດ, ຜູ້ຈະປະກົດຕໍ່ຫລາຍຄົນທີ່ອາໄສຢູ່ເທິງແຜ່ນດິນໂລກ.
37 ແລະ ກພຣະກິດຕິຄຸນນີ້ຈະຖືກ ຂສັ່ງສອນແກ່ ຄທຸກປະຊາຊາດ, ແລະ ທຸກຕະກຸນ, ແລະ ທຸກພາສາ, ແລະ ທຸກຜູ້ຄົນທັງປວງ.
38 ແລະ ຜູ້ຮັບໃຊ້ຂອງພຣະເຈົ້າຈະອອກໄປ, ກ່າວດ້ວຍສຽງດັງວ່າ: ຈົ່ງຢ້ານກົວພຣະເຈົ້າ ແລະ ມອບລັດສະໝີພາບແດ່ພຣະອົງ, ເພາະຊົ່ວໂມງຂອງການພິພາກສາຂອງພຣະອົງມາເຖິງແລ້ວ;
39 ແລະ ຈົ່ງ ກນະມັດສະການພຣະອົງທີ່ໄດ້ສ້າງສະຫວັນ, ແລະ ແຜ່ນດິນໂລກ, ແລະ ທະເລ, ແລະ ຕົ້ນນ້ຳລຳທານ—
40 ໂດຍເອີ້ນຫາພຣະນາມຂອງພຣະຜູ້ເປັນເຈົ້າທຸກວັນ ແລະ ທຸກຄືນ, ກ່າວວ່າ: ໂອ້ ຖ້າຫາກພຣະອົງຈະ ກແຍກຟ້າສະຫວັນ, ຖ້າຫາກພຣະອົງຈະລົງມາ, ຖ້າຫາກພູເຂົາຈະໄຫລລົງມາຢູ່ຕໍ່ໜ້າທີ່ປະທັບຢູ່ຂອງພຣະອົງ.
41 ແລະ ມັນຈະຕອບຢູ່ເທິງຫົວພວກເຂົາ; ເພາະວ່າທີ່ປະທັບຂອງພຣະຜູ້ເປັນເຈົ້າຈະເປັນຄືກັນກັບໄຟຫລໍ່ຫລອມທີ່ລຸກໄໝ້, ແລະ ເປັນໄຟທີ່ເຮັດໃຫ້ນ້ຳ ກຟົດ.
42 ໂອ້ ພຣະຜູ້ເປັນເຈົ້າ, ພຣະອົງຈະສະເດັດລົງມາເພື່ອເຮັດໃຫ້ພຣະນາມຂອງພຣະອົງເປັນທີ່ຮູ້ຈັກແກ່ຜູ້ປໍລະປັກຂອງພຣະອົງ, ແລະ ປະຊາຊາດທັງປວງຈະຕົວສັ່ນຢູ່ຕໍ່ໜ້າພຣະພັກຂອງພຣະອົງ—
43 ເມື່ອພຣະອົງເຮັດສິ່ງທີ່ໜ້າຢ້ານກົວ, ສິ່ງທີ່ພວກເຂົາບໍ່ຄາດຄິດ;
44 ແທ້ຈິງແລ້ວ, ເມື່ອພຣະອົງສະເດັດລົງມາ, ແລະ ພູເຂົາໄຫລລົງມາຢູ່ຕໍ່ໜ້າທີ່ປະທັບຢູ່ຂອງພຣະອົງ, ພຣະອົງຈະ ກພົບຄົນທີ່ປິຕິຍິນດີ ແລະ ເຮັດຄວາມຊອບທຳ, ຜູ້ທີ່ລະນຶກເຖິງພຣະອົງໃນວິທີທາງຂອງພຣະອົງ.
45 ເພາະວ່ານັບແຕ່ການເລີ່ມຕົ້ນຂອງໂລກເປັນຕົ້ນມາ ບໍ່ມີມະນຸດຄົນໃດໄດ້ຍິນ ຫລື ໄດ້ຮູ້ຈັກດ້ວຍຫູ, ທັງບໍ່ເຄີຍໄດ້ເຫັນດ້ວຍຕາ, ໂອ້ ພຣະອົງເຈົ້າ, ນອກຈາກພຣະອົງແລ້ວ, ພຣະອົງໄດ້ ກຕຽມສິ່ງຍິ່ງໃຫຍ່ພຽງໃດສຳລັບຜູ້ທີ່ ຂລໍຖ້າພຣະອົງ.
46 ແລະ ຈະກ່າວກັນວ່າ: ນີ້ ກແມ່ນໃຜຜູ້ທີ່ລົງ ຂມາຈາກພຣະເຈົ້າໃນສະຫວັນດ້ວຍອາພອນຍ້ອມສີ; ແທ້ຈິງແລ້ວ, ຈາກພາກພື້ນຊຶ່ງບໍ່ຮູ້ຈັກ, ຫຸ້ມຫໍ່ດ້ວຍອາພອນທີ່ສະຫງ່າລາສີ, ເດີນທາງໃນຄວາມຍິ່ງໃຫຍ່ແຫ່ງພະລັງຂອງພຣະອົງ?
47 ແລະ ພຣະອົງຈະກ່າວວ່າ: ເຮົາຄືຄົນທີ່ໄດ້ກ່າວແລ້ວໃນຄວາມຊອບທຳ, ຜູ້ຊົງລິດອຳນາດຍິ່ງໃຫຍ່ທີ່ຈະຊ່ວຍໃຫ້ລອດ.
48 ແລະ ພຣະຜູ້ເປັນເຈົ້າຈະແຕ່ງກາຍໃນ ກສີແດງ, ແລະ ອາພອນຂອງພຣະອົງຈະເໝືອນດັ່ງຂອງຜູ້ທີ່ຢຽບໝາກອະງຸ່ນ.
49 ແລະ ລັດສະໝີພາບແຫ່ງການປະທັບຢູ່ຂອງພຣະອົງຈະຍິ່ງໃຫຍ່ທີ່ສຸດຈົນເຖິງຂະໜາດ ກດວງຕາເວັນ ຈະເຊື່ອງໜ້າຂອງມັນດ້ວຍຄວາມອັບອາຍ, ແລະ ດວງເດືອນຈະດັບແສງຂອງມັນ, ແລະ ດວງດາວຈະຖືກຊັດອອກຈາກບ່ອນຂອງມັນ.
50 ແລະ ຈະໄດ້ຍິນສຸລະສຽງຂອງພຣະອົງວ່າ: ເຮົາໄດ້ ກຢຽບເຄື່ອງປັ່ນໝາກອະງຸ່ນຄົນດຽວ, ແລະ ໄດ້ນຳການພິພາກສາມາໄວ້ເທິງຜູ້ຄົນທັງປວງ; ແລະ ບໍ່ມີຜູ້ໃດຢູ່ກັບເຮົາ;
51 ແລະ ເຮົາໄດ້ຢຽບພວກເຂົາໃນຄວາມໂມໂຫຮ້າຍຂອງເຮົາ, ແລະ ເຮົາໄດ້ຢຽບຍ່ຳພວກເຂົາລົງໃນຄວາມພຣະພິໂລດຂອງເຮົາ, ແລະ ເລືອດຂອງພວກເຂົານັ້ນ ເຮົາໄດ້ ກຊິດໃສ່ອາພອນຂອງເຮົາ, ແລະ ເປິເປື້ອນເຄື່ອງນຸ່ງຫົ່ມທັງໝົດຂອງເຮົາ; ເພາະວ່ານີ້ຄືວັນແຫ່ງການແກ້ແຄ້ນຊຶ່ງຢູ່ໃນໃຈຂອງເຮົາ.
52 ແລະ ບັດນີ້ ປີແຫ່ງຜູ້ໄດ້ຮັບການໄຖ່ຂອງເຮົາມາເຖິງແລ້ວ; ແລະ ພວກເຂົາຈະກ່າວເຖິງຄວາມກະລຸນາຮັກຫອມຂອງພຣະຜູ້ເປັນເຈົ້າຂອງພວກເຂົາ, ແລະ ທຸກສິ່ງທີ່ພຣະອົງໄດ້ມອບໃຫ້ພວກເຂົາຕາມພຣະກະລຸນາທິຄຸນຂອງພຣະອົງ, ແລະ ຕາມຄວາມກະລຸນາຮັກຫອມຂອງພຣະອົງ, ຕະຫລອດການ ແລະ ຕະຫລອດໄປ.
53 ໃນ ກຄວາມທຸກທໍລະມານທັງປວງຂອງພວກເຂົາ ພຣະອົງໄດ້ເປັນທຸກ. ແລະ ທູດຈາກທີ່ປະທັບຂອງພຣະອົງໄດ້ຊ່ວຍພວກເຂົາ; ແລະ ໃນ ຂຄວາມຮັກຂອງພຣະອົງ, ແລະ ໃນຄວາມສົງສານຂອງພຣະອົງ, ພຣະອົງໄດ້ ຄໄຖ່ພວກເຂົາ, ແລະ ໄດ້ແບກພວກເຂົາ, ແລະ ອູ້ມພວກເຂົາຕະຫລອດທຸກຍຸກທຸກສະໄໝເກົ່າກ່ອນ;
54 ແທ້ຈິງແລ້ວ, ແລະ ກເອນົກນຳອີກ, ແລະ ຄົນທີ່ຢູ່ກັບລາວ; ສາດສະດາຜູ້ມີຊີວິດກ່ອນລາວ; ແລະ ຂໂນອານຳອີກ, ແລະ ຜູ້ທີ່ມີຊີວິດກ່ອນລາວ; ແລະ ຄໂມເຊນຳອີກ, ແລະ ຜູ້ທີ່ມີຊີວິດກ່ອນລາວ;
55 ແລະ ຈາກໂມເຊເຖິງເອລີຢາ, ແລະ ຈາກເອລີຢາເຖິງໂຢຮັນ, ຜູ້ໄດ້ຢູ່ກັບພຣະຄຣິດໃນ ກການຟື້ນຄືນພຣະຊົນຂອງພຣະອົງ, ແລະ ອັກຄະສາວົກຜູ້ບໍລິສຸດ, ພ້ອມກັບອັບຣາຮາມ, ອີຊາກ, ແລະ ຢາໂຄບ, ຈະຢູ່ໃນທີ່ປະທັບຂອງພຣະເມສານ້ອຍ.
56 ແລະ ກຫລຸມສົບຂອງ ຂໄພ່ພົນຂອງພຣະເຈົ້າຈະຖືກ ຄເປີດອອກ; ແລະ ພວກເຂົາຈະອອກມາ ແລະ ຢືນຢູ່ທາງ ງເບື້ອງຂວາພຣະຫັດຂອງພຣະເມສານ້ອຍ, ເມື່ອພຣະອົງຈະປະທັບຢືນຢູ່ເທິງ ຈພູຊີໂອນ, ແລະ ເທິງນະຄອນສັກສິດ, ສເຢຣູຊາເລັມໃໝ່; ແລະ ພວກເຂົາຈະຮ້ອງ ຊເພງສັນລະເສີນ ຍພຣະເມສານ້ອຍ, ທັງວັນ ແລະ ຄືນຕະຫລອດການ ແລະ ຕະຫລອດໄປ.
57 ແລະ ເພາະດ້ວຍເຫດນີ້, ເພື່ອວ່າມະນຸດຈະຖືກເຮັດໃຫ້ເປັນຜູ້ຮັບ ກລັດສະໝີພາບຊຶ່ງຈະຖືກເປີດເຜີຍ, ພຣະຜູ້ເປັນເຈົ້າໄດ້ສົ່ງຄວາມສົມບູນແຫ່ງ ຂພຣະກິດຕິຄຸນຂອງພຣະອົງອອກໄປ, ພັນທະສັນຍາອັນເປັນນິດຂອງພຣະອົງ, ໂດຍໃຫ້ເຫດຜົນໃນຄວາມແຈ່ມແຈ້ງ ແລະ ລຽບງ່າຍ—
58 ເພື່ອຕຽມຄົນອ່ອນແອໄວ້ສຳລັບສິ່ງທີ່ຈະມາເທິງແຜ່ນດິນໂລກ, ແລະ ເພື່ອແລ່ນວຽກຂອງພຣະຜູ້ເປັນເຈົ້າໃນວັນທີ່ ກຄົນອ່ອນແອຈະເຮັດໃຫ້ຄົນສະຫລາດຈຳນົນ, ແລະ ຂຄົນເລັກໜ້ອຍກາຍເປັນປະຊາຊາດທີ່ເຂັ້ມແຂງ, ແລະ ຄົນ ຄສອງຄົນຈະເຮັດໃຫ້ຫລາຍໝື່ນຄົນປົບໜີໄປ.
59 ແລະ ໂດຍສິ່ງທີ່ອ່ອນແອຂອງແຜ່ນດິນໂລກ ພຣະຜູ້ເປັນເຈົ້າຈະ ກຝັດປະຊາຊາດໂດຍອຳນາດຂອງພຣະວິນຍານ.
60 ແລະ ເພາະເຫດນີ້ ບັນຍັດເຫລົ່ານີ້ຈຶ່ງໄດ້ຖືກມອບໃຫ້; ມັນຖືກບັນຊາໃຫ້ຮັກສາໄວ້ຈາກໂລກໃນວັນທີ່ມັນຖືກມອບໃຫ້, ແຕ່ບັດນີ້ຈະ ກອອກໄປສູ່ເນື້ອໜັງ ຂທັງປວງ—
61 ແລະ ນີ້ຕາມພຣະດຳລັດ ແລະ ພຣະປະສົງຂອງພຣະຜູ້ເປັນເຈົ້າ, ຜູ້ປົກຄອງເໜືອເນື້ອໜັງທັງປວງ.
62 ແລະ ກັບຄົນທີ່ ກກັບໃຈ ແລະ ຂຊຳລະຕົນໃຫ້ບໍລິສຸດຢູ່ຕໍ່ພຣະພັກຂອງພຣະຜູ້ເປັນເຈົ້າ ຈະໄດ້ຮັບ ຄຊີວິດນິລັນດອນ.
63 ແລະ ກັບຄົນທີ່ ກບໍ່ໄດ້ເຊື່ອຟັງສຸລະສຽງຂອງພຣະຜູ້ເປັນເຈົ້າ ຈະສຳເລັດຜົນຕາມສິ່ງທີ່ຖືກຂຽນໄວ້ໂດຍສາດສະດາໂມເຊ, ວ່າພວກເຂົາຈະຖືກ ຂຕັດອອກຈາກບັນດາຜູ້ຄົນ.
64 ແລະ ສິ່ງທີ່ໄດ້ຖືກຂຽນໄວ້ໂດຍສາດສະດາ ກມາລາກີນຳອີກ: ເພາະ, ຈົ່ງເບິ່ງ, ຂວັນນັ້ນຍ່ອມມາເຖິງ ຊຶ່ງຈະ ຄເຜົາໃໝ້ດັ່ງເຕົາອົບ, ແລະ ຄົນທັງໝົດທີ່ອວດດີ, ແທ້ຈິງແລ້ວ, ແລະ ຄົນທັງໝົດທີ່ເຮັດຄວາມຊົ່ວຮ້າຍ ຈະເປັນຄືກັນກັບເຟືອງເຂົ້າ; ແລະ ວັນນັ້ນຈະມາເຖິງເມື່ອໄຟຈະເຜົາພວກເຂົາ, ຈອມໂຍທາໄດ້ກ່າວ, ຈົນບໍ່ມີທັງຮາກ ຫລື ກິ່ງງ່າເຫລືອຢູ່.
65 ດັ່ງນັ້ນ, ນີ້ຈະເປັນຄຳຕອບຂອງພຣະຜູ້ເປັນເຈົ້າແກ່ພວກເຂົາ:
66 ໃນມື້ນັ້ນ ເມື່ອເຮົາໄດ້ມາຫາຜູ້ຄົນຂອງເຮົາ, ບໍ່ມີໃຜໃນບັນດາພວກເຈົ້າ ກຮັບເຮົາ, ແລະ ພວກເຈົ້າຖືກໄລ່ອອກໄປ.
67 ເມື່ອເຮົາເອີ້ນອີກ ແຕ່ບໍ່ມີໃຜໃນພວກເຈົ້າຕອບ; ແຕ່ ກແຂນຂອງເຮົາບໍ່ໄດ້ສັ້ນລົງຈົນວ່າເຮົາບໍ່ສາມາດໄຖ່, ຫລື ຂອຳນາດຂອງເຮົາບໍ່ສາມາດປົດປ່ອຍ.
68 ຈົ່ງເບິ່ງ, ໂດຍການຕິຕຽນຂອງເຮົາ, ເຮົາເຮັດໃຫ້ນ້ຳທະເລ ກແຫ້ງລົງ. ເຮົາເຮັດໃຫ້ແມ່ນ້ຳເປັນຖິ່ນແຫ້ງແລ້ງກັນດານ; ປາຂອງພວກເຂົາສົ່ງກິ່ນເໝັນ, ແລະ ຕາຍໄປເພາະຂາດນ້ຳ.
69 ເຮົາຫຸ້ມສະຫວັນໄວ້ດ້ວຍຄວາມມືດ, ແລະ ເອົາຜ້າກະສອບມາຄຸມໄວ້.
70 ແລະ ພວກເຈົ້າຈະໄດ້ຮັບ ກຢ່າງນີ້ຈາກມືຂອງເຮົາ—ພວກເຈົ້າຈະຕ້ອງນອນລົງໃນຄວາມເສົ້າສະຫລົດໃຈ.
71 ຈົ່ງເບິ່ງ, ແລະ ເບິ່ງແມ, ບໍ່ມີໃຜຈະປົດປ່ອຍພວກເຈົ້າ; ເພາະວ່າພວກເຈົ້າບໍ່ເຊື່ອຟັງສຽງຂອງເຮົາ ເມື່ອເຮົາເອີ້ນພວກເຈົ້າຈາກສະຫວັນ; ພວກເຈົ້າບໍ່ເຊື່ອຜູ້ຮັບໃຊ້ຂອງເຮົາ, ແລະ ເມື່ອພວກເຂົາຖືກ ກສົ່ງມາຫາພວກເຈົ້າ, ພວກເຈົ້າບໍ່ຮັບເອົາພວກເຂົາ.
72 ດັ່ງນັ້ນ, ພວກເຂົາຈຶ່ງໄດ້ ກຜະນຶກປະຈັກພະຍານ ແລະ ຜູກມັດກົດໄວ້, ແລະ ພວກເຈົ້າໄດ້ຖືກສົ່ງໄປສູ່ຄວາມມືດ.
73 ຄົນເຫລົ່ານັ້ນຈະອອກໄປສູ່ຄວາມມືດພາຍນອກ, ບ່ອນທີ່ມີການ ກຮ້ອງໄຫ້, ແລະ ການຄວນຄາງ, ແລະ ການຂົບແຂ້ວຄ້ຽວຟັນ.
74 ຈົ່ງເບິ່ງ ພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າໄດ້ກ່າວມັນໄວ້. ອາແມນ.