1 Imdenganyo, O tattao ti simbaanko, kinuna ti Apo a Diosyo, ket denggenyo ti balikas ti Apo maipanggep kadakayo—

2 Ti Apo a kellaatto nga ^aumay iti templona; ti Apo a bumabanto iti lubong a mangikuyog iti lunod ti ^bpanangukom; wen, kadagiti amin a pagilian a manglipat iti Dios, ken kadagiti amin a saan a nadiosan iti ragupyo.

3 Ta ^aipakitananto ti nasantuan a takiagna iti amin a pagilian, ket makitanto ti intero a daga ti ^bpanangisalakan ti Dios.

4 Gapuna, agsaganakayo, agsaganakayo, O tattaok; pasantuenyo ti bagbagiyo; aguummongkayo a sangsangkamaysa, O tattao ti simbaanko, iti daga ti Zion, dakayo amin a saan a nabilin nga agbati.

5 Rummuarkayo iti ^aBabilonia. Agbalinkayo koma a ^bnadalus a mangiggem kadagiti pagikkan ti Apo.

6 Angayenyo ti sagrado a panagtitiponyo, ket sansanenyo ti ^aagsasarita iti tunggal maysa. Ket awagan koma ti tunggal tao ti nagan ti Apo.

7 Wen, pudno kunak manen kadakayo, dimtengen ti panawen nga idadanon kadakayo ti timek ti Apo: Rummuarkayo iti Babilonia; ^aaguummongkayo manipud kadagiti pagilian, manipud iti ^buppat a suli, manipud iti maysa a paset ti langit agingga iti bangir.

8 ^aIbaonyo dagiti elder ti simbaanko kadagiti adayo a pagilian; kadagiti ^bpurpuro iti baybay; ibaonyo ida kadagiti ganggannaet a daga; awaganyo amin a pagilian, umuna dagiti ^cGentil, sa dagiti ^dHudio.

9 Ket adtoy, ken imutektekan, daytoyto ti ararawda, ken ti timek ti Apo kadagiti tao: Mapankayo iti daga ti Zion, tapno lumawa ti masakupan dagiti taok, ken tapno mapabileg dagiti ^aistakana, ken tapno dumanon ti ^bZion kadagiti lugar iti aglawlaw.

10 Wen, dumanon koma ti araraw kadagiti amin a tao: Agriing ken bumangon ket mapanyo sabaten ti ^aNobio; adtoy ken imutektekan, umayen ti Nobio; rummuarkayo a sumabat kenkuana. Isaganayo ti bagbagiyo para iti ^bnaindaklan nga aldaw ti Apo.

11 ^aAgsalukagkayo, ngarud, ta diyo ^bammo ti aldaw wenno oras.

12 Agkamang koma, ngarud, iti ^aZion dagiti ^bmairaman kadagiti Gentil.

13 Agkamang koma dagiti adda iti ^aJudea iti ^bJerusalem, iti ^ckabambantayan a yan ti ^dbalay ti Apo.

14 Agwaraskayo kadagiti pagilian, manipud iti Babilonia, manipud iti tengnga ti kinadangkes, nga isu ti naespirituan a Babilonia.

15 Ngem pudno, kastoy ti kinuna ti Apo, saankayo koma nga ^aagdardaras, ngem isaganayo koma amin a banag nga agpaay kadakayo; ket isu a mapan, saan koma a ^btumaliaw amangan ta kellaat a dumteng kenkuana ti pannakadadael.

16 Imdengan ket denggenyo, O dakayo nga agindeg iti daga. ^aTimudenyo, a sangkamaysa, dakayo nga elder ti simbaanko, ket denggenyo ti timek ti Apo; ta awaganna amin a tao, ken bilinenna amin a tao iti sadino man nga ^bagbabawi.

17 Ta adtoy, ^anangibaon ti Apo a Dios iti anghel nga umar-araraw iti tengnga ti langit, nga agkunkuna: Isaganayo ti dalan ti Apo, ket ^blintegenyo dagiti danana, ta asidegen ti oras ti ^cyaayna—

18 Inton agtakder ti ^aKordero iti ^bBantay Zion, a kaduana ti ^csangagasut ken uppat-a-pulo-ket-uppat a ribu, a naisurat ti nagan ti Ama kadagiti mugingda.

19 Gapuna, isaganaanyo ti ^ayaay ti ^bNobio; rummuarkayo, rummuarkayo a mapan sumabat kenkuana.

20 Ta adtoy, ^aagtakderto iti bantay ti Olibo, ken iti nalawa a taaw, uray pay iti mangliwengliweng a lansad, ken kadagiti puro iti baybay, ken iti daga ti Zion.

21 Ket ^ayebkasnanto ti timekna iti ^bZion, ken agsaonto manipud iti Jerusalem, ket mangngegto ti timekna ti amin a tao;

22 Ket timekto a kas iti ^aanasaas ti adu a dandanum, ken kas iti dalagudog ti ^bgurruod, a ^cmangrebbanto kadagiti bantay, ket saanto a masarakan dagiti tanap.

23 Bilinennanto ti mangliwengliweng a lansad, ket mayabogto kadagiti pagilian iti amianan, ket agbalinto a maymaysa a daga dagiti ^apuro;

24 Ket maisublinto iti sigud a lugarda ti daga a ^aJerusalem ken ti daga a Zion, ket agbalinto ti daga a kas iti kasisigudna kadagidi aldaw a sakbay a ^bnabingaybingay.

25 Ket ti Apo, nga isu ti Mannubbot, agtakderto iti tengnga dagiti tao, ket ^aagarinto kadagiti amin a nabiag.

26 Ket umayto a silalagip iti Apo dagiti tao kadagiti pagilian iti ^aamianan; ket mangngegto dagiti propeta ti timekna, ket saandanto a kabaelan ti bagbagida; ket bautendanto ti kabatuan, ket pumsuakto ti yelo iti yanda.

27 Ket addanto maiban-uyat a ^adakkel a kalsada iti tengnga ti mangliwengliweng a lansad.

28 Ket gundawayandanto dagiti kabusorda.

29 Ket kadagiti ^anatikag a disierto aglayusto iti nabiag a danum; ket ti namaga a daga saanton a mawaw.

30 Ket iteddanto ti kinabaknangda kadagiti annak ni ^aEphraim, dagiti katulongak.

31 Ket agkintayegto ti nagbedngan dagiti agnanayon a ^aturod iti kaaddada.

32 Ket madalebdanto sadiay ken makoronaandanto iti dayag, a kas iti Zion, babaen ti ima dagiti katulongan ti Apo, a kas kadagiti annak ni Ephraim.

33 Ket mapnodanto iti ^akankanta ti agnanayon a rag-o.

34 Adtoy, daytoy ti bendision ti agnanayon a Dios kadagiti ^atribu ti Israel, ken ti nabakbaknang a bendision iti ulo ni ^bEphraim ken dagiti pasurotna.

35 Ken dagiti met tribu ti ^aJuda, kalpasan ti saemda, mapasantonto iti ^bkinasanto iti Apo, nga agindeg iti sibayna iti aldaw ken rabii, iti agnanayon nga awan inggana.

36 Ket ita, pudno kinuna ti Apo, a mabalin a maipakaammo dagitoy a banag kadakayo, O dakayo nga agindeg iti daga, nga imbaonko ti ^aanghelko nga agtayab iti let-ang ti langit, nga adda kenkuana ti agnanayon nga ^bebanghelio, a nagpakita iti sumagmamano ken intalekna iti tao, nga agparangto iti adu nga agindeg iti daga.

37 Ket ^amaikasabanto daytoy nga ^bebanghelio iti ^ctunggal pagilian, ken kakabsat, ken pagsasao, ken tattao.

38 Ket mapanto dagiti katulongan ti Dios, nga agkuna iti napigsa a timek: Agbutengkayo iti Dios ket ipaayanyo iti dayag, ta umay ti oras a panangukomna;

39 Ket ^aagdayawkayo kenkuana a nangaramid iti langit, ken daga, ken ti baybay, ken dagiti burayok ti dandanum—

40 A mangaw-awag iti nagan ti Apo iti aldaw ken rabii, nga agkuna: O isu a ^amangburak iti langit, isu a bumabanto, tapno mabalin nga agkusukos dagiti bantay iti imatangmo.

41 Ket masungbatanto kadagiti uloda; ta ti kaadda ti Apo kaslanto iti mangrunaw nga apuy a manguram, ken kas iti apuy a ^amamagburek iti danum.

42 O Apo, bumabakanto a mangipakaammo iti naganmo kadagiti kabusormo, ket agkintayegto amin a pagilian iti imatangmo—

43 No agaramidka iti nakaam-amak a bambanag, bambanag a dida sapsapulen;

44 Wen, no bumabaka, ket agkusukos dagiti bantay iti imatangmo, ^asabatemto ti agrag-o ken agaramid iti kinalinteg, isu a makalagip kenka kadagiti wagasmo.

45 Ta manipud pay idi punganay ti lubong saanen a nakangngeg wenno nakapanunot ti tao babaen ti lapayag, wenno uray koma no mata a nakakita, O Dios, iti sibaymo, anian a kinaindaklan dagiti banag nga ^ainsaganam a para kenkuana nga ^bagur-uray kenka.

46 Ket masaonto: ^aAsino daytoy ^bbumaba manipud iti Dios iti langit nga addaan iti natinaan a pagan-anay; wen, manipud kadagiti lugar a di am-ammo, a nakawesan iti nagloriaan a lupot, nga agbambaniaga iti naindaklan a pigsana?

47 Ket kunananto: Siak ti nagsao iti kinalinteg, maingel a mangisalakan.

48 Ket ^analabaganto ti kawes ti Apo, ket ti pagan-anayna kas iti agpespespes iti ubas a maaramid nga arak.

49 Ket nabuslonto unay ti dayag ti kaaddana ta ilingedto ti ^ainit ti rupana gapu iti bain, ken ipaidamto ti bulan ti lawagna, ken agarikenkento dagiti bituen iti yanda.

50 Ket mangngegto ti timekna: Sisiak ti ^anangibaddebaddek iti pagpespesan iti maaramid nga arak, ken siak ti nangidateng iti pannakaukom kadagiti amin a tao; ket awan ti kaduak;

51 Ket inludekludekko ida iti pungtotko, ken inirik-irikko ida iti nalaus a gurak, ket ^anagwarsi ti darada iti pagan-anayko, ket namansaan amin nga aruatek; ta daytoy ti aldaw a panagibales nga adda iti pusok.

52 Ket ita dimtengen ti tawen ti panangsubbotko; ket agapadendanto ti manangipateg a kinaimbag ti Apoda, ken amin nga insagutna kadakuada a maibatay iti kinaimbagna, ken maibatay iti manangipateg a kinaimbagna, iti agnanayon nga awan inggana.

53 Iti amin a ^arigrigatda linak-amna. Ket insalakan ida ti anghel ti imatangna; ket iti ^bayatna, ken ti panangngaasina, ^csinubbotna ida, ken inimetna ida, ket binitibitna ida iti unos ti panaglakayda;

54 Wen, ket kasta met ni ^aEnoc, ken dagiti kaduana; dagiti propeta nga immun-una ngem isu; ken kasta met ni ^bNoe, ken dagiti immun-una ngem isu; ken kasta met ni ^cMoises, ken dagiti immun-una ngem isu;

55 Ken manipud ken ni Moises agingga ken ni Elias a propeta, ken manipud ken ni Elias a propeta agingga ken ni Juan, a kadua ni Cristo iti ^apanagungarna, ken dagiti nasantuan nga apostol, a kadua da Abraham, Isaac, ken Jacob, addadanto iti imatang ti Kordero.

56 Ket ^amalukatanto dagiti ^btanem dagiti ^csanto; ket umaydanto nga agtakder iti ^dmakanawan ti Kordero, inton agtakder iti ^eBantay Zion, ken iti nasantuan a siudad, ti ^fBaro a Jerusalem; ket kantaendanto ti ^gkanta ti ^hKordero, iti aldaw ken rabii iti agnanayon nga awan inggana.

57 Ket iti daytoy a gapu, a mapalubosan dagiti tao a makiranud kadagiti ^agloria a maipalgakto, impatulod ti Apo ti pakabuklan ti ^bebangheliona, ti agnanayon a katulaganna, a mangikalintegan a silalawag ken nalaka a maawatan—

58 A mangisagana kadagiti nakapsut kadagiti banag a dumteng iti daga, ken agtungpal iti Apo iti aldaw a panangtikaw dagiti ^anakapuy kadagiti masirib, ket ti ^bmaysa a bassit agbalindanto a napigsa a pagilian, ket ti ^cdua ikabildanto dagiti pinullo a ribu a tumaray.

59 Ket babaento dagiti nakapuy a banag iti daga ^ataltagento ti Apo dagiti pagilian babaen ti bileg ti Espirituna.

60 Ket daytoy a gapu ti nakaitedan dagiti bilin; nabilinda a mailemmeng iti lubong iti aldaw a pannakaitedda, ngem ^amaipan ita kadagiti ^bamin a nabiag—

61 Ket daytoy maibatay iti panunot ken pagayatan ti Apo, a mangituray kadagiti amin a nabiag.

62 Ket isu nga ^aagbabawi ken ^bmangpasanto iti bagina iti imatang ti Apo maikkanto iti ^cagnanayon a biag.

63 Ket maipatungpalto kadagiti di ^adumngeg iti timek ti Apo ti insurat ni Moises a propeta, tapno ^bmaisinadanto kadagiti tao.

64 Ken kasta met dagiti insurat ni ^aMalakias a propeta: Ta, adtoy, umay ti ^baldaw a ^cmapuoranto a kas iti urno, ket amin dagiti natangsit, wen, ken amin dagiti agaramid iti dinadangkes, agbalindanto a punget; ket mapuorandanto iti aldaw a dumteng, kinuna ti Apo ti pangen, nga awanto ti mabati a ramut man wenno sangada.

65 Gapuna, daytoyto ti sungbat ti Apo kadakuada:

66 Iti daydi aldaw a yaayko a sisiak, awan ti uray maysa kadakayo a ^anangawat kaniak, ket napapanawkayo.

67 Idi immawagak manen awan kadakayo ti simmungbat; nupay kasta saan nga immababa a pulos ti ^aimak tapno saanak a makasubbot, wenno ti ^bbilegko tapno mangisalakan.

68 Adtoy, iti pungtotko ^ainabbatak ti baybay. Inaramidko a langalang ti kadanuman; bimmangsit dagiti ikanda, ket natayda iti waw.

69 Binalengbengak ti langit iti sipnget, ket inaramidko ti sipnget a mangbungon kadakuada.

70 Ket awatenyonto ^adaytoy iti imak—agiddakayonto a silaladingit.

71 Adtoy, ken kitaenyo, awan ti mangisalakan kadakayo; ta diyo tinungpal ti timekko idi awagankayo iti langit; diyo tinungpal dagiti katulongak, ket idi ^amaibaonda kadakayo diyo ida inawat.

72 Gapuna, ^apinatalgedanda ti pammaneknek ken binegkesda ti paglintegan, ket naiturongkayo iti kasipngetan.

73 Mapanto dagitoy iti kasipngetan, a yan dagiti ^aagsasangit, ken agan-anug-og, ken agngarngariet.

74 Adtoy nasaon daytoy ti Apo a Diosyo. Amen.