1 Ol ^aheven oli bin open long mifala, mo mi bin luk ^bselestial kingdom blong God, mo glori blong hem, be sapos mi stap long ^dbodi blong mit mo bun, o aot, mi no save talem.

2 Mi bin luk ^aget we i naes i bitim mak, we tru long hem, olgeta we oli gat raet long kingdom ia bae oli pas long hem, we i olsem ^bfaea we i laet mo i go raon;

3 Mo tu, jea blong God we i ^asaen olsem faea, we ^bPapa mo ^dPikinini i sidaon long hem.

4 Mi bin luk ol naesfala rod blong kingdom ia, we i luk olsem se oli wokem wetem ^agol.

5 Mi bin luk Papa ^aAdam mo ^bEbraham; mo ^dpapa blong mi, mo ^emama blong mi; mo brata blong mi, ^fAlvin, we i bin ded longtaem finis;

6 Mo mi bin askem miwan olsem wanem nao hem i bin kasem wan ^aples insaed long kingdom ia, from se mi save se hem i livim laef long wol ia bifo Lod i bin putum han blong hem blong karem Isrel i kam tugeta long ^bnambatu taem, mo hem i no bin kasem ^dbaptaes blong kam klin aot long ol sin.

7 Olsem ia nao ^avoes blong Lod i bin kam long mi, i talem: “Evriwan we i bin ded be oli ^bno kasem save long gospel ia, we bae oli akseptem sapos mi bin letem olgeta oli stastap, bae oli gat ^dples long ^eselestial kingdom blong God.

8 Mo evriwan we bae oli ded, stat long naoia i go, mo oli no kasem save long gospel ia, we ^abae oli akseptem nomo wetem ful hat blong olgeta, bae oli gat ples long kingdom ia;

9 From we mi, Lod, bae mi ^ajajem evri man folem ^bwok blong olgeta, folem wanem we hat blong olgeta i ^dwantem.”

10 Mo tu, mi bin luk se evri pikinini we oli ded bifo oli kasem ^ayia we oli save ansa from aksen blong olgeta, Lod i ^bsevem olgeta oli go long selestial kingdom blong heven.