Koroboki Aika Tabu
Reirei ao Berita aika Tabu 137


Mwakoro 137

Te mi ni burabeti ae anganaki Iotebwa Timiti te Burabeti, n te tembora i Kirtland, Ohio, n Tianuare 21, 1836. Te tai aei bon karaoan otenanti ni katauraoi ibukin katabuan te tembora.

1–6, Te Burabeti e noora tarina ae Alvin n te abanuea ae te tiretio; 7–9, Te reirei ibukin kamaiuakiia maate e kaotaki; 10, Ataei ni kabane a kamaiuaki n te abanuea ae te tiretio.

1 A kaukaki akarawa i aora, ao I nora uean te Atua ae te btiretio, ao mimitongina, tao i nanon te crabwata ke tiaki I aki kona n ataia.

2 I nora te amataroa ae rianako tamaroana are a na rin iai taan bwaibwai n te abanuea arei, are ai aron buran te ai ae tobibi;

3 Ao ana kaintokanuea naba te Atua ae atakiakia n ota, ao a tekateka i aona te bTama ao te cNati.

4 I noora tikiraoin kawain te abanuea arei, are taraana e rabunaki n te akoora.

5 I noora te Tama ae aAtam ao bAberaam; ao ctamau ao dtinau, tariu ae eAlvin, are e a kaman motirawa;

6 Ao I miimi bwa e kanga ni karekea te abwaibwai n te abanuea arei, n nooran ae e a kaman kitana te maiu aei i mwaain ae moana ana waaki te Uea ni bobota Iteraera te bka-uatai, ao e tuai ni cbwabetitoaki ibukin kamaunaan bure.

7 Ngaia are e roko abwanaan te Uea nakoiu, ae kangai: Ni kabane ake a mate n bakea aia atatai n te euangkerio aei, ake a na bon butimwaia ngke arona bwa a kariaiakaki bwa a na tiku, a na riki bwa ctaan bwaibwai n uean te Atua ae te dtiretio.

8 Ni kabane naba ake a na mate man te tai aei n akea te atatai n te euangkerio aei, ake aa na bon butimwaia ma nanoia ni kabane, bon taan bwaibwai n te abanuea arei.

9 Bwa Ngai, te Uea, N na amotiki taekaia aomata ni kabane ni kaineti ma aia bmwakuri, ni kaineti ma are a ctangiria i nanoia.

10 Ao I nooria naba bwa ataei ni kabane ake a mate i mwain ae a roko n aroro ni bukinaki a bon bkamaiuaki n te abanuea ae te tiretio i karawa.