1 Ilo raan eo kein kajilu in Oktoba, ilo iiō eo juon to̧ujin ruwatimjuonbukwi im jon̄oulruwalitōk, iaar jijet ilo ruum̧ eo aō im ^akoļmānļo̧kijeņ kōn jeje ko rekwōjarjar;

2 Im kejakļo̧kjeņ kōn katok in ^apinmuur eo eļap im ekar kōm̧m̧an jān eo Nejin Anij, n̄an ^blo̧mo̧o̧ren eo an laļ;

3 Im ^aiakwe eo eļap im em̧m̧an kar kaalikkare jān Jemān im Nejin ilo itok eo an ^bRipinmuur n̄an laļ in;

4 Bwe kōn ^apinmuur eo An, im jān ^bpokake pedped ko an gospel eo, armej remaron̄ in bōk lo̧mo̧o̧r.

5 Ke iaar m̧ad ilo jekjek in, aō ļōmņak eaar ro̧o̧lļo̧k n̄an jeje ko an rijjilōk Piter, n̄an ^aro rekwōjarjar etto rekar ejjeplōklōk ipeļaakin ^bPontōs, Galetia, Cappadocia, im m̧ōttan ko jet ilo Esia, ijo gospel eo kar kwaļo̧k naan kake ālikin debwāāl eo an Irooj.

6 Iaar kōpeļļo̧ke Baibōļ eo im kōnono ilo jebta ko kein kajilu im kāāmen in lōta eo kein kajuon an Piter, im ke iaar kōnono ie iaar kanooj ļo̧kjānaō, eļapļo̧k jān an kar ļo̧kjānō m̧oktaļo̧k, kōn eoon kein ijin ilaļ:

7 “Bwe Kraist barāinwōt E ar en̄taan kōn jero̧wiwi juon wōt alen, Riwānōk kōn ro rejjab wānōk, bwe En karuakļo̧k kōj n̄an Anij; im rekar urōt E ilo kanniōk, a eaar kōmour E ilo jetōb:

8 “Ilo eo E eaar ilo̧k im kwaļo̧k n̄an jetōb ro ilo ^akalbuuj;

9 “Ro raar kipiliia m̧okta, ke meanwōd an Anij eaar kōttar er ilo raan ko an Noa, ium̧win iien kōppojak wa eo, im ilo e em̧ōj lo̧mo̧o̧ren eiiet, meļeļein, ruwalitōk armej kōn dān.” (1 Piter 3:18–20.)

10 “Bwe kōn menin kar kwaļo̧k gospel barāinwōt n̄an ro remej, bwe en ekajet er āinwōt armej ilo kanniōk, a bwe ren mour ekkar n̄an Anij ilo jetōb.” (1 Piter 4:6)

11 Ke iaar koļmānļo̧kijeņ kaki men kein ko em̧ōj kar ^ajei, ^bmejān aō meļeļe rekar peļļo̧k, im Jetōb eo an Irooj eaar ^cpād ioō, im iaar lo inelep ko an ro ^dremej, jim̧or dik im ļap.

12 Im ekar wōr ro raar kukļo̧k ippān doon ilo juon jikin juon jar in jetōb ro an ro ^arejim̧we rekanooj lōn̄ otem lōn̄, ro rekar ^btiljek ilo naan in kam̧ool kōn Jisōs ke rekar mour ilo mour in;

13 Im ro rekar ajeļo̧k ^akatok ilo kakōļļeen katok eo eļap an eo Nejin Anij, im rekar ^ben̄taan kōn kaen̄tanaan ko ilo etan aer Ripinmuur.

14 Aolep rein em̧ōj aer kar likūt mour in, pen ilo ^akōjatdikdik eo kōn ^bjerkakpeje eo ewōj, kōn ^cjouj eo an Anij ^dJemān im eo ^eNejin Emake Keotake, Jisōs Kraist.

15 Iaar lo bwe rekar obrak kōn ^alan̄lōn̄ im m̧ōņōņō, im rekar em̧ōņōņō ippān doon kōnke raan eo in aer lo̧mo̧o̧r eaar epaak.

16 Rekar kukļo̧k im kar kōttare itok eo an eo Nejin Anij ilo ^alaļ eo an jetōb, n̄an kwaļo̧k lo̧mo̧o̧ren eo aer jān ^bkorak ko an mej.

17 Būn̄al in kiki ko aer rekar itōn bar ^ajepļaakļo̧k n̄an jekjek eo eweeppān aer, ^bdi n̄an an di, im eke ko im kanniōk eo ioer, ^cjetōb eo im ānbwin eo n̄an bar koba ippān doon im n̄an jamin bar ajej, bwe ren maron̄ bōk juon dipiio in ^dm̧ōņōņō.

18 Ke jarlepju in eļap eaar kōttar im bwebwenato, im lan̄lōn̄ ilo awa in aer lo̧mo̧o̧ren jān tomede ko an mej, eo Nejin Anij eaar waļo̧kļo̧k, im kwaļo̧kļo̧k ^aanemkwōj n̄an ro relokjak im rekar tiljek;

19 Im ijo Eaar ^akwaļo̧k n̄an er ^bgospel eo ejjeļo̧k jem̧ļo̧kin, katak eo kōn jerkakpeje im lo̧mo̧o̧ren an armej jān ^cwōtlo̧k eo, im jān kajjojo jero̧wiwi ko jān wōt errā ko an ^dukeļo̧k.

20 A n̄an ro ^arenana E eaar jab etal, im ilubwiljin ro renana im ro rekar jab ukeļo̧k im rekar ^bkattoone er make ke rekar pād ilo kanniōk, Ainikien eaar jab kotake;

21 Im barāinwōt ro rijum̧ae ro rekar jab bōki naan in kam̧ool ko im kakkōl ko an rikanaan ro etto rekar jab lo Baaktokin, im kar jab lo turin Mejān.

22 Ijo rein rekar pād, ^amarok eaar irooj, a ilubwiljin ro rejim̧we eaar wōr ^baenōm̧m̧an;

23 Im ro rekwōjarjar raar m̧ōņōņō ilo ^alo̧mo̧o̧ren eo aer, im rekar ^bbukwelōlō im kile eo Nejin Anij āinwōt aer Ripinmuur im Rikōtļo̧k jān mej im ^ctomede ko an hell.

24 Paotok ko aer rekar romaak, im ^arabōlbōl jān im̧aan mejān Irooj eaar pād ioer, im rekar ^bal kōn wūjtak ko n̄an Etan ekwōjarjar.

25 Iaar bwilōn̄, bwe Iaar jeļā bwe Rilo̧mo̧o̧r eaar joļo̧k enan̄in jilu iiō ko ilo jerbal eo An ilubwiljin riJu ro im ro jān m̧weo im̧ōn Israel, im Eaar kate n̄an katakin er gospel eo ejjeļo̧k jem̧ļo̧kin im kūr er n̄an ukeļo̧k;

26 Im mekarta, jekdo̧o̧n jerbal ko reļļap An, im mennin bwilōn̄ ko, im kean̄ eo kōn m̧ool eo, ilo eļap ^akajoor im maron̄, ekar wōr wōt jet ro raar eo̧ron̄e Ainikien, im lan̄lōn̄ ilo im̧aan Mejān, im kar bōk lo̧mo̧o̧r jān Pein.

27 A jerbal eo An ilubwiljin ro rekar mej eaar maron̄ kōm̧m̧an n̄an ^aiien eo ekadu eaar bōk jikin ikōtaan debwāāl eo im jerkakpeje eo An;

28 Im iaar koļmānļo̧kijeņ kōn naan ko an Piter—ko ie eaar ba bwe Nejin Anij eaar kwaļo̧k n̄an jetōb ro ilo kalbuuj, ro jet iien rekar jab pokake, ke juon alen meanwōd an Anij eaar kōttar ilo raan ko an Noa—im ekōjkan bwe E en maron̄ kwaļo̧k n̄an jetōb ro im kōm̧m̧ani jerbal eo aikuji ilubwiljier ilo juon iien ekadu.

29 Im ke iaar koļmānļo̧kijeņ, kar peļļo̧k mejā, im aō meļeļe kar ^akōmouri, im iaar kile bwe Irooj eaar jab ilo̧k ilo kanemarmej ilubwiljin ro renana im ro rekar jab pokake im rekar jab bōk m̧ool eo, n̄an katakin er;

30 A lo, jān ilubwiljin ro rejim̧we, Eaar karōke jarin jerbal ko An im jitōn̄ ribōkļo̧k naan ro, ņa ballier kōn ^akajoor im maron̄, im kappe er n̄an ilo̧k im bōkļo̧k meram in gospel eo n̄an er ro im rekar pād ilo ^bmarok, em̧ool n̄an ^caolep jetōb ko an armej ro; im āindein gospel eo kar kwaļo̧k e n̄an ro remej.

31 Im ribōkļo̧k naan ro kāālet er raar ilo̧k n̄an kabun̄bun̄ļo̧k raan eo ^aebun̄-būruōn Irooj kake im kajeeded ^banemkwōj n̄an rikalbuuj ro rekar lokjak, em̧ool n̄an aolep ro rekar jab ukeļo̧k jān jero̧wiwi ko aer im bōke gospel eo.

32 Āindein gospel eo kar kwaļo̧k e n̄an ro rekar ^amej ilo jero̧wiwi ko aer, kōn ejjeļo̧k ^bjeļāļo̧kjeņ kōn m̧ool eo, ak ilo bōd, kōnke rekar jab bōk rikanaan ro.

33 Rein kar katakin er ^atōmak ilo Anij, ukeļo̧k jān jero̧wiwi, ^bpeptaij ilo etan ro jet n̄an ^cjeorļo̧k jero̧wiwi ko, mennin ^dletok eo an Jetōb Kwōjarjar jān likūt pā ko ioon,

34 Im aolep pedped ko an gospel eo ko rekar aikuji n̄an aer jeļā bwe ren maron̄ kōm̧m̧an bwe ren tōllo̧ke bwe ren maron̄ ^aekajet ekkar n̄an armej raņ ilo kanniōk, a mour ekkar n̄an Anij ilo jetōb.

35 Im āindein e kar kwaļo̧ke ilubwiljin ro remej, jim̧or dik im ļap, ro rej jab jim̧we im barāinwōt ro retiljek, bwe lo̧mo̧o̧r ekar dedeļo̧k jerbale kōn ^akatok eo an eo Nejin Anij ioon ^bdebwāāl eo.

36 Āindein kar kwaļo̧ke bwe ad Ripinmuur eaar joļo̧k an iien ilo pād eo An ilo laļ eo an jetōb ro, im katakin im kōpooje jetōb ro retiljek an ^arikanaan ro ro im rekar kam̧ool kake E ilo kanniōk;

37 Bwe ren maron̄ bōkļo̧k ennaan eo kōn lo̧mo̧o̧r n̄an aolep ro remej, n̄an ro Eaar jab maron̄ etal ippāer makmake, kōnke ^ajum̧ae im bōd ko aer, bwe er kōn jerbal eo an ro karejeran ren maron̄ barāinwōt ron̄ naan ko An.

38 Ilubwiljin ro reļļap im kajoor im rekar kukļo̧k ilo jar eo eļap an ro rejim̧we kar Jemād ^aAdam, Etto in Raan ko im jemān aolep,

39 Im eo eaiboojoj Jined ^aIv, ippān elōn̄ iaan kōrā ro nejin retiljek im rekar mour ilo aolepān epepen ko im kar kabun̄-jar n̄an Anij eo em̧ool im emour.

40 ^aEbel, eo eaar ^bmej kōn tōmak eo an m̧oktata, ekar pād ijo, im ļeo jatin ^cSet, juon iaan ro rekar kanooj kajoor, eo eaar ilo lukkuun ^djekjekin wōt jemān, Adam.

41 ^aNoa, eo eaar leļo̧k kakkōl eo kōn ibwijleplep eo; ^bSem, ^cpris utiej eo eļap; ^dEbream, jemān ro ritōmak; ^eAisak, ^fJekab, im ^gMoses, riletok kien eo eļap an Israel;

42 Im ^aAiseia, eo eaar kabun̄bun̄ jān kanaan bwe Ripinmuur ekar ekkapit n̄an kwōre ro erup burueer, n̄an kajeededļo̧k anemkwōj n̄an ro ^brekalbuuj, im peļļo̧k eo an ^ckalbuuj n̄an er ro rekar lokjak, ekar barāinwōt pād ijo.

43 Eļapļo̧k, ^aEzekiel, eo kar kwaļo̧k n̄an e ilo visōn kom̧laļ in ^bdi ko rem̧ōrā, ko ren kar kanuknuk er kōn kanniōk, n̄an bar jerkaktok ilo ^cjerkakpeje eo an ro remej, im erom ro remour;

44 ^aDaniel, eaar m̧oktaļo̧k lo im kar m̧oktaļo̧k kōnono kōn jutak eo an ^baelōn̄ eo an Anij ilo raan ko āliktata, n̄an jamin bar ko̧kkure im jab leļo̧k n̄an bar jet armej;

45 ^aElias, eo ekar pād ippān Moses ioon Toļ in ^bKōjakkōlkōl;

46 Im ^aMalakai, rikanaan eo eaar kam̧ool kōn itok eo an ^bIlaija—eo kake Moronai barāinwōt eaar ekkōnono kake n̄an Rikanaan Josep Smith, im kean̄ bwe enaaj kar itok m̧okta jān kōjabetok in ^craan eo eļap im rōkaammijak an Irooj—rekar barāinwōt pād ijo.

47 Rikanaan Ilaija eo ekar itōn kalbwin ilo ^abūruōn ajri ro kallim̧ur ko kar kōm̧m̧ani n̄an ro jemāer,

48 Im rikaniji jekjek in ^ajerbal eo eļap eo enaaj kar kōm̧m̧an ilo ^btampeļ ko an Irooj ilo ^ctarlep in tōrean iien eddo ko, n̄an lo̧mo̧o̧r eo an ro remej, im ^dsil eo an ajri ro n̄an ro jemāer im jineer, n̄e aolep laļ ab den̄ļo̧ke kōn juon lia im kanooj jorrāān ilo itok eo An.

49 Aolep men kein im elōn̄ļo̧k, em̧ool ^arianaan ro rekar jokwe ilubwiljin riNipai ro im kar kam̧ool kōn itok eo an eo Nejin Anij, rekar idāpdep ilo kwelo̧k ļapļap eo im kar kōttar e rōļo̧k eo aer,

50 Bwe ro remej rekar watōke jon̄an aetokan jako eo an ^ajetōb ko aer jān ānbwinnier āinwōt juon ^blokjak.

51 Rein Irooj eaar katakin er, im leļo̧k n̄an er ^akajoor n̄an jerkak, ālikin jerkakpeje eo An jān ro remej, n̄an deļo̧n̄ļo̧k ilo aelōn̄ eo an Jemān, ijo n̄an pālpel kōn ^bmour ejjeļo̧k jem̧ļo̧kin im ^cmour indeeo,

52 Im wōnm̧aanļo̧k wōt jān iien en m̧aanļo̧k aer jerbal āinwōt kar kallim̧ur jān Irooj, im ribōk ilo aolep ^akōjeraam̧m̧an ko me rekar dāpij ilo jabwi n̄an er ro rej iakwe E.

53 Rikanaan Josep Smith, im jema, Hyrum Smith, Brigham Young, Jon Taylor, Wilford Woodruff, im bar jetōb ro jet rejenolo̧k ro kar ^ajabwik er n̄an wōnm̧aantak ilo tarlep in iien ko n̄an bōk kuņaer ilo kōm̧m̧ani ^bfoundasōn ko an jerbal eo eļap ilo raan ko āliktata,

54 Ekitbuuj ekkal eo an tampeļ ko im kōm̧m̧ani kain̄i ko ijo n̄an lo̧mo̧o̧r eo an ro ^aremej, rekar barāinwōt pād ilo laļ eo an jetōb.

55 Iaar lale bwe rekar barāinwōt ilubwiljin ro ^arerajimjim im ļap im kar ^bkāālet er ilo jinoin n̄an ripepe ro ilo Kabun̄ eo an Anij.

56 Em̧ool m̧okta jān aer kar ļotak, er, ippān elōn̄ ro jet, raar bōk katak ko aer m̧oktata ilo laļ eo an jetōb ro im kar ^akōppojak n̄an wōnm̧aantak ilo ^biien eo an Irooj n̄an jerbal ilo ^cjikin kallib grep eo An n̄an lo̧mo̧o̧r eo an jetōb ro an armej raņ.

57 Iaar lo bwe ^aelder ro retiljek an tōrean bōk eddo in, n̄e rej ilo̧k jān mour in, rej wōnm̧aanļo̧k wōt jerbal ko aer ilo kwaļo̧k gospel in ukeļo̧k eo im lo̧mo̧o̧r, kōn katok eo an eo Nejin Emake Keotak in Anij, ilubwiljin ro rej pād ilo ^bmarok im ium̧win korak an jero̧wiwi ilo laļ eo eļap an jetōb ro an ro remej.

58 Ro remej im rej ukeļo̧k renaaj bōk ^alo̧mo̧o̧r, kōn pokake n̄an ^bkain̄i ko an m̧weo im̧ōn Anij,

59 Im ālikin aer kar kōļļāiki bakkiin̄ in bōd ko aer, im kar ^akwaļ er erreo, renaaj bōk juon wōņāān ekkar n̄an ^bjerbal ko aer, bwe er rej rijolōte lo̧mo̧o̧r.

60 Āindein kar visōn eo kōn lo̧mo̧o̧r eo an ro remej kar kwaļo̧k n̄an eō, im ij kam̧ool kake, im ijeļā bwe kam̧ool in ^aem̧ool, kōn kōjeraam̧m̧an eo an ad Irooj im Rilo̧mo̧o̧r, Jisōs Kraist, em̧ool āindein. Amen.