1 Long namba tri blong manis Oktoba, long yia naentin handred mo eitin, mi bin sidaon insaed long rum blong mi mo stap ^atingting hevi long ol skripja;

2 Mo mi stap tingting i gobak long bigfala sakrifaes blong ^apem praes, we Pikinini blong God i bin mekem blong ^bpemaot wol;

3 Mo ^alav, we i bigwan mo i mekem man i sapraes, we Papa mo Pikinini i bin soemaot tru long taem we ^bRidima i bin kam long wol;

4 se tru long ^aatonmen blong hem, mo tru long ^bfasin blong stap obei long ol prinsipol blong gospel, bambae Lod i save sevem man.

5 Mo taem we mi bin stap tingting olsem ia nao, maen blong mi i bin gobak long ol toktok we aposol Pita i bin raetem long ol ^afasfala sent we oli bin stap olbaot raon long ^bPontas, Galesia, Kapadosia, mo ol nara pat blong Esia, we oli bin stap prijim gospel long hem afta we oli bin nilim ded Lod long kros.

6 Mi bin openem Baebol mo mi bin ridim nambatri mo nambafo japta blong fas leta blong Pita, mo taem mi bin stap ridim, wan bigfala tingting i kam long mi, i bitim ol taem bifo, wetem ol toktok ia long skripja:

7 “From we Kraes i bin safa from ol sin, hem we laef blong hem i stret olgeta, hem i tekem ples blong yumi we laef blong yumi i no stret, nao blong mekem se hem i tekem yumi i kam long God, long laef blong hem we hem i man, oli bin kilim hem i ded, be God i mekem hem i bin laef bakegen long laef blong hem we hem i Spirit.

8 “Mo long laef ia blong hem, hem i bin go prij long ol spirit we oli stap long ^akalabus;

9 “Olgeta ia we, long wan taem, oli no bin obei, long taem blong Noa, taem hem i stap wokem bigfala sip blong hem, God i stap wet long olgeta, we tingting blong hem i longfala, be olgeta oli no obei long hem, nao i gat eit man nomo we God i yusum wota blong sevem olgeta.” (Fas Pita 3:18–20.)

10 “From hemia, Kraes i talemaot gud nius ia long ol man ia we oli ded, blong mekem se God i save jajem olgeta semmak olsem ol man we oli gat mit mo bun, be oli laef folem tingting blong God taem oli stap long spirit.” (Fas Pita 4:6.)

11 Taem mi bin stap tingting hevi long ol samting ia we oli bin ^araetem, ol ^bae blong andastaning blong mi i bin open, mo Spirit blong Lod i bin ^dstap long mi, mo mi bin luk ol grup blong ol ^ededman, olgeta we oli haeman wetem olgeta we oli no haeman.

12 Mo oli bin kam tugeta wanples long wan bigfala kampani blong ol spirit blong ol ^astret man, we oli bin ^bfetful long testemoni long saed blong Jisas taem we oli bin stap laef yet long wol ia;

13 Mo oli bin mekem ^asakrifaes we i ripresentem bigfala sakrifaes blong Pikinini blong God, mo oli bin ^bsafa ol hadtaem from nem blong Ridima blong olgeta.

14 Mo olgeta evriwan ia oli bin livim laef long wol ia finis, wetem strong ^ahop blong wan ^blaef bakegen long ded, tru long ^dgladhat blong God ^ePapa mo ^fWan Stret Pikinini Ia Nomo blong hem, Jisas Kraes.

15 Mi bin luk se oli bin fulap long ^aglad mo bigfala hapines, mo oli bin stap glad tugeta from se dei we bambae oli kam fri i kam kolosap nao.

16 Oli bin kam tugeta, oli bin stap wet se Pikinini blong God i kam long ^aspirit wol, blong talemaot se hem i bin pemaot olgeta blong kam fri long ol ^brop blong ded.

17 Bae das blong bodi blong olgeta bae i ^akambak i stret evriwan, ^bbun i gobak long bun, mo ol string mo mit i gobak fas long hem, ^dspirit mo bodi i joen wan bakegen blong i neva seperet bakegen, blong mekem se oli save kasem wan ^eglad we i fulwan.

18 Taem we bigfala grup ia blong ol pipol oli bin stap wet mo oli bin stap storian, mo oli stap glad long aoa we bae oli kam fri long ol jen blong ded, nao Pikinini blong God i bin kamaot, i talemaot ^afridom blong ol prisena we oli bin fetful;

19 Mo long ples ia, hem i bin ^aprijim long olgeta ^bgospel we i no gat en, doktrin blong laef bakegen long ded mo fasin blong pemaot man long ^dfoldaon, mo long ol sin blong wanwan sapos oli ^esakem sin.

20 Be olgeta we oli ^anogud, hem i no go long olgeta; mo long medel blong olgeta we oli no obei long God mo olgeta we oli no sakem sin we oli bin mekem olgeta oli ^bnomo klin taem oli stap long wol ia yet, voes blong hem i no bin toktok long olgeta;

21 Mo olgeta we oli stap agens, we oli bin sakemaot ol testemoni mo ol woning blong ol profet blong bifo, oli no luk hem i stap, mo oli no bin save luk fes blong hem.

22 Long ples we olgeta ia oli stap long hem, ^atudak i rul, be long medel blong olgeta we oli stret mo gud, i gat ^bpis i stap;

23 Mo olgeta sent oli bin glad we oli bin ^akam fri, mo oli benem ^bni, mo luksave Pikinini blong God olsem Ridima blong olgeta, mo Man we I Sevem olgeta long ded mo ol ^djen blong hel.

24 Fes blong olgeta i saen, mo ^abigfala laet we i kam long Lod i bin stap long olgeta, mo oli bin ^bsingsing long ol singsing blong pres long tabu nem blong hem.

25 Mi bin sapraes, from se mi bin save se Sevya i bin spenem tri yia long seves blong hem long medel blong Ol Jiu mo olgeta we oli blong haos blong Isrel, blong traem tijim olgeta long gospel we i no gat en mo singaotem olgeta blong sakem sin;

26 Be yet, nomata ol bigfala wok blong hem, mo ol merikel blong hem, mo we hem i bin talemaot trutok wetem bigfala ^apaoa mo atoriti, i bin gat sam nomo we oli bin lisin gud long voes blong hem, mo oli bin stap glad wetem hem, mo oli bin kasem fasin blong sevem man long han blong hem.

27 Be seves blong hem long medel blong olgeta we oli bin ded finis i bin ^asot folem smol taem ia we hem i gat bitwin taem we oli nilim hem antap long kros mo taem we hem i laef bakegen long ded;

28 Mo mi bin askem miwan wetem sapraes long ol toktok blong Pita—ol toktok ia we i talem se Pikinini blong God i bin prij long ol spirit we oli stap long kalabus, long taem blong Noa, taem hem i stap wokem bigfala sip blong hem, God i stap wet long olgeta, we tingting blong hem i longfala, be olgeta oli no obei long hem—mo olsem wanem nao i posibol blong hem i prij long olgeta spirit ia mo mekem ol wok we i nid blong mekem long medel blong olgeta, long wan sotfala taem olsem.

29 Mo taem mi bin stap askem miwan wetem sapraes, ol ae blong mi oli bin open, mo andastaning blong mi ^ai kam laef, mo mi bin kasem stret se Lod hemwan, i no bin go long medel blong olgeta we oli nogud mo olgeta we oli no obei we oli bin sakemaot trutok, blong tijim olgeta;

30 Be luk, aot long medel blong olgeta we oli bin stret mo gud, hem i bin oganaesem ol ami blong hem, mo hem i bin jusum ol mesenja, we oli gat ^apaoa mo atoriti, mo i bin givim raet long olgeta blong go aot mo tekem laet blong gospel i go long olgeta ia we oli bin stap long ^btudak, yes, long ^devri spirit blong man; mo olsem ia nao oli bin prijim gospel long olgeta we oli ded.

31 Mo olgeta mesenja we Lod i bin jusum olgeta oli bin go aot blong talemaot dei blong ^agladhat blong Lod mo blong talemaot ^bfridom blong ol prisena we oli bin fas i stap, yes, i go long evriwan we i wantem sakem ol sin blong olgeta mo akseptem gospel.

32 Mo olsem ia nao oli bin prijim gospel long olgeta we oli bin ^aded wetem ol sin blong olgeta, we oli no bin ^bsave trutok, o oli bin brekem loa, from se oli bin sakemaot ol profet.

33 Long olgeta ia, oli bin tijim ^afet long God, fasin blong sakem sin, ^bbaptaes long bihaf blong olgeta we oli ded blong oli ^dkam klin aot long ol sin, kasem ^epresen we i Tabu Spirit tru long fasin blong putum han antap long hed blong man,

34 wetem evri narafala prinsipol blong gospel we i bin nid blong oli save, blong mekem se oli save mekem olgeta oli inaf blong Lod i ^ajajem olgeta semmak olsem man we i gat mit mo bun, be oli laef folem tingting blong God taem oli stap long spirit.

35 Mo long wei ia, oli bin talem long medel blong olgeta dedman, olgeta we oli haeman wetem olgeta we oli no haeman, olgeta we oli no stret mo no gud, mo tu, olgeta we oli fetful, se fasin blong pemaot man i kam blong hapen tru long ^asakrifaes we Pikinini blong God i bin mekem antap long ^bkros.

36 Olsem ia nao mi bin luk se Ridima blong yumi i bin spenem taem blong hem, long taem we hem i bin stap long wol blong ol spirit, blong stap tijim mo stap mekem rere ol fetful spirit blong ol ^aprofet we oli bin testifae abaot hem taem oli bin stap long bodi blong mit mo bun.

37 Blong oli save tekem mesej ia blong fasin blong pemaot man i go long evri dedman, we Lod hemwan i no save go long olgeta from se oli bin gat ^afasin blong agens mo fasin blong brekem loa, blong mekem se tru long wok blong ol wokman blong hem, bae oli save harem ol toktok blong hem.

38 Long medel blong olgeta we oli hae moa mo oli strong, we oli bin kam tugeta long bigfala kongregesen blong ol stret mo gud man, i bin gat Papa ^aAdam, Olfala blong Taem Bifo mo papa blong evriwan,

39 Mo i bin gat Mama ^aIv we i haewoman, wetem plante long ol fetful gel blong hem we oli bin laef long ol yia afta long hem, mo oli bin wosipim God ia we i tru mo i laef.

40 ^aEbel, faswan long ol ^bman we oli bin kilimded hem from bilif blong hem, i bin stap, wetem brata blong hem, ^dSet, wan long olgeta strong man, we ^efes blong hem i semmak gud long papa blong hem, Adam.

41 ^aNoa, we i bin givim woning blong bigfala wota; ^bSem, gudfala ^dhae pris; ^eEbraham, papa blong olgeta we oli fetful; ^fAesak, ^gJekob, mo ^hMoses, bigman blong givim loa long Isrel;

42 Wetem ^aAesea, we i bin talem, tru long profesi, se Ridima i man ia we God i bin jusum blong mekem hat we i brok i harem gud bakegen, blong talemaot fridom blong ol ^bprisena, mo talemaot long olgeta prisena insaed, se ^dkalabus i open; spirit blong ol profet ia oli bin stap tu.

43 Mo tu, ^aEsikel i bin stap, hem we Lod i bin soem, long visen, bigfala vale blong ol ^bdrae bun, we bae mit i kavremap bakegen, blong olgeta dedman ia oli girap bakegen olsem ol sol we oli laef long taem blong ^dlaef bakegen long ded.

44 ^aDaniel, we i bin luk finis mo i bin talemaot finis se bae oli stanemap ^bkingdom blong God long ol las dei, mo bae i neva go lus bakegen mo bae oli no givim long ol nara pipol;

45 ^aElaeja, we i bin stap wetem Moses antap long ^bBigfala Hil we Jisas i Jenis I Kam Niu;

46 Mo ^aMalakae, profet ia we i bin testifae se bae ^bElaeja i kam—we Moronae tu i bin tokbaot long Profet Josef Smit, mo talem se bae hem i kam bifo long stat blong bigfala mo nogud ^ddei blong Lod—olgeta tu oli bin stap.

47 Profet Elaeja i sapos blong planem insaed long ^ahat blong ol pikinini, ol promes we Lod i bin mekem long ol papa blong olgeta,

48 we i soemaot finis bigfala ^awok we i stap blong mekem insaed long ol ^btempol blong Lod long ^ddispensesen blong taem blong evri wok blong God i kamtru, blong pemaot ol dedman, mo blong ^esilim ol pikinini long papa mo mama blong olgeta, nogud bae ful wol ia i kasem wan strong nogud tok mo Lod i spolem gud ful wol ia long taem we bae hem i kam.

49 Evriwan long olgeta ia, mo plante moa, wetem ol ^aprofet we oli bin stap long medel blong Ol Man blong Nifae mo oli bin testifae se bae Pikinini blong God i kam, evriwan ia oli bin joen long bigfala grup ia mo oli bin wet blong oli kam fri,

50 from olgeta dedman oli bin tekem se fasin we ^aspirit blong olgeta oli stap longwe long bodi blong olgeta longtaem tumas i olsem blong stap long ^bkalabus.

51 Olgeta ia, Lod i bin tijim olgeta, mo i bin givim ^apaoa long olgeta blong oli girap long ded, afta we hem i laef bakegen long ded, blong oli go insaed long kingdom blong Papa blong hem, mo long ples ia, bae oli kasem antap long hed blong olgeta, ^bfasin blong nomo save ded mo ^dlaef we i no save finis;

52 mo, stat long taem ia i go, blong oli gohed long wok blong olgeta olsem we Lod i bin promesem olgeta, mo blong oli gat pat long evri ^ablesing we Lod i holemtaet i stap blong givimaot long olgeta we oli lavem hem.

53 Profet Josef Smit, mo papa blong mi, Haeram Smit, Brigham Yang, Jon Teila, Wilfod Wudrof, mo ol nara spirit we oli gud tumas we Lod i ^aholemtaet olgeta i stap blong oli kam long wol long en blong taem we evri wok blong God i kamtru, blong tekem pat long wok blong putum ol ^bfandesen blong bigfala wok blong lata-dei,

54 we i tekem tu wok blong bildim ol tempol, mo wok blong mekem ol odinens insaed long hem blong pemaot ol ^adedman, olgeta evriwan ia oli bin stap tu insaed long spirit wol.

55 Mi bin luk se oli bin stap tu long medel blong olgeta ^ahaeman mo olgeta bigfala man we Lod i bin ^bjusum olgeta long stat blong oli stap olsem ol man blong rul insaed long Jos Ia blong God.

56 Bifo we oli bon long wol, olgeta ia, wetem plante narafala moa, oli bin kasem ol fas lesen blong olgeta long wol blong ol spirit, mo oli bin ^arere blong oli kam long wol long stret ^btaem blong Lod, blong wok long ^dplantesen blong hem blong mekem wok blong sevem ol sol blong ol man.

57 Mi bin luk se ol fetful ^aelda blong dispensesen ia, taem oli aot long laef long wol ia, oli gohed long wok blong olgeta blong prijim gospel blong sakem sin mo fasin blong pemaot man, tru long sakrifaes blong Wan Stret Pikinini Ia Nomo blong God, long medel blong olgeta we oli stap long ^btudak mo oli stap anda long fasin blong stap slef long sin insaed long bigfala wol blong spirit blong ol dedman.

58 Olgeta dedman we oli sakem sin bae Lod i ^apemaot olgeta, tru long fasin blong obei long ol ^bodinens blong haos blong God,

59 mo afta we oli pem panismen blong fasin blong olgeta blong brekem loa, mo Lod i ^awasem olgeta oli kam klin, bae oli kasem wan praes folem ol ^bwok blong olgeta, from oli gat raet blong Lod i sevem olgeta.

60 Olsem ia nao Lod i bin soemaot visen blong fasin blong pemaot ol dedman long mi, mo mi testifae, mo mi save se toktok we mi raetem ia i ^atru, tru long blesing blong Lod mo Sevya blong yumi, Jisas Kraes, i olsem. Amen.