Seksen 13
Wan pat we oli tekemaot long histri blong Josef Smit we i tokbaot odinesen blong Profet mo Oliva Kaodri blong kasem Aronik Prishud, kolosap long Hamoni, Pensilvania, long 15 Mei 1829. Odinesen ia, i bin hapen tru long ol han blong wan enjel we i talemaot se nem blong hem i Jon, semfala man ia we oli singaotem hem Jon Baptaes long Niu Testeman. Enjel ia i bin eksplenem se hem i bin stap mekem wok ia anda long daereksen blong Pita, Jemes, mo Jon, ol Aposol blong bifo, we oli bin holem ol ki blong prishud we i moa hae, we oli singaotem Melkesedek Prishud. Jon Baptaes i bin mekem promes long Josef mo Oliva se long stret taem bambae Pita, Jemes mo Jon bambae oli givim prishud ia we i moa hae long tufala. (Luk long seksen 27:7–8, 12.)
Jon Baptaes i givimaot olgeta ki mo paoa blong Aronik Prishud.
1 Antap long hed blong yutufala, ol wokman we yumi wok tugeta, long nem blong Mesaea, mi agivim bPrishud blong Eron, we i holem olgeta ki blong ol seves blong ol denjel, mo blong gospel blong fasin blong esakem sin, mo blong fbaptaes andanit long wota blong kam klin aot long ol sin; mo hemia bambae i neva save lus long wol bakegen, kasem taem ol gboe blong Livae oli mekem wan ofring bakegen long Lod long hstret mo gud fasin.