1 Ita, adtoy, gapu iti banag a tinarigagayam, katulongak nga Oliver Cowdery, a maammuan kaniak, itdek kenka dagitoy a balikas:

2 Adtoy, naipakitakon kenka, iti namin-adu a daras babaen ti Espirituk, a ^apudno dagiti banag nga insuratmo; gapuna ammom a pudnoda.

3 Ket no ammon a pudnoda, adtoy, mangtedak kenka iti bilin, nga agpannurayka kadagiti banag a ^anaisurat;

4 Ta kadakuada banagda amin a naisurat maipanggep iti pamuon ti simbaanko, ti ^aebangheliok, ken ti ^bbatok.

5 Gapuna, no bangonemto ti simbaanko, iti pamuon ti ebangheliok ken ti batok, awanto ti bael dagiti ruangan ti impierno a maibusor kenka.

6 Adtoy, maluluomen ti ^alubong iti kinamanagbasol; ket nasken unay a maallukoy dagiti annak ti tattao nga agbabawi, nga agpadpada dagiti ^bGentil ken kasta met ti balay ti Israel.

7 Gapuna, iti ^apannakabuniagmon kadagiti ima ti katulongak a ni Joseph Smith, Jun., a maibatay iti dayta imbilinko kenkuana, natungpalnan ti banag nga imbilinko kenkuana.

8 Ket ita, dika masdaaw no apay nga inawagak a para iti bukodko a panggep, panggep dayta nga ammok; gapuna, no ^anareggetto nga ^bagtungpal kadagiti bilinko ^cmabendisionanto iti agnanayon a biag; ket ^dJoseph ti naganna.

9 Ket ita, Oliver Cowdery, agsaoak kenka, ken kasta met ken ni David Whitmer, babaen ti wagas ti pammilin; ta, adtoy, bilinek nga agbabawi amin a tao iti sadino man, ket agsaoak kadakayo, a kas ken ni Pablo nga ^aapostolko, ta naawagankayo a kas iti umasping iti nakaawaganna.

10 Laglagipenyo a ^anapateg dagiti ^bkararua iti imatang ti Dios;

11 Ta, adtoy, nagsagaba ti Apo a ^aMannubbotyo iti ^bpatay iti lasag; gapuna ^csinagabana ti ^dsaem ti amin a tao, tapno mabalin nga agbabawi ti amin a tao ken umasidegda kenkuana.

12 Ket ^anagungar manen manipud iti patay, tapno mayasidegna amin a tao kenkuana, iti kasasaad a ^bpanagbabawi.

13 Ket ita nalaus ti ^arag-ona iti kararua nga agbabawi!

14 Gapuna, naawagankayo a ^amangyararaw kadagitoy a tao iti panagbabawi.

15 Ket no pudno a kasapulan ti panagtrabahoyo iti unos ti panagbiagyo a mangyararaw kadagitoy a tao iti panagbabawi, ket yegyo, uray no maysa la a ^akararua kaniak, anianton a rag-oyo iti sibayna iti pagarian ti Amak!

16 Ket ita, no nalausto ti rag-oyo iti maysa a kararua a mayegyo kaniak iti ^apagarian ti Amak, anianto la ketdin a ^brag-oyo no ^cmangyegkayo kaniak iti adu a kararua!

17 Adtoy, adda iti sangoyo ti ebangheliok, ken ti batok, ken ti ^apanangisalakanko.

18 ^aAgdawatkayo iti Ama babaen ti ^bnaganko, iti pammati a sipapammati nga umawatkayonto, ken magun-odyonto ti Espiritu Santo, a mangipakita iti amin a banag a ^cmaikanada kadagiti annak ti tattao.

19 Ket no awan ti ^apammatiyo, ^bnamnama, ken ^cpanangngaasiyo, awan ti maaramidyo.

20 Dikayo ^amakisupanget iti ania man a ^bsimbaan, malaksid iti simbaan ti sairo.

21 Kupikopanyo ti ^anagan ni Cristo, ket ^bsipaparbengkayo nga ^cagsao iti pudno.

22 Ket kas iti kaadu ti agbabawi ken ^amabuniagan iti naganko, a ni Jesucristo, ken ^bagibtur agingga iti panungpalan, kastanto met ti maisalakan.

23 Adtoy, Jesucristo ti ^anagan nga inted ti Ama, ket awan ti sabali a nagan a naited a pakaisalakanan ti tao;

24 Gapuna, nasken nga awaten ti amin a tao ti nagan nga inted ti Ama, ta daytanto a nagan ti pakaawaganda iti maudi nga aldaw;

25 Gapuna, no dida ammo ti ^anagan a pakaawaganda, saanda a maaddaan iti lugar iti ^bpagarian ti Amak.

26 Ket ita, adtoy, adda pay dagiti sabali a mangipakdaar iti ebangheliok, nga agpadpada kadagiti ^aGentil ken kadagiti Hudio;

27 Wen, a sangapulo-ket-dua; ket dagitinto ^aSangapulo-ket-dua ti disipulok, ket kupikopandanto ti naganko; ket dagitinto Sangapulo-ket-dua ti agtarigagay a mangkupikop iti ^bnaganko a sipupuso.

28 Ket no tarigagayanda a kupikopan ti naganko nga addaan iti naan-anay a panggep ti puso, maawagandanto a mapan iti amin a ^alubong a mangikasaba iti ^bebangheliok iti ^ctunggal parsua.

29 Ket isuda dagiti inordenak a ^amamuniag iti naganko, a maibatay iti dayta a naisurat;

30 Ket adda kadakayo dayta a naisurat; gapuna, nasken nga aramidenyo a maibatay kadagiti balikas a naisurat.

31 Ket ita agsaoak kadakayo, dagiti ^aSangapulo-ket-dua—Adtoy, umdas ti paraburko kadakayo; magnakayo a sililinteg iti sangok ket saankayo nga agbasol.

32 Ket, adtoy, dakayo dagiti inordenak a ^amangorden kadagiti saserdote ken maestro; a mangipakdaar iti ebangheliok, a ^bmaibatay iti bileg ti Espiritu Santo nga adda kadakayo, ken maibatay kadagiti ^cnakaawagan ken sagut ti Dios kadagiti tao;

33 Ket siak, ni Jesucristo, ti Apoyo ken ti Diosyo, nasaokon.

34 Saan a ^abalikas dagitoy dagiti tao wenno ti tao, ngem siak; gapuna, paneknekanyo a nagtaud kaniak a saan nga iti tao;

35 Ta ti ^atimekko ti mangibagbaga kadakuada kadakayo; ta naitedda kadakayo babaen ti Espirituk, ket babaen ti bilegko mabasayo ida a saggaysa; ket no saan a gapu iti bilegko diyo koma ida maala;

36 Gapuna, mabalinyo a ^apaneknekan a nangngegyo ti timekko, ken ammoyo dagiti balikasko.

37 Ket ita, adtoy, itedko kenka, Oliver Cowdery, ken kasta met ni David Whitmer, tapno sapulenyo dagiti Sangapulo-ket-dua, nga addaan iti tarigagay iti nasaokon;

38 Ket babaen ti tarigagayda ken dagiti ^aaramidda maam-ammoyo ida.

39 Ket no masapulanyo ida ipakitayonto kadakuada dagitoy a banag.

40 Ket ^aagtamedkayonto nga agdayaw iti Ama babaen ti naganko.

41 Ket nasken a mangasabakayo iti lubong, a kunayo: Nasken nga agbabawikayo ken mabuniagan, iti nagan ni Jesucristo;

42 Ta nasken nga agbabawi ken mabuniagan amin a tao, ken saan la a lallaki, ngem babbai, ken ubbing a nakadanonen iti tawen a kaadda ti ^asungsungbatan.

43 Ket ita, kalpasan ti panangawatyo iti daytoy, nasken a tungpalenyo dagiti ^abilinko iti amin a banag;

44 Ket babaen dagiti imayo agaramidak iti ^anakakaskasdaaw nga aramid kadagiti annak ti tattao, iti ^bpanangallukoy iti adu kadagiti basolda, tapno umayda agbabawi, tapno makaumayda iti pagarian ti Amak.

45 Gapuna, ^akangatuan iti amin a banag dagiti bendision nga itedko kadakayo.

46 Ket kalpasan ti panangawatyo iti daytoy, no saanyo a ^atungpalen dagiti bilinko saankayonto a maisalakan iti pagarian ti Amak.

47 Adtoy, siak, ni Jesucristo, ti Apo ken ti Diosyo, ken ti Mannubbotyo, nasaok babaen ti bileg ti Espirituk. Amen.