1 Ngai te ^aArebwa ao te Omeka, ^bKristo te Uea; eng, ae bon ngai ngaia, te moan ao te kabane, te Tia Kaboa te aonaba.

2 Ngai, i mwin kakoroan ao ^akatiaan ana kantaninga are I nako mai irouna, are te Tama, ni kaineti nakoiu—ni karaoa aio bwa I aonga ni ^bkaaki bwai ni kabane i au—

3 N taui ^amwaaka ni kabane, nakon naba ^bkamaunaan Tatan ao ana mwakuri n ^ctokin te aonaba, ao te kabanea ni bong ae kakannato ni motikitaeka, are N na karokoa i aoia kaaina, ni ^dmotiki taekaia aomata nako ni kaineti nakon aia ^emwakuri ao aroaroia are a tia ni karaoia.

4 Ao e koaua bwa aomata nako a na riai n ^araira nanoia ke a na ^bkarawawataki, bwa Ngai, te Atua ae ^cakea tokina.

5 Mangaia are, I aki ^akamaunaa te motikitaeka are N na karokoa, ma rekenikai a na waaki, te tang, te ^btatakarua ao te kangenge wii, eng, nakoia naake a kuneaki n ^cangamaingiu.

6 E ngae n anne, e ^aaki koreaki bwa a na akea tokin te kammaraki aio, ma e koreaki bwa te kammarakaki ae ^baki totoki.

7 E a manga koreaki riki bwa te ^akabuakakaaki ae akea tokina; mangaia ae e matata riki nakon taian koroboki aika tabu ake tabeua, bwa e aonga ni kona ni mwakuri i nanoia natia aomata, ni kabane ibukin mimitongin arau.

8 Mangaia are, N na kabwarabwara nakoimi te bwai ae e raba aei, bwa e riai iroumi bwa kam na atai n ai aroia au abotoro.

9 I taetae nakoimi ake kam rineaki n te bwai aei, n aron ae tii temanna, bwa kam aonga n rin i nanon au ^amotirawa.

10 Bwa, nooria, te ^abwai ae raba ae te aro n Atua, ai korakora ra! Bwa, nooria, akea tokiu, ao au katuua are I anga ni baiu bon te katuua ae e aki totoki, bwa Te ^bAki Totoki bon arau. Mangaia are—

11 Te katuaeaki ae ^aakea tokina bon ana katuaa te Atua.

12 Te katuaeaki ae aki totoki bon ana katuaa te Atua.

13 Mangaia are, I tuangko bwa ko na raira nanom, ao ni kawakini ^atuua are ko a tia ni karekea ni bain au tia mwakuri ae Iotebwa Timiti te Ataei, n arau;

14 Ao bon man mwaakau ae moan te korakora ae ko a tia ni karekei iai;

15 Ngaia are I tuangko bwa ko na raira nanom—raira nanom, bwa mwina N na oreiko n te kai ae au taeka, ao n uniu, ao n aki kukureiu, ao e na korakora ^akarawaawataakim—aron korakorana ko aki ataia, aron rianakona ko aki ataia, eng, aron matoana n rinanona ko aki ataia.

16 Ma nooria, Ngai, te Atua, I a tia ni ^akarawaawataaki ni bwai aikai ibukia aomata ni kabane, bwa kam ^baonga n aki karawaawataaki ngkana kam ^craira nanomi;

17 Ma ngkana a aki raira nanoia a na riai ni ^akarawaawataaki n ai arou;

18 Te karawaawata are e karika nakoiu, Ngai ae te Atua, te kabanea ni korakora i buakomi ni kabane, bwa N na ruru ibukin te maraki, ao ni wawanako te rara man bwangabwangan kuniu, ao n rawaawata n te rabwata ao te tamnei—ao n tangiria bwa N na ^aaki nimma te mwangko ae e mao, ao ni keerikaaki—

19 E ngae n anne, te mimitong nakon te Tama, ao I nimma ao ni ^akatia au katauraoi ibukia natia aomata.

20 Mangaia ae, I a manga tuangko riki bwa ko na raira nanom, bwa mwina I kananorinanoko ma mwaakau ae moan te korakora; ao bwa ko na ^akaoti am bure, bwa mwina ko na rawaawata n taian katuua ake I a tia n taekin, are e bon uarereke, eng, are bon te kabanea ni uarereke are ko a tia ni katoongnga ngke I anaa Tamneiu.

21 Ao I tuangko bwa akea ae ko na ^atataekinna riki ma tii te rairannano, ao ko na ^baki kaoti bwaai aikai nakon te aonaba ni karokoa e riai irou.

22 Bwa a aki kona n ^abutimwaea te iriko ngkai, ma te ^bmiriki are a riai ni karekea; mangaia ae, a na riai n aki atai bwaai aikai, bwa mwiina ao a na mate.

23 Reiakina taekau, ao ongo n au taeka; ^anakonako ma te ^bnimamannei n Tamneiu, ao ko na karekea te ^crau mai irou.

24 Boni Ngai ^aIesu Kristo; I roko man ana kantaninga te Tama, ao I karaoa ana kantaninga.

25 Ao I a manga tuangko riki bwa ko na tai ^amataiakina ^bbuun raom; ke n ukoukora maiun kaain rarikim.

26 Ao I a manga tuangko riki bwa ko na aki mataiakina bon oin am bwai, ma anga ma te tituaraoi ibukin boreetiakin Ana Boki Moomon, are kanoana te ^akoaua ao ana taeka te Atua—

27 Are bon au taeka nakoia ^aTientaire, are e na waekoa n roko irouia ^bIutaia, are ^cnikiraia bon tenaan Reimwanaite, bwa a aonga ni kakoaua te euangkerio, ao n aki kakaantaninga rokon te ^dMesia are e a kaman roko.

28 Ao I manga tuangko riki bwa ko na ^atataro ma ^bbwanaam ao inanom naba; eng, i matan te aonaba ao ni karaba naba, i mataia aomata ao n tii ngkoe naba.

29 Ao ko na ^ataekina te rongorongo ae kakukurei, eng, n taekinii i aoni maunga, ao i aon taabo aika rietata nako, ao i buakoia aomata nako aika ko na anganaki te kariaiakaki bwa ko na nooriia.

30 Ao ko na karaoia ma te nanorinano, n ^aonimakinai, n aki kabuakaka ni kaaitaraia taan kabuakaka.

31 Ao n aki atong ^areirei aika a nano, ma ko na taekina te rairannano ao te ^bonimaki iroun te Tia Kamaiu, ao ^ckamaunaan bure n te ^dbwabetito, ao man te ^eai, eng, are te ^fTamnei ae Raoiroi.

32 Nooria, aio te ^atua ae korakora ao te kabanea are N anganiko ni kaineti nakon te bwai aei; bwa e na tau ibukin nakonakom n taai nako, ni karokoa naba tokin maium.

33 Ao te karawawataaki ae ko na karekea ngkana ko kaakeai ^areirei aikai, eng, ao kamaunaakim naba ma am bwai.

34 ^aKaboonakoa mwakoron am bwai, eng, mwakoron naba abam, ao ni kabane ma tii are ibukin boutokaaia am utu.

35 Kabwaraa te ^ataarau are ko ^bboraraoiakinna ma te tia booretia te boki. Kabwarako man te ^ctautoronaki.

36 ^aKitana am auti ma mwengam, ma tii ngkana ko tangiria n nooriia am utu;

37 Ao ^ataetae raoi nakoia ni kabane; eng, tataekinna, kaungaia, taekina te ^bkoaua, ma te bwana ae baibati naba, ma te bwanaa ni kukurei, takaaruaea—Otanna, otanna, e na kakabwaiaaki aran te Uea ae te Atua!

38 ^aTataro n taai nako, ao N na ^bnurakina Tamneiu i aom, ao e na korakora kakabwaiaam—eng, e mwaiti riki nakon are ngkana ko karekei kaubwain aon te aba ao te mka tokiia.

39 Nooria, ko kona ni wareka aio n akea te kimwareirei ao n aki tabekaarake nanom ibukin te kukurei?

40 Ke ko kona ni waaki nako n aron te tia kairi ae e mataki?

41 Ke ko kona n ^ananorinano ao n nimamannei, ao ni kaira maium n ae e riai i matau? Eng, ^bnakomai nakon am Tia Kamaiu. Amen.