Tusitusiga Paia
Mataupu Faavae ma Feagaiga 19


Vaega 19

Faaaliga na tuuina mai e ala mai ia Iosefa Samita, i Manaseta, Niu Ioka, pe tusa o le taumafanafana o le 1829. I lana talafaasolopito, ua faatomua mai ai e le Perofeta le faaaliga lenei “o se poloaiga a le Atua ae lē a se tagata, ia Matini Harisi, na tuuina mai e ia o lē o Faavavau.”

1–3, Ua ia Keriso le mana uma; 4–5, E ao i tagata uma ona salamo pe mafatia; 6–12, O le faasalaga faavavau o le faasalaga a le Atua; 13–20, Na mafatia Keriso mo tagata uma, ina ia latou lē mafatia pe afai latou te salamo; 21–28, Talai atu le talalelei o le salamo; 29–41, Alaga atu tala fiafia.

1 O A’U o le aAlefa ma le Omeka, o eKeriso le Alii; ioe, o A’u lava o ia, o le amataga ma le gataaga, o le Togiola o le lalolagi.

2 O A’u, ina ua uma ona Ou faataunuuina ma afaaumaina o le finagalo o ia o lē e ona A’u, o le Tamā lava lea, e uiga ia te a’u—ina ua uma ona Ou faia o lenei mea ina ia mafai ona Ou aumai o mea uma i lalo o la’u epule

3 Ma taofi le amana uma, e oo i le efaaumatiaina o Satani ma ana galuega i le iiuga o le lalolagi, ma le aso tele mulimuli o le faamasinoga, lea o le a Ou aumai i luga o tagata o e o nonofo ai, ma ofaamasino tagata uma taitoatasi e tusa ma ana ugaluega ma mea na ia faia.

4 Ma e moni e ao i tagata uma ona asalamo pe ua emafatia, ona o A’u, o le Atua, e lē igata.

5 O le mea lea, Ou te lē atatalaina ai faamasinoga o le a Ou tuu atu, ae o le a o’o atu le oi, le tagitu’i, le etagiaue ma le lilivau o nifo, ioe, ia te i latou o e e maua i lo’u ilima agavale.

6 Ae ui i lea, ua a tusia e faapea o le a leai se iuga i lenei mafatiaga, ae ua tusia o le emafatiaga e lē gata.

7 O lenei foi, ua tusia o le amalaia faavavau; o le mea lea, ua sili atu lea ona manino nai lo isi tusitusiga paia, ina ia mafai ona galue i loto o le fanauga a tagata nei mea uma mo le mamalu o lo’u igoa.

8 O le mea lea, o le a Ou faamatala atu ai ia te outou lenei mealilo, ona ua tatau ai ia te outou ona outou iloa e pei lava o a’u aposetolo.

9 Ou te tautala atu ia te outou o e ua filifilia i lenei mea, e pei o se tino e tasi, ina ia mafai ona outou ulu mai i lo’u amalologa.

10 Aua, faauta, ua matua tele lava amealilo o le faaleatua! Aua, faauta, o A’u e lē gata, ma o le faasalaga e tuu atu mai lo’u lima o le faasalaga e lē gata, ona o e Gata o lo’u igoa lea. O le mea lea—

11 O le afaasalaga faavavau o le faasalaga a le Atua.

12 O le faasalaga lē gata o le faasalaga a le Atua.

13 O le mea lea, Ou te poloai atu ia te oe ia e salamo, ma tausi i apoloaiga ua e maua mai le lima o la’u auauna o Iosefa Samita, Le Itiiti, i lo’u igoa;

14 Ma o lo’u mana malosi aoao na e maua ai ia poloaiga;

15 O lea Ou te poloai atu ai ia te oe ia e salamo—salamo, ne’i Ou taia oe i le tootoo o lo’u gutu, ma i lo’u toasa, ma i lo’u ita, ma tiga tele ai ou amafatiaga—o le ā le tetele o le tiga e te lē iloa, o le ā le malosi e te lē iloa, ioe, o le a le faigata ona onosaia e te lē iloa.

16 Aua faauta, o A’u, o le Atua, na amafatia i nei mea mo tagata uma, eina ia latou lē mafatia pe afai latou te isalamo;

17 Ae afai latou te lē salamo, o le a latou amafatia e pei lava o A’u;

18 O le mafatia lea na oo ia te a’u lava, o le Atua lava lea, o lē ua silisili i tagata uma, le gatete ona o le tiga, ma tafe toto ai i pu afu ninii uma, ma mafatia ai i le tino atoa ma le agaga—ma loto ia Ou a inumia le ipu oona, ma teena ai—

19 Ae ui i lea, ia i ai i le Tamā le viiga, ma sa Ou inu ma afaauma ai a’u tapenapenaga mo le fanauga a tagata.

20 O le mea lea, Ou te toe poloai atu ai ia te oe ia e salamo, ne’i Ou faalotomaualaloina oe i lo’u mana malosi aoao, ma ia e ata’uta’u atu au agasala, ne’i e mafatia i nei faasalaga ua Ou tautala atu ai, o se vaega aupito itiiti, ioe, o se vaega itiiti lava na e tofo i ai i le taimi na Ou aveesea ai lo’u Agaga.

21 Ma Ou te poloai atu ia te oe ia e a talai atu se mea ae tau o le salamo, ma ia e faaalia atu nei mea i le lalolagi seia o se poto lea ia te a’u.

22 Ona e lē mafai ona latou agafatia aano o manu fasi i le taimi nei, ae o le esusu e ao ina latou maua; o le mea lea, ua lē tatau ai ona latou iloa o nei mea, ne’i fano i latou.

23 Aoao e uiga ia te a’u, ma faalogo mai i a’u upu; asavali i le eagamalu o lo’u Agaga, ma o le a e maua ai le ifilemu ia te a’u.

24 O A’u o aIesu Keriso; na Ou sau i le finagalo o le Tamā, ma Ou te faia lona finagalo.

25 O lenei foi, Ou te poloai atu ia te oe ia aua ne’i e amanao i le eava a lē lua te tuaoi; pe e te saili le ola o lē lua te tuaoi.

26 O lenei foi, Ou te toe poloai atu ia te oe ia aua ne’i e manumanu i au lava meatotino, a ia foai fua atu mo le lomiga o le Tusi a Mamona, lea ua i ai le aupumoni ma le afioga a le Atua—

27 O la’u upu lea i aNuuese, ina ia mafai ona vave ona alu atu i etagata Iutaia, o e o sa Lamanā o so latou vaega o itotoe, ina ia latou talitonu i le talalelei, ma lē vaai mo se oMesia e afio mai o lē ua uma ona afio mai.

28 O lenei foi, Ou te toe poloai atu ia te oe ia e atatalo atu ma le eleo faapea foi i lou loto; ioe, i luma o le lalolagi faapea foi i le mealilo, i luma o tagata faapea foi i le na o oe lava.

29 Ma ia e afolafola atu tala fiafia, ioe, faasalalau atu i luga o mauga, ma luga o nofoaga maualuluga uma, ma totonu o tagata uma e faatagaina oe e te vaai i ai.

30 Ma ia e faia lena mea ma le lotomaualalo atoa, ma le afaalagolago mai ia te a’u, ma lē faifai atu i e e faifai mai.

31 Ma aua e te tautala e uiga i amataupu silisili, ae ia e folafola atu le salamo ma le efaatuatua i le Faaola, ma le ifaamagaloga o agasala i le opapatisoga, ma i le uafi, ioe, o le fAgaga Paia lava lea.

32 Faauta, o se apoloaiga tele ma le mulimuli lenei Ou te tuu atu ia te oe e uiga i lenei mataupu; aua ua lava lea mo lau savali i aso taitasi, e oo lava i le i’uga o lou ola.

33 Ma o le a e maua le pagatia pe afai e te faatalalē i nei afautuaga, ioe, o le faafanoga lava lea o oe ma au meatotino.

34 aFoai atu se vaega o au meatotino, ioe, se vaega lava o ou fanua, ma mea uma vagana ai mea mo le tausiga o lou aiga.

35 Totogi le aaitalafu na e eosifeagaiga ai ma le lomitusi. Faasaoloto oe lava mai le inofo pologa.

36 Ia atu’ua lou fale ma lou aiga, se’i vagana ai pe a e manao e te fia vaai i lou aiga;

37 Ma atautala sa’oloto atu i tagata uma; ioe, tala’i atu, apoapoa’i atu, folafola atu le eupumoni, i se leo tele lava, i se leo o le olioli, ma alaga atu—Osana, osana, ia faamanūina lava le suafa o le Alii le Atua!

38 aTatalo e lē aunoa, ma o le a Ou eliligi ifo lo’u Agaga i ou luga, ma o le a tele lava lou faamanuiaga—ioe, e sili atu lava nai lo lou mauaina o ’oa o le lalolagi ma mea uma e pala o i ai.

39 Faauta, pe mafai ea ona e faitauina nei mea e aunoa ma le olioli ma le sii a’e o lou loto i le fiafia?

40 Pe mafai ea ona e fetamo’ea’i solo faaumiumi e pei o se taitai tauaso?

41 Pe mafai ea ona e alotomaualalo ma agamalu, ma pulea oe lava ma le poto i o’u luma? Ioe, esau ia ia te a’u o lou Faaola. Amene.