Dzidziso neZvibvumirano

1 Teererai imi vanhu ^avechechi yangu, inotaura izwi reuyo agere kumusoro, uye ane ^bmaziso ari pamunhu wose; hongu, zviro kwazvo ndinoti: ^cTeererai imi vanhu munobva kure; uye nemi muri pamusoro pezvitsuwa zvegungwa, teererai pamwechete.

2 Nokuti zviro kwazvo ^aizwi raIshe riri kuvanhu vose, uye hakuna ^banopunyuka; uye hakuna ziso richatadza kuona, kana nzeve ichatadza kunzwa, kana ^cmwoyo uchatadza kupindwa.

3 Uye ^avapanduki vachabaiwa nokusuwa kukuru; nokuti kuipa kwavo ^bkuchataurwa pamusoro pedzimba, uye zviito zvavo zvemuruvande zvichaiswa pachena.

4 Uye ^aizwi rekuyambira richave kuvanhu vose, nemiromo yevadzidzi vangu, avo vandakasarudza mumazuva ano ^bekupedzisira.

5 Uye vachaenda mberi uye hapana achavarambidza, nokuti ini Ishe ndakavaraira.

6 Tarisai, iyi ^aimvumo yangu, uye nemvumo yevaranda vangu, nechisumo changu kubhuku remirairo yangu, yandakavapa kuti ^bvaishambadze kwamuri, vagari vepanyika.

7 Nokudaro ^aityai uye mubvunde, imi vanhu, nokuti ini Ishe zvandataura mavari ^bzvichazadzikiswa.

8 Uye zvirokwazvo ndinoti kwamuri, kuti avo vachaenda mberi, vakatakura mazwi aya kuvagari vepasi, kwavari simba rinopihwa ^arekusunga kwose panyika nekudenga, uye avo vasingatende ^bnevapanduki;

9 Hongu, zvirokwazvo, kuvasunga kuitira zuva iro ^ahasha dzaMwari dzichadirwa pamusoro ^bpevakaipa zvisina mupimo—

10 ^aPazuva iro Ishe ravachauya ^bkuzopa mubairo kumunhu wose maererano ^cnebasa rake, ^dnemwero kumunhu wose maererano nekuyera nekwaanenge ayera nako kune mumwe wake.

11 Nokudaro izwi raIshe riri nekumigumo yenyika, kuti vose avo vanoda kunzwa, vanzwe:

12 Gadzirirai imi, gadzirirai imi icho chichauya, nokuti Ishe vave pedyo;

13 Uye ^ahasha dzaIshe dzatungidzwa, ^bnemunondo wavo wasukwa mudenga, uye uchawira pavagari vepasi.

14 Uye ^aruoko rwaIshe rwucharatidzwa; uye zuva richauya iro rekuti avo vasingade ^bkunzwa izwi raIshe, kana izwi revaranda vavo, kana ^cvasingateerere mashoko evaporofita nevaapositori, ^dvachabviswa kubva mukati mevanhu;

15 Nokuti ^avarasika kubva ^bmuzvisungo zvangu, uye ^cvatyora chibvumirano changu ^dchisingaperi;

16 ^aHavatsvake Ishe kuti vamise kururama kwavo, asi wose munhu anofamba ^bmunzira dzake ^cpachake, uye achitevera ^dmufananidzo wamwari wake pachake, uyo ane chimiro chakafanana nezvemunyika, uye hunhu hwacho huri hwechivezwa, icho ^echinochembera uye chofira ^fmuBabironi, kunyangwe Babironi huru, iyo ichapunzika.

17 Nokudaro, ini Ishe, ndichiziva njodzi ichauya ^apavagari vepasi ndakadaidza muranda wangu Joseph Smith, Mwana, uye ndikataura naye ndiri kudenga, uye ndikamupa mirairo;

18 Uye ndikapawo mirairo kune vamwe, kuti vashambadze zvinhu izvi kunyika; uye zvose izvi kuti zvizadzikiswe, izvo zvakanyorwa nemaporofita—

19 ^aZvisinasimba zvemunyika zvichauya zvigotyora vemasimba uye nevakasimba, kuti munhu asaraye mumwe wake, kana ^bkuvimba neruoko rwenyama—

20 Asi kuti wose munhu ^aataure muzita raMwari Ishe, kunyangwe iye Muponesi wenyika;

21 Kutiwo rutendo rwuwande panyika;

22 Kuti ^achibvumirano changu chisingaperi chimiswe;

23 Kuti kuzara ^akwevhangeri rangu ^bkushambadzwe ^cnevasinasimba nevanhuwo zvavo, kusvika kumagumo enyika, nepamberi pemadzimambo nevatongi.

24 Tarisai, ndini Mwari uye ndazvitaura; ^amirairo iyi ndeyangu, uye yakapihwa kuvaranda vangu mukushaya simba kwavo, mutsika ^byerurimi rwavo, kuti vasvike ^cmukunzwisisa.

25 Uye kuti kana vakakanganisa zviitwe kuti zvizivikanwe.

26 Kuti kana sokutsvaga kwavanoita ^aungwaru vachadzidziswa;

27 Uye kuti kana sokutadza kwavanoita ^avanorangwa, kuti ^bvatendeuke;

28 Kuti kana vakange ^avakazvininipisa vachaitwa kuti vasimbe, uye vagoropafadzwa kubva kumusoro, uye vagogashira ^bruzivo nguva nenguva.

29 Uye mushure mekugashira zvinyorwa zvemaNifai, hongu, kunyangwe muranda wangu Joseph Smith, Mwana, ave anokwanisa kuwana simba rekududzira kuburikidza nenyasha dzaMwari, nesimba raMwari, ^aBhuku raMormoni.

30 Uyewo neavo vakapihwa mirairo iyi vagove vanowana ^asimba rekuwaridza hwaro ^bhwechechi ino, uye nekuriburitsa kubva mukusaziikanwa uye ^cnemurima, iro chete ^dchechi rechokwadi uye rinorarama pamusoro pepasi rose, randinoti ini Ishe, ^erinondifadza zvikuru, ndichitaura kuchechi pamwechete kwete kune mumwe nemumwe—

31 Nokuti ini Ishe handigone kutarisa ^achitadzo ndigombochibvumira kana nepadukuduku zvapo;

32 Zvisinei, uyo anotendeuka uye oita mirairo yaIshe ^aacharegererwa;

33 Uye uyo ^aasingatendeuke, kwaari ^bkuchabviswa kunyangwe chiedza chaakagashira; nokuti ^cMweya wangu hauzogara ^duchinetsana nemunhu, vanodaro Ishe veHondo.

34 Uye zvakare, zvirokwazvo ndinoti kwamuri, vagari vepasi: Ini Ishe ndinoda kuita kuti zvinhu izvi zvizikanwe kune venyama ^avose;

35 Nokuti handina ^atsvete kuvanhu, uye ndinoda kuti vose vanhu vazive kuti ^bzuva riri kukurumidza kuuya; nguva haisati yasvika, asi iri pedyo, apo ^crunyararo rwuchabviswa panyika, uye ^ddhiabhorosi achave nesimba munzvimbo yake.

36 Uye naiyewo Ishe vachave nesimba ^akuvatendi vavo, uye ^bvachatonga vari ^cpakati pavo, uye vachauya pasi vari ^dmukutonga ^emuEdomi, kana kuti nyika.

37 Nzverai ^amirairo iyi nokuti ndeye chokwadi uye yakatendeka, uye huporofita ^bnezvivimbiso zviri mairi, zvose zvichazadzikiswa.

38 Zvandataura ini Ishe, ndataura, uye handitsvage chikonzero; uye kana dai zvazvo denga nenyika zvichipfuura, ^aizwi rangu haripfuuri, asi zvose ^bzvichazadzikiswa, kunyangwe ^cnezwi rangu ini kana nezwi ^dravaranda vangu, ^ezvakangofanana.

39 Nokuti tarisai, uye onai, Ishe ndiMwari, uye ^aneMweya unopupura, uye uchapupu ndehwe chokwadi, uye ^bchokwadi chinogara nariini nariini. Ameni.