ພາກທີ 2
ພາກສ່ວນໜຶ່ງທີ່ເອົາມາຈາກປະຫວັດສາດຂອງໂຈເຊັບ ສະມິດ ກ່ຽວກັບຖ້ອຍຄຳຂອງທູດໂມໂຣໄນທີ່ກ່າວຕໍ່ໂຈເຊັບ ສະມິດ ຜູ້ເປັນສາດສະດາ, ໃນຂະນະທີ່ຢູ່ໃນບ້ານຂອງພໍ່ຂອງສາດສະດາ ທີ່ເມືອງແມນເຈດສະເຕີ, ລັດນິວຢອກ, ໃນຕອນແລງຂອງວັນທີ 21 ເດືອນກັນຍາ 1823. ໂມໂຣໄນເປັນນັກປະຫວັດສາດຄົນສຸດທ້າຍ ຜູ້ໄດ້ເຮັດການບັນທຶກ ຊຶ່ງບັດນີ້ມີຢູ່ຕໍ່ໜ້າຊາວໂລກ ນັ້ນຄືພຣະຄຳພີມໍມອນ. (ເບິ່ງໃສ່ກັບ ມາລາກີ 4:5–6; ເບິ່ງ ພາກທີ 27:9; 110:13–16; ແລະ 128:18 ນຳອີກ.)
1, ເອລີຢາຈະເປີດເຜີຍຖານະປະໂລຫິດ; 2–3, ຄຳສັນຍາຕໍ່ບັນພະບຸລຸດຈະຖືກປູກຝັງໄວ້ຢູ່ໃນຫົວໃຈຂອງລູກຫລານ.
1 ຈົ່ງເບິ່ງ, ເຮົາຈະເປີດເຜີຍຖານະປະໂລຫິດແກ່ເຈົ້າ, ໂດຍມືຂອງ ກເອລີຢາຜູ້ເປັນສາດສະດາ, ກ່ອນມື້ ຂອັນຍິ່ງໃຫຍ່ ແລະ ໜ້າຢ້ານກົວຂອງພຣະຜູ້ເປັນເຈົ້າຈະມາເຖິງ.
2 ແລະ ກເພິ່ນຈະປູກຝັງ ຂຄຳສັນຍາທີ່ໄດ້ເຮັດກັບພໍ່ໄວ້ໃນໃຈລູກ, ແລະ ໃຈລູກຈະຫັນໄປຫາພໍ່ຂອງເຂົາ.
3 ຖ້າບໍ່ເປັນເຊັ່ນນັ້ນ, ທັງແຜ່ນດິນໂລກຈະຖືກທຳລາຍໃຫ້ໝົດສິ້ນໃນຕອນພຣະອົງສະເດັດມາ.