Jeje Ko Rekwojarjar
Katak im Bujen Ko 20


Jekjōn 20

Revelesōn kōn ekkar eo an Kabun̄ im wāween tōl ie, kar letok kōn Josep Smith Rikanaan eo, ilo ak iturin Fayette, New York. Jet m̧ōttan in revelesōn in maron̄ kar liļo̧k m̧oktaļo̧k ilo rak in 1829 eo. Dipieo in revelesōn in, eo kar jeļā kake ilo iien eo bwe ej Laajrak ko im Bujen ko, āinwōt kar baj ļo̧o̧ke tokālik ālkin wōt Eprōļ 6, 1830 (raan eo kar kajutak Kabun̄ ie). Rikanaan eo ar jeje, “Kōm ar bōk jān E [Jisōs Kraist] men kein ilaļ, jān jitōbōn kanaan im revelesōn; eo kar jab letok wōt eļap meļeļe, ak barāinwōt ar kaalikkar n̄an kōm lukkuun raan eo me, ekkar n̄an Ankilaan im an naan in jiron̄, kōm aikuj wōnm̧aanļo̧k im karōke kobban Kabun̄ eo An bar juon alen ioon laļ in.”

1–16, Bok in Mormon ej kam̧ool ke jerbal eo ilo raan kein āliktata ej jān lan̄; 17–28, Katak ko kōn kōm̧anan eo, wōtlo̧k eo, pinmuur eo, im peptaij rej kapeni; 29–37, Kien ko rej kajeikik ukeļo̧k, kajejjet, kokwōjarjar, im peptaij rej ellaajrak; 38–67, Jerbal ko an elder ro, pris ro, rikaki ro, im tikōn ro kōnono kaki ilo tukaduier; 68–74, Jerbal ko an ro uwaan Kabun̄, kōjeraam̧m̧an an ajri ro, im wāween peptaij rej kwaļo̧ki; 75–84, Jar ko an kwōjkwōj im karōk ko kōn wāween kajeikik ro uwaan Kabun̄ rej litoki.

1 aWanlōntak eo an bKabun̄ eo an Kraist ilo raan kein āliktata, im kiiō ej juon to̧ujin ruwalitōkbukwi im jiln̄uul jilu iiō jān kar itok eo an ad Irooj im Rilo̧mo̧o̧r Jisōs Kraist ilo kanniōk, eo kar ckarōk kobban im kajutake ilo wōt errā eo n̄an kien ko an laļ in am̧, jān ankilaan im kien ko an Anij, ilo allōn̄ eo kein kāāmen, im ilo raan eo kein kajiljino in allōn̄ etan Eprōļ—

2 Kien ko kar liļo̧k n̄an Josep Smith, Jun., eo Anij eaar akūri, im kar kapit e juon brijjilōk an Jisōs Kraist, bwe en celder eo kein kajuon an kabun̄ in;

3 Im n̄an Oliver Cowdery, eo Anij eaar barāinwōt kūr e, juon rijjilōk an Jisōs Kraist, bwe en elder eo kein karuo an kabun̄ in, im kar kapit e ium̧win pein;

4 Im men in ekkar n̄an jouj an ad Irooj im Rilo̧mo̧o̧r Jisōs Kraist, eo n̄an E en aiboojoj otemjej, jim̧or kiiō im indeeo. Amen.

5 Ālikin kar lukkuun kaalikkare n̄an elder in kein kajuon ke eaar bōk jeorļo̧k bōd eo jān jero̧wiwi ko an, eaar bar alokjak ilo wōjwaan ko an laļ in;

6 Ak ālikin ukeļo̧k, im kōttāik e make ilo m̧ool, kōn tōmak, Anij eaar jipan̄ e jān juon aenjeļ ekwōjarjar, eo bpaotokin eaar āinwōt jarom, im eo ballin rekar erreo im mouj ilōn̄in aolep mouj otemjeļo̧k;

7 Im leļo̧k n̄an e kien ko me raar kōkejakļo̧kjeņ e;

8 Im leļo̧k n̄an e kajoor jān ijo eutiej, jān awāween ko kar kōpooji m̧oktaļo̧k, n̄an ukōte Bok in Mormon eo;

9 Eo ie ej ļo̧o̧k eo kōn juon armej raar wōtlo̧k, im atarlep in bgospel eo an Jisōs Kraist n̄an ro riAelōn̄ ko im n̄an riJu barāinwōt;

10 Eo kar leļo̧k jān unoojdikdik an jetōb, im ej kapen e n̄an aro jet jān lotok in enjeļ raņ, im ej bbun̄bun̄ļo̧k n̄an laļ in jān er—

11 Kam̧oole n̄an laļ in bwe jeje ko rekwōjarjar rej am̧ool, im bwe Anij ej bkōkejakļo̧kjeņ armej raņ im kūr er n̄an cjerbal eo ekwōjarjar An ilo tōre in im epepen in, barāinwōt ilo epepen ko etto;

12 Ilo jekjek in kwaļo̧k bwe E ej ajuon wōt Anij inne, rainin, im indeeo. Amen.

13 Kōn menin, kōnke rekanooj eļap kam̧ool kein, jāni naaj ekajete laļ, em̧ool jon̄an wōt oran ro renaaj tokālik itok n̄an jeļāļo̧kjeņ eo kōn jerbal in.

14 Im ro renaaj bōk e ilo tōmak, im jerbale ajim̧we, naaj bōk juon bkūrawūn in mour indeeo;

15 Ak ro rej kapen burueer ilo ajab tōmak, im joļo̧k e, e naaj ro̧o̧l n̄an kein liaakeļo̧k eo aer make—

16 Bwe Irooj Anij eaar kōnono men in; im kōm, elder ro an kabun̄ in, kōm ar ron̄ im jeje kam̧ool kōn naan ko an Kiin̄ in ijo eutiej ewōj, eo n̄an E en aiboojoj indeeo im indeeo. Amen.

17 Jān men kein kōm ajeļā ke ewōr juon bAnij ilo lan̄, eo Ej indeeo im ejjeļo̧k jem̧ļo̧kin, jān indeeo n̄an indeeo ej jab Anij in ukoktak, ribooje an lan̄ im laļ, im men ko otemjeļo̧k ilowaer;

18 Im bwe Eaar akōm̧anm̧an armej, m̧aan im kōrā, ilowaan wōt bnememen im ilo jekjekin, Eaar kōm̧anm̧an er;

19 Im kar leļo̧k n̄an er kien ko bwe ren aiakwe im bjerbal n̄an E, eo wōt ej Anij emour im em̧ool, im bwe E aikuj in eo wōt im ren ckabun̄-jar.

20 Ak jān rupi kain̄i kein rekwōjarjar armej eaar erom mennin akanniōk im bāinwōt devil, im erom carmej em̧ōj an wōtlo̧k.

21 Kōn menin, Anij Ekajoor Bōtata eaar letok aNejin emake Eaar Keotake, āinwōt kar je ilo jeje ko rekwōjarjar ko kar litok kōn E.

22 Eaar iioon akapo ko ak Eaar jab eo̧ron̄ i.

23 Eaar adebwāāl, mej, im bar bjerkak ilo raan eo kein kajilu;

24 Im awanlōn̄ļo̧k ilo lan̄, n̄an jijet ianbwijmaron̄ in bJemān, n̄an irooj kōn kajoor bōtata ekkar n̄an ankilaan eo Jemān;

25 Bwe jon̄an wōt eo renaaj atōmak im peptaij ilo Etan ekwōjarjar, im bniknik ilo tōmak n̄an jem̧ļo̧kin, ren mour—

26 Jab wōt ro rekar tōmak ālikin An kar itok ilo aioļap in iien, ilo kanniōk, ak aolep ro jān jinoin, em̧ool jon̄an wōt oran eo m̧okta jān An kar itok, ro rekar tōmak ilo naan ko an brikanaan ro rekwōjarjar, ro raar kōnono āinwōt kar kabab-laļ er jān mennin cletok eo an Jetōb Kwōjarjar, ro raar lukkuun dkam̧ool kōn E ilo aolep men, ren bōk mour indeeo,

27 Barāinwōt ro renaaj kar itok tokālik, ro renaaj kar tōmak ilo mennin aletok ko im kūr ko an Anij jān Jetōb Kwōjarjar, eo ej bkam̧ool kōn Jemān im kōn Nejin;

28 Bwe Jemān, Nejin, im Jetōb Kwōjarjar rej ajuon Anij, indeeo im indeeo, ejjeļo̧k jem̧ļo̧kin. Amen.

29 Im kōm jeļā bwe aolep armej reaikuj aukeļo̧k im tōmak ioon Etan Jisōs Kraist, im kabun̄-jar n̄an Jemān ilo Etan, im niknik ilo btōmak ioon Etan n̄an jem̧ļo̧kin, ak rejjab maron̄ cmour ilo aelōn̄ in Anij.

30 Im kōm jeļā bwe akajejjet kōn bjouj an ad Irooj im Rilo̧mo̧o̧r Jisōs Kraist e jim̧we im m̧ool;

31 Im kōm jeļā barāinwōt, bwe akokwōjarjar kōn jouj eo an ad Irooj im Rilo̧mo̧o̧r Jisōs Kraist e jim̧we im m̧ool, n̄an aolep ro rej iakwe im jerbal n̄an Anij kōn aolep bmaron̄ ko, ļōmņak ko, im kajoor ko aer.

32 Ak emaron̄ waļo̧k bwe armej remaron̄ abun̄ļo̧k jān jouj im eļļo̧k jān Anij eo emour;

33 Kōn menin kabun̄ eo en ron̄jake im jar iien otemjej, n̄e raab wōtlo̧k ilo akapo;

34 Aaet, im em̧ool ro em̧ōj kokwōjarjar er ren ron̄jake barāinwōt.

35 Im kōm jeļā bwe men kein rej m̧ool im ekkar n̄an revelesōn ko an Jon, jab akobaikļo̧k n̄an e, ak kōjenik jān kanaan eo jān bok eo an, bjeje ko rekwōjarjar, ak revelesōn ko an Anij me renaaj itok tokālik jān mennin letok im kajoor eo an Jetōb Kwōjarjar, cainikien Anij, ak lotok ko an enjeļ raņ.

36 Im Irooj Anij Eaar kōnono men in; im utiej, kajoor im aiboojoj ren ilo̧k ilo̧k n̄an Etan ekwōjarjar, jim̧or kiiō im indeeo. Amen.

37 Im bar juon alen, jān iaļan kien n̄an kabun̄ in kōn wāween peptaij—Aolep ro rej kōttāik er im̧aan Anij, im kōņaan apeptaij, im wōnm̧aantak kōn bbōro ko rerup im jetōb ko rettā, im kam̧ool im̧aan kabun̄ in ke raar lukkuun ukeļo̧k jān aolep jero̧wiwi ko aer, im rem̧ōņōņō in bōk ioer cetan Jisōs Kraist, kōn juon dpen in bōro n̄an jerbal n̄an E n̄an jem̧ļo̧k in, im kanooj kwaļo̧k jān ejerbal ko aer bwe rekar bōk jān Jetōb eo an Kraist n̄an fjeorļo̧k in jero̧wiwi ko aer, naaj bōk er ilo kabun̄ eo An jān peptaij.

38 Jerbal ko an elder ro, pris ro, rikaki ro, tikōn ro, im ro uwaan kabun̄ eo an Kraist—Juon arijjilōk ej juon elder, im ej kūr eo an in n̄an bpeptaij;

39 Im n̄an akapit elder ro, pris ro, rikaki ro, im tikōn ro jet;

40 Im n̄an akōjeraam̧m̧an pilawā im wain eo—kakōļļe ko in ānbwinnin im bōtōktōkin Kraist—

41 Im n̄an akapen ro rej peptaij tok ilo kabun̄ in, jān likūt bpā ko ioon n̄an peptaij an kijeek im cJetōb Kwōjarjar, ekkar n̄an jeje ko rekwōjarjar;

42 Im n̄an katakin, kōmmeļeļeik, kōketak, peptaij, im emmejraake kabun̄ eo;

43 Im n̄an kapen kabun̄ in jān likūt ioon pā ko, im leļo̧k an Jetōb Kwōjarjar;

44 Im n̄an bōk tōl eo ilo aolep kwelo̧k ko.

45 Elder ro ren akajeikik kwelo̧k ko āinwōt an Jetōb Kwōjarjar tōl er, ekkar n̄an kien im revelesōn ko an Anij.

46 Jerbal an apris ej n̄an kwaļo̧k naan, bkatakin, kōmmeļeļeik, kōketak, im peptaij, im kōjeraam̧m̧an kwōjkwōj eo,

47 Im loļo̧k m̧weo im̧ōn kajjojo uwaan, im kōketak er n̄an ajar ilo bainikier im ilo ittino im kōm̧m̧ani aolep cjerbal ko an baam̧le.

48 Im e maron̄ barāinwōt akapit pris ro, rikaki ro, im tikōn ro jet.

49 Im e ej aikuj bōk tōl ilo kwelo̧k ko n̄e ejjeļo̧k eldere pād;

50 Ak n̄e ewōr juon elder epād, e eaikuj wōt kwaļo̧k naan, katakin, kōmmeļeļeik, kōketak, im peptaij,

51 Im loļo̧k m̧weo im̧ōn kajjojo uwaan, kōketak er n̄an jar ilo ainikier im ilo ittino im kōm̧m̧ani aolep jerbal ko an baam̧le.

52 Ilo aolep jerbal kein pris eo eaikuj ajipan̄ elder eo eļan̄n̄e emennin aikuj.

53 Jerbal eo an arikaki eo ej n̄an bemmejraake kabun̄ in iien otemjej, im pād ippāer im kōkajoor er;

54 Im lale bwe en ejjeļo̧k nana ilo kabun̄ in, ak aļōkatip ippen doon, ak riab, ruruwe, ak bkōnono nana;

55 Im lale bwe kabun̄ eo en kuktok ippān doon emmakijkij, im barāinwōt lale bwe aolep ro uwaan rej kōm̧m̧ani jerbal ko aer.

56 Im e ej aikuj tōl kwelo̧k ko ilo jako an elder ak pris eo—

57 Im ej aikuj bōk jipan̄ iien otemjej, ilo aolep jerbal ko an ilo kabun̄, jān atikōn ro, eļan̄n̄e emennin aikuj.

58 Ak jaab rikaki ro ak tikōn ro ewōr aer maron̄ n̄an peptaij, kōjeraam̧m̧an kwōjkwōj eo, ak likūt pā ko ioon;

59 Ijoke, rej, aikuj kakkōl, tipdiki, kōketak, im katakin, im karuwainenetok aolep n̄an itok n̄an Kraist.

60 Aolep aelder, pris, rikaki, ak tikōn ej aikuj ekkapit ekkar n̄an mennin letok ko im bkūr ko an Anij n̄an e; im eaikuj ekkapit ekkar n̄an kajoor eo an Jetōb Kwōjarjar, eo ej ilo eo ej kapit e.

61 Jet elder ro rej booje kabun̄ eo an Kraist ren kwelo̧k ilo juon kwelo̧k juon alen ilo jilu allōn̄, ak jān iien n̄an iien āinwōt naaj ilo kwelo̧k ko kōmlet ak jitōn̄e;

62 Im kwelo̧k kein ba kaki ren kōm̧m̧ani jabdewōt jerbal ko an kabun̄ im reaikuj in kōm̧m̧an ilo iien eo.

63 Elder ro ren bōk peba in mālim ko aer jān elder ro jet, jān aerrā eo an jarlepju eo rej jar ippān, ak jān kwelo̧k ko.

64 Kajjojo pris, rikaki, ak tikōn, eo kar ekkapit jān juon pris, emaron̄ bōk peba eo an jān e ilo iien eo, apeba eo me, n̄e kwaļo̧k n̄an juon elder, enaaj kōmaron̄ e n̄an juon mālim, eo enaaj kōmālim e n̄an kōm̧m̧ani jerbal ko an kūr eo an, ak e maron̄ bōk e jān juon kwelo̧k.

65 Ejjeļo̧k juon armej en aekkapit n̄an jabdewōt opij ilo kabun̄ in, ijo ewōr juon branch em̧ōj karōk ņa kobban an ejja kabun̄ in wōt, eļan̄n̄e ejjab kōn berrā eo an kabun̄;

66 Ak elder ro rej tōl, bisop ro rej ito-itak, ro uwaan ko̧o̧njeļ eo eutiej, pris utiej ro, im elder ro, remaron̄ bōk utiej eo n̄an ekkapit, ijo ejjeļo̧k branch an kabun̄ in ie im juon errā emaron̄ jab kūri.

67 Kajjojo president an priesthood eo eutiej (ak elder in tōl), abisop, eo uwaan ko̧o̧njeļ eo eutiej, im bpris eutiej, en ekkapit jān tōl an juon cko̧o̧njeļ eo eutiej ak kwelo̧k eo eļap.

68 aJerbal eo an ro uwaan ālikin bōk er jān peptaij—Elder ro ak pris ro en bwe aer iien n̄an tipdiki men otemjej kōn kabun̄ eo an Kraist n̄an aer bmeļeļe, m̧okta jān aer bōk ckwōjkwōj im kapen er jān likūt dpā ko ioon jān elder ro, bwe men otemjej ren maron̄ kōm̧m̧an ilo koņ.

69 Im ro uwaan ren kwaļo̧k im̧aan kabun̄ eo, im barāinwōt im̧aan elder ro, jān etetal im em̧m̧ao jim̧we, bwe remaron̄ tōllo̧ke, bwe en maron̄ wōr ajerbal ko im tōmak rej errā n̄an jeje ko rekwōjarjar—etetal ilo bweeppān im̧aan Irooj.

70 Aolep uwaan kabun̄ eo an Kraist ro ewōr nejier ren bōktok er n̄an elder ro im̧aan kabun̄ eo, ro ren likūt peier ioer ilo etan Jisōs Kraist, im akōjeraam̧m̧an er ilo Etan.

71 Ejjeļo̧k juon naaj bōke ilo kabun̄ eo an Kraist m̧ae an tōpar aiiō ko in bōk eddo im̧aan Anij, im ejeļā wāween bukeļo̧k.

72 aPeptaij en kōm̧m̧an ilo jekjek in ilaļ n̄an aolep ro rej ukeļo̧k—

73 Armej eo Anij eaar kūr e im ewōr an maron̄ jān Jisōs Kraist n̄an peptaij, en wanlaļļo̧k ilo dān eo ippān ļeo ak lio eaar jakem̧aantak e make n̄an peptaij, im naaj ba, kūr ļeo ak lio kōn etan: Bwe em̧ōj an Jisōs Kraist kōmāron̄ eō, ij peptaij eok ilo etan Jemān, im Nejin, im Jetōb Kwōjarjar. Amen.

74 Innām enaaj akattuļo̧k ļeo ak lio ilo dān eo, im waļo̧ktok bar juon alen jān dān eo.

75 Emennin aikuj bwe kabun̄ eo an kuktok ippān doon emmakijkij n̄an abōk m̧ōttan pilawā im wain eo ilo bememeje Irooj Jisōs;

76 Im elder eo ak pris eo enaaj kōm̧m̧ane; im ālikin ajekjek in enaaj kōm̧m̧ane—enaaj bukwelōlō ippān jarlepju eo im kūr n̄an Jemān ilo jar em̧ool, im ba:

77 O Anij, Jemām Indeeo, kōmij kajjitōk Ippam̧ ilo etan Nejūm̧, Jisōs Kraist, n̄an kōjeraam̧m̧an im kokwōjarjar apilawā in n̄an jetōb ko an ro otemjej rej bōk m̧ōttan, bwe ren maron̄ m̧ōn̄ā ilo aer ememej ānbwinnin Nejūm̧, im bkam̧ool n̄an Kwe, O Anij, Jemām Indeeo, bwe rem̧ōņōņō in cbōk ioer etan Nejūm̧, im keememej E iien otemjej, im dkōjparok kien ko An ko Eaar liļo̧k n̄an er; bwe eJetōb eo An en maron̄ pād ippāer iien otemjej. Amen.

78 aWāween eo n̄an kōjeraam̧m̧ane wain eo—e naaj bōk bkap eo barāinwōt, im ba:

79 O Anij, Jemām Indeeo, kōmij kajjitōk Ippam̧, ilo etan Nejūm̧, Jisōs Kraist, n̄an kōjeraam̧m̧an im kokwōjarjar awain in n̄an jetōb ko an ro otemjej rej idaak jān e, bwe ren maron̄ kōm̧m̧ane ilo ememej bōtōktōkin Nejūm̧, eo eaar to̧o̧rļo̧k kōn er; bwe ren maron̄ kam̧ool n̄an Kwe, O Anij, Jemām Indeeo, bwe ren keememej E iien otemjej, bwe Jetōb eo An en maron̄ pād ippāer. Amen.

80 Jabdewōt uwaan kabun̄ eo an Kraist ej jirilo̧k, ak em̧ōj ibeb e ilo bōd, naaj jerbal ippān āinwōt an jeje ko rekwōjarjar tōl.

81 Enaaj jerbal an jet jarlepju in rijar ko, rej booje kabun̄ eo an Kraist, n̄an jilkinļo̧k juon ak elōn̄ļo̧k ian rikaki ro aer n̄an pād ilo jet kwelo̧k ko kōm̧m̧an jān elder ro an kabun̄ in,

82 Ippān juon laajrak in aāt ko etan jet ian ro uwaan rekar koba ippān doon ippān kabun̄ jān kwelo̧k eo ļo̧k; ak jilkinļo̧k ipein juon pris; āindein bwe juon laajrak iien otemjej in āt ko etan ro ilo aolepān kabun̄ in en maron̄ kōm̧m̧an ilo juon bok jān juon ian elder ro, jabdewōt eo elder ro jet renaaj jitōn̄e jān iien n̄an iien;

83 Im barāinwōt, eļan̄n̄e jabdewōt em̧ōj ajoļo̧ke jān kabun̄ in, bwe etaer ren maron̄ bukweļo̧k jān ļo̧o̧k in āt ko eo eļap an kabun̄.

84 Aolep ro uwaan rej em̧m̧akūt jān jarlepju in jar eo rekar jokwe ie, eļan̄n̄e rej ilo̧k n̄an jarlepju in jar eo jab jeļā kajjier ie, remaron̄ bōk juon lōta eo ej kaalikkar ke rej uwaan im em̧m̧an etaer, peba in kam̧ool in maron̄ in jain jān jabdewōt elder ak pris eļan̄n̄e uwaan e make ejeļā kajjien elderak pris eo, ak emaron̄ in jain jān rikaki ro ak tikōn ro an kabun̄ in.