Koroboki Aika Tabu
Reirei ao Berita aika Tabu 24


Mwakoro 24

Kaotioti aika kaotaki nakon Iotebwa Timiti te Burabeti ao Oliver Cowdery, i Harmony, Pennsylvania, n Turai 1830. E ngae n ae e kee i an aua te namwakaina n nako ngke e moan kateaki te Ekaretia, e a moanna ni korakora te bwainikirinaki, ao n taai tabetai taan kairiri a na riai ni kakae nako maiuia ni kararoaia nako moa man te botannaomata. Taian kaotioti aika tenua aikai a kaotaki n te tai aei bwa kakorakoraaia, kaungaaia, ao reiakinaia.

1–9, E weteaki Iotebwa Timiti bwa e na rairairi, tataekin, ao ni kabwarabwarai koroboki aika tabu; 10–12, E weteaki Oliver Cowdery bwa e na tataekina te euangkerio; 13–19, E kaotaki te tua ni kaineti ma taian kakai, kamaraia, kanakoan bubun waen temanna, ao ni waaki ma akean te bwauti ni mwane ke te baeki.

1 Nooria, ko a tia ni weteaki ao n rineaki bwa ko na korea Ana Boki Moomon, ao nakon au mwakuri n ibuobuoki; ao I a tia n uotiko rake man karawawataakim, ao n tia n reireiniko, bwa ko a tia ni kainaomataaki mai irouia am kairiribai ni kabane, ao ko a tia ni kainaomataaki man mwaakan Tatan ao man te rotongitong!

2 E ngae n anne, ko aki kamauraki man am ariaoan te tua iroum; ma, naako ni kawaim ao tai manga bure.

3 aKakorakora nakoam; ao i mwin unikakin koraa n te nne n aroka ao n tararuai, waekoa nakon te ekaretia are i bColesville, Fayette, ao i Manchester, ao a na cboutokaiko; ao N na kakabwaiaia n te maiu n tamnei ao n rabwata;

4 Ma ngkana a aki butimwaiko ao ni boutokaiko, N na kanakoa nako aoia te maraia n onea mwiin te kakabwaia.

5 Ao ko na reitinako ni wewetea te Atua n arau, ao ni korei bwaai ake ko na anganaki iroun te aTia Karaunano, ao ni kabwarabwarai ni kabane koroboki aika tabu nakon te ekaretia.

6 Ao ko na anganaki n te tai naba anne bwa tera ae ko na ataekin ao ni korei, ao a na ongo, ke N na kanakoa nako aoia te maraia n onean mwiin te kakabwaia.

7 Bwa ko na kabanea korakoram n am amwakuri ni kabane i Tion; ao n aio ko na karekea te korakora.

8 Bwaina te ataotaonakinano n tenaan bkarawawata, bwa ko na karekei aika a mwaiti; ma cteimatoa n rinanoia, bwa, noria, I mena iroum, ni karokoa dtokin am bong.

9 Ao ni mwakurin aon te aba a na akea te korakora iroum, bwa tiaki aio weteakim. Karaoi aweteakim ao ko na karekei bwai ake ko tangiri ni karababa nakoam, ao ni kabwarabwarai ni kabane koroboki aika tabu, ao n reitinako ni katoka bai ao ni kamatoaia n taian mwanga.

10 Ao tarim ae Oliver e na reitinako ni kaotiota arau imatan te aonaba, ao nakon naba te ekaretia. Ao e na aki iangoia bwa e kona n taekin aika a mwaiti ni boutokaa au mwakuri; ao nooria, I mena irouna ni karokoa tokin maiuna.

11 Irou e na karekea te mimitong, ao tiaki mai irouna, i nanon te mamaara ke i nanon te korakora, i nanon te toronaki ke te inaomata;

12 Ao n taai nako, ao n taabo ni kabane, e na kauka wiina ao n ataekina au euangkerio n ai aron bwanaan te bbu, n te ngaina ao te bong. Ao N na anganna te korakora ae e aki ataaki i buakoia aomata.

13 Tai bubuti ibukin te akakai, ma tii ngkana I btuangkami, ma tii ckanakoaia driaboro, ekamarurungaia aoraki, ao kaitaraaia naeta aika a fkamamate, ao kaitaraan bwaai aika a kamamate;

14 Ao abwaai aikai ae kam na aki karaoi, ma tii ngkana kam kainanoaki irouia naake a tangiria, bwa e aonga ni kakoroaki bukin koroboki aika tabu; bwa kam na karaoa are e kaineti nakon are e koreaki.

15 Ao n taabo nako ake kam na arin iai, ao a aki butimwaingkami n arau, kam na katuka te maraia n onean mwiin te kakabwaia, ni kanakoan bbubun waemi ni kaitaraia bwa te kakoaua, ao ni kaitiaki waemi i nanon mwanangami.

16 Ao e na koro bukina bwa ane e katoka baina i aomi ni kaikoakingkami, kam na tua bwa a na oreaki n arau; ao, nooria, N na oreia ni kaineti nakon ami taeka, ni bon oin au tai.

17 Ao ane e nakon te tua ma ngkoe e na kamaraiaaki n te tua.

18 Ao ko na aki uota am abwauti ni mwane ke am baeki, ke okomi, ke uoua ami kabaraaki, bwa e na anganingkami te ekaretia n te tai naba are kam kainnanoia ibukin kanami ao ibukin te kunnikai, ao ibukin te kau ao ibukin te mwane, ao ibukin te baeki.

19 Bwa ko weteaki bwa ko na aereere n au nne ni kurebe ma te ereere ae e korakora, eng, ibukin naba te kabanea n tai; eng, ao ni kabane naba naake ko a tia ni bkatabuia, ao a na karaoia ni kaineti nakon te banna ni katooto aio. Amen.