ພາກທີ 24
ການເປີດເຜີຍທີ່ມອບໃຫ້ແກ່ໂຈເຊັບ ສະມິດ ຜູ້ເປັນສາດສະດາ ແລະ ອໍລີເວີ ຄາວເດີຣີ, ທີ່ເມືອງຮາມໂມນີ ລັດເພັນໂຊເວເນຍ, ເດືອນກໍລະກົດ 1830. ເຖິງແມ່ນວ່າເວລາຜ່ານໄປຍັງບໍ່ເຖິງສີ່ເດືອນນັບຕັ້ງແຕ່ສາດສະໜາຈັກຖືກຈັດຕັ້ງຂຶ້ນ, ແຕ່ການຂົ່ມເຫັງໄດ້ເລີ່ມຮຸນແຮງຫລາຍຂຶ້ນ, ແລະ ຜູ້ນຳຕ້ອງໄດ້ລີ້ຊ່ອນຕົວຢູ່ເປັນບາງເວລາ. ການເປີດເຜີຍສາມຢ່າງດັ່ງຕໍ່ໄປນີ້ ຖືກມອບໃຫ້ໃນເວລານີ້ເພື່ອເພີ່ມຄວາມເຂັ້ມແຂງ, ໃຫ້ກຳລັງໃຈ, ແລະ ໃຫ້ຄຳແນະນຳເຂົາເຈົ້າ.
1–9, ໂຈເຊັບ ສະມິດ ຖືກເອີ້ນໃຫ້ແປ, ສັ່ງສອນ, ແລະ ຊີ້ແຈງພຣະຄຳພີ; 10–12, ອໍລີເວີ ຄາວເດີຣີ ຖືກເອີ້ນໃຫ້ສັ່ງສອນພຣະກິດຕິຄຸນ; 13–19, ມີການເປີດເຜີຍກົດກ່ຽວກັບສິ່ງມະຫັດສະຈັນ, ການສາບແຊ່ງ, ການສັ່ນຝຸ່ນຈາກຕີນ, ແລະ ການເດີນທາງປາດສະຈາກກະເປົາເງິນ ຫລື ກະເປົາເຄື່ອງ.
1 ຈົ່ງເບິ່ງ, ເຈົ້າຖືກເອີ້ນ ແລະ ຖືກເລືອກໃຫ້ຂຽນພຣະຄຳພີມໍມອນ, ແລະ ມາສູ່ການປະຕິບັດສາດສະໜາກິດຂອງເຮົາ; ແລະ ເຮົາໄດ້ຍົກເຈົ້າຂຶ້ນຈາກຄວາມທຸກທໍລະມານຂອງເຈົ້າ, ແລະ ໄດ້ແນະນຳເຈົ້າ, ຈົນວ່າເຈົ້າໄດ້ຖືກປົດປ່ອຍຈາກສັດຕູຂອງເຈົ້າ, ແລະ ເຈົ້າໄດ້ຖືກປົດປ່ອຍຈາກອຳນາດຂອງຊາຕານ ແລະ ຈາກຄວາມມືດ!
2 ເຖິງຢ່າງໃດກໍຕາມ, ເຈົ້າບໍ່ມີຂໍ້ແກ້ຕົວກ່ຽວກັບ ກການລ່ວງລະເມີດຂອງເຈົ້າ; ເຖິງຢ່າງໃດກໍຕາມ, ຈົ່ງໄປຕາມທາງຂອງເຈົ້າ ແລະ ຢ່າເຮັດບາບອີກຕໍ່ໄປ.
3 ຈົ່ງ ກຂະຫຍາຍໜ້າທີ່ຂອງເຈົ້າ; ແລະ ຫລັງຈາກເຈົ້າໄດ້ຫວ່ານທົ່ງຂອງເຈົ້າ ແລະ ດູແລມັນແລ້ວ, ໃຫ້ເຈົ້າຟ້າວໄປຫາໜ່ວຍຂອງສາດສະໜາຈັກທີ່ເມືອງ ຂໂຄນສະວຽວ, ເມືອງເຟແອດ, ແລະ ເມືອງແມນເຈດສະເຕີ, ແລະ ພວກເຂົາຈະ ຄສະໜັບສະໜູນເຈົ້າ; ແລະ ເຮົາຈະປະທານພອນໃຫ້ແກ່ພວກເຂົາທັງທາງຝ່າຍວິນຍານ ແລະ ທາງຝ່າຍໂລກ;
4 ແຕ່ຖ້າຫາກພວກເຂົາບໍ່ຮັບເອົາເຈົ້າ, ເຮົາຈະສົ່ງການສາບແຊ່ງມາເທິງພວກເຂົາແທນທີ່ຈະສົ່ງພອນ.
5 ແລະ ເຈົ້າຈົ່ງສືບຕໍ່ເອີ້ນຫາພຣະເຈົ້າໃນນາມຂອງເຮົາ, ແລະ ຂຽນສິ່ງທີ່ຈະຖືກມອບໃຫ້ເຈົ້າໂດຍ ກພຣະຜູ້ປອບໂຍນ, ແລະ ຊີ້ແຈງພຣະຄຳພີທັງໝົດຕໍ່ສາດສະໜາຈັກ.
6 ແລະ ມັນຈະຖືກມອບໃຫ້ເຈົ້າໃນເວລາທີ່ເຈົ້າຈະ ກກ່າວ ແລະ ຂຽນ, ແລະ ພວກເຂົາຈະໄດ້ຍິນມັນ, ຖ້າບໍ່ດັ່ງນັ້ນເຮົາຈະສົ່ງການສາບແຊ່ງມາເທິງພວກເຂົາແທນທີ່ຈະສົ່ງພອນ.
7 ເພາະເຈົ້າຈະອຸທິດ ກການຮັບໃຊ້ທັງໝົດຂອງເຈົ້າໃນຊີໂອນ; ແລະ ໃນການນີ້ ເຈົ້າຈະມີພະລັງ.
8 ຈົ່ງ ກອົດທົນກັບ ຂຄວາມທຸກທໍລະມານ, ເພາະເຈົ້າຈະມີຫລາຍ; ແຕ່ ຄຈົ່ງອົດທົນກັບມັນ, ເພາະ, ເບິ່ງແມ, ເຮົາຢູ່ນຳເຈົ້າ, ແມ່ນແຕ່ຈົນເຖິງວັນເວລາ ງສຸດທ້າຍຂອງເຈົ້າ.
9 ແລະ ໃນການອອກແຮງທາງຝ່າຍໂລກ ເຈົ້າຈະບໍ່ມີພະລັງ, ເພາະສິ່ງນີ້ບໍ່ແມ່ນການເອີ້ນຂອງເຈົ້າ. ຈົ່ງເອົາໃຈໃສ່ຕໍ່ ກການເອີ້ນຂອງເຈົ້າ ແລະ ເຈົ້າຈະມີສິ່ງທີ່ເຈົ້າຕ້ອງການເພື່ອຂະຫຍາຍໜ້າທີ່ຂອງເຈົ້າ, ແລະ ຊີ້ແຈງ ພຣະຄຳພີທັງໝົດ, ແລະ ສືບຕໍ່ໃນການວາງມື ແລະ ການຢືນຢັນໃນໜ່ວຍຂອງສາດສະໜາຈັກ.
10 ແລະ ອ້າຍນ້ອງຂອງເຈົ້າ ອໍລີເວີ ຈະສືບຕໍ່ເປັນພະຍານເຖິງນາມຂອງເຮົາຕໍ່ໂລກ, ແລະ ຕໍ່ສາດສະໜາຈັກນຳອີກ. ແລະ ລາວຈະບໍ່ຕ້ອງຄິດວ່າ ລາວກ່າວພຽງພໍແລ້ວໃນອຸດົມການຂອງເຮົາ; ແລະ ເບິ່ງແມ, ເຮົາຈະຢູ່ນຳລາວຈົນເຖິງທີ່ສຸດ.
11 ໃນເຮົາ ລາວຈະມີລັດສະໝີພາບ, ແລະ ບໍ່ແມ່ນຈາກລາວເອງ, ບໍ່ວ່າໃນຄວາມອ່ອນແອ ຫລື ໃນຄວາມເຂັ້ມແຂງ, ບໍ່ວ່າໃນພັນທະການ ຫລື ອິດສະລະ;
12 ແລະ ໃນທຸກເວລາ, ແລະ ໃນທຸກແຫ່ງ, ລາວຈະເປີດປາກຂອງລາວ ແລະ ກປະກາດພຣະກິດຕິຄຸນຂອງເຮົາຄືກັບວ່າສຽງ ຂແກ, ທັງເວັນ ແລະ ຄືນ. ແລະ ເຮົາຈະມອບພະລັງໃຫ້ລາວ ຢ່າງທີ່ບໍ່ຮູ້ມາກ່ອນໃນບັນດາມະນຸດ.
13 ຢ່າຮຽກຮ້ອງ ກສິ່ງມະຫັດສະຈັນ, ຍົກເວັ້ນແຕ່ເຮົາຈະ ຂບັນຊາເຈົ້າ, ຍົກເວັ້ນແຕ່ໃນການ ຄຂັບໄລ່ ງຜີມານ, ຈປິ່ນປົວຄົນເຈັບປ່ວຍ, ແລະ ແກ້ ສພິດງູ, ແລະ ແກ້ພິດຮ້າຍເຖິງຕາຍເທົ່ານັ້ນ;
14 ແລະ ກສິ່ງເຫລົ່ານີ້ເຈົ້າຈະບໍ່ເຮັດ, ຍົກເວັ້ນແຕ່ຖືກຮຽກຮ້ອງໃຫ້ເຮັດໂດຍຄົນທີ່ປາດຖະໜາມັນເທົ່ານັ້ນ, ເພື່ອວ່າພຣະຄຳພີຈະສຳເລັດຄົບຖ້ວນ; ເພາະເຈົ້າຈະເຮັດຕາມທີ່ມີຂຽນໄວ້.
15 ແລະ ໃນບ່ອນໃດກໍຕາມທີ່ເຈົ້າຈະ ກເຂົ້າໄປ, ແລະ ເຂົາບໍ່ຮັບເອົາເຈົ້າໃນນາມຂອງເຮົາ, ເຈົ້າຈົ່ງຝາກການສາບແຊ່ງແທນທີ່ຈະຝາກພອນ, ໂດຍການສັ່ນ ຂຝຸ່ນດິນອອກຈາກຕີນຂອງເຈົ້າໄວ້ເປັນປະຈັກພະຍານຕໍ່ຕ້ານພວກເຂົາ, ແລະ ລ້າງຕີນຂອງເຈົ້າຢູ່ຂ້າງທາງ.
16 ແລະ ເຫດການຈະບັງເກີດຂຶ້ນຄື ຜູ້ໃດກໍຕາມທີ່ຈະຈັບກຸມເຈົ້າດ້ວຍຄວາມຮຸນແຮງ, ເຈົ້າຈົ່ງບັນຊາໃຫ້ເຂົາຖືກລົງທັນໃນນາມຂອງເຮົາ; ແລະ, ຈົ່ງເບິ່ງ, ເຮົາຈະລົງທັນເຂົາຕາມຖ້ອຍຄຳຂອງເຈົ້າ, ໃນເວລາອັນເໝາະສົມຂອງເຮົາເອງ.
17 ແລະ ຜູ້ໃດກໍຕາມທີ່ຈະໃຊ້ກົດໝາຍກັບເຈົ້າ ເຂົາຈະຖືກກ່າວໂທດດ້ວຍກົດໝາຍ.
18 ແລະ ເຈົ້າຈະບໍ່ເອົາ ກກະເປົາເງິນ ຫລື ກະເປົາເຄື່ອງໄປນຳ, ທັງບໍ່ມີໄມ້ຄ້ອນເທົ້າ, ທັງບໍ່ໃຫ້ມີເສື້ອໃຫຍ່ສອງໂຕ, ເພາະສາດສະໜາຈັກຈະມອບມັນໃຫ້ແກ່ເຈົ້າໃນຊົ່ວໂມງທີ່ເຈົ້າຕ້ອງການອາຫານ ແລະ ເຄື່ອງນຸ່ງຫົ່ມ, ແລະ ເກີບ ແລະ ເງິນຄຳ, ແລະ ເຄື່ອງຂອງ.
19 ເພາະເຈົ້າຖືກເອີ້ນໃຫ້ ກລິງ່າສວນອະງຸ່ນຂອງເຮົາ ດ້ວຍການລິງ່າເທື່ອໃຫຍ່ຍິ່ງ, ແທ້ຈິງແລ້ວ, ແມ່ນແຕ່ເປັນເທື່ອສຸດທ້າຍ; ແທ້ຈິງແລ້ວ, ແລະ ທຸກຄົນຜູ້ທີ່ເຈົ້າໄດ້ ຂແຕ່ງຕັ້ງນຳອີກ, ແລະ ພວກເຂົາຈະເຮັດ ແມ່ນແຕ່ຕາມແບບແຜນນີ້. ອາແມນ.