Benneg 24
Paltiing a naited kada Joseph Smith a Propeta ken Oliver Cowdery, iti Harmony, Pennsylvania, idi Hulio 1830 (History of the Church, 1:101–103). Nupay nakurang nga uppat a bulan ti napalabas manipud iti pannakabukel ti Simbaan, kimmaro ti pannakaidadanes, ket nagsapul dagiti dadaulo iti pakaisalakananda iti isisinada no dadduma. Naited dagitoy sumaganad a tallo a paltiing iti daytoy a kanito a mangpapigsa, mamaregta, ken mangiturong kadakuada.
1–9, Natudingan ni Joseph Smith nga agipatarus, mangasaba, ken mangilawlawag iti nasantuan a kasuratan; 10–12, Natudingan ni Oliver Cowdery a mangikasaba iti ebanghelio; 13–19, Naipalgak ti paglintegan a mainugot kadagiti milagro, panangilunod, panangipagpag iti tapok dagiti dapan, ken ipapan nga awanan iti petaka wenno supot.
1 Adtoy, natudingan ken napilika a mangisurat iti Libro ni Mormon, ken iti panagserbik; ket intag-ayka manipud iti rigrigatmo, ken binagbagaanka, a maisalakanka kadagiti amin a kabusormo, ken maisalakanka kadagiti bileg ni Satanas ken iti kasipngetan!
2 Nupay kasta, saanka a maidaddaduma kadagiti apagbasolam; nupay kasta, mapankan ket saankan nga agbasol.
3 aIpategmo ti akemmo; ket kalpasan ti panangsukaymo iti kataltalonam ken nataripatom idan, mapanka a dagus iti simbaan nga adda iti bColesville, Fayette, ken Manchester, ket ctulongandakanto; ket bendisionakto ida iti naespirituan ken naindagaan;
4 Ngem no saandaka nga awaten, itdek kadakuada ti lunod imbes a bendision.
5 Ket ituloymo ti agkararag iti Dios iti naganko, ken isuratmonto dagiti banag nga ited kenka ti aMangliwliwa, ket ilawlawagmo amin dagiti nasantuan a kasuratan iti simbaan.
6 Ket maitedto kenka iti dayta met la a kanito ti ania man a asawen ken isuratmo, ket mangngegdanto, wenno itdekto kadakuada ti lunod imbes a bendision.
7 Ta ipaaymonto amin a aserbisiom iti Zion; ket iti daytoy maaddaankanto iti pigsa.
8 aAganuska kadagiti brigrigatmo, ta adunto ti lak-amem; ngem cibturam ida, ta, adtoy, addaak kenka, agingga iti dgibus dagiti aldawmo.
9 Ket awanto ti pigsam kadagiti naindagaan a trabaho, ta saan a daytoy ti naituding kenka. Sanguem ti anaituding kenka ket maaddaankanto iti takem a patgen, ken mangilawlawag kadagiti amin a nasantuan a kasuratan, ket ituloymo nga ipatay dagiti dakulapmo ken mangpatalged kadagiti simbaan.
10 Ket ituloyto ni kabsatmo nga Oliver a paneknekan ti naganko iti lubong, ken kasta met iti simbaan. Ket dinanto ipagarup a makapagsao iti umdas a para kaniak; ket adtoy, addaakto kenkuana agingga iti panungpalan.
11 Maaddaanto iti dayag kaniak, a saan ketdi a kenkuana, iti man kinakapsut wenno iti kinapigsa, iti man pannakabalud wenno iti pannakawayawaya;
12 Ket iti amin a kanito, ken iti amin a lugar, luktannanto ti ngiwatna ket aipakdaarnanto ti ebangheliok a kas iti aweng ti btrumpeta, iti aldaw ken iti rabii. Ket ikkakto iti pigsa a di ammo dagiti tao.
13 Dikayo agsapul iti amilagro, malaksid no bbilinenkayo, malaksid iti cpanangpaksiat iti dsairo, epanagagas iti masakit, ken pangbusor kadagiti fnagita nga uleg, ken maibusor kadagiti makapatay a sabidong;
14 Ket saanyo nga aramiden adagitoy a banag, malaksid no kasapulan kadakayo dagiti agtarigagay, tapno maipatungpal dagiti nasantuan a kasuratan; ta aramidenyo a maibatay iti naisurat.
15 Ket iti sadino man a lugar a aserkanyonto, ket saandakayo nga awaten iti naganko, mangibatikayo iti lunod imbes a bendision, babaen ti panangpagpagyo iti btapok dagiti dapanyo a maibusor kadakuada a kas pammaneknek, ken panangdalusyo kadagiti dapanyo iti igid ti dalan.
16 Ket mapasamakto nga asino man a mangdangran kadakayo, bilinenyo a masaplit iti naganko; ken, adtoy, saplitekto ida a maibatay iti balikasyo, iti naituding a panawenko.
17 Ket asino man a mangisaklang kenka iti linteg mailunodto babaen ti paglintegan.
18 Ket saankanto a mangitugot iti apetaka wenno supot, wenno alikamen, wenno dua a pagimeng, ta ikkannakanto ti simbaan iti kanito a masapulmo ti taraon ken aruaten, ken sapatos ken kuarta, ken supot.
19 Ta natudinganka a amangpukis iti bangkagko iti naindaklan a panangpukis, wen, agingga iti maudi a kanito; wen, ken kasta met dagiti amin nga binordenam, ket aramidendanto a maibatay iti daytoy a pagtuladan. Amen.