፩ ለአንቺ እየተናገርኩ ሳለ፣ ልጄ ኤማ ስሚዝ፣ የጌታ አምላክሽን ድምጽ አድምጪ፤ እውነት እልሻለሁ፣ ወንጌሌን ^ሀየሚቀበሉ ሁሉ ^ለበመንግስቴ ወንድ እና ሴት ልጆች ናቸው።

፪ ፈቀዴን በተመለከተ ራእዬን እሰጥሻለሁ፤ ታማኝ ከሆንሽ እና ^ሀበምግባረ በጎነት መንገድ በፊቴ ^ለየምትጓዢ ከሆነ፣ ህይወትሽን እጠብቀዋለሁ እናም በፅዮን ^ሐርስትን ትቀበያለሽ።

፫ እነሆ፣ ^ሀኃጢአቶችሽ ተሰርየውልሻል፣ እናም እኔ ^ለየጠራሁሽ አንቺ የተመረጥሽ ሴት ነሽ።

፬ ስላላየሻቸው ነገሮች አታጉረምርሚ፣ ከአንቺ እና ከአለም ታግደዋል፣ ይህም ወደፊት በሚመጣው በእኔ ዘንድ ጥበብ ነው።

፭ የጥሪሽ ሀላፊነት ለባለቤትሽ ለአገልጋዬ ለጆሴፍ ስሚዝ፣ ዳግማዊ በመከራው ወቅት በአበረታች ቃላት፣ በትህትና መንፈስ፣ በመስጠት ^ሀመጽናኛው እንድትሆኚው ነው።

፮ እናም በሚሄድበት ጊዜ አብረሽው ትሄጂያለሽ፣ እናም አገልጋዬን ኦሊቨር ካውድሪን ወደፈቀድኩበት ስፍራ እልከው ዘንድ፣ የሚጽፍለት ሰው ሳይኖር ለእርሱም ጸሀፊም ትሆኛለሽ።

፯ ቅዱሳን መጻህፍትን ለማብራራት እናም መንፈሴ እንደሰጠሽ ቤተክርስቲያኗን ታበረታቺ ዘንድ፣ በእርሱም እጅ ^ሀትሾሚያለሽ።

፰ ^ሀእጁንም በራስሽ ላይ ይጭናል እናም መንፈስ ቅዱስን ትቀበያለሽ፣ እናም ጊዜሽ ለመጻፍ እና ብዙ ለመማር የተሰጠ ይሆናል።

፱ እናም ባለቤትሽ ቤተክርስቲያን ውስጥ ስለሚረዳሽ መፍርሀት የለብሽም፤ እንደ እምነታቸው፣ እንደ ፈቃዴ፣ ሁሉም ነገሮች ^ሀይገለጡላቸው ዘንድ፣ የእርሱ ^ለጥሪ ለእነርሱ ነው።

፲ እናም እውነት እልሻለሁ የዚህን ^ሀአለም ^ለነገሮች ወደጎን ትተያቸዋለሽ እናም የተሻሉ ነገሮችን ^ሐትሺያለሽ።

፲፩ እናም እንዲሁም፣ በቤተክርስቲያኔ ውስጥ መኖራቸው ይህም ስለሚያስደስተኝ፣ እንደሚሰጥሽም መጠን የተቀደሱ ^ሀመዝሙሮችን ትመርጪ ዘንድ ይሰጥሻል።

፲፪ ^ሀከልብ ከሆነ ^ለዝማሬ ነፍሴ ትደሰታለችና፣ አዎን የጻድቅን መዝሙር በእኔ ዘንድ ጸሎት ነው፣ በረከትንም በራሳቸው ላይ በማድረግ ይመለስላቸዋልና።

፲፫ ልብሽን አቅኚ እናም ተደሰቺ፣ እና ከገባሽውም ቃል ኪዳን ጋርም ተጣበቂ።

፲፬ ^ሀበትህትና መንፈስ ቀጥዪ፣ እናም ^ለከትዕቢትም ተጠበቁ። ነፍስሽ በባልሽ እናም በእርሱ ላይ በሚመጣው ክብር ሀሴትን ታድርግ።

፲፭ ዘወትር ትእዛዛቴን ጠብቂ፣ እናም ^ሀየጽድቅ ^ለአክሊልን ትቀበያለሽ። ይህንን ባታደርጊ፣ እኔ ወዳለሁበት ስፍራ መምጣት ^ሐአትችዪምና።

፲፮ እናም እውነት፣ እውነት እልሻለሁ፣ ለሁሉም የሆነው ይህ የእኔ ^ሀድምጽ ነው። አሜን።