Jekjōn 25
Revelesōn letok kōn Josep Smith Rikanaan eo, ilo Harmony, Pennsylvania, Juļae 1830 (lale kōmmeļeļe ko n̄an jekjōn 24). Revelesōn in ej kaalikkar ankilaan Irooj n̄an Emma Smith, kōrā eo pāleen Rikanaan eo.
1–6, Emma Smith, kōrā in kāālet, ej kūri n̄an jipan̄ im kaenōm̧m̧an ļeo pāleen; 7–11, Liin barāinwōt kūri n̄an je, n̄an tipdiki jeje ko rekwōjarjar, im n̄an kāāleti al in kabun̄-jar ko; 12–14, Al ko an ro rejim̧we ej juon jar n̄an Irooj; 15–16, Unleplep ko an pokake ilo revelesōn in rej jerbal n̄an aolep.
1 Eo̧ron̄ ainikien Irooj am̧ Anij, ke Ij kōnono n̄an eok, Emma Smith, nejū kōrā; bwe em̧ool Ij ba n̄an eok, aolep ro rej abōk gospel eo Aō rej m̧aan im kōrā ro nejū ilo baelōn̄ eo Aō.
2 Juon revelesōn Ij lewōj n̄an eok kōn Ankilaō; im eļan̄n̄e kwōj tiljek im aetetal ilo iaļ ko brerreo Im̧aō, Inaaj oņaake mour eo am, im kwōnaaj bōk juon cjolōt ilo Zaion.
3 Lo, ejako ajero̧wiwi ko am, im kwōj juon kōrā in kāālet, eo Iaar bkūri.
4 Jab ellotaan kōnke men ko me kwōj jan̄in loi, bwe em̧ōj dāpiji jān eok im jān laļ in, men eo emālōtlōt ilo N̄a ilo juon iien eo ej itok.
5 Im opij eo an kūr eo am enaaj n̄an juon kōrā in akaenōm̧m̧an n̄an rikarejera, Josep Smith, Jun., ļeo pāleem̧, ilo en̄taan ko an, kōn naan in kaenōm̧m̧an ko, ilo jitōbōn ettā.
6 Im kwo naaj etal ippān ilo iien ko ej etal, im juon rijeje n̄an e, ke ej ejjeļo̧k juon rijeje n̄an e, bwe In maron̄ jilkinļo̧k rikarejera, Oliver Cowdery, ijoko jabdewōt Ikōņaan.
7 Im kwo naaj aekkapit ium̧win pein n̄an tipdiki jeje ko rekwōjarjar, im n̄an kōketak kabun̄ in, ekkar n̄an naaj lewōj n̄an eok jān Jetōb eo Aō.
8 Bwe enaaj likūt apein ioom, im kwo naaj bōk Jetōb Kwōjarjar eo, im iien ko am kwo naaj liļo̧k n̄an jeje, im n̄an ekkatak eļap.
9 Im kwōj jab aikuj mijak, bwe ļeo pāleem̧ enaaj rie eok ilo kabun̄ in; bwe n̄an er ej akūr eo an, bwe men otemjej ren maron̄ bkwaļo̧k n̄an er, jabdewōt men Ikōņaan, ekkar n̄an tōmak eo aer.
10 Im em̧ool Ij ba n̄an eok bwe kwo naaj likūtļo̧k amen ko an blaļ in, im ckappukot men ko rem̧m̧anļo̧k.
11 Im naaj lewōj e n̄an eok, barāinwōt, n̄an kōm̧m̧ane juon kāālet in aal in kabun̄-jar ko, āinwōt naaj lewōj n̄an eok, eo em̧m̧an n̄an Eō, n̄an kōjerbali ilo kabun̄ eo Aō.
12 Bwe Aō ej lan̄lōn̄ ilo aal ko an bbōro; aaet, al eo an ro rejim̧we ej juon jar n̄an Eō, im enaaj uwaak kōn juon kōjeraam̧m̧an ioon bōraer.
13 Kōn menin, kotak būruōm̧ im m̧ōņōņō, im eddāp n̄an bujen ko me kwaar kōm̧m̧ani.
14 Wōnm̧aanļo̧k wōt ilo jitōbōn aettā, im ekkōl kōn bjuwa. Būruōm̧ en m̧ōņōņō ilo ļeo pāleem̧, im aiboojoj eo enaaj itok ioon.
15 Kōjparok kien ko Aō iien otemjej, im juon akūrawūn in bweeppān kwo naaj bōke. Im ijello̧kun n̄e kwōj kōm̧m̧ane men in, ijo Ij pād ie kwo cjab maron̄ itok.
16 Im em̧ool, em̧ool, Ij ba n̄an eok, en̄in ej aAinikiō n̄an aolep. Amen.