1 Lisin long voes blong Jisas Kraes, Lod blong yu, God blong yu, mo Ridima blong yu, we toktok blong hem i ^alaef mo i gat paoa.

2 From luk, mi talem long yufala, i nomata wanem nao yufala i kakae o wanem nao yufala i dring taem yufala i tekem ^asakramen, sapos nomo yufala i mekem wetem wan ae we i lukluk nomo long ^bglori blong mi—taem yufala i tingbaot long fored blong Papa, bodi ia blong mi we mi givim from yufala, mo ^dblad blong mi ia we i bin ron, blong yufala i ^ekam klin aot long ol sin blong yufala.

3 Taswe, wan komanmen mi givim long yufala, se bambae yufala i no mas pem waen o wan strong drink long ol enemi blong yufala;

4 Taswe, yufala i no save tekem mo dring waen ia, be nomo sapos yufala i mekem yufalawan nomo; yes, insaed long kingdom ia blong Papa blong mi we i stanap long wol ia.

5 Luk, mi talem se hemia i waes; taswe, yufala i no sapraes; aoa ia bae i kam taem bae mi ^adring frut blong grep wetem yufala long wol ia, mo wetem ^bMoronae, we mi bin sendem hem long yufala blong soemaot Buk blong Momon we i tekem ful gospel blong mi we i no gat en, mo tu, we mi givim hem ol ki blong histri blong ^dstik blong laen blong Efrem;

6 Mo tu, wetem ^aElaeas, we mi givim ol ki blong mekem i hapen, wok ia blong putumbak evri samting we evri tabu profet i bin talem, stat long stat blong wol, long saed blong ol las dei;

7 Mo tu, wetem Jon, boe blong Sakaraeas, we Sakaraeas ia, hem (^aElaeas) i bin visitim mo givim hem promes se bae hem i gat wan boe, mo nem blong hem bae i ^bJon, mo bambae hem i fulap wetem spirit blong Elaeas;

8 Mo Jon ia, mi bin sendem hem i kam long yutufala, ol wokman blong mi, Josef Smit Junia mo Oliva Kaodri, blong hem i odenem yutufala long fas ^aprishud we yutufala i bin kasem, blong Lod i save singaotem mo ^bodenem yutufala semmak olsem ^dEron.

9 Mo tu, wetem ^aElaeja, we mi bin givim hem ol ki blong paoa blong ^btanem hat blong ol papa i go long ol pikinini, mo hat blong ol pikinini i go long ol papa, blong Lod i no kilim ful wol ia wetem wan strong nogud tok.

10 Mo tu, wetem Josef mo Jekob, mo Aesak, mo Ebraham, ol papa blong yutufala, we tru long olgeta, ol ^apromes ia oli stap laef yet;

11 Mo tu, wetem Mikael, o ^aAdam, papa blong evriwan, prins blong evriwan, olfala blong taem bifo;

12 Mo tu, wetem Pita, mo Jemes, mo Jon, we mi sendem olgetatri i kam long yutufala, we tru long olgetatri mi bin ^aodenem yutufala mo konfemem yutufala blong kam ol ^baposol, mo ol spesel ^dwitnes blong nem blong mi, mo blong gat ol ki blong seves blong yutufala mo blong ol sem samting ia we mi bin talemaot long olgetatri;

13 we mi bin ^agivim long tufala ol ^bki blong kingdom blong mi, mo wan ^ddispensesen blong ^egospel ia blong ol ^flas taem ia; mo blong en blong taem we ^gevri wok blong God i kamtru, we bae mi putum evri samting i kam ^hwan, tugeta ol samting we oli stap long heven, mo ol samting we oli stap long wol;

14 Mo tu, wetem evriwan ia we Papa i bin ^agivim long mi long wol ia.

15 Taswe, leftemap hat blong yufala mo stap glad, mekem yufalawan i rere, mo putum long yufala ^aful klos blong faet blong mi, blong yufala i save stanap agensem rabis dei ia, from we yufala i mekem evri samting finis, blong yufala i save ^bstanap.

16 Nao stanap, wetem ^atrutok we i ^braonem wes blong yufala, wetem ^djesplet blong ^estret mo gud fasin antap long yufala, mo wetem leg blong yufala we i stanap wetem wok blong rere long gospel blong ^fpis, we mi bin sendem ol ^genjel blong mi blong givim long yufala;

17 Mo wetem sil blong fet we tru long hem, bae yufala i save blokem evri spia blong ^afaea blong olgeta we oli nogud;

18 Mo tekem hat blong fasin blong sevem man, mo naef blong faet blong Spirit blong mi we bae mi kapsaetem long yufala, mo toktok blong mi we bambae mi talemaot long yufala, mo yufala i agri long saed blong evri samting we yufala i askem long mi, mo yufala i mas stap fetful kasem taem we mi kam, mo bae yufala i ^ago antap long heven, blong mekem se ples we mi mi stap long hem, bambae yufala ^btu i stap long hem. Amen.