Mwakoro 27
Kaotioti ae kaotaki nakon Iotebwa Timiti te Burabeti, i Harmony, Pennsylvania, n Aokati 1830. N te katauraoi ibukin botakin te ekaretia are e na katabuaki ao ni kabutaki iai te toa ni kariki ao te wain, e nako Iotebwa n anaa te wain. E kaitiboo ma te tia uarongorongo mai karawa ao e karekea te kaotioti aio, mwakorona e koreaki n te tai anne ao nikirana n Tebetembwa ae na roko. E a kamanenaaki ngkai te ran n onean mwiin te wain n tain te botaki n toa n te Ekaretia.
1–4, A kabwarabwaraaki kanikina ake a na kamanenaaki ni kanakin te toa; 5–14, Kristo ao Ana taan mwakuri man taian mwioko n tararua ni kabane, a na riai ni kana te toa; 15–18, Katoka i aom ana bwai ni buaka nako te Atua.
1 Kakauongo nakon bwanaan Iesu Kristo, ami Uea, Atuami, ao te Tia Kaboingkami, are e amaiu ao ni mwaaka ana taeka.
2 Bwa, nooria, I tuangkami, bwa e aki kakawaki bwa tera ae kam na kanna ke tera ae kam na nimma ngkana kam kana te atoa, ma ti ngkana kam karaoia ni mata teuana nakon bmimitongiu—ni kauringakin rabwatau i matan te Tama are e kaweneaki i nano ibukimi, ao crarau are e waanako ibukin dkamaunaan ami bure.
3 Mangaia are, te tua ae I anganingkami, bwa kam naaki kabooi wain ke mooi aika a matoatoa mai irouia ami kairiribai;
4 Mangaia ae, akea ae kam na nimma tii ngkana e karaoaki mai iroumi; eng, n aio are abanuean Tamau are e na karikirakeaki i aon te aba.
5 Nooria, aio bon te wanawana irou; mangaia ae, tai miimi, bwa e a roko te aoa are N nang anima iai uaan te kurebe ma ngkoe i aon te aba, ao ma bMoronaai, are I kanakoa nakoim bwa e na kaota Ana Boki Moomon, are kanoana bwaninin au euangkerio ae akea tokina, are ngaia are I onimakinna ni kiingin rongorongon aia ckai tibun Eberaim.
6 Ao ma aEriati naba, are ngaia are I onimakinna ni kiingin kakoroan bukin manga kaokakin bwaai ni kabane ake a taekinaki ni wiia ni kabane burabeti aika tabu ake ngkoa man te tai are moan rikin te aonaba, ni kaineti ibukin boong aika kaitira;
7 Ao Ioane naba are natin Takaria, are Takaria are e kawaraki iroun aEriati ao n anganna te berita bwa e na reke natina te mwaane, ao arana bon bIoane, ao e na kaonaki n tamnein Eriati;
8 Are Ioane are N na kanakoa nakoimi, au taan mwakuri, aika Iotebwa Timiti te Ataei, ao Oliver Cowdery, bwa e na katabuingkami nakon te moan anakoanibonga are kam a tia ni karekea, bwa kam aonga ni weteaki ao ni bkatabuaki n aron cAaron;
9 Ao aEria naba, are ngaia are I onimakinna ni kiingin te mwaaka n brairi nanoia taama nakoia natiia, ao nanoia naati nakoia taama, bwa e aonga n aki oreaki te aonaba n te maraia;
10 Ao ma Iotebwa ao Iakobwa, ao Itaaka, ao Aberaam naba, are ami bakatibu, are mai irouia ae e reitinako taian aberita;
11 Ao ma Mikaera naba, ke aAtam, tamara ni kabane, te mataniwi i aora ni kabane, are iai ma ngkoa;
12 Ao ma Betero naba, ao Iakobo, ao Ioane, ake I kanakoia nakoimi, mai irouia are I akatabuingkami ao ni kamatoaingkami bwa babotoro, ao ctaan kakoaua aika a okoro ibukin arau, ao iai irouia kiingin ami mwakuri n ibuobuoki ao bwaai naba ake I kaoti nakoia;
13 Nakoimi are I aonimakiningkami ni bkiingin abanueau, ao ctibwauakin te deuangkerio ibukin te ekabanea n tai; ao ibukin fkororaoin bongina, are N na booti ni gkatiteuanai bwaai ni kabane, ake bwain karawa, ao ake bwain aon te aba;
14 Ao ma naake ni kabane naba are e aanganai Tamau mai buakon te aba.
15 Mangaia are, tabekaarake nanom ao kimwareirei, ao kabaea nukam, ao kaaki i aom au abwai ni buaka ni kabane, bwa ko aonga ni kona ni kaaitara te bong ae buakaka, i mwin karaoan bwaai ni kabane, bwa ko aonga ni kona n btei.
16 Mangaia are, teei, ni akabaei nukami ma te bkoaua, ao cotangan bwabwaami te draoiroi, ao n rabunaki waem ma te katauraoi n te euangkerio n eraoi, are I a tia ni kanakoia au fanera nakoim bwa a na onimakiniko iai.
17 Ao ko riai n anaa te otanga are te onimaki are ko na kona iai ni katokii ni kabane aia kai ni katebe aika aura naake a buakaka;
18 Ao n uota te bwara te biti ni kamaiu, ao ana kabaang Tamneiu, are N na kabwaroa nako aom, ao au taeka are I kaotia nakoim, ao ni boraraoi ni kaineti ma bwaai ni kabane are ko bubuti iai nakoiu, ao ni kakaonimaki ni karokoa I roko, ao ko na auotaki rake, bwa ike I mena iai ko na mena bnaba iai. Amen.