Jekjōn 28
Revelesōn letok kōn Josep Smith Rikanaan eo n̄an Oliver Cowdery, ilo Fayette, New York, Jeptōm̧ba 1830. Hiram Page, juon uwaan Kabun̄ in, eaar wōr ippān juon dekā im eaar kōmājāje ke eaar bōki revelesōn ko jān jipan̄ eo an kōn eddekļo̧k eo an Zaion im karkan Kabun̄ in. Elōn̄ uwaan Kabun̄ rekar po lo ilo naan in m̧oņ kein, im em̧ool Oliver Cowdery eaar bōd kōn an men in jelōt e. M̧oktaļo̧k jidik jān juon kwelo̧k kar karōke, Rikanaan eo ar akweļap n̄an Irooj kōn menin, im revelesōn in eaar waļo̧k.
1–7, Josep Smith ej kabwijer ki ko in men ko rettino, im e wōt ej bōk revelesōn ko n̄an Kabun̄ in; 8–10, Oliver Cowdery ej itōn kwaļo̧k naan n̄an riLeman raņ; 11–16, Setan eaar m̧oņe Hiram Page im leļo̧k n̄an e revelesōn ko reriab.
1 Lo, Ij ba n̄an eok, aOliver, bwe naaj lewōj n̄an eok bwe kabun̄ in en ron̄jake eok ilo aolep men otemjeļo̧k kwo naaj bkatakin er jān cRikaenōm̧m̧an eo, kōn revelesōn ko im kien ko ko Iaar liwōj.
2 Ak, lo, em̧ool, em̧ool, Ij ba n̄an eok, aejjeļo̧k juon naaj jitōn̄e n̄an bōk kien ko im revelesōn ko ilo kabun̄ in ijello̧kun rikarejera bJosep Smith, Jun., bwe ej bōki em̧ool āinwōt Moses.
3 Im kwo naaj pokaki men ko me Inaaj liļo̧k n̄an e, em̧ool āinwōt aAron, n̄an kwaļo̧k ilo niknik kien ko im revelesōn ko, kōn kajoor im bmaron̄ n̄an kabun̄ in.
4 Im eļan̄n̄e tōl eok ilo jabdewōt iien jān Rikaenōm̧m̧an n̄an akōnono ak katakin, ak ilo iien otemjej jān iaļan kien n̄an kabun̄ in, kwo maron̄ kōm̧m̧ane.
5 Ak kwōn jab jeje jān iaļan kien, ak jān mālōtlōt;
6 Im kwōn jab jiron̄e eo ej pād ijōbbōram̧ ta en kōm̧m̧ane, im ej pād ijōbbōran kabun̄ in;
7 Bwe Iaar leļo̧k n̄an e aki ko in men ko brettino, im revelesōn ko me rej sil, m̧ae Inaaj kappe er n̄an bar juon ilo ijo jikin.
8 Im kiiō, lo, Ij ba n̄an eok bwe kwo naaj ilo̧k n̄an ariLeman raņ im kwaļo̧k bgospel eo Aō n̄an er; im jon̄an wōt aer bōki katak ko am kwo naaj kōm̧m̧an bwe kabun̄ eo Aō en jutak ilubwiljier; im kwo naaj bōki revelesōn ko, ak jab jei jān iaļan kien.
9 Im kiiō, lo, Ij ba n̄an eok bwe men in ej jab kwaļo̧k e, im ejjeļo̧k armej ejeļā ia eo ajikin kwelo̧k bZaion enaaj ekkal, ak naaj letok e tokālik. Lo, Ij ba n̄an eok bwe enaaj ioon tōrerein ko iturin riLeman raņ.
10 Kwōn jab likūt jikin kwelo̧k in m̧ae ālikin kwelo̧k eo; im rikarejera Josep naaj jitōn̄ e bwe en tōl ioon kwelo̧k eo jān ainikien kwelo̧k eo, im ta ej ba n̄an eok kwōn ba.
11 Im bar juon alen, kwōn bōk ļeo jeiūm̧ im jatūm, Hiram Page, aikōtaam̧ im ikōtaan make, im ba ņae e men ko me eaar jei jān dekā eo rej jab jān Eō im bwe bSetan ej cm̧oņe e;
12 Bwe, lo, men kein rekar jab jitōn̄i n̄an e, im ejjeļo̧k jabdewōt naaj jitōn̄e n̄an jabdewōt uwaan kabun̄ in eāinjuon jān bujen ko an kabun̄ in.
13 Bwe aolep men aikuj in kōm̧m̧an ilo koņ, im jān abōro wōt juon ilo kabun̄ in, jān jar in tōmak.
14 Im kwōn jipan̄ n̄an kōjjem̧ļo̧ki aolep men kein, ekkar n̄an bujen ko an kabun̄ in, m̧okta jān am naaj ilo̧k ilubwiljin riLeman raņ.
15 Im naaj alewōj e n̄an eok jān iien eo kwo naaj etal, m̧ae iien eo kwo naaj ro̧o̧ltok, ta kwo naaj kōm̧m̧an.
16 Im kwōj aikuj kōpeļļo̧ke lo̧n̄iūm iien otemjeļo̧k, im kwaļo̧k gospel eo Aō kōn ainikien lan̄lōn̄. Amen.