1 Kakauongo nakon bwanaan Iesu Kristo, te Tia Kaboko, ae Korakora ae ^aNgai, are baina n ^bnanoanga are e karaoa te ^cmwakuri ni kamaiu ibukin ami bure;

2 Are e na ^aikoikotiia ana aomata n aron te moa aine ngkana e ikoikotiia natina i aan baina, ao ni kabane ake a na ongo nakon bwanaau ao a ^bkananorinanoia imatau, ao ni wetea arau n te tataro ae korakora.

3 Nooria, e koaua, e koaua, I tuangkami, bwa n te tai aei a ^akabwaraaki ami bure, mangaia are ko karekei bwaai aikai; ma uringnga n aki manga bure, bwa mwiina e roko iaom bwaai aika buakaka are a na uruana tamneim.

4 E koaua, I tuangkami bwa kam a tia n rineaki mai i aon te aba bwa kam na taekina au euangkerio ma te bwanaa ni kimwareirei, n ai aron ^abwanaan te buu.

5 Tabekaarake nanom ao bwaina te kukurei, bwa I mena ^ai buakomi, ao ngai te ^btia tei ibukimi iroun te Tama; ao e boni kukurei nanona n anganingkami te ^cabanuea.

6 Ao, n aron ae e koreaki—bwaai nako ake kam ^abubuti n te ^bonimaki, ni ^ckatiteuanaki n te tataro ni kaineti nakon au tua, kam na bon karekei.

7 Ao kam weteaki bwa kam na kakoroa bukin ^aikoikotaia naake I a tia n ^brineia; bwa naake I a tia n rineia a ^congo bwanaau ao a aki kamatoai ^dnanoia;

8 Mangaia ae e a tia n nako te tua mai iroun te Tama bwa a na ^aikoikotaki nakon te tabo ae tii teuana i aon te aba aei, ni ^bkatauraoa nanoia ao n tauraoi ni bwaai ni kabane ni kaitaraa te bong ngkana e kanakoaki te ^ckarawawata ao te urubwai i aoia naake a buakaka.

9 Bwa e a kan roko te aoa ao te bong are e a tai iai te aonaba; ao ni kabane naake a ^akamoamoa ao naake a karaoa ae buakaka a na riki n ai aron ^bmaange; ao N na ^ckabuekiia, e taku aia Uea Taanga ni Buaka, bwa e na akea te buakaka i aon te aonaba;

10 Bwa e a kan roko te aoa, ao bwa bwaai ake a ^ataekinaki irouia au abotoro a na bon koro bukiia; bwa n aron are a taekinna e na bon koro bukina;

11 Bwa N na kaotai mai karawa ma te mwaaka ao te mimitong ae korakora, ma ^akaain karawa ni kabane, ao ni maeka inanon te ^braoiroi ma aomata n te aonaba ^ctenga te ririki, ao a na aki kona n tei naake a buakaka.

12 Ao, e koaua, e koaua, I a manga tuangkami riki, ao e a tia n otinako te tua ae matoa, bwa nanon te Tama, bwa au ^aabotoro, naake Tengaun ma Uoman ake raou n au mwakuri n ibuobuoki i Ierutarem, a na tei n angataiu n te bong are N na roko iai n te boua ae te ^bai, ni kunnikainaki n te ninira ae te raoiroi, ma te baunuea i aon atuuia, n te ^cmimitong n ai arou naba, ni ^dmotika taekan te bata are Iteraera ae bwanin, ni kabane naake a tangirai ao a kawakini au tua, ao akea riki.

13 Bwa e ananau ao n takarua tangin te ^abuu, n aron are i aon te maunga are Tinai, ao e na ruru te aonaba ni kabane, ao a na ^botinako—eng, taiani ^cmate ake a mate inanou, ni karekea ^dbaunuean te raoiroi, ao ni kunnikaiaki, ^en ai arou, ni memena irou, bwa ti aonga n riki n tii teuana.

14 Ma, nooria, I tuangkami bwa i mwaain rokon te ^abong ae kakannato aei e na roo moa ^btaai, ao e na bitaki namwakaina nakon te raraa, ao a na bwaka itoin karawa, ao a na mwaiti ^ckanikina i eta i karawa ao n te aonaba i nano;

15 Ao e na iai te tang ao te ^atatakaarua i buakoia aomata aika a mwaiti;

16 Ao e na iai te ^akarau ae te aiti mai karawa aika korakora aika a karokoaki ni kamaunai kaai n amwarake n te aonaba.

17 Ao e na koro bukina, ibukin buakakan te aonaba, bwa N na ^akabomwi i aoia ^bnaake a buakaka, bwa a aki rairi nanoia; bwa e a onrake mwangkon uniu; bwa nooria, e na aki kaitiakiia ^crarau ngkana a aki ongo irou.

18 Mangaia are, Ngai te Uea ae te Atua N na kanakoi taian nango nako aon te aonaba, are a na tauia kaaina, ao ni kang irikoia, ao ni karokoa te ino nako aoia;

19 Ao e na bae neweia bwa aonga n aki ^ataetae ni kaaitaraai; ao e na bwaka irikoia man riia, ao mataia man nneia;

20 Ao e na koro bukina bwa a na kanaki irouia ^amanin te buakonikai ao manin aan nang.

21 Ao te ekaretia ae korakoa man ^aribaki, are ^bkabekaaun te aonaba ni kabane, e na kabwakaaki i nanon te ^cai ae kamaunai bwaai, ni kaineti ma aron are e taekinaki ni win te burabeti ae Etekiera, are e taekinii bwaai aikai, ake a tuai ni koro bukiia ma a na ^dbon, ngkai I maiu, bwa e na bon aki tautaeka mwakuri aika bati n ribaki.

22 Ao e koaua, e koaua, ae I a manga tuangko bwa ngkana e toki ^atenga te ririki, ao aomata a na manga moanna ni kakewea Atuaia, ngkanne N na kamaura te aonaba ma ti i nanon te ^btai ae uarereke;

23 Ao e na roko te ^atoki, ao karawa ma aonaba a na kamaunaaki ao man ^bbua, ao e na iai karawa ae boou ao te ^caonaba ae boou.

24 Bwa a na ^abua bwai ake ngkoa, ao a na boou bwai ni kabane, karawa ma te aonaba naba, ao bwai ni kabane i aona, aomata ao man, manin an nang, ao ikan taari;

25 Ao e na bon aki bua ^airana teaina, ke te taamruru, bwa bon bwai aika I a tia ni kariki n oin baiu.

26 Ma, noria, e koaua ae I tuangkami, i mwaain buan te aonaba, ^aMikaera are ^bmataniwia au anera, e na katanga ana ^cbu, ao ngkanne a na bane n ^duti mate, bwa a na uki ruanimateia, ao a na ^eotinako—eng, ni kabaneia.

27 Ao a na ikotaki naake a ^araoiroi i ^bangaataiu nakon te maiu ae akea tokina; ao naake a buakaka i angamaingiu ao N na maamaa ni butimwaeia imatan te Tama;

28 Mangaia are N na kaangai nakoia—^aKitanai, ngkami akana a nang reke kaimi, nakon te ^bai are e aki mamate, are e a tia ni katauraoaki ibukin te ^criaboro ma ana anera.

29 Ao ngkai, nooria, I tuangkami, akea te tai teuana ae I taekinna n oin wiiu bwa a na oki, bwa te ^atabo are I mena iai a aki kona n roko iai, bwa akea mwaakaia.

30 Ma uringnga bwa ni kabane au motikitaeka aki anganaki aomata; ao n aron taeka ake a tia n otinako mai wiiu ao a na bon koro bukiia, bwa ake a ^arimoa a na riki n rimwi, ao bwa ake a rimwi a na riki n rimoa ni bwaai ni kabane ake I a tia ni kariki n au taeka ae mwaakau, are bon mwaakan Tamneiu.

31 Bwa man mwaakan Tamneiu are I ^akarikiia; eng, bwaai ni kabane aika ^bbwain te tamnei ao bwain te rabwata—

32 ^aBwain te tamnei moa, te kauoua bwain te rabwata, are ngaia moan au mwakuri; ao manga, bwain te rabwata moa, ao te kauoua bwain te tamnei, are ngaia kabanean au mwakuri—

33 N na taekini nakoimi bwa kam aonga n ota n aron otaia aomata; bwa irou akea ^atokin au mwakuri, ke moana; ma e kaotaki nakoimi bwa kam aonga n ota, ibukina bwa kam a tia ni bubutiai ao ni katiteuanaki iai.

34 Mangaia are, e koaua ae I tuangkami bwa bwai ni kabane irou bon bwain te tamnei, ao akea te tai teuana ae I a tia ni kaota nakoimi te tua ae bwain te rabwata; tiaki nakoia aomata, ke natiia aomata; ke Atam, ami bakatibu are I karikia.

35 Nooria, I anganna bwa e na ^ainaomata ni karaoa are e taku; ao I anganna te tua, ma akea tuan te rabwata ae I anganna, bwa au ^btua bon bwain te tamnei; tiaki man te aonaba ke bwain te rabwata, ke bwain te nano n rabwata ke te namakin n rabwata.

36 Ao e koro bukina bwa Atam, e kaririaki iroun te riaboro—bwa, noria, bon iai te ^ariaboro i mwaain rikin Atam, bwa e totoko ni ^bkaaitaraai, ni kangai, Anganai ^ckarineam, are bon ^dmwaakau; ao e kairia nako ^ekateni mwakoron ^fkaain ni karawa mai irou ibukina bwa iai ^ginaomataia n rinerine;

37 Ao a teweaki nako rikaki, ao a riki te ^ariaboro ma ana ^banera;

38 Ao, nooria, iai te tabo ae e katauraoaki ibukiia man te moan, are te tabo anne bon ^amoone.

39 Ao e riai bwa e na ^akariiriia natiia aomata te riaboro, ke a aki kona n inaomata ni karaoa are a taku; bwa ngkana a aki karekea te ^bmao a na aki ataa te karewerewe—

40 Mangaia are, e koro bukina bwa te riaboro e kariiriia Atam, ao e kana ^auaan te aroka are e tabuaki ao n urua te tua, are e a riki n ^btautaekanaki nakon ana kantaninga te riaboro, ibukina bwa e bwaka n te kariiriiaki.

41 Mangaia are, Ngai, te Uea ae te Atua, I kariaia bwa e na ^ateweaki nako man te Nne n aroka are ^bEten, mai matau, ibukin riaon te tua irouna, are e a riki ni mate ^ctamneina iai, are te moan mate, are te mate are te kabanea ni ^dmate, are n te maiu n tamnei, are e na katokaaki i aoia naake a buakaka ngkana I taekina ae: Naako, ngkami aika kam ^emaraia.

42 Ma, nooria, I tuangkami bwa Ngai, te Uea ae te Atua, I anga nakon Atam ao nakon kanoana, bwa a na aki ^amate n te mate n rabwata, ni karokoa Ngai, te Uea ae te Atua, I kanakoia ^banera bwa a na taekina nakoia te ^crairannano ao te ^dkaboaki, rinanon onimakinan aran ^eNatiu are te Rikitemanna.

43 Ao I karaoa aio Ngai, te Uea ae te Atua, n rinea ana bong te aomata ni ^akataaki—bwa man matena n rabwata e na kona ni ^bkateirakeaki n te ^crabwata ae aki maamate nakon te ^dmaiu ae akea tokina, ni kabaneia naba ake a na kakoaua;

44 Ao naake a aki kakoaua a na kona ni kateirakeaki nakon te ^akabuakakaki ae akea tokina; bwa a aki kona ni kabooaki man bwakaia n tamnei, ibukina bwa a aki raira nanoia;

45 Bwa a tangira te roo nakon te oota, ao e buakaka aia ^amwakuri, ao a karekea ^bkanuangaia iroun teuare a rineia bwa a na ongo irouna.

46 Ma nooria, I tuangkami, bwa ^aataei aika a uarereke a ^bkabooaki mai moani karikan te aonaba rinanon au Rikitemanna;

47 Mangaia ae, a aki kona ni bure, bwa e aki anganaki te mwaaka Tatan ni ^akaririia ataei aika uarereke, ni karokoa are a kona ni ^bbukinaki i matau;

48 Bwa a anganaki ngkana I bon taku, ni kaineti ma oin kukurein nanou, bwa bwaai aika a korakora a bon kainanoaki ma ni baia ^atama.

49 Ao I a manga tuangkami, bwa ane iai irouna te atatai, I aki tia n tuangnga bwa e na raira nanona?

50 Ao ane akea irouna te ^aoota, e na tiku irou bwa N na karaoa are e kaineti ma are e koreaki. Ao ngkai I aki manga taetae nakoimi n te tai aei. Amen.