iVolanikalou
Vunau kei na Veiyalayalati 29


Wase 29

Na veika sa vakatakilai yani mai vei Josefa Simici na Parofita, e matadratou e ono na italatala qase mai Feieti e Niu Ioka, ena Sepiteba, 1830. A vakatakilai na veika oqo ni vo tiko e vica na siga me vakayacori na koniferedi, ka tekivu ena 26 ni Sepiteba, 1830.

1–8, Vakasoqoni ira na Nona digitaki na Karisito; 9–11, Sa itekivu ni Mileniumi na Nona lako mai; 12–13, Era na lewai ira kece na Isireli ko ira na Le Tinikarua; 14–21, Ena rairai mai na ivakatakilakila, yaco na mate dauveitauvi, kei na veivakarusai ni bera na iKarua ni Lako Mai; 22–28, Ena muria mai na Mileniumi na icavacava ni tucake tale kei na iotioti ni veilewai; 29–35, Sa ka vakayalo na ka kecega vua na Turaga; 36–39, Sa vakasevi mai lomalagi na tevoro kei ira na nona agilosi me ra mai temaki ira na tamata; 40–45, Na Lutu kei na Veisorovaki sa rawa kina na veivakabulai; 46–50, Era sa vueti na gone ena vuku ni Veisorovaki.

1 Dou rogoca na domoi Jisu Karisito, na nomudou Dauveivueti, aO Koya sa Bula ka Cecere Sara, o koya sa bsorovaka na nomudou ivalavala ca ena liga ni nona cloloma cecere;

2 Ko koya ena avakasoqoni ira vata na nona tamata me vaka na toa yalewa sa vakasoqoni ira vata na luvena e ruku ni tabana, io ko ira kecega sa rogoca na domoqu ka bvakayalomalumalumutaki ira vei au, ka masuta vagumatua na yacaqu.

3 Raica, e dina, e dina, au sa kaya vei kemudou, sa avosoti vei kemudou na nomudou ivalavala ca ena gauna oqo, o koya dou sa rawata kina na isolisoli oqo; ia dou nanuma mo dou kakua tale ni ivalavala ca, de na yaco vei kemudou na veivakarusai.

4 Ia au sa kaya vakaidina vei kemudou, dou sa digitaki mai vei ira kecega na kai vuravura mo dou vunautaka na noqu kosipeli ena yalomarau, me vaka na adomo ni davui.

5 Dou laveta cake na yalomudou ka marau, niu sa tiko ena kemudou amaliwa, ka’u sa nomudou bdautataro vei Tamada; ia ena nona yalololoma sa solia kina vei kemudou na cmatanitu.

6 Ia, me vaka sa volai—A ka kecega dou sa akerea ena bvakabauta, ni dou sa cduavata ena masu me vaka na noqu ivakaro, dou na rawata vakaidina.

7 Ka ni dou sa lesi mo dou avakasoqoni ira vata na noqu bdigitaki; ko ira na noqu digitaki era na crogoca na domoqu ka sega ni vakaukauwataka na dlomadra;

8 Sa vakarota oti tu ko Tamaqu me ra na asoqoni vata yani ki na dua na vanua eke, io me ra bvakarautaka kina na yalodra ka vakarautaki ira ena veika kece ki na veika ena yaco ena siga ni nodra cvakararawataki ka vakarusai na tamata dau caka ca.

9 Ni sa roro mai na auwa ka voleka sara na kena siga me sa matua kina na vuravura; era na vaka na vu ni aco na dau bviavialevu kei ira na dau caka ca; kau na qai cvakamai ira, sa kaya na Turaga ni Lewevuqa, io me muduki kina na ivalavala ca e delai vuravura;

10 Ni sa roro sara mai na kena auwa, me vakayacori kina na veika era sa atukuna na noqu iapositolo; ia na ka kecega era sa tukuna ena yaco;

11 Niu na vakaraitaki au mai lomalagi ena kaukauwa kei na lagilagi cecere, kei ira kece na alewei lomalagi, kau na mai tiko ena bbuladodonu vata kei ira na tamata e vuravura me dua na cudolu na yabaki, ia ko ira na dau caka ca era na sega ni vosota rawa.

12 E dua tale, e dina, e dina, au sa kaya vei kemudou, ni sa tau yani e dua na lewa tudei, me vaka na lewa nei Tamaqu, me ratou na tiko ena ligaqu imatau na noqu aiapositolo, ko iratou na Le Tinikarua ka ratou a qarava vata kei au na noqu ilesilesi mai Jerusalemi, ena siga au sa lako sobu mai kina ena duru bbukawaqa, ka vakaisulutaki ena icurucuru balavu ni buladodonu, kei na isala vakatui e uludratou, ena clagilagi me vakataki au, me dlewai ira kece na mataqali i Isireli, ko ira ga sa dau lomani au ka muria na noqu vunau, ka sega tale e dua.

13 Ni na uvuci vakabalavu ka vakadomoilevu e dua na adavui, me vaka mai na ulunivanua ko Saineai, ka na sakure kina ko vuravura, ka ra na qai btucake mai—io, ko ira sa cmate ena vukuqu, me ra tokara na disala ni buladodonu, ka vakaisulutaki, me evakataki au, me ra tiko vata kei au, me keimami sa duabau ga.

14 Ia, raica, au sa kaya vei kemudou, ni sa bera ni yaco mai na asiga sa levu ko ya ena vakabutobutotaki na bmatanisiga, ka vuki na vula me dra, ka na lutu mai lomalagi na veikalokalo, ia ena qai rairai mai e vuqa na civakatakilakila mai lomalagi e cake kei vuravura e ra;

15 Ena rogo na domo ni nodra tagi kei na atagiyaso na lewevuqa;

16 Ka na qai talai mai e dua na acava rerevaki me vakarusa na veika sa teivaki e vuravura.

17 Ka na qai yaco, ena vuku ni nodra caka ca na kai vuravura, ni’u na asauma vei ira na bdau caka ca, ni ra sa sega ni veivutuni; ni sa vuabale na bilo ni noqu cudru; ia raica, era na sega ni vakasavasavataki ena noqu cdra kevaka era sega ni rogoci au.

18 O koya, koi au na Turaga na Kalou, au na tala yani ki na delai vuravura vei ira na lewena na yavusa lago, io era na kania na yagodra ka na vuca mai;

19 Ka na vesuki na yamedra me ra kakua ni avosa vakacacani au; ka na lutu tani mai suidra na lewedra; kei na yaloka ni matadra mai na kena dreke;

20 Ia era na kani ira na manumanu vuka kei na amanumanu kila kecega ni veikau.

21 Raica ena bale ka akama yavu na lotu vakaitamera ka bvakasisila ko ya, na cdautagane ni vuravura taucoko, ia sa yaco oqo me vaka a cavuti mai na gusuna na parofita ko Isikeli, ka a tukuna na veika oqo, ka ra se bera ni yaco, ia me vaka ga na noqu bula tiko, ena yaco dvakaidina, ni na sega ni laivi me tomani tiko na ivalavala vakasisila.

22 Ka dua tale, e dina, e dina, au sa kaya vei kemudou ni sa oti e dua na audolu na yabaki, ka ra sa baci cakitaka tale na nodra Kalou na tamata, ia au na vosoti vuravura tale mada bvakalailai;

23 Ka na qai yaco mai na aivakataotioti, ena btakali yani ko lomalagi kei vuravura, ia ena qai dua na lomalagi vou kei na cvuravura vou.

24 Ena atakali yani na veika makawa, ka na yaco me vou na ka kecega, na lomalagi kei na vuravura sara mada ga, kei na ka taucoko ga sa tu kina, na tamata kei na manumanu ni vanua, na manumanu vuka, kei na ika ni waitui;

25 Ka na sega ni dua na adrau ni ulu se dua na tiki ni yago lailai sara me yali, raica oqori na cakacaka ni ligaqu.

26 Ia, raica, au sa kaya vakaidina vei kemudou, ni se bera ni takali yani na vuravura, ena uvuca mada na nona adavui ko bMaikeli, na noqu cagilosi liu, ia ena tadola na ibulubulu ka ra na dtucake mai kina ko ira sa mate, ka ra na qai elako mai—io, ko ira kece sara.

27 Ka ra na soqoni ena yasaqu aimatau ki na bula tawamudu ko ira na bbuladodonu; kei ira na dau caka ca era na soqoni vata ena yasaqu imawi kau na madualaki ira e matai Tamaqu;

28 O koya au na qai kaya kina vei ira—Ni alako tani vei au koi kemuni sa cudruvi, ki na bbukawaqa tawavakaiyalayala, sa vakarautaki me nona na ctevoro kei ira na nona agilosi.

29 Ia oqo, raica, au sa kaya vei kemudou, au se sega mada ni cavuta mai gusuqu ena dua na gauna ni ra na lesu tale mai, ni ra na sega ni lako rawa mai ki na avanua ka’u sa tiko kina, ni sega vei ira na kena kaukauwa.

30 Ia mo dou kila ni sega ni dau vakatakilai vei ira na tamata na noqu lewa kece; ia na ka kecega au sa tukuna ena yaco, ia ko koya sa aliu ena muri, kei koya sa muri ena liu ena veika kecega ka’u sa bulia ena vosa ni noqu kaukauwa, sai koya na kaukauwa ni noqu Yalotabu.

31 Ia, ena kaukauwa ni noqu Yalotabu au sa abuli ira kina; io, na ka kecega, bvakayalo ka vakayago tale ga—

32 Taumada me avakayalo, qai tarava me vakayago, e vakaoqori na itekivu ni noqu cakacaka; ka dua tale, me na liu vakayago qai muri vakayalo, sai koya na icavacava ni noqu cakacaka—

33 Au sa vakamacalataka vakaoqo vei kemudou mo dou kila kina; ia na noqu cakacaka sa sega na kena itekivu ka sega talega na kena aitinitini; raica au sa vakamacalataka wale ga vakaoqo mo dou kila kina me vaka dou a kerea vei au.

34 Ia au sa kaya vakaidina vei kemudou, au sa okata na ka kecega me ka vakayalo, io au sa sega mada ni bau solia vei kemudou ena dua na gauna e dua na lawa vakayago; se vua e dua na tamata se dua na luve ni tamata, se kivei Atama na nomudou qase ka’u a bulia.

35 Raica au sa solia vua me alewai koya ga; au sa solia tale ga vua na ivunau, ia sa sega ni ivunau vakayago au solia vua, ni sa vakayalo na noqu bivunau kecega; io sa sega sara ni ka vakayago se ka vakatamata, ka sega tale ga ni ka vakavuravura se ka dau garogaro.

36 Ka sa yaco ni sa temaki Atama na tevoro—ia, raica, sa tiko e liu vei Atama na atevoro, ni a bvorati au, ka kaya, Mo solia vei au na nomu clagilagi, sai koya na noqu dkaukauwa; sa vagolea tani talega ko koya e dua na eikatolu ni flewei lomalagi ena vuku ni nodra galala ni gdigidigi;

37 Ka ra sa debelaki sobu kina, ka sa vakaoqori na nona lako sobu mai na atevoro kei ira na nona bagilosi;

38 Ia, raica, sa dua na vanua sa vakarautaki mai na ivakatekivu me nodra, na vanua oqori ko aeli.

39 Ka sa dodonu kina me atemaki ira na luve ni tamata na tevoro, me ra lewa kina vakataki ira na ka me ra kitaka; ni kevaka era sega ni kila na bwiwi era na sega ni kila na kamikamica—

40 Ia, ka sa yaco ni sa temaki Atama na tevoro, ka kania na avuanikau vakatabui ka talaidredre kina ki na ivakaro, ka sa blewai koya na tevoro, ni sa rawai ena nona veitemaki.

41 Ia, koi Au na Turaga na Kalou, au sa avakatalai koya tani mai na Were ko bIteni, mai na kequ iserau, ena vuku ni nona talaidredre, a sa mate kina cvakayalo, sai koya na imatai ni mate, sa tautauvata ga kei na mate ena iotioti ni dmate, e ka vakayalo, ka na cavuti vei ira na dau caka ca ena noqu na kaya: Dou lako tani vei au, koi kemudou sa ecudruvi.

42 Ia, raica, au sa kaya vei kemudou, ni’u sa lewa koi Au na Turaga na Kalou me kakua mada ni yaco vei Atama kei ira na nona kawa na amate vakayago, io me yacova ni’u sa talai ira na noqu bagilosi me ra vunauci ira me ra cveivutuni ka dsereki, ena nodra vakabauta na eLuvequ e Duabau ga.

43 Ka sa vakaoqori na noqu lesia koi Au, na Turaga na Kalou, kivei ira na tamata na gauna ni nodra bula avakatovolei—ena mate me rawa ni qai bvakaturi cake me na ctawa mate rawa ka dbula tawamudu, io ko ira kecega sa vakabauta;

44 Ia ko ira kecega sa sega ni vakabauta ki na acudruvi tawamudu; ni ra na sega ni sereki rawa mai na nodra lutu vakayalo, baleta ni ra sega ni veivutuni;

45 Ni ra sa taleitaka cake na butobuto mai na rarama, ka sa vakasisila na nodra aivalavala, ka ra sa ciqoma na kedra bisau mai vua era a digitaka me ra talairawarawa kina.

46 Ia raica, au sa kaya vei kemudou, era sa asereki na bgonelalai mai na tauyavutaki ni vuravura, ena vukuna na noqu Le Duabau ga;

47 O koya, era sa sega ni rawa ni ivalavala ca, ni sa sega ni soli vei Setani na kaukauwa me atemaki ira na gonelalai, me yacova na gauna era sa tekivu me ra bsaumi taro kina vakai ira e mataqu;

48 Ni sa soli vei ira me vaka na noqu lewa, me vaka na ka sa vinaka vei au, me na gadrevi kina na veika lelevu e ligadra na nodra aqase.

49 Kau sa kaya tale vei kemudou, oi kemudou kecega sa kila na ka, au sa sega beka ni vakaroti kemudou mo dou veivutuni?

50 Ia ko ira kece era sa ayalowai, au na kitaka me vaka na ka sa volai. Raica sa yala mada eke na noqu itukutuku vei kemudou. Emeni.