Tusitusiga Paia
Mataupu Faavae ma Feagaiga 30


Vaega 30

Faaaliga na tuuina mai e ala mai ia Iosefa Samita le Perofeta, ia Tavita Uitimera, Peter Uitimera Laitiiti, ma Ioane Uitimera, i Feiete, Niu Ioka, Setema 1830, ina ua mavae le konafesi e tolu aso i Feiete, ae lei taapeape atu toeaina o le Ekalesia. I le taimi muamua, sa lomia eseese mea ua i lenei faaaliga, o ni faaaliga se tolu; ae sa tuufaatasi e le Perofeta i se vaega e tasi mo le lomiga o le Mataupu Faavae ma Feagaiga o le 1835.

1–4, Ua aoaiina Tavita Uitimera i le lē auauna atu ma le filiga; 5–8, O Peter Uitimera Laitiiti. ia o atu faatasi ma Oliva Kaotui i se misiona i sa Lamanā; 9–11, Ua valaaulia Ioane Uitimera e talai atu le talalelei.

1 Faauta, Ou te fai atu ia te oe, aTavita, ua e efefe i tagata ma sa e lē ifaalagolago mai ia te a’u mo le malosi e pei ona sa tatau ai ia te oe.

2 Ae sa tele ona i ai o lou mafaufau i mea o le alalolagi nai lo o mea a a’u, o Lē na faia oe, ma le auaunaga na valaaulia i ai oe; ma sa e lē uai mai i lo’u Agaga, ma i latou o e sa faatutu i ou luga, ae sa faatosinaina oe e i latou o e Ou te lei poloaiina.

3 O le mea lea, ua tuua ai oe e te ole mai mo oe lava i lo’u lima, ma amafaufau loloto e uiga i mea ua e mauaina.

4 Ma ia fai ma ou aiga le fale o lou tamā, seia Ou tuu atu ia te oe ni isi poloaiga. Ma ia e faasaga i le aauaunaga i le ekalesia, ma luma o le lalolagi, ma nofoaga o faataamilo ai. Amene.

5 Faauta, Ou te fai atu ia te oe, aPeteru, ia alu lau emalaga faatasi ma lou uso o Oliva; ona ua oo mai le itaimi ua tatau ai ia te a’u ona e tatala atu o lou fofoga e talai atu la’u talalelei; o lea, aua e te fefe, ae ia ouai atu i upu ma fautuaga a lou uso, o le a tuu atu e ia ia te oe.

6 Ma ia e puapuaga i ona puapuagatia uma, ma siitia a’e pea i lou loto ia te a’u i le tatalo ma le faatuatua, mo lona ma lou laveaiina; ona ua Ou tuu atu ia te ia le mana e ati a’e ai i luga la’u aekalesia i totonu o esa Lamanā;

7 Ma e leai se tasi ua Ou tofia e fai ma ona fautua i aluga o ia i le ekalesia, e faatatau i mataupu o le ekalesia, vagana ai o lona uso, o Iosefa Samita, Le Itiiti.

8 O le mea lea, ia uai atu ai i nei mea ma filiga i le tausiga o a’u poloaiga, ma o le a faamanuiaina ai oe i le ola e faavavau. Amene.

9 Faauta, Ou te fai atu ia te oe, o la’u auauna o Ioane, ia e amata atu mai le taimi nei i luma ona e atalai atu la’u talalelei, e faapei o le eleo o se pu.

10 Ma o lau galuega o le a i le mea o i ai lou uso o Philip Burroughs, ma i le itulagi lena e faataamilo ai, ioe, i soo se mea e mafai ona faalogoina ai oe, seia Ou poloaiina oe e te alu ese mai iina.

11 Ma o lau galuega atoa mai le taimi nei ma le agai i luma, faatasi ma lou agaga atoa, o le a i Siona; ioe, ia e tatala atu pea lou gutu i la’u savali, ma le lē afefe i mea e mafai ona faia e etagata, aua ua Ou ifaatasi ma oe. Amene.