31. Kafli
Opinberun gefin með spámanninum Joseph Smith til Thomasar B. Marsh í september 1830. Þetta átti sér stað strax eftir ráðstefnu kirkjunnar (sjá formála að kafla 30). Thomas B. Marsh hafði verið skírður fyrr í mánuðinum og hafði þegar verið vígður öldungur í kirkjunni, er opinberun þessi var gefin.
1–6, Thomas B. Marsh er kallaður til að boða fagnaðarerindið og er fullvissaður um velfarnað fjölskyldu sinnar; 7–13, Honum er ráðlagt að vera þolinmóður, biðja stöðugt og fylgja huggaranum.
1 aThomas, sonur minn, blessaður ert þú vegna trúar þinnar á verk mitt.
2 Sjá, þú hefur liðið margskonar þrengingar vegna fjölskyldu þinnar. Engu að síður mun ég blessa þig og fjölskyldu þína, já, börn þín, og sá dagur kemur er þau munu trúa og þekkja sannleikann og sameinast þér í kirkju minni.
3 Lyft upp hjarta þínu og fagna, því að stund ætlunarverks þíns er upp runnin og tunga þín skal losuð og þú skalt boða þessari kynslóð agleðitíðindi og mikinn fögnuð.
4 Þú skalt aboða það, sem opinberað hefur verið þjóni mínum, Joseph Smith yngri. Frá þessari stundu skalt þú byrja að prédika, já, að uppskera akur minn, sem þegar er bhvítur til brennunnar.
5 aBeit sigð þinni því af allri sálu þinni og syndir þínar eru þér bfyrirgefnar og bak þitt skal hlaðið ckornbindum, því að verður er dverkamaðurinn launa sinna. Fjölskylda þín skal þess vegna lifa.
6 Sjá, sannlega segi ég þér, far aðeins frá henni stutta hríð og boða orð mitt, og ég mun búa henni stað.
7 Já, ég mun aopna hjörtu fólksins og það mun taka á móti þér. Og ég mun stofna kirkju með hendi þinni —
8 Og þú skalt astyrkja það og búa það undir þann tíma, er því mun safnað saman.
9 Ver aþolinmóður í bþrengingum og lasta ekki lastmælendur. Stjórna chúsi þínu með hógværð og ver staðfastur.
10 Sjá, ég segi þér, að þú skalt verða kirkju minni læknir, en ekki heiminum, því að hann mun ekki taka við þér.
11 Far hvert sem ég vil, og ahuggarinn mun segja þér hvað gjöra skal og hvert fara skal.
12 aBið án afláts, svo að þú fallir ekki í bfreistni og glatir launum þínum.
13 Ver atrúr allt til enda og tak eftir, ég er bmeð þér. Þetta er ekki orð manns né manna, heldur mín orð, sjálfs, Jesú Krists, lausnara þíns, fyrir cvilja föðurins. Amen.