Seksen 36
Revelesen we God i givim, tru long Profet Josef Smit, long Edwod Patrij, kolosap long Feyet, Niu Yok, long 9 Disemba 1830 (luk long heding blong seksen 35.) Histri blong Josef Smit i talem se Edwod Patrij “i wan eksampol blong fasin blong mekem wok blong God, mo wan long ol bigfala man blong Lod.”
1–3, Lod i putum han blong Hem antap long Edwod Patrij tru long han blong Sidni Rigdon; 4–8, Evri man we i kasem gospel mo prishud, ol lida blong Jos oli singaotem olgeta blong go aot mo blong prij.
1 Olsem ia nao Lod God, Hem blong Isrel awe I Gat Olgeta Paoa i talem: “Luk, mi talem long yu, wokman blong mi, bEdwod; mi blesem yu, mo mi fogivim ol sin blong yu, mo mi singaotem yu blong prijim gospel blong mi olsem voes blong wan pupu;
2 Mo bae mi putum ahan blong mi antap long yu tru long han blong wokman blong mi, Sidni Rigdon, mo bae yu kasem Spirit blong mi, Tabu Spirit, we i bSpirit blong Givhan, we bae i tijim yu ol trutok blong kingdom we bae oli givim dpis;
3 Mo bambae yu talemaot gospel ia wetem wan voes we i laod, mo talem: ‘Hosana, blesem nem blong Hae God we i hae olgeta.’
4 Mo naoia, koling mo komanmen ia, mi givim long yu long saed blong evri man—
5 Se hamas we bambae oli kam long fored blong ol wokman blong mi, Sidni Rigdon mo Josef Smit Junia, mo akseptem koling mo komanmen ia, bambae oli aodenem olgeta, mo bambae oli sendem olgeta i go aot blong bprijim gospel we i no gat en long medel blong ol nesen—
6 Mo taltalemaot fasin blong sakem sin, mo talem: ‘aSevem yufalawan long rabis jeneresen ia, mo yufala i kamkamaot long faea, mo no laekem ol bklos ia we oli doti long rabis fasin blong man.’
7 Mo komanmen ia, bae oli mas givim long ol elda blong jos blong mi, se evri man we bae i akseptem komanmen ia wetem wan tingting nomo long hat, bae oli odenem hem, mo bae oli sendem hem i go, olsem we mi bin talem.
8 Mi, mi Jisas Kraes, Pikinini blong God; taswe, mekem yufala i rere mo kwiktaem bae mi kam long atempol blong mi.” I olsem. Amen.