Mwakoro 36
Kaotioti ae kaotaki rinanon Iotebwa Timiti te Burabeti nakon Edward Partridge, i rarikin Fayette, New York, n Ritembwa 9, 1830 (taraa te kabwarabwaran mwakoro 35). N rongorongon Iotebwa Timiti e taekinaki bwa Edward Partridge “bon ngaia te banna ni katoto ibukin teimatoana n te aro, ao temanna ana aomata te Uea ae korakora.”
1–3, E katoka baina te Uea i aon Edward Partridge ni bain Sidney Rigdon; 4–8, Mwaane ni kabane ake a karekea te euangkerio ao te nakoanibonga a na bon weteaki bwa a na waaki ao ni kabwarabwara.
1 E taku te Uea ae te Atua, ae Atuan Iteraera ae aKorakora: Nooria, I tuangko, au tia mwakuri ae bEdward, bwa ko kakabwaiaaki, ao a kabwaraaki am bure, ao ko weteaki bwa ko na tataekina au euangkerio n ai aron bwanaan te buu;
2 Ao n na katoka abaiu iaom ni bain au tia mwakuri ae Sidney Rigdon, ao ko na karekea Tamneiu, te Tamnei ae Raoiroi, are te bTia Karaunano, are e na reireiniko bwaain te abanuea aika crau;
3 Ao ko na taekinna ma te bwanaa ae korakora, ni kangai: Otanna, e na kakabwaiaaki aran te Atua ae moan te rietata.
4 Ao ngkai aio te wewete ao te tua ae I anganiko ibukiia aomata ni kabane—
5 Bwa ni kabane akana roko i matan au tia mwakuri ae Sidney Rigdon ao Iotebwa Timiti te Ataei ni butimwaea te wewete ao te tua aei, a na akatabuaki ao ni kanakoaki bwa a na btataekina au euangkerio ae akea tokina nakon te aonaba—
6 Tataekina te rairannano, ni kangai: aKamaiuingkami man te roro ae buakaka aio, ao otinako man te ai, n ribai naba bkunnikai aika bareka n te iriko.
7 Ao te tua aei e na kaotaki nakoia unimwaanen au ekaretia, bwa mwaane ni kabane ake a na butimwaia ma te nano ae tii teuana a na kona ni katabuaki ao ni kanakoaki, n aron are I a tia n taekinna.
8 Ngai Iesu Kristo, Natin te Atua; mangaia are, kabaei nukami ao N na karina n roko nakon au atembora. Eng. Amen.