Tusitusiga Paia
Mataupu Faavae ma Feagaiga 36


Vaega 36

Faaaliga na tuuina mai e ala mai ia Iosefa Samita le Perofeta, ia Eteuati Paterika, latalata i Feiete, Niu Ioka, i le aso 9 o Tesema, 1830 (tagai i le ulutala o le vaega 35). Na faapea mai le talafaasolopito a Iosefa Samita o Eteuati Paterika “o se faataitaiga o le faamaoni, ma o se tasi o alii sili ona lelei o le Alii.”

1–3, Ua faaee e le Alii Lona aao i luga o Eteuati Paterika e ala atu i le lima o Sini Rikitone; 4–8, O alii uma taitoatasi ua mauaina le talalelei ma le perisitua ia valaaulia e o ma talai atu.

1 Ua faapea ona fetalai mai o le Alii le Atua, le aMalosi Aoao e Toatasi o Isaraelu: Faauta, Ou te fai atu ia te oe, la’u auauna eEteuati, ua faamanuiaina oe, ma ua faamagaloina oe i au agasala, ma ua valaaulia oe e talai atu la’u talalelei ma le leo e pei o se pu;

2 Ma o le a faaee lo’u alima i ou luga e ala i le lima o la’u auauna o Sini Rikitone, ma o le a e maua lo’u Agaga, o le Agaga Paia lea, o le eFesoasoani lea, o lē o le a ia aoao atu ia te oe imea filemu o le malo;

3 Ma ia e talai atu le talalelei ma le leo tele, fai atu: Osana, ia faamanuina lava le suafa o le Atua silisili ese.

4 Ma o le valaauga ma le poloaiga lenei Ou te tuu atu ia te oe e faatatau i tagata uma—

5 O le toatele o i latou e o mai i luma o a’u auauna o Sini Rikitone ma Iosefa Samita, Le Itiiti, ua latou talia lenei valaauga ma le poloaiga, ia afaauuina ma auina atu e etalai atu le talalelei tumau e faavavau i totonu o atunuu—

6 Ma alaga atu le salamo, fai atu: Ia outou alaveai outou lava mai lenei tupulaga pi’opi’o, ma o mai i fafo o le afi, ma le inoino e oo lava i eofu ua pisia i le tino.

7 Ma ia tuu atu lenei poloaiga i toeaina o la’u ekalesia, ina ia mafai ona faauuina ma auina atu tagata taitoatasi o e e taliaina lenei poloaiga ma le manatu tasi o le loto, e pei lava ona Ou tautala atu ai.

8 O A’u o Iesu Keriso, le Atalii o le Atua; o le mea lea, ia fusi i ou sulugatiti ma o le a faafuasei ona Ou alu atu i lo’u amalumalu. E faapea lava. Amene.