កណ្ឌទី ៣៧
វិវរណៈដែលបានប្រទានឲ្យមកតាមរយៈ យ៉ូសែប ស៊្មីធ ជាព្យាការី និង ស៊ីឌនី រិកដុន នៅក្បែរភូមិហ្វាយែត រដ្ឋញូវយ៉ក ខែធ្នូ ឆ្នាំ១៨៣០ (History of the Church, ១:១៣៩)។ នៅក្នុងវិវរណៈនេះ ត្រូវបានប្រទានបញ្ញត្តិស្ដីអំពីការប្រមូលនៅក្នុងកាលនៃការកាន់កាប់ត្រួតត្រានេះ។
១–៤, ពួកបរិសុទ្ធត្រូវបានហៅឲ្យប្រមូលគ្នីគ្នានៅឯរដ្ឋអូហៃអូ។
១មើលចុះ យើងប្រាប់អ្នកថា មិនជាចាំបាច់ដល់យើងទេ ដែលអ្នករាល់គ្នាត្រូវកបកប្រែទៀត លុះត្រាអ្នករាល់គ្នាបានទៅរដ្ឋអូហៃអូសិន ហើយការណ៍នេះ ក៏ព្រោះតែខ្មាំងសត្រូវ និងដោយយល់ដល់អ្នករាល់គ្នា។
២ហើយជាថ្មីទៀត យើងប្រាប់អ្នកថា អ្នករាល់គ្នានឹងមិនត្រូវទៅទេ លុះត្រាតែអ្នករាល់គ្នាបានផ្សាយដំណឹងល្អរបស់យើងនៅភូមិភាគនោះ ហើយបានចម្រើនកម្លាំងយ៉ាងមាំមួនដល់សាសនាចក្រ នៅទីណាដែលមានសិន ហើយជាពិសេសនៅកភូមិខូលស្វិល ត្បិតមើលចុះ ពួកគេអធិស្ឋានដល់យើងដោយនូវសេចក្ដីជំនឿយ៉ាងខ្លាំង។
៣ហើយជាថ្មីទៀត មានបញ្ញត្តិមួយដែលយើងប្រទានដល់សាសនាចក្រថា ជាការចាំបាច់ដល់យើង ដែលពួកគេគួរតែប្រមូលគ្នីគ្នានៅ ករដ្ឋអូហៃអូ ទម្រាំពេលដែល អូលីវើរ ខៅឌើរី ជាអ្នកបម្រើរបស់យើង នឹងត្រឡប់មករកពួកគេវិញ។
៤មើលចុះ នេះជាប្រាជ្ញា ហើយចូរបណ្ដោយឲ្យមនុស្សរាល់គ្នាករើសសម្រាប់ខ្លួនចុះ លុះត្រាយើងនឹងយាងមក។ គឺដូច្នោះមែន។ អាម៉ែន៕