ພາກທີ 39
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ ແກ່ເຈມສ໌ ໂຄແວວ ທີ່ເມືອງເຟແອດ, ລັດນິວຢອກ, ວັນທີ 5 ເດືອນມັງກອນ, 1831. ເຈມສ໌ ໂຄແວວ, ຜູ້ໄດ້ເປັນຄຸນພໍ່ຂອງສາດສະໜາຈັກເມໂທດິສໄດ້ປະມານສີ່ສິບປີ, ໄດ້ເຮັດພັນທະສັນຍາກັບພຣະຜູ້ເປັນເຈົ້າວ່າ ລາວຈະເຊື່ອຟັງຄຳບັນຊາທັງໝົດທີ່ພຣະຜູ້ເປັນເຈົ້າຈະມອບໃຫ້ແກ່ລາວຜ່ານໂຈເຊັບ ຜູ້ເປັນສາດສະດາ.
1–4, ໄພ່ພົນຂອງພຣະເຈົ້າມີຄວາມສາມາດທີ່ຈະກາຍເປັນບຸດຂອງພຣະເຈົ້າ; 5–6, ການຍອມຮັບເອົາພຣະກິດຕິຄຸນຄືການຍອມຮັບເອົາພຣະຄຣິດ; 7–14, ເຈມສ໌ ໂຄແວວ ໄດ້ຖືກບັນຊາໃຫ້ຮັບບັບຕິສະມາ ແລະ ອອກແຮງຢູ່ໃນສວນອະງຸ່ນຂອງພຣະຜູ້ເປັນເຈົ້າ; 15–21, ຜູ້ຮັບໃຊ້ຂອງພຣະຜູ້ເປັນເຈົ້າຕ້ອງສັ່ງສອນພຣະກິດຕິຄຸນກ່ອນການສະເດັດມາຄັ້ງທີສອງ; 22–24, ຜູ້ທີ່ໄດ້ຮັບພຣະກິດຕິຄຸນຈະຖືກເຕົ້າໂຮມເຂົ້າກັນໃນການເວລາ ແລະ ໃນຊົ່ວນິລັນດອນ.
1 ຈົ່ງເຊື່ອຟັງ ແລະ ຟັງສຽງຂອງພຣະອົງ ຜູ້ດຳລົງຢູ່ຈາກຕະຫລອດ ກຊົ່ວນິລັນດອນເຖິງຕະຫລອດຊົ່ວນິລັນດອນ, ຂເຮົາເປັນຜູ້ຍິ່ງໃຫຍ່, ແມ່ນແຕ່ພຣະເຢຊູຄຣິດ—
2 ກຄວາມສະຫວ່າງ ແລະ ຊີວິດຂອງໂລກ; ຄວາມສະຫວ່າງຊຶ່ງສ່ອງແສງຢູ່ໃນຄວາມມືດ ແລະ ຄວາມມືດບໍ່ເຂົ້າໃຈມັນເລີຍ;
3 ຜູ້ດຽວກັນນັ້ນ ຊຶ່ງໄດ້ສະເດັດມາຫາຜູ້ຄົນຂອງເຮົາໃນ ກເວລາອັນຮຸ່ງໂລດ, ແລະ ຜູ້ຄົນຂອງເຮົາບໍ່ໄດ້ຮັບເອົາເຮົາ;
4 ແຕ່ກັບຫລາຍຕໍ່ຫລາຍຄົນທີ່ໄດ້ຮັບເອົາເຮົາ, ເຮົາຈະມອບຄວາມສາມາດໃຫ້ເພື່ອຈະກາຍເປັນ ກບຸດຂອງເຮົາ; ແລະ ແມ່ນແຕ່ເປັນເຊັ່ນນັ້ນທີ່ເຮົາຈະມອບໃຫ້ຫລາຍຕໍ່ຫລາຍຄົນທີ່ຈະຮັບເອົາເຮົາ, ຄວາມສາມາດທີ່ຈະກາຍເປັນບຸດຂອງເຮົາ.
5 ແລະ ຕາມຈິງ, ຕາມຈິງແລ້ວ, ເຮົາກ່າວກັບເຈົ້າ, ຄົນທີ່ຮັບເອົາພຣະກິດຕິຄຸນຂອງເຮົາ ໄດ້ ກຮັບເອົາເຮົາ; ແລະ ຄົນທີ່ບໍ່ໄດ້ຮັບເອົາພຣະກິດຕິຄຸນຂອງເຮົາ ບໍ່ໄດ້ຮັບເອົາເຮົາ.
6 ແລະ ນີ້ຄື ກພຣະກິດຕິຄຸນຂອງເຮົາ—ການກັບໃຈ ແລະ ບັບຕິສະມາດ້ວຍນ້ຳ, ແລະ ຈາກນັ້ນ ຂການບັບຕິສະມາດ້ວຍໄຟ ແລະ ດ້ວຍພຣະວິນຍານບໍລິສຸດຈະມາເຖິງ, ແມ່ນແຕ່ພຣະຜູ້ປອບໂຍນ, ຊຶ່ງຈະສະແດງທຸກສິ່ງ, ແລະ ຄສິດສອນສິ່ງທີ່ເປັນສັນຕິສຸກຂອງອານາຈັກ.
7 ແລະ ບັດນີ້, ຈົ່ງເບິ່ງ, ເຮົາກ່າວກັບເຈົ້າ, ຜູ້ຮັບໃຊ້ຂອງເຮົາ ກເຈມສ໌, ເຮົາໄດ້ເບິ່ງວຽກງານຂອງເຈົ້າ ແລະ ເຮົາຮູ້ຈັກເຈົ້າ.
8 ແລະ ຕາມຄວາມຈິງ ເຮົາກ່າວກັບເຈົ້າວ່າ, ບັດນີ້ ຫົວໃຈຂອງເຈົ້າຖືກຕ້ອງຕໍ່ເຮົາໃນເວລານີ້; ແລະ, ຈົ່ງເບິ່ງ, ເຮົາໄດ້ມອບພອນອັນຍິ່ງໃຫຍ່ໄວ້ເທິງຫົວຂອງເຈົ້າ;
9 ເຖິງຢ່າງໃດກໍຕາມ, ເຈົ້າເຄີຍເຫັນຄວາມໂສກເສົ້າອັນໃຫຍ່ຫລວງມາຫລາຍແລ້ວ, ເພາະເຈົ້າໄດ້ປະຕິເສດເຮົາຫລາຍເທື່ອ ເພາະຄວາມທະນົງຕົວ ແລະ ຄວາມເປັນຫ່ວງສິ່ງທາງ ກໂລກ.
10 ແຕ່, ຈົ່ງເບິ່ງ, ວັນເວລາແຫ່ງການປົດປ່ອຍຂອງເຈົ້າໄດ້ມາເຖິງແລ້ວ, ຖ້າຫາກເຈົ້າຈະເຊື່ອຟັງສຽງຂອງເຮົາ, ຊຶ່ງກ່າວກັບເຈົ້າວ່າ: ຈົ່ງລຸກຂຶ້ນ ແລະ ຮັບ ກບັບຕິສະມາ, ແລະ ລ້າງບາບຂອງເຈົ້າເສຍ, ໂດຍເອີ້ນຫານາມຂອງເຮົາ, ແລ້ວເຈົ້າຈະໄດ້ຮັບພຣະວິນຍານຂອງເຮົາ, ແລະ ພອນອັນຍິ່ງໃຫຍ່ທີ່ສຸດຢ່າງທີ່ເຈົ້າບໍ່ເຄີຍຮູ້ມາກ່ອນ.
11 ແລະ ຖ້າຫາກເຈົ້າເຮັດເຊັ່ນນີ້, ເຮົາໄດ້ຕຽມເຈົ້າໄວ້ສຳລັບວຽກງານອັນຍິ່ງໃຫຍ່ກວ່າ. ເຈົ້າຈະສັ່ງສອນ ຄວາມສົມບູນແຫ່ງພຣະກິດຕິຄຸນຂອງເຮົາ, ຊຶ່ງເຮົາໄດ້ສົ່ງອອກໄປໃນຍຸກສຸດທ້າຍນີ້, ພັນທະສັນຍາຊຶ່ງເຮົາໄດ້ສົ່ງອອກໄປເພື່ອ ກກູ້ຜູ້ຄົນຂອງເຮົາ, ຜູ້ເປັນເຊື້ອສາຍອິດສະຣາເອນ.
12 ແລະ ເຫດການຈະບັງເກີດຂຶ້ນຄື ອຳນາດນັ້ນຈະ ກຢູ່ກັບເຈົ້າ; ເຈົ້າຈະມີສັດທາອັນຍິ່ງໃຫຍ່, ແລະ ເຮົາຈະຢູ່ກັບເຈົ້າ ແລະ ອອກໜ້າເຈົ້າ.
13 ເຈົ້າຖືກເອີ້ນໃຫ້ ກອອກແຮງຢູ່ໃນສວນອະງຸ່ນຂອງເຮົາ, ແລະ ໃຫ້ເສີມສ້າງສາດສະໜາຈັກຂອງເຮົາ, ແລະ ຂນຳຊີໂອນອອກມາ, ເພື່ອວ່າມັນຈະປິຕິຍິນດີຢູ່ເທິງຄ້ອຍພູ ແລະ ຄຈະເລີນຮຸ່ງເຮືອງ.
14 ຈົ່ງເບິ່ງ, ຕາມຈິງ, ຕາມຈິງແລ້ວ, ເຮົາກ່າວກັບເຈົ້າ, ເຈົ້າບໍ່ໄດ້ຖືກເອີ້ນໃຫ້ໄປຫາດິນແດນທາງພາກຕາເວັນອອກ, ແຕ່ເຈົ້າຖືກເອີ້ນໃຫ້ໄປຫາລັດໂອໄຮໂອ.
15 ແລະ ຕາບໃດທີ່ຜູ້ຄົນຂອງເຮົາຈະເຕົ້າໂຮມກັນຢູ່ທີ່ລັດໂອໄຮໂອ, ເຮົາໄດ້ຮັກສາ ກພອນທີ່ບໍ່ເຄີຍຮູ້ມາກ່ອນໃນບັນດາລູກຫລານມະນຸດໄວ້, ແລະ ມັນຈະຖືກຖອກເທລົງມາເທິງຫົວຂອງພວກເຂົາ. ແລະ ຈາກນັ້ນມະນຸດຈະອອກໄປສູ່ ຂປະຊາຊາດ ຄທັງປວງ.
16 ຈົ່ງເບິ່ງ, ຕາມຈິງ, ຕາມຈິງແລ້ວ, ເຮົາກ່າວກັບເຈົ້າ, ວ່າຜູ້ຄົນໃນລັດໂອໄຮໂອໄດ້ເອີ້ນຫາເຮົາດ້ວຍສັດທາຢ່າງຫລວງຫລາຍ, ໂດຍຄິດວ່າເຮົາຈະຢັບຢັ້ງມືຂອງເຮົາໃນການພິພາກສາປະຊາຊາດ, ແຕ່ເຮົາຈະປະຕິເສດຄຳຂອງເຮົາບໍ່ໄດ້.
17 ດັ່ງນັ້ນ ຈົ່ງອອກແຮງຈົນສຸດພະລັງຂອງເຈົ້າ ແລະ ເອີ້ນຄົນງານທີ່ຊື່ສັດໃຫ້ເຂົ້າໄປໃນສວນອະງຸ່ນຂອງເຮົາ, ເພື່ອມັນຈະຖືກ ກລິງ່າເປັນເທື່ອສຸດທ້າຍ.
18 ແລະ ຕາບໃດທີ່ພວກເຂົາກັບໃຈ ແລະ ຮັບເອົາຄວາມສົມບູນແຫ່ງພຣະກິດຕິຄຸນຂອງເຮົາ, ແລະ ໄດ້ຮັບການຊຳລະໃຫ້ບໍລິສຸດ, ແລ້ວເຮົາຈະຢັບຢັ້ງມືຂອງເຮົາໃນ ກການພິພາກສາ.
19 ດັ່ງນັ້ນ, ຈົ່ງອອກໄປ, ປ່າວປະກາດດ້ວຍສຽງດັງ, ກ່າວວ່າ: ອານາຈັກສະຫວັນໃກ້ເຂົ້າມາເຖິງແລ້ວ; ປະກາດວ່າ: ໂຮຊັນນາ! ຂໍພຣະນາມຂອງພຣະເຈົ້າຜູ້ສູງສຸດຈົ່ງພຣະກະເສີມສຳລານເຖີດ.
20 ຈົ່ງອອກໄປບັບຕິສະມາດ້ວຍນ້ຳ, ໂດຍການຕຽມທາງໄວ້ຕໍ່ໜ້າເຮົາສຳລັບເວລາຂອງ ກການມາຂອງເຮົາ;
21 ເພາະເວລາໃກ້ເຂົ້າມາເຖິງແລ້ວ; ກມື້ໃດ ຫລື ຊົ່ວໂມງໃດນັ້ນບໍ່ມີຄົນໃດ ຂຮູ້; ແຕ່ມັນຈະມາເຖິງຢ່າງແນ່ນອນ.
22 ແລະ ຄົນທີ່ຮັບເອົາສິ່ງເຫລົ່ານີ້ ກໍຮັບເອົາເຮົາ; ແລະ ພວກເຂົາຈະຖືກເຕົ້າໂຮມໄວ້ໃຫ້ເຮົາໃນການເວລາ ແລະ ໃນຊົ່ວນິລັນດອນ.
23 ແລະ ອີກເທື່ອໜຶ່ງ, ເຫດການຈະບັງເກີດຂຶ້ນຄື ຫລາຍຕໍ່ຫລາຍຄົນທີ່ເຈົ້າຈະໃຫ້ບັບຕິສະມາດ້ວຍນ້ຳ, ເຈົ້າຈະວາງ ກມືຂອງເຈົ້າໃສ່, ແລະ ພວກເຂົາຈະໄດ້ຮັບ ຂຂອງປະທານແຫ່ງພຣະວິນຍານບໍລິສຸດ, ແລະ ຈະ ຄເຝົ້າລໍຄອຍເຄື່ອງໝາຍຂອງ ງການມາຂອງເຮົາ, ແລະ ຈະຮູ້ຈັກເຮົາ.
24 ຈົ່ງເບິ່ງ, ເຮົາມາຢ່າງໄວ. ແມ່ນເປັນດັ່ງນັ້ນ. ອາແມນ.