Tusitusiga Paia
Mataupu Faavae ma Feagaiga 39


Vaega 39

Faaaliga na tuuina mai e ala mai ia Iosefa Samita le Perofeta, ia James Covel, i Feiete, Niu Ioka, i le aso 5 o Ianuari, 1831. O James Covel, o lē na avea ma faifeau o le lotu Metotisi pe tusa ma le fa sefulu tausaga, na osifeagaiga ma le Alii o le a ia usiusitai i soo se poloaiga o le a tuu mai e le Alii ia te ia e ala mai ia Iosefa le Perofeta.

1–4, Ua i ai i le Au Paia le mana e avea ai ma alo o le Atua; 5–6, O le talia o le talalelei o le talia lea o Keriso; 7–14, Ua poloaiina James Covel ia papatiso ma galue i le tovine o le Alii; 15–21, Ia talai atu e auauna a le Alii le talalelei ae lei oo i le Afio Mai Faalua; 22–24, O i latou o e e talia le talalelei o le a faapotopotoina i le olaga nei ma le faavavau.

1 Faalogo mai ia ma faafofoga mai i le siufofoga o ia o lē ua mai i le afaavavau atoa e oo i le faavavau atoa, le eO A’u Silisili, o Iesu Keriso lava—

2 O le amalamalama ma le ola o le lalolagi; o se malamalama ua susulu i le pouliuli a ua lē malamalama i ai le pouliuli;

3 O ia lava lea na alu atu i le avaeluaga o taimi i lo’u lava nuu, ae sa lē talia a’u e lo’u lava nuu;

4 Ae i le toatele o i latou o e na talia a’u, na Ou tuu atu i ai le mana e avea ai ma o’u aatalii; ma o le a faapea lava ona Ou tuu atu i le toatele o i latou o e o le a latou talia a’u, le mana e avea ai ma o’u atalii.

5 Ma e moni, e moni, Ou te fai atu ia te oe, o ia o lē e talia la’u talalelei ua ia atalia a’u; ma o ia o lē na te lē talia la’u talalelei ua ia lē talia a’u.

6 Ma o la’u atalalelei lenei—o le salamo ma le papatisoga i le vai, ona oo mai ai lea o le epapatisoga i le afi ma le Agaga Paia, o le Fesoasoani lava lea, o lē na te faailoa atu mea uma, ma iaoao atu mea filemu o le malo.

7 Ma o lenei, faauta, Ou te fai atu ia te oe, la’u auauna aIakopo, ua Ou vaai i luga o au galuega ma ua Ou iloa oe.

8 Ma e moni Ou te fai atu ia te oe, ua sa’o nei lou loto i o’u luma i le taimi lenei; ma, faauta, ua Ou faaee atu faamanuiaga sili i luga o lou ulu;

9 Ae ui i lea, sa e vaai i faanoanoaga tetele, ona sa e tetee ia te a’u i le tele o taimi ona o le faamaualuga ma le popole i mea o le alalolagi.

10 Ae, faauta, ua oo mai aso o lou laveaiina, pe afai e te faalogo mai i lo’u leo, lea ua fai atu ia te oe: Tulai ia ma apapatiso, ma fufulu ese au agasala, ma valaau mai i lo’u igoa, ma o le a e maua ai lo’u Agaga, ma se faamanuiaga e matua tele e te lei iloaina lava.

11 Ma afai e te faia lenei mea, ua Ou saunia oe mo se galuega sili atu. Ia e talai atu le atoatoaga o la’u talalelei, lea ua Ou auina atu i nei aso e gata ai, o le feagaiga lea ua Ou auina atu e atoe aumai o’u tagata, o e o le aiga o Isaraelu.

12 Ma o le a oo mai o le a atumau le mana i ou luga; o le a ia te oe le faatuatua tele, ma o le a Ou faatasi ma oe, ma muamua atu i ou luma.

13 Ua valaaulia oe e te agalue i lo’u tovine, ma ati a’e i luga la’u ekalesia, ma e’aumai i luma Siona, ina ia olioli i luga o maupu’epu’e ma itupuolaola.

14 Faauta, e moni, e moni, Ou te fai atu ia te oe, e lei valaaulia oe e te alu i itu-laueleele i sasae, ae ua valaaulia oe e te alu i Ohaio.

15 Ma talu ai ona o le a faapotopoto e o’u tagata i latou lava i Ohaio, sa Ou faapolopoloina se afaamanuiaga e lei iloa lava i totonu o le fanauga a tagata, ma o le a liligi ifo i luga o o latou ulu. Ma mai iina o le a o atu ai alii i eatunuu iuma.

16 Faauta, e moni, e moni, Ou te fai atu ia te oe, ua valaau mai tagata i Ohaio ia te a’u i le faatuatua tele, i le manatu o le a Ou taofi lo’u lima mai le faamasino atu i luga o atunuu, ae e lē mafai ona Ou faafitia la’u upu.

17 O le mea lea, faasaga atu ma lou malosi ma valaaulia tagata galulue faamaoni i lo’u tovine, ina ia ateuteuina mo le taimi mulimuli.

18 Ma e tusa ai ma lo latou salamo ma talia le atoatoaga o la’u talalelei, ma faapaiaina, o le a Ou taofi lo’u lima mai le afaamasino atu.

19 O le mea lea, alu atu, ma alaga atu ma le leo tele, fai atu: Ua oo mai le malo o le lagi; alaga atu: Osana! ia faamanuina lava le suafa o le Atua Silisili Ese.

20 Alu ma papatiso atu i le vai, ma teuteu le ala i o’u luma mo le taimi o lo’u aalu atu;

21 Ona ua oo mai le taimi; o le aaso po o le itula e leai se tagata na te eiloaina; ae ua mautinoa o le a oo mai lava.

22 Ma o ia o lē na te talia nei mea ua ia taliaina a’u; ma o le a faapotopotoina i latou ia te a’u i le olaga nei ma i le faavavau.

23 O lenei foi, o le a oo mai, o le toatele o i latou o e o le a e papatisoina i le vai, ia e faaee i ai ou alima, ma o le a latou maua le emeaalofa o le Agaga Paia, ma o le a itulimatai mo faailoga o lo’u oalu atu, ma o le a latou iloa a’u.

24 Faauta, e vave ona Ou alu atu. E faapea lava. Amene.