4. kafli

Opinberun gefin með spámanninum Joseph Smith til föður hans, Josephs Smith eldri, í Harmony, Pennsylvaníu, í febrúar 1829 (History of the Church, 1:28).

1–4, Dygg þjónusta frelsar þjóna Drottins; 5–6, Guðlegir eiginleikar gera þá hæfa til þjónustunnar; 7, Leita verður þess sem Guðs er.

  SJÁ nú, undursamlegt verk er að hefjast á meðal mannanna barna.

  Ó þér, sem gangið í þjónustu Guðs, gætið þess því að þjóna honum af öllu hjarta yðar, mætti, huga og styrk, svo að þér megið standa saklausir frammi fyrir Guði á efsta degi.

  Ef þér þráið þess vegna að þjóna Guði, eruð þér kallaðir til verksins—

  Því að sjá, akurinn er þegar hvítur til uppskeru; og tak eftir, að sá sem beitir sigð sinni af mætti sínum, sá hinn sami safnar sér forða, svo að hann farist eigi, heldur búi sálu sinni hjálpræði—

  Og trú, von, kærleikur og ást, með einbeittu augliti á dýrð Guðs, gjörir hann hæfan til verksins.

  Hafið í huga trú, dyggð, þekkingu, hófsemi, þolinmæði, bróðurlega góðvild, guðrækni, kærleik, auðmýkt, kostgæfni.

  Biðjið og yður mun gefast, knýið á og fyrir yður mun upp lokið verða. Amen.