40. kafli

Opinberun gefin spámanninum Joseph Smith og Sidney Rigdon í Fayette, New York, í janúar 1831 (History of the Church, 1:145). Áður en spámaðurinn skráði þessa opinberun skrifaði hann: „Þar sem James Covill hafnaði orðum Drottins og sneri aftur til fyrri trúarkenninga og fólks, gaf Drottinn mér og Sidney Rigdon eftirfarandi opinberun” (History of the Church, 1:145).

1–3, Ótti við ofsóknir og veraldlega hluti veldur því að fagnaðarerindinu er hafnað.

  SJÁ, sannlega segi ég yður, að hjarta þjóns míns James Covill var réttlátt fyrir mér, því að hann gjörði sáttmála við mig um að hlýða orðum mínum.

  Og hann tók á móti orðinu með gleði, en samstundis freistaði Satan hans og óttinn við ofsóknir og veraldlega hluti varð til þess, að hann hafnaði orðinu.

  Hann rauf þess vegna sáttmála minn, og það er mitt að gjöra við hann eins og mér þóknast. Amen.