Dagiti Nasantuan a Kasuratan
Doktrina ken Katulagan 41


Benneg 41

Paltiing a naited iti Simbaan babaen ni Joseph Smith a Propeta, iti Kirtland, Ohio, idi 4 ti Pebrero 1831 (History of the Church, 1:146–147). Napartak ti yaadu dagiti kameng iti Sanga ti Simbaan iti Kirtland iti daytoy a panawen. Kas panangirugina iti daytoy a paltiing insurat ti Propeta, “Sigaganetget dagiti kameng a mangaramid iti pagayatan ti Dios, iti pannakaammoda, nupay adda dagiti karkarna a tignay ken sinsinan nga espiritu a nangserrek kadakuada…[ket] inted ti Apo iti Simbaan ti sumaganad” (History of the Church, 1:146–147).

1–3, Iturong dagiti elder ti Simbaan babaen ti espiritu ti pammaltiing; 4–6, Awaten ken salimetmetanto dagiti pudno a disipulo ti paglintegan ti Apo; 7–12, Nainaganan ni Edward Partridge nga obispo iti Simbaan.

1 Imdengan ken denggenyo, O tattaok, kinuna ti Apo ken Diosyo, dakayo a pakaragsakak a abendisionan iti kaindaklanan amin a bendision, dakayo a dumngeg kaniak; ket bilunodko dagiti di dumngeg kaniak, a cnangibaga a mamati iti naganko, iti kadagsenan iti amin a lunod.

2 Imdenganyo, O dakayo nga elder ti simbaanko a tinudingak, adtoy, itedko kadakayo ti bilin, nga ummongenyo ti bagbagiyo nga aagkaykaysa iti balikasko;

3 Ket babaen ti kararag ti pammatiyo awatenyonto ti apaglintegak, tapno ammoyo ti mangituray iti simbaanko ket adda ti amin nga umno iti imatangko.

4 Ket siakto ti aagturayyo no bumayak; ket adtoy, umayak a di agtaktak, ket makitayonto ti pannakaitalimeng ti paglintegak.

5 Isu a amangawat iti paglintegak ken bmangaramid, isu ti disipulok; ket isu nga agkuna nga immawat ngem dina aramiden, isu ti diak disipulo, ket cmapapanawto kadakayo;

6 Ta saan nga umno a maited dagiti banag nga agpaay kadagiti ubbing ti pagarian kadagiti saan a maikari, wenno kadagiti aaso, wenno dagiti bperlas a maipuruak kadagiti baboy.

7 Ket manen, umno a ti katulongak a ni Joseph Smith, Jun., maibangonan iti abalay, a pagyanan ken bpagipatarusanna.

8 Ket manen, umno nga agyan ti katulongak a ni Sidney Rigdon no ipapanna a pagsayaatanna, no la ketdi ta tungpalenna dagiti bilinko.

9 Ket manen, tinudingak ti katulongak a ni aEdward Partridge; ket itedko ti bilin, a nasken a matudingan babaen ti timek ti simbaan, ket maordenan nga bobispo iti simbaan, a mangpanaw iti pamastrekanna ket cibubosna ti amin a panawenna nga agtrabaho iti simbaan;

10 A mangkita iti amin a banag kas ituding kenkuana dagiti paglintegak iti aldaw a pannangtedko kadakuada.

11 Ket gapu daytoy iti kinatarnaw ti pusona kaniak, ta kasla iti daydi nagkauna a aNatanael, nga awan kenkuana ti bkinasikap.

12 Naited kadakayo dagitoy a balikas, ket natarnawda kaniak; gapuna, agannadkayo iti panangimetyo, ta sungbatanto ida dagiti kararuayo iti aldaw a panangukom. Pudno a kasta. Amen.