Mwakoro 42
Kaotioti ae kaotaki ae uoua mwakorona rinanon Iotebwa Timiti te Burabeti, i Kirtland, Ohio, n Beberuare 23, 1831. Te moan mwakoro kanoana bon kibu 1 ni karokoa 72, e karekeaki i mataia unimwaane aika tengaun ma uoman ao ni kakoroa nanon ana berita te Uea are e a Kaman karaoia are e na kaotaki te “tua” i Ohio (taraa mwakoro 38:32). Kanoan te kauoua ni mwakoro bon kibu 73 ni karokoa 93. E kamatata te Burabeti bwa te kaotioti aei e “mwaneaki iai tuan te Ekaretia.”
1–10, A weteaki unimwaane bwa a na tataekina te euangkerio, ni bwabetitoia naake a rairaki, ao ni karikirakea te Ekaretia; 11–12, A riai ni weteaki ao ni katabuaki ao n riai n reirei tuan te euangkerio ake a kuneaki ni koroboki aika tabu; 13–17, A riai n reirei ao n taetae ni burabeti man mwaakan te Tamnei; 18–29, A tuangaki Aomata aika Itiaki bwa a na aki tiritiri, ira, kewe, kaibwabwaru, wenenibure, ke n taekina ae buakaka ibukia tabeman; 30–39, A kaotaki tua ake a bairea katabuan bwai nakon te Uea; 40–42, E kabuakakaaki te kamoamoa ao te taningaroti; 43–52, A na kamarurungaki aoraki rinanon te katoka bai ao man te onimaki; 53–60, Koroboki aika tabu a bairea te Ekaretia ao n riai ni katanoataki nakon te aonaba; 61–69, E na kaotaki nnen Ierutarem ae Boou ao bwain te abanuea aika raba; 70–73, A na kabonganaki taabo ake a tia ni katabuaki ibukin boutokaia ana taan mwakuri te Ekaretia; 74–93, A kaotaki tua ake a bairea te wenenibure, te tiritiri, te ira, ao kaotakin bure.
1 Ongora, O ngkami unimwaanen au ekaretia, ake kam a tia ni ikotingkami ni kabane n arau, ae Iesu Kristo Natin te Atua ae maiu, te Tia Kamaiua te aonaba; ibukina bwa kam kakoua arau ao ni kawakini au tua.
2 I a manga tuangkami riki, ongora ao kakauongo raoi ao ongeaba nakon te atua are N na anganingkami.
3 Bwa e koaua ae I taku, ibukina bwa kam a tia n ikotingkami ni kabane ni kaineti nakon te atua are I tuangkami, ao ni bo nanomi ni bkaineti ma te bwai ae tii teuana aei, ao n tia n butiia te Tama n arau, eng kam na bon karekei.
4 Nooria, e koaua ae I tuangkami, I anganingkami te moan tua aei, bwa kam na waaki i nanon arau, ngkami ni kabane, ma tiaki au tia mwakuri aika Iotebwa Timiti te Ataei, ao Sidney Rigdon.
5 Ao I anganiia te tua bwa a na waaki i nanon te tai ae uarereke, ao a na anganaki man mwaakan te aTamnei te tai ae a na oki iai.
6 Ao kam na waaki ni mwaakan Tamneiu, n tataekina au euangkerio, ani kakauoman, n arau, n tabekaarake bwanaami n ai aron tangin te buu, n taekinii au taeka n ai aroia ana anera te Atua.
7 Ao kam na waaki nako ni bwabwetito i nanon te ran, ni kangai: Raira nanomi, raira nanomi, bwa e a kaan roko abanuean karawa.
8 Ao man te tabo aei kam na waaki nako nakon aaba ake i maeao; ao ngkana kam kuneia naake a na butimwaingkami kam na karikirakea au ekaretia n aaba nako—
9 Ni karokoa e na roko te tai are e na kaotaki nakoimi mai eta, bwa ningai ae e na katauraoaki iai akaawan bIerutarem ae Boou, bwa kam aonga ni cikotaki ni katiteuanaaki, bwa kam aonga n riki bwa au daomata ao Ngai N na riki bwa Atuami.
10 Ao I a manga tuangkami, bwa au tia mwakuri ae aEdward Partridge e na tei n nakoana are I a tia n rineia nako iai. Ao e na koro bukina, bwa ngkana e urui tua e na rineaki btemanna bwa e na onea mwina. Eng. Amen.
11 Ao I a manga tuangkami riki, bwa e na aki anganaki temanna bwa e na waaki nako n atataekina au euangkerio, ke ni karikirakea au ekaretia, tii ngkana e bkatabuaki iroun are iai irouna te ckariaiakaki, ao n ataaki n te ekaretia bwa iai irouna te kariaiakaki ao n tia ni katabuaki ni kawaina ae riai mai irouia mataniwiin te ekaretia.
12 Ao teuana riki, aunimwaane, ibonga ao taan reirei n te ekaretia aei a na banga reirei naba i aon tuan au euangkerio, ake i nanon te cBaibara ao Ana dBoki Moomon, are i nanona bon bwaninin te eeuangkerio.
13 Ao a na kawakin tenaan aberita aika tabu ao ana kaetieti te ekaretia ao ni karaoi, ao aikai aia reirei, n aron are a na kairaki iroun te Tamnei.
14 Ao kam na anganaki te Tamnei man te atataro n onimaki; ao ngkana kam aki karekea te bTamnei kam na aki anga reirei.
15 Ao ni kabane aikai kam na kawakin ao ni karaoi n aron ae I a tia n tuangkami ni kaineti ma ami reirei, ni karokoa e kaotaki bwaninin au akoroboki aika tabu.
16 Ao ngkana kam tabekaraake bwanaami mai iroun te aTia Karaunano, kam na taetae ao n taetae ni burabeti n aron nooran raoiroina Irou;
17 Bwa, nooria, e atai bwaai ni kabane te Tia Karaunano, ao e kaota koauan te Tama ao te Nati.
18 Ao ngkai, nooria, I taetae nakon te ekaretia. Ko na tai akamateia aomata; ao ane e bkamatea te aomata e na bon aki kabwaraaki ana bure n te aonaba aei, ke n te aonaba ae e na roko.
19 Ao I a manga kangai, ko na tai kamateia aomata; bwa ane e tiritiri e na bon amate.
20 Ko na tai aira; ao ane e ira ao e aki raira nanona e na bon teweaki nako.
21 Ko na tai akewe; ane e kewe ao e aki raira nanona e na bon teweaki nako.
22 Ko na atangira buum ma nanom ni kabanea, ao n bnim ma ngaia ao akea riki.
23 Ao ane e taraa te aine ma ni akaibwabwaru ibukina e bon kaakea te onimaki, ao e na akea te Tamnei irouna; ao ngkana e aki raira nanona e na bon teweaki nako.
24 Ko na tai awenenibure; ao ane e wenenibure, ao e aki raira nanona, e na bon teweaki nako.
25 Ma ane e a tia ni wenenibure ao n araira nanona ma nanona ni kabane, ao ni kiitanna, ao n aki manga karaoia, ko na bkabwara ana bure;
26 Ma ngkana e a amanga karaoia naba, e na bon aki kabwaraaki ana bure, ma e na teweaki nako.
27 Ko na tai ataekina ae buakaka ibukin kaain rarikim, ke ni kaikoakia.
28 Ko atai au tua ni kaineti ma bwaai aikai ake a kaotaki n au koroboki aika tabu; ane e bure ao e aki raira nanona e na bon ateweaki nako.
29 Ngkana ko atangirai ko na bbeku ibukiu ao ni ckawakini au tua ni kabane.
30 Ao nooria, ko na uringiia akainnano, ao ni bkatabui am bwai ibukin cboutakaaia are ko na tibwauai nakoia, ma te berita ae tabu ao te beeba ni kabure bwai are e aki kona n uruakaki.
31 Ao ngkana ko atibwauai am bwai nakoia bkainnano, ko bon karaoia nakoiu; ao a na kaakaki i matan te cbitiobi n au ekaretia ao a na taan ibuobuoki ake unimwaane aika uoman, ke ibonga aika rietata, n aron are e na rineia ke n tia n rineia ao ni dkaokoroaki ibukin te nakoa anne.
32 Ao e na koro bukina, bwa i mwin kaakakiia imatan te bitiobi n au ekaretia, ao i mwin karekean taiani kakoaua ni kaineti ma akatabuan ana bwai au ekaretia, bwa aonga n aki anaaki man te ekaretia, ni kaineti nakon au tua, aomata nako a na bon bbukinaki nakoiu, te ctia tararuai oin ana bwai, ke are e a tia ni karekea man te katabu, n aron ae e bon tau ibukina ao ana dutu.
33 Ao teuana riki, ngkana iai naba bwaai i nanon bain te ekaretia, ke kaaina n tatabemaniia nako, ae riaon ae tau ibukin boutokaaia i mwin te moan katabu, are te anikira bwa e na katabuaki nakon te bitiobi, e na kawakinaki ibukin anganakiia naake akea aia bwai, man te tai teuana nakon te tai teuana, bwa ni kabane aomata ake iai kainnanoia a kona n anganaki ae tau ao ni karekea ni kaineti nakon are e kainanoia.
34 Ngaia are, nikirana a na kawakinaki n au bata ni kaikobwai, bwa a na anganaki naake akea aia bwai ma kainano, n aron are e baireaki man te kauntira ae rietata n te ekaretia, ao te bitiobi ao ana kauntira;
35 Ao bwa ibukin kabooan aaba ibukin kabwaiaia te botanaomata n te ekaretia, ao katean taabo n taromauri, ao karikirakean aIerutarem ae Boou are e na bon kaotaki rimwi—
36 Bwa aonga au aomata i nanon te berita ae tabu n ikotaki ni katiteuanaaki n te bong anne ngkana I aroko nakon au btembora. Ao I karaoa aio ibukin kamaiuaia au aomata.
37 Ao e na koro bukina, bwa ane e bure ao e aki raira nanona e na bon ateweaki nako man te ekaretia, ao n aki manga karekea are e a tia ni bkatabua nakoia naake akea aia bwai ma kainnano n au ekaretia, ke taekinana riki teuana, nakoiu—
38 Bwa ngkana ko akaraoi baikai nakon temanna ae moan te mangori i buakoia, ko bon karaoia naba nakoiu.
39 Bwa e na koro bukina, bwa are I taekin man wiia au burabeti a na bon koro bukiia; bwa N na katabui kaubwaia naake a butimwaea au euangkerio i buakoia Tientaire ibukia kainnano n au botanaomata ake bon kaain te bata are Iteraera.
40 Ao teuana riki, ko na tai akamoamoa naba i nanom; am bkunnikai ni kabane a na tau tamaroaia, ao tamaroana bon tamaroan ana mwakuri oin baim;
41 Ao bwaai ni kabane a na karaoaki n te itiaki imatau.
42 Ko na tai ataningaroti; bwa ane e taningaroti e na aki kana ana kariki ke ni bwaina kunnikain te tia mwakuri.
43 Ao antai i buakomi ane e aaoraki, ao n akea ana onimaki ni kamarurungaki, ma e kakoaua, e na kamwarakeaki ma te akoi ni kabane, n te aroka ao amwarake aika maraurau, ao tiaki man bain te tia kairiribai.
44 Ao unimwaanen te ekaretia, uoman ke e mwaiti riki, a na weteaki, ao a na tataro ibukia ao ni katokai abaia i aoia n arau; ao ngkana a mate a na bmate ibukiu, ao ngkana a maiu a na maiu ibukiu.
45 Kam na uaia ni amaeka i nanon te btangira, n te aro are kam na ctang ibukin buaia akana a mate, ao riki ibukiia naake akea aia dkantaninga n te mangauti ae mimitong.
46 Ao e na koro bukina bwa naake a mate inanou a na aki katoonga te amate, bwa e na bkarewe irouia;
47 Ao naake aki mate inanou, a na reke kaia, bwa e mao mateia.
48 Ao teuana riki, e na koro bukina bwa ane iai ana aonimaki irou bwa e na bkamarurungaki, ao e aki cmotikaki bwa e na mate, e na kamarurungaki.
49 Ane iai ana onimaki n nooria e na bon nooria.
50 Ane iai ana onimaki n ongo e na bon ongo.
51 Te mwauku ae iai ana onimaki ni kibarake e na bon kibarake.
52 Ao naake akea aia onimaki ni karaoi bwaai aikai, ma a kakoauaai, e na iai te mwaaka irouia n riki bwa anatiu; ao ngkana a teimatoa n aki urui au tua ko na bbuokiia ni mamaaraia.
53 Ko na tei ni matoatoa n anakoam n tararua.
54 Ko na tai anaa ana kunnikai tarim; ko na kabooa te bwai are ko karekea mai iroun tarim.
55 Ao ngkana ko akarekea ae riaon are tau ibukin boutokaam, ko na anga nakon au bbata ni kaikobwai, bwa aonga ni karaoaki bwaai ni kabane ni kaineti ma are I a tia n taekinna.
56 Ko na bubuti, ao ko na anganaki au akoroboki aika tabu n aron are I a tia ni baireia, ao a na bkawakinaki raoi man te kabuanibwai;
57 Ao e riai bwa ko na tai kakarongoa ibukiia, ao tai reireiniia ni karokoa ko a tia ni karekei ni bwaniniia.
58 Ao I anganingkami te tua bwa te tai are kam na reiakini iai nakoia aomata ni kabane; bwa a na reiakinaki nakoia ni akabane aaba, reeti, neewe, ma botannaomata.
59 Ko na butimwaai bwaai ake ko a tia ni karekei, ake ko a tia n anganaki i nanon au koroboki aika tabu ibukin te tua, bwa au tua ni bairea au ekaretia;
60 Ao ane e akaraoia ni kaineti nakon bwaai aikai e na bon kamaiuaki, ao ane e aki karaoia e na bon bkabuakakaaki ngkana e reitinako n aio.
61 Ngkana ko bubuti, ko na karekea te akaotioti teuana i mwin te kaotioti teuana, te batatai teuana i mwin te atatai teuana, bwa ko aonga n ataa ana bwai aika craba ao bwaai aika drau—aika a uota te ekimwareirei, aika a uota te maiu ae akea tokina.
62 Ko na bubuti, ao e na kaotaki nakoim ni bon oin au tai ike e na kateaki iai aIerutarem ae Boou.
63 Ao nooria, e na koro bukina bwa au taan mwakuri a na kanakoaki nako mainiku ao nako maeao, nako meang ao nako maiaki.
64 Ao ngkai naba, e riai teuare e na nako mainiku n reireiniia ake a rairaki bwa a na nako amaeao, ao aio ibukin bwaai aika a na riki n te aonaba, ao ibukin bbotaki ni karaba aika buakaka.
65 Nooria, ko na karaoi bwaai ni kabane aikai, ao e na korakora kanuangam; bwa ko anganaki bwa ko na atai bwain te abanuea aika raba, ma nakon te aonaba e aki kaotaki nakoia bwa a na ataia.
66 Kam na kawakini tua ake kam a tia ni karekei ao ni bwaina te kakaonimaki.
67 Ao i mwina kam na karekei aberita aika tabu n te ekaretia, n aron ae e tau ibukin karikirakeami, ikai ao i Ierutarem ae Boou naba.
68 Mangaia are, ane akea arabakauna, e na bubutiai, ao N na anganna ma te tituaraoi ao n aki ngurengureakinna.
69 Tabekarake nanomi ao kimwareirei, bwa e anga nakoimi te aabanuea, ke n taekana teuana, a tia n anganaki bkiingin te ekaretia. Eng. Amen.
70 aIbonga ao btaan reirei a na iai cmwiokoaia n tararua, n ai aroia naba kaain te ekaretia.
71 Ao unimwaane ke ibonga aika rietata ake a tia n rineaki bwa a na buoka te bitiobi bwa taan ibuobuoki ni bwai ni kabane, a na riai ni boutokaaki aia utu man bwai ake a akatabuaki nakon te bitiobi, ibukin kabwaiaia kainnano, ao ibukin waki riki tabeua, n aron are e taekinaki mai mwaaina;
72 Ke a na riai ni karekea booia ae tau ibukin aia mwakuri nako, ke te mwiokoaki n tararua ke n anga riki tabeua, n aron iangoakina ae raoiroi ke ae baireaki mai irouia taan ibuobuoki ao te bitiobi.
73 Ao te bitiobi naba, e na karekea boutokaana, ke boona ae tau ibukin ana mwakuri ni kabane n te ekaretia.
74 Nooria, e koaua ae I tuangkami, bwa aomata nako i buakomi, ake a tia ni katuka buuia ibukin te awenenibure, ke n taekana teuana, ngkana a kakoaua imatami ma te nano ae nanorinano bwa aio bukina, kam na aki tewenakoia mai buakomi;
75 Ma ngkana kam kunea te aomata ae tia ni kiitana buuna ibukin te awenenibure, ao boni ngaiia taan bure, ao buuia a bon maiu, a na bon bteweaki nako mai buakomi.
76 Ao I a manga tuangkami riki, bwa kam na bwaina te ataratara raoi ma te karaurau, ma titiraki ni kabane, bwa akea ae kam na butimwaia ae ai aron aei i buakomi ngkana a tia ni mare;
77 Ao ngkana a tuai mare, a na riai n rairananoia man aia bure nako ke kam na aki butimwaiia.
78 Ao teuana riki, aomata nako ake kaain ana ekaretia Kristo aio, a na riai ni kawakini tua ni kabane ao berita aika tabu n te ekaretia.
79 Ao e na koro bukina, bwa ngkana iai aomata i buakomi aika a atiritiri a riai ni uotaki rake ao ni baireaki taekaia ni kaineti ma tuan te aba; bwa uringnga akea kabwaraan ana bure; ao e na kakoauaaki ni kaineti ma tuan te aba.
80 Ao ngkana te mwaane ke te aine ae e wenenibure, teuanne ke neienne e na motikaki taekana i mataia unimwaanen te ekaretia aika uoman, ke e mwaiti riki, ao a na kamatoaki taian taeka nako ni kaitaraa teuanne ke neienne mai irouia uoman taan kakoaua n te ekaretia, ao tiaki taan kairiribai; ma e rangi n tikiraoi riki ngkana e raka i aon uoman taan kakoaua.
81 Ma teuane ke neiene e bukinaki bwa e bure man wiia uoman taan kakoaua; ao unimwaane a na uotaarake te tang aio nako matan te ekaretia, ao te ekaretia a na tabekarake baia ni kaitara teuanne ke neienne, bwa aonga ni baireaki taekaia ni kaineti nakon ana tua te Atua.
82 Ao ngkana e kona, e riai bwa e na iri naba te bitiobi.
83 Ao kam na karaoa aio n taian tang ni kabane ake a roko imatami.
84 Ao ngkana te mwaane ke te aine e kimoa, teuanne ke neienne e na uotakirake nakon tuan te aba.
85 Ao ngkana teuanne ke neienne e aira, teuanne ke neienne e na uotakirake nakon tuan te aba.
86 Ao ngkana teuanne ke neienne e akewe, teuanne ke neienne e na uotakirake nakon tuan te aba.
87 Ao ngkana teuanne ke neienne e karaoa aekan buakaka nako, teuanne ke neienne e na uotakirake nakon te tua, are mai iroun te Atua.
88 Ao ngkana atarim ke mwanem e bbure nakoim, ko na anaa teuanne ke neienne ao ti i marenan teuanne ke neienne ma ngkoe; ao ngkana teuanne ke neienne e ckaota ana bure kam na ioki.
89 Ao ngkana teuanne ke neienne e aki kaota ana bure ko na uotaarake teuanne ke neienne nakon te ekaretia, tiaki nakoia kaain te ekaretia, ma nakoia unimwaane. Ao e na karaoaki n te boowi, ao tiaki i matan te aonaba.
90 Ao ngkana tarim ke mwanen e bure nakoia aika a mwaiti, teuanne ke neienne e na akatuaeaki i mataia aika a mwaiti.
91 Ao ngkana iai ae e bure i mataia aomata, teuanne ke neienne e na takuaki imataia aomata, bwa e aonga teuanne ke neienne ni maamaa. Ao ngkana teuanne ke neienne e aki kaota ana bure, teuanne ke neienne e na uotakirake nakon ana tua te Atua.
92 Ngkana iai ae e bure nakon temanna ni karaba, teuanne ke neienne e na takuaki ni karaba, bwa e aonga teuanne ke neienne n reke ana tai ni kaota ana bure ni karaba nakon teuare ke neiere e a tia ni bure nakoina, ao nakon te Atua, bwa e aonga te ekaretia n aki taetae ni kabuakaka ibukin teuanne ke neienne.
93 Ao aio ae kam na karaoia n bwaai ni kabane.