ພາກທີ 43
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງເຄີດແລນ, ລັດໂອໄຮໂອ, ໃນເດືອນກຸມພາ 1831. ໃນເວລານີ້ສະມາຊິກຂອງສາດສະໜາຈັກບາງຄົນວຸ້ນວາຍໃຈເພາະມີຄົນອ້າງຕົນວ່າເປັນຜູ້ເປີດເຜີຍ. ສາດສະດາໄດ້ທູນຖາມພຣະຜູ້ເປັນເຈົ້າ ແລະ ໄດ້ຮັບການສື່ສານນີ້ເຖິງພວກແອວເດີຂອງສາດສະໜາຈັກ. ສ່ວນທຳອິດແມ່ນກ່ຽວກັບເລື່ອງການປົກຄອງສາດສະໜາຈັກ; ສ່ວນຕໍ່ໄປບັນຈຸການເຕືອນວ່າ ແອວເດີຕ້ອງມອບໃຫ້ແກ່ປະຊາຊາດຂອງແຜ່ນດິນໂລກ.
1–7, ການເປີດເຜີຍ ແລະ ພຣະບັນຍັດ ມາເຖິງພຽງແຕ່ຜ່ານຜູ້ທີ່ຖືກແຕ່ງຕັ້ງໄວ້ເທົ່ານັ້ນ; 8–14, ໄພ່ພົນຂອງພຣະເຈົ້າໄດ້ຮັບການຊຳລະໃຫ້ບໍລິສຸດ ໂດຍການເຮັດໃນຄວາມບໍລິສຸດທຸກຢ່າງຢູ່ຕໍ່ພຣະພັກຂອງພຣະຜູ້ເປັນເຈົ້າ; 15–22, ແອວເດີໄດ້ຖືກສົ່ງອອກໄປເພື່ອເອີ້ນປະກາດການກັບໃຈ ແລະ ຕຽມມະນຸດສຳລັບວັນທີ່ຍິ່ງໃຫຍ່ຂອງພຣະຜູ້ເປັນເຈົ້າ; 23–28, ພຣະຜູ້ເປັນເຈົ້າເອີ້ນມະນຸດໂດຍສຸລະສຽງຂອງພຣະອົງເອງ ແລະ ຜ່ານພະລັງທຳມະຊາດ; 29–35, ຊ່ວງໄລຍະພັນປີ ແລະ ການຜູກມັດຊາຕານ ຈະເກີດຂຶ້ນ.
1 ໂອ້ ຈົ່ງເຊື່ອຟັງ, ພວກເຈົ້າແອວເດີຂອງສາດສະໜາຈັກຂອງເຮົາ, ແລະ ງ່ຽງຫູຟັງຖ້ອຍຄຳ ຊຶ່ງເຮົາຈະກ່າວກັບພວກເຈົ້າ.
2 ເພາະຈົ່ງເບິ່ງ, ຕາມຈິງ, ຕາມຈິງແລ້ວ, ເຮົາກ່າວກັບພວກເຈົ້າ, ວ່າພວກເຈົ້າໄດ້ຮັບບັນຍັດຂໍ້ໜຶ່ງໄວ້ເປັນ ກກົດສຳລັບສາດສະໜາຈັກຂອງເຮົາ, ໂດຍຜ່ານຄົນທີ່ເຮົາໄດ້ແຕ່ງຕັ້ງໄວ້ໃຫ້ແກ່ພວກເຈົ້າ ເພື່ອຈະໄດ້ຮັບ ຂບັນຍັດ ແລະ ການເປີດເຜີຍຈາກມືຂອງເຮົາ.
3 ແລະ ການນີ້ພວກເຈົ້າຈະຮູ້ຢ່າງແນ່ນອນ—ບໍ່ມີຄົນອື່ນໄດ້ຖືກກຳນົດໃຫ້ແກ່ພວກເຈົ້າ ເພື່ອຮັບບັນຍັດ ແລະ ການເປີດເຜີຍ ຈົນກວ່າເຂົາຈະຖືກຮັບເອົາໄປ, ຖ້າຫາກເຂົາ ກແນບສະໜິດຢູ່ໃນເຮົາ.
4 ແຕ່ ຕາມຈິງ, ຕາມຈິງແລ້ວ, ເຮົາກ່າວກັບເຈົ້າ, ວ່າ ກບໍ່ມີຄົນໃດຈະຖືກກຳນົດສຳລັບຂອງປະທານນີ້ ຍົກເວັ້ນແຕ່ຈະເປັນຜ່ານເຂົາ; ເພາະຖ້າຫາກມັນຖືກເອົາໄປຈາກເຂົາ, ເຂົາຈະບໍ່ມີອຳນາດອີກຍົກເວັ້ນແຕ່ຈະກຳນົດຄົນອື່ນແທນເຂົາ.
5 ແລະ ນີ້ຈະເປັນກົດຂໍ້ໜຶ່ງແກ່ພວກເຈົ້າ, ວ່າພວກເຈົ້າຈະບໍ່ຮັບເອົາຄຳສອນຈາກຄົນໃດທີ່ມາຫາພວກເຈົ້າ ວ່າເປັນການເປີດເຜີຍ ຫລື ບັນຍັດ;
6 ແລະ ສິ່ງນີ້ເຮົາມອບໃຫ້ແກ່ພວກເຈົ້າ ເພື່ອວ່າພວກເຈົ້າຈະບໍ່ຖືກ ກຫລອກ, ເພື່ອວ່າພວກເຈົ້າຈະຮູ້ວ່າ ມັນບໍ່ໄດ້ມາຈາກເຮົາ.
7 ເພາະຕາມຄວາມຈິງ ເຮົາກ່າວກັບພວກເຈົ້າວ່າ ຄົນທີ່ໄດ້ຮັບການ ກແຕ່ງຕັ້ງຈາກເຮົາ ຈະເຂົ້າມາທາງ ຂປະຕູ ແລະ ຮັບການແຕ່ງຕັ້ງດັ່ງທີ່ເຮົາໄດ້ບອກພວກເຈົ້າມາກ່ອນ, ເພື່ອສິດສອນການເປີດເຜີຍເຫລົ່ານັ້ນ ຊຶ່ງພວກເຈົ້າໄດ້ຮັບ ແລະ ຈະໄດ້ຮັບຜ່ານຄົນທີ່ເຮົາກຳນົດໄວ້.
8 ແລະ ບັດນີ້, ຈົ່ງເບິ່ງ, ເຮົາມອບບັນຍັດຂໍ້ໜຶ່ງໃຫ້ແກ່ພວກເຈົ້າ, ຄືເມື່ອພວກເຈົ້າມາຊຸມນຸມກັນ ພວກເຈົ້າຈະ ກແນະນຳ ແລະ ສິດສອນກັນ, ເພື່ອວ່າພວກເຈົ້າຈະຮູ້ວິທີທີ່ຈະປະຕິບັດ ແລະ ນຳພາສາດສະໜາຈັກຂອງເຮົາ, ຮູ້ວິທີທີ່ຈະກະທຳຕາມຈຸດຕ່າງໆຂອງກົດ ແລະ ບັນຍັດຂອງເຮົາ, ຊຶ່ງເຮົາໄດ້ມອບໃຫ້.
9 ແລະ ດັ່ງນັ້ນພວກເຈົ້າຈະເປັນຜູ້ໄດ້ຮັບຄຳແນະນຳກ່ຽວກັບກົດຂອງສາດສະໜາຈັກຂອງເຮົາ, ແລະ ໄດ້ຮັບ ກການຊຳລະໃຫ້ບໍລິສຸດໂດຍສິ່ງທີ່ພວກເຈົ້າໄດ້ຮັບ, ແລະ ພວກເຈົ້າຈະຜູກມັດຕົວເອງທີ່ຈະກະທຳໃນຄວາມສັກສິດທັງໝົດຢູ່ຕໍ່ໜ້າເຮົາ—
10 ຄືຕາບໃດທີ່ພວກເຈົ້າຍັງເຮັດສິ່ງນີ້, ລັດສະໝີພາບຈະຖືກ ກຕື່ມໃສ່ອານາຈັກ ຊຶ່ງພວກເຈົ້າໄດ້ຮັບ. ຕາບໃດທີ່ພວກເຈົ້າບໍ່ເຮັດຕາມ, ມັນຈະຖືກ ຂເອົາໄປ, ແມ່ນແຕ່ສິ່ງທີ່ພວກເຈົ້າໄດ້ຮັບ.
11 ຈົ່ງຊຳລະລ້າງ ກຄວາມຊົ່ວຮ້າຍຊຶ່ງຢູ່ໃນບັນດາພວກເຈົ້າອອກໄປ; ຈົ່ງຊຳລະຕົນເອງໃຫ້ບໍລິສຸດຢູ່ຕໍ່ໜ້າເຮົາ;
12 ແລະ ຖ້າຫາກພວກເຈົ້າປາດຖະໜາລັດສະໝີພາບຂອງອານາຈັກ, ຈົ່ງກຳນົດຜູ້ຮັບໃຊ້ຂອງເຮົາ ໂຈເຊັບ ສະມິດ, ຜູ້ລູກ, ແລະ ກສະໜັບສະໜູນລາວຢູ່ຕໍ່ໜ້າເຮົາໂດຍການອະທິຖານດ້ວຍສັດທາ.
13 ແລະ ອີກເທື່ອໜຶ່ງ, ເຮົາກ່າວກັບພວກເຈົ້າວ່າ ຖ້າຫາກພວກເຈົ້າປາດຖະໜາ ກຄວາມລຶກລັບຂອງອານາຈັກ, ຈົ່ງຈັດຫາອາຫານການກິນ ແລະ ເຄື່ອງນຸ່ງຫົ່ມໃຫ້ລາວ, ແລະ ສິ່ງໃດກໍຕາມທີ່ລາວຕ້ອງການເພື່ອຈະໄດ້ສຳເລັດວຽກງານຊຶ່ງເຮົາໄດ້ບັນຊາລາວ;
14 ແລະ ຖ້າຫາກພວກເຈົ້າບໍ່ເຮັດສິ່ງນີ້ ລາວຈະຢູ່ກັບຄົນທີ່ຮັບເອົາລາວ, ເພື່ອວ່າເຮົາຈະໄດ້ເກັບຜູ້ຄົນທີ່ ກບໍລິສຸດໄວ້ຕໍ່ໜ້າເຮົາ.
15 ອີກເທື່ອໜຶ່ງເຮົາກ່າວວ່າ ຈົ່ງເຊື່ອຟັງ ພວກເຈົ້າແອວເດີຂອງສາດສະໜາຈັກຂອງເຮົາ, ຜູ້ຊຶ່ງເຮົາໄດ້ກຳນົດໄວ້: ພວກເຈົ້າບໍ່ໄດ້ຖືກສົ່ງອອກໄປເພື່ອຮັບການສິດສອນ, ແຕ່ເພື່ອ ກສິດສອນລູກຫລານມະນຸດເຖິງສິ່ງທີ່ເຮົາໄດ້ວາງໄວ້ໃນມືຂອງພວກເຈົ້າໂດຍອຳນາດຂອງ ຂພຣະວິນຍານຂອງເຮົາ;
16 ແລະ ພວກເຈົ້າຈະໄດ້ຮັບ ກການສິດສອນຈາກເບື້ອງບົນ. ຈົ່ງ ຂຊຳລະຕົນໃຫ້ບໍລິສຸດ ແລ້ວພວກເຈົ້າຈະ ຄໄດ້ຮັບອຳນາດ, ເພື່ອວ່າພວກເຈົ້າຈະໄດ້ມອບໃຫ້ແມ່ນແຕ່ດັ່ງເຊັ່ນທີ່ເຮົາໄດ້ກ່າວ.
17 ພວກເຈົ້າຈົ່ງເຊື່ອຟັງ, ເພາະ, ຈົ່ງເບິ່ງ, ກວັນ ຂອັນຍິ່ງໃຫຍ່ຂອງພຣະຜູ້ເປັນເຈົ້າໃກ້ຈະມາເຖິງແລ້ວ.
18 ເພາະວັນນັ້ນຈະມາເຖິງເມື່ອພຣະຜູ້ເປັນເຈົ້າຈະເອີ່ຍ ກສຽງຂອງພຣະອົງອອກມາຈາກສະຫວັນ; ຟ້າສະຫວັນຈະ ຂສັ່ນ ແລະ ແຜ່ນດິນໂລກຈະ ຄສະເທືອນ, ແລະ ງແກຂອງພຣະເຈົ້າຈະສົ່ງສຽງອັນຍາວນານ ແລະ ດັງກ້ອງ, ແລະ ຈະກ່າວກັບປະຊາຊາດທີ່ຫລັບຢູ່ວ່າ: ໄພ່ພົນຂອງພຣະເຈົ້າເອີຍ ຈົ່ງ ຈລຸກຂຶ້ນ ແລະ ມີຊີວິດ; ສ່ວນພວກເຈົ້າ ຄົນບາບ ໃຫ້ ສຢູ່ເສີຍ ແລະ ຊຫລັບຢູ່ ຈົນກວ່າເຮົາຈະເອີ້ນອີກ.
19 ດັ່ງນັ້ນ ຈົ່ງຄາດແອວຂອງພວກເຈົ້າ ຖ້າບໍ່ດັ່ງນັ້ນພວກເຈົ້າຈະຖືກພົບເຫັນຢູ່ໃນບັນດາຄົນຊົ່ວ.
20 ຈົ່ງເປັ່ງສຽງຂອງພວກເຈົ້າ ແລະ ຢ່າຢັບຢັ້ງໄວ້ເລີຍ. ຈົ່ງເອີ້ນໃຫ້ປະຊາຊາດກັບໃຈ, ທັງຄົນແກ່ ແລະ ຄົນໜຸ່ມ, ທັງຂ້າທາດ ແລະ ທັງຜູ້ເປັນອິດສະລະ, ໂດຍກ່າວວ່າ: ຈົ່ງຕຽມຕົວເອງສຳລັບວັນອັນຍິ່ງໃຫຍ່ຂອງພຣະຜູ້ເປັນເຈົ້າ;
21 ເພາະເຮົາ, ຜູ້ເປັນມະນຸດ, ເປັ່ງສຽງຂອງເຮົາ ແລະ ເອີ້ນພວກເຈົ້າໃຫ້ກັບໃຈ, ແລະ ພວກເຈົ້າກຽດຊັງເຮົາ, ແລ້ວພວກເຈົ້າຈະວ່າແນວໃດເມື່ອວັນນັ້ນມາເຖິງ ເມື່ອ ກຟ້າຮ້ອງຈະສົ່ງສຽງຂອງມັນຈາກທີ່ສຸດຂອງແຜ່ນດິນໂລກ, ກ່າວໃສ່ຫູຂອງທຸກຄົນທີ່ມີຊີວິດ, ໂດຍກ່າວວ່າ—ຈົ່ງກັບໃຈ, ແລະ ຕຽມສຳລັບວັນອັນຍິ່ງໃຫຍ່ຂອງພຣະຜູ້ເປັນເຈົ້າ?
22 ແທ້ຈິງແລ້ວ, ແລະ ອີກເທື່ອໜຶ່ງ, ເມື່ອຟ້າແມບເຫລື້ອມຈະພຸ່ງອອກມາຈາກທິດພາກຕາເວັນອອກຫາພາກຕາເວັນຕົກ, ແລະ ຈະເປັ່ງສຽງຂອງມັນໃສ່ທຸກຄົນທີ່ມີຊີວິດ, ແລະ ເຮັດໃຫ້ຫູຂອງທຸກຄົນມຶນ ແລະ ໄດ້ຍິນ, ໂດຍກ່າວຖ້ອຍຄຳເຫລົ່ານີ້ວ່າ—ພວກເຈົ້າຈົ່ງກັບໃຈ, ເພາະວັນອັນຍິ່ງໃຫຍ່ຂອງພຣະຜູ້ເປັນເຈົ້າຈະມາເຖິງແລ້ວ?
23 ແລະ ອີກເທື່ອໜຶ່ງ, ພຣະຜູ້ເປັນເຈົ້າຈະເປັ່ງສຽງຂອງພຣະອົງອອກມາຈາກສະຫວັນ, ໂດຍກ່າວວ່າ: ຈົ່ງເຊື່ອຟັງ, ໂອ້ ພວກເຈົ້າປະຊາຊາດຂອງແຜ່ນດິນໂລກ, ແລະ ຟັງພຣະຄຳຂອງພຣະເຈົ້າ ຜູ້ໄດ້ສ້າງພວກເຈົ້າ.
24 ໂອ້, ພວກເຈົ້າປະຊາຊາດຂອງແຜ່ນດິນໂລກ, ຈັກເທື່ອແລ້ວ ທີ່ເຮົາໄດ້ເຕົ້າໂຮມພວກເຈົ້າດັ່ງ ກແມ່ໄກ່ເຕົ້າໂຮມລູກຂອງມັນໄວ້ໃຕ້ປີກຂອງມັນ, ແຕ່ພວກເຈົ້າກໍ ຂບໍ່ຟັງ!
25 ຈັກເທື່ອແລ້ວ ທີ່ເຮົາໄດ້ ກເອີ້ນພວກເຈົ້າໂດຍປາກຂອງ ຂຜູ້ຮັບໃຊ້ຂອງເຮົາ, ແລະ ໂດຍ ຄການປະຕິບັດຂອງເຫລົ່າທູດ, ແລະ ໂດຍສຽງຂອງເຮົາເອງ, ແລະ ໂດຍສຽງຟ້າຮ້ອງ, ແລະ ໂດຍສຽງຟ້າແມບເຫລື້ອມ, ແລະ ໂດຍສຽງພະຍຸຝົນຟ້າຄະນອງ, ແລະ ໂດຍສຽງແຜ່ນດິນໄຫວ, ແລະ ພະຍຸໝາກເຫັບໃຫຍ່, ແລະ ໂດຍສຽງ ຂອງ ງຄວາມອຶດຢາກ ແລະ ພະຍາດໂລຄາທຸກຊະນິດ, ແລະ ໂດຍສຽງແກອັນດັງ, ແລະ ໂດຍສຽງຂອງການພິພາກສາ, ແລະ ໂດຍສຽງຂອງ ຈຄວາມເມດຕາຕະຫລອດທັງວັນ, ແລະ ໂດຍສຽງຂອງລັດສະໝີພາບ ແລະ ກຽດຕິຍົດ ແລະ ຄວາມຮັ່ງມີແຫ່ງຊີວິດນິລັນດອນ, ແລະ ອາດຊ່ວຍພວກເຈົ້າໃຫ້ລອດດ້ວຍຄວາມລອດ ສອັນເປັນນິດ, ແຕ່ພວກເຈົ້າກໍບໍ່ຟັງ!
26 ຈົ່ງເບິ່ງ, ວັນນັ້ນໄດ້ມາເຖິງແລ້ວ, ເມື່ອຈອກແຫ່ງພຣະພິໂລດຂອງເຮົາເຕັມໄປດ້ວຍຄວາມເຄືອງແຄ້ນ.
27 ຈົ່ງເບິ່ງ, ຕາມຄວາມຈິງ ເຮົາກ່າວກັບພວກເຈົ້າວ່າ ນີ້ຄືພຣະຄຳຂອງພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າ.
28 ດັ່ງນັ້ນ, ພວກເຈົ້າຈົ່ງ ກອອກແຮງ, ພວກເຈົ້າຈົ່ງອອກແຮງໃນສວນອະງຸ່ນຂອງເຮົາເປັນເທື່ອສຸດທ້າຍ—ເປັນເທື່ອສຸດທ້າຍ ທີ່ຈະເອີ້ນຜູ້ອາໄສຂອງແຜ່ນດິນໂລກ.
29 ເພາະໃນເວລາອັນເໝາະສົມຂອງເຮົາເອງ, ເຮົາຈະ ກມາເທິງແຜ່ນດິນໂລກໃນການພິພາກສາ, ແລະ ຜູ້ຄົນຂອງເຮົາຈະໄດ້ຮັບການໄຖ່ ແລະ ຈະປົກຄອງນຳເຮົາຢູ່ເທິງແຜ່ນດິນໂລກ.
30 ເພາະໃນຊ່ວງໄລຍະ ກພັນປີອັນຍິ່ງໃຫຍ່, ຊຶ່ງເຮົາໄດ້ກ່າວໂດຍປາກຂອງຜູ້ຮັບໃຊ້ຂອງເຮົາ, ຈະມາເຖິງ.
31 ເພາະ ກຊາຕານຈະຖືກ ຂມັດໄວ້, ແລະ ເມື່ອມັນຖືກປ່ອຍໄປອີກ ມັນຈະປົກຄອງ ຄຊົ່ວໄລຍະໜຶ່ງ, ແລະ ຈາກນັ້ນ ງທີ່ສຸດຂອງແຜ່ນດິນໂລກຈະມາເຖິງ.
32 ແລະ ຄົນທີ່ດຳລົງຊີວິດໃນ ກຄວາມຊອບທຳຈະ ຂປ່ຽນໄປໃນພິບຕາດຽວ, ແລະ ແຜ່ນດິນໂລກຈະສູນສິ້ນໄປເໝືອນດັ່ງດ້ວຍໄຟ.
33 ແລະ ຄົນຊົ່ວຈະອອກໄປສູ່ ກໄຟທີ່ບໍ່ຮູ້ມອດ, ແລະ ຈຸດຈົບຂອງເຂົາບໍ່ມີຄົນໃດຮູ້ຢູ່ໃນແຜ່ນດິນໂລກ, ທັງບໍ່ມີວັນທີ່ຈະຮູ້, ຈົນກວ່າເຂົາມາຢູ່ຕໍ່ໜ້າເຮົາໃນ ຂການພິພາກສາ.
34 ພວກເຈົ້າຈົ່ງເຊື່ອຟັງຖ້ອຍຄຳເຫລົ່ານີ້. ຈົ່ງເບິ່ງ, ເຮົາຄືພຣະເຢຊູຄຣິດ, ກພຣະຜູ້ຊ່ວຍໃຫ້ລອດຂອງໂລກ. ຈົ່ງ ຂສະສົມເລື່ອງເຫລົ່ານີ້ໄວ້ໃນໃຈຂອງພວກເຈົ້າ, ແລະ ໃຫ້ ຄຄວາມນອບນ້ອມແຫ່ງຊົ່ວນິລັນດອນ ງຢູ່ໃນ ຈຈິດໃຈຂອງພວກເຈົ້າ.
35 ຈົ່ງ ກມີສະຕິ. ຈົ່ງຮັກສາບັນຍັດທັງໝົດຂອງເຮົາ. ແມ່ນເປັນດັ່ງນັ້ນ. ອາແມນ.