Vaega 43

Faaaliga na tuuina mai e ala mai ia Iosefa Samita le Perofeta, i Katelani, Ohaio, ia Fepuari 1831 (History of the Church, 1:154–156). O le taimi lea sa faavevesi ai ni isi o tagata o le Ekalesia e ni tagata sa latou faia ni tala sese fai mai o i latou o ni talifaaaliga. Sa ole atu le Perofeta i le Alii ma maua mai ai le fesootaiga lenei sa tuu mai i toeaina o le Ekalesia. O le vaega muamua e faatatau i mataupu o le pulega; o le vaega mulimuli o loo i ai se lapataiga ia tuu atu e toeaina i atunuu o le lalolagi.

1–7, O faaaliga ma poloaiga e nao lē ua tofia e ala mai ai; 8–14, E faapaiaina le Au Paia i le amio ma le paia atoatoa i luma o le Alii; 15–22, Ua auina atu toeaina e alaga atu le salamo ma saunia tagata mo le aso tele o le Alii; 23–28, E fetalai mai le Alii i tagata e ala mai i lona lava siufofoga ma ala mai i mea tutupu o le natura; 29–35, O le a oo mai le Meleniuma ma le saisaitiaina o Satani.

 Faalogo mai ia, outou toeaina o laʼu ekalesia, ma uai mai taliga i upu o le a Ou tautala atu ai ia te outou.

 Aua faauta, e moni, e moni, Ou te fai atu ia te outou, ua outou maua se poloaiga mo se atulafono i laʼu ekalesia, e ala atu ia te ia o lē na Ou tofi atu ia te outou na te mauaina epoloaiga ma faaaliga mai loʼu lima.

 Ma o le mea lenei ia outou iloa ma le mautinoa—e leai se isi e ese mai ua tofia atu ia te outou na te mauaina poloaiga ma faaaliga seia oo ina aveesea o ia, pe afai e amau o ia ia te aʼu.

 Ae e moni, e moni, Ou te fai atu ia te outou, e aleai se isi e ese mai e tofia i lenei meaalofa vagana ai ua ala mai ia te ia; aua afai e aveesea mai ia te ia, o le a leai se mana e ia te ia nao le tofia o se isi tagata i lona tulaga.

 Ma ia avea lenei mea o se tulafono ia te outou, ia outou lē taliaina aoaoga a soo se tasi e sau i o outou luma, o ni faaaliga po o ni poloaiga;

 Ma ua Ou tuu atu ia te outou lenei mea ina ia lē afaaseseina outou, ina ia outou iloa ua lē mai ia te aʼu i latou.

 Aua e moni Ou te fai atu ia te outou, o ia o lē ua Ou afaauuina, e sau i totonu e ala mai i le efaitotoa ma faauuina e pei ona Ou taʼu atu muamua ia te outou, e aoao atu faaaliga na ua outou mauaina ma o le a outou mauaina e ala atu ia te ia o lē ua Ou tofia.

 Ma o lenei, faauta, Ou te tuu atu ia te outou se poloaiga, a outou faapotopoto faatasi, ia outou aaoao ma faagaeetia le tasi i le isi, ina ia outou iloa le ala tou te faia ma taitai ai laʼu ekalesia, le ala tou te faia ai e faatatau i matautu o laʼu tulafono ma poloaiga, ia ua uma ona Ou tuu atu.

 Ma o le a faapea ona aoaoina ai outou i le tulafono o laʼu ekalesia, ma afaapaiaina ai i mea na ua outou mauaina, ma ia outou fusia faatasi ai outou lava ia outou faia ma le paia atoatoa i oʼu luma—

 10 Ina o le tulaga e oo i ai la outou faia o lenei mea, o le a afaaopoopo ai le mamalu i le malo ua outou maua. O le tulaga e oo i ai la outou lē faia, o le a eʼaveesea ai, e oo lava i mea ua outou maua.

 11 Ia outou faamama ese i fafo le aamioletonu ua i ai i totonu o outou; ia outou faapaia outou lava i oʼu luma;

 12 Ma afai tou te mananao i mamalu o le malo, ia outou tofia laʼu auauna o Iosefa Samita, Laitiiti, ma alagolago o ia i oʼu luma e ala i le tatalo o le faatuatua.

 13 O lenei foi, Ou te fai atu ia te outou, afai tou te mananao i amealilo o le malo, tuu atu ia te ia meaai ma ofu, ma soo se mea e manaomia e ia e faataunuu ai le galuega ua Ou poloaiina ai o ia;

 14 Ma afai tou te lē faia o le a tumau pea o ia ia te i latou o e ua latou taliaina o ia, ina ia mafai ona Ou faasaoina mo aʼu lava se nuu amama i oʼu luma.

 15 Ou te toe fai atu, faalogo mai ia outou toeaina o laʼu ekalesia, o e ua Ou tofia: Ua lē auina atu outou ia aoaoina, ae ia aaoao atu i le fanauga a tagata mea ua Ou tuu atu i o outou lima e ala i le mana o loʼu eAgaga;

 16 Ma o le a aaoaoina outou mai luga. Ia outou efaapaia outou lava ma o le a ifaaeeina outou ma le mana, ina ia mafai ona outou avatu e pei lava ona Ou tautala atu ai.

 17 Ia outou faalogo mai, aua, faauta, ua lata mai ona oo mai le aaso etele o le Alii.

 18 Aua e oo mai le aso o le a tulei mai ai e le Alii lona asiufofoga mai le lagi; o le a eluluina le lagi ma o le a igatete le lalolagi, ma o le a umi ma leotele le iliga o le opu a le Atua, ma o le a fai atu i atunuu momoe: Outou le au paia e ia ututulai mai ia ma ola; outou e ua agasala ia fnonofo ma gmomoe pea seia Ou toe valaau atu.

 19 O le mea lea ia fusi i o outou sulugatiti neʼi maua outou i totonu o e ua amioleaga.

 20 Sii i luga o outou leo ma lē taofia. Valaau atu i atunuu ia salamo, o e matutua ma e talavou, o e pologa ma e saoloto, ia fai atu: Ia outou saunia outou lava mo le aso tele o le Alii;

 21 Aua afai e sii aʼe e aʼu, o se tagata, loʼu leo i luga ma valaau atu ia te outou ia salamo, ae outou inoino mai ia te aʼu, o le a se mea tou te fai mai pe a oo mai le aso o le a faataalilili mai ai e afaititili o latou leo mai tuluiga o le lalolagi, e tautala mai i taliga o e uma e ola, fai mai—Ia salamo, ma sauni mo le aso tele o le Alii?

 22 Ioe, o lenei foi, pe a feemo ane uila mai sasaʼe i sisifo, ma lologo atu o latou leo i e uma e ola, ma faia ia ī taliga o e uma e faalogoina, ma fai atu upu nei—Ia outou salamo, ona ua oo mai le aso tele o le Alii?

 23 O lenei foi, o le a tulei mai e le Alii lona siufofoga i fafo mai le lagi, fai mai: Faalogo mai ia, outou e atunuu o le lalolagi, ma faalogo mai i fetalaiga a le Atua lena o lē na faia outou.

 24 E, outou e atunuu o le lalolagi, ua faafia ona po ua Ou faapotopotoina faatasi o outou e pei ona ofaofatai e se amatuamoa lana toloai i lalo o ona apaau, ae outou e mananao i ai!

 25 Ua faafia ona Ou avalaau atu ia te outou e ala i fofoga o aʼu eauauna, ma i iauaunaga a agelu, ma i loʼu lava leo, ma i le leo o faititili, ma i le leo o uila, ma i le leo o afā, ma i le leo o mafuie, ma uatoʼa tetele, ma i le leo o ooge ma ituaiga o faamai eseese, ma i le leo tele o se pu, ma i le leo o le faamasinoga, ma i le leo o le ualofa mutimutivale i le aso atoa, ma i le leo o le viiga ma le mamalu ma oa o le ola e faavavau, ma po ua Ou faaolaina outou i le folataga e faavavau, ae outou lē mananao i ai!

 26 Faauta, ua oo mai le aso, ua tumu ai le ipu o le sauā o loʼu ita.

 27 Faauta, e moni Ou te fai atu ia te outou, o afioga nei a le Alii lo outou Atua.

 28 O le mea lea, ia outou galulue, ia outou agalulue i loʼu tovine mo le taimi mulimuli—valaau atu i e o nonofo i le lalolagi mo le taimi mulimuli.

 29 Aua o le a Ou aalu atu i loʼu lava taimi e tatau ai i luga o le lalolagi i le faamasinoga, ma o le a togiolaina loʼu nuu ma o le a nonofotupu faatasi ma aʼu i luga o le lalolagi.

 30 Aua o le a oo mai le aMeleniuma tele, lea na Ou fai atu ai e ala i fofoga o aʼu auauna.

 31 Aua o le a anoatia eSatani, ma a toe tatalaina o ia, o le a nofotupu o ia mo nao se vaitau iitiiti, ona oo mai ai lea o le oiuga o le lalolagi.

 32 Ma o ia o lē e ola i le aamiotonu o le a eliua e pei o le emo o se mata, ma o le a mavae atu le lalolagi e peiseai o se afi.

 33 Ma o e e amioleaga o le a o ese atu i le aafi e lē matineia, ma o lo latou iuga e leai se tasi i luga o le lalolagi ua iloaina, pe na te iloaina lava, seia latou o mai i oʼu luma i le efaamasinoga.

 34 Ia outou faalogo mai i nei upu. Faauta, o Aʼu o Iesu Keriso, o le aFaaola o le lalolagi. Ia eteu i o outou loto nei mea, ma ia tuu le itulaga-mamalu o le faavavau ia omau i luga o o outou umafaufau.

 35 Ia afaamamalu. Tausi i au poloaiga uma. Ia faapea lava. Amene.