Dagiti Nasantuan a Kasuratan
Doktrina ken Katulagan 43


Benneg 43

Paltiing a naited babaen ni Joseph Smith a Propeta, iti Kirtland, Ohio, idi Pebrero 1831 (History of the Church, 1:154–156). Iti daytoy a panawen sumagmamano a kameng ti Simbaan ti rirriribuken dagiti tao nga agkunkuna a mammaltiingda. Nagdamag ti Propeta iti Apo ket naawatna daytoy a surat a naiturong kadagiti elder ti Simbaan. Maipapan ti umuna a paset kadagiti banag ti pannakaiwardas ti Simbaan; linaon ti naud-udi a paset ti ballaag nga ited dagiti elder kadagiti pagilian iti daga.

1–7, Dumteng laeng dagiti paltiing ken bilin babaen ti maysa a natudingan; 8–14, Mapasanto dagiti Santo babaen ti nasantuan a panagtignayda iti imatang ti Apo; 15–22, Naibaon dagiti elder a mangyararaw iti panagbabawi ken mangisagana kadagiti tao iti naindaklan nga aldaw ti Apo; 23–28, Awagan ti Apo dagiti tao babaen ti timekna ken babaen dagiti bileg ti nakaparsuaan; 29–35, Dumtengto ti Millennium ken ti pannakaigalut ni Satanas.

1 O imdenganyo, dakayo nga elder ti simbaanko, ket denggenyo dagiti balikas nga ibagak kadakayo.

2 Ta adtoy, pudno, pudno, kunak kadakayo, a naawatyon ti bilin a para iti apaglintegan ti simbaanko, babaen kenkuana a tinudingak kadakayo a mangawat kadagiti bbilin ken paltiing manipud iti imak.

3 Ket maipanamnama a maammuanyonto daytoy—nga awan ti sabali a natudingan kadakayo nga umawat kadagiti bilin ken paltiing agingga a maala, no aagtungpal kaniak.

4 Ngem pudno, pudno, kunak kadakayo, nga aawan ti sabali a matudingan iti daytoy a sagut malaksid no babaen kenkuana; ta no maala manipud kenkuana awanto ti bilegna malaksid ti panangtudingna iti sabali a mangisaup kenkuana.

5 Ket daytoy ti paglintegan kadakayo, a diyo awaten dagiti pannursuro ti asino man nga umasideg kadakayo a kas kadagiti paltiing ken bilin;

6 Ket itedko daytoy kadakayo tapno saankayo a amaallilaw, tapno maammuanyo dagiti saan a naggapu kaniak.

7 Ta pudno kunak kadakayo, ta isu nga ainordenak sumrekto iti bruangan ket maordenanto a kas iti imbagak idi kadakayo, a mangisuro kadagiti paltiing nga inawatyo ken awatenyonto babaen kenkuana a tinudingak.

8 Ket ita, adtoy, itedko kadakayo ti bilin, a no aguummongkayo a sangsangkamaysa aiwanwan ken itandudoyo ti tunggal maysa, tapno maammuanyo no kasano ti panagtignayyo ken panangiwanwanyo iti simbaanko, no kasano ti panagtignayyo a maibatay kadagiti alagaden ti paglintegan ken bilinko, a naitedkon.

9 Ket kasta ti pannakaiwanwanyo iti paglintegan ti simbaanko, ket amapasantokayo iti inawatyo, ket ikumityo ti bagbagiyo nga agtignay a nasantuan iti imatangko—

10 A no la ketdi aramidenyo daytoy, amainayonto ti gloria iti pagarian a naawatyon. No diyo aramiden daytoy, bmaibabawinto daytoy, uray pay dayta naawatyon.

11 Ikkatenyo ti akinamanagbasol nga adda kadakayo; pasantuenyo ti bagbagiyo iti imatangko;

12 Ket no tarigagayanyo dagiti gloria iti pagarian, tudinganyo ti katulongak a ni Joseph Smith, Jun., ket aitandudoyo iti imatangko babaen ti kararag ti pammati.

13 Ket manen, kunak kadakayo, a no tarigagayanyo dagiti adatdatlag iti pagarian, ikkanyo iti taraon ken aruaten, ken ania man a banag a kasapulanna iti panangipatungpalna iti imbilinko kenkuana;

14 Ket no diyo aramiden agtalinaed kadakuada a nangawat kenkuana, tapno maisaganaak ti bagik kadagiti anatarnaw a tao iti imatangko.

15 Kunak manen, imdenganyo dakayo nga elder ti simbaanko, a tinudingak: Saankayo a naibaon tapno pasursuruan, ngem tapno amangisuro kadagiti annak ti tattao iti bambanag nga impaimak kadakayo babaen ti bileg ti bEspirituk;

16 Ket amaisurokayo manipud iti ngato. bPasantuenyo ti bagbagiyo ket cmatalugadingankayo iti bileg, tapno maitedyo ti kas iti imbagak kadakayo.

17 Imdenganyo, ta, adtoy, asidegen ti anaindaklan nga baldaw ti Apo.

18 Ta dumteng ti aldaw a yebkasto ti Apo ti atimekna manipud iti langit; bagkintayegto ti langit ken cagarigenggento ti daga, ket umawengto ti dtrumpeta ti Dios iti atiddog ken napigsa, ket kunananto kadagiti matmaturog a pagilian: eBumangon ken agbiagkayo a sasanto; fagtalinaedkayo a managbasol ken gmaturogkayo agingga nga umawagakto manen.

19 Gapuna patibkerenyo dagiti lomoyo di la ket mamin-ano ta mairamankayo kadagiti nadangkes.

20 Agtimekkayo iti napigsa ket dikayo agpangngadua. Awaganyo dagiti pagilian nga agbabawida, nataengan man wenno ubbing, sibabalud man wenno siwawaya, a kunayo: Isaganayo ti bagbagiyo para iti naindaklan nga aldaw ti Apo;

21 Ta no siak, a maysa a tao, agtimekak iti napigsa ket awagankayo nga agbabawi, ket kaguradak, anianto ti kunayo no dumteng ti aldaw a gumluong dagiti agurruod iti amin a suli ti daga, a makisao kadagiti amin a sibibiag, a kunana—Agbabawikayo, ket agsaganakayo para iti naindaklan nga aldaw ti Apo?

22 Wen, ket manen, inton maisaplit dagiti kimat manipud iti daya nga agpalaud, ket manabsiit ti timekda kadagiti amin a sibibiag, ken mangtitileng kadagiti lapayag dagiti makangngeg, a mangibaga kadagitoy a balikas—Agbabawikayo, ta dumtengen ti naindaklan nga aldaw ti Apo?

23 Ket manen, yebkasto ti Apo ti timekna manipud iti langit, nga agkuna: Imdenganyo, O dakayo a pagilian iti daga, ket denggenyo dagiti balikas dayta Dios a nangparsua kadakayo.

24 O, dakayo a pagilian iti daga, kasano ti kasansan ti panangummongko kadakayo a sangsangkamaysa a kas iti panangummong ti apamusian kadagiti piekna iti sirok ti payakna, ngem dakayo bsaan!

25 Kasano ti kasansan ti apanangawagko kadakayo babaen ti ngiwat dagiti bkatulongak, ken ti cpanagserserbi dagiti anghel, ken ti timekko a mismo, ken ti dulluog dagiti gurruod, ken dagiti manabsiit a kimat, ken ti banesbes dagiti bagyo, ken ti dalagudog dagiti ginggined, ken dagiti napigsa a tudo ti uraro, ken ti asug dagiti dgawat ken angol iti tunggal kita, ken ti napigsa nga aweng ti trumpeta, ken babaen ti timek ti pangngeddeng, ken babaen ti timek ti epanangngaasi iti agmalmalem, ken babaen ti timek ti kinadayag ken dayaw ken dagiti kinabaknang ti agnanayon a biag, ket maisalakankayo iti fawan inggana a pannakaisalakan, ngem dakayo saan!

26 Adtoy, dimtengen ti aldaw, a napnon ti kopa ti pungtot iti gurak.

27 Adtoy, pudno kunak kadakayo, a dagitoy ti balikas ti Apo a Diosyo.

28 Gapuna, agtrabahokayo, aagtrabahokayo iti bangkagko iti maudi a gundaway—iti maudi a gundaway awaganyo dagiti agindeg iti daga.

29 Ta iti naikeddeng a panawenko aumayakto iti daga a mangukom, ket masubbotto dagiti taok ket agturaydanto iti daga a kaduak ida.

30 Ta ti naindaklan a aMillennium, a nasaok babaen ti ngiwat dagiti katulongak, umayto.

31 Ta amaigalutto ni bSatanas, ket inton makaruk-at manen agturayto laeng iti cababa a panawen, sa kalpasanna dumtengton ti dpanungpalan ti daga.

32 Ket isu nga agbibiag iti akinalinteg bagbalbaliwto iti apagkirem, ket mapukawto ti daga a kasla lamuten ti apuy.

33 Ket pumanawto dagiti nadangkes nga agturong iti di maiddep nga aapuy, ket awan ti tao a makaammo iti paggibusanda iti daga, wenno makaammonto, agingga nga umayda kaniak a bmaukom.

34 Imdenganyo dagitoy a balikas. Adtoy, Siak ni Jesucristo, ti aMangisalakan iti lubong. bItalimengyo dagitoy a banag iti puspusoyo, ket cpagtalinaedenyo iti dpanunotyo dagiti ekinangayed ti agnanayon.

35 aAgparbengkayo. Tungpalenyo ti amin a bilinko. Pudno a kasta. Amen.