Benneg 44
Paltiing a naited kada Joseph Smith a Propeta ken Sidney Rigdon, iti Kirtland, Ohio, idi arinunos ti Pebrero 1831 (History of the Church, 1:157). Iti pannakasurot kadagiti kasapulan a naikabil ditoy, nangituding ti Simbaan iti taripnong a maangay iti umuna a paset ti sumuno a Hunio.
1–3, Nasken nga aguummong dagiti elder iti taripnong, 4–6, Nasken a maurnosda a maibatay kadagiti paglintegan ti daga ken mataripatoda dagiti nakurapay.
1 Adtoy, kasta ti kuna ti Apo kadakayo a katulongak, nasken iti panagkunak nga aguummong dagiti elder ti simbaanko, manipud iti daya ken iti laud, ken manipud iti amianan ken iti abagatan, babaen ti surat wenno ania man a wagas.
2 Ket mapasamakto, a no la ketdi napudnoda, ken aramatenda ti pammatida kaniak, ibukbokkonto ti aEspirituk kadakuada iti aldaw a panaguummongda a sangsangkamaysa.
3 Ket mapasamakto a mapandanto kadagiti disso iti aglawlaw, ket aikasabada ti panagbabawi kadagiti tao.
4 Ket adunto ti amapasurot, no la ketdi ta makagun-oddanto iti bileg a mangurnos iti bagbagida a bmaibatay kadagiti paglintegan ti tao;
5 Tapno saandakayo a marimbawan dagiti akabusoryo; tapno mataginayonkayo iti amin a banag; tapno kabaelanyo a tungpalen dagiti paglintegak; tapno mapekka amin a begkes a gandaten ti kabusor a mangdadael kadagiti taok.
6 Adtoy, kunak kadakayo, a nasken a asarungkaranyo dagiti nakurapay ken makasapul ket ipaayyo ti kasapulanda, tapno mataginayonda agingga a maiwakas ti amin a maibatay iti paglintegak nga inawatyo. Amen.